News

POST TYPE

YOUTH

လူငယ်၊ ဆိုရှယ်မီဒီယာနှင့် စမတ်ဖုန်းအသုံးပြုမှု
02-Jul-2017 tagged as Facebook


ဆိုမီဒီယာနှင့် စမတ်ဖုန်းများကို နေရာအနှံ့ လက်ညှိုးထိုးမလွဲ ကြုံတွေ့နေကြရပြီဖြစ်သည်။ ယနေ့ လူ့ဘောင်တွင် နေ့စဉ် အလွှမ်းမိုးဆုံးသော အရာကိုပြပါဆိုလျှင် ယင်းတို့ကိုသာ ပြရမည် ဖြစ်သည်။ 

အမေရိကန် သမ္မတတွေလည်း ဆိုရှယ်မီဒီယာပေါ်တက်ပြီး သူတို့ ခံစားချက်တွေကို ဖော်ထုတ်နေကြသည့်ဘဝတွေ ရောက်လာပြီ။ သူတို့တွင်လည်း ဆိုရှယ်မီဒီယာပေါ်တွင် သန်းပေါင်းများစွာသော မိတ်ဆွေတွေ အများအပြားနှင့်အတူ နေထိုင် ကျင်လည်နေရသည့် ဘဝကို ရောက်လာကြသည်။ ဆယ်လီတွေလည်း သန်းပေါင်း များစွာသော နောက်လိုက် (Follower) နှင့် ပျော်မွေ့လာကြသည်။ နိုင်ငံရေး၊ လူမှုရေး၊ စီးပွားရေး၊ အကျိုးအမြတ် မရှိသော လူမှုရေး လှုပ်ရှားမှုများ အားလုံး ဆိုရှယ်မီဒီယာကို ဗျူဟာတစ်ခု အနေနှင့် မဖြစ်မနေ သုံးစွဲလာကြရသည်။ ဆိုရှယ်မီဒီယာကို သူတို့ ခံစားချက်တွေ တင်ကြသည်။ ဆိုရှယ်မီဒီယာကို အသုံးချပြီး ကျော်ကြား အောင်မြင်မှုတွေကို ရယူအမြတ် ထုတ်သွားကြသည်။ ဆိုရှယ်မီဒီယာကြောင့် ဟုန်းခနဲ ထတောက်သွားသူတွေလည်း မနည်းအောင်ပင် ဖြစ်လာခဲ့သည်။

ဆိုရှယ်မီဒီယာ ဆိုသည်မှာ အဘယ်နည်း။ မည်မျှ အစွမ်းထက်နေရသနည်း။ အဘယ်ကြောင့် စမတ်ဖုန်းများကတစ်ဆင့် လူငယ်များ အသည်းအသန် အကြိုက်ဆုံး၊ အနှစ်သက်ဆုံး နေရာတစ်နေရာ၊ ခိုလှုံရာ ဖြစ်လာရသနည်း။

ဆိုရှယ်မီဒီယာက လူငယ်တွေကို ဖျက်ဆီးနေသလား၊ အကျိုးပြုနေသလား၊ ဖျက်ဆီးနေသည်ဆိုလျှင် အဘယ်ကြောင့် လက်ခံထားရသနည်း။ အကျိုးရှိသည်ဆိုလျှင်လည်း မည်သို့ အကျိုးရှိအောင် အသုံးပြုနေကြသနည်း။ လူကြီးမိဘများ၊ ဆရာများ၊ ပညာရှင်များ ပြောနေသလို ဆိုရှယ်မီဒီယာက လူငယ်တွေကို ဖျက်ဆီးနေပြီဆိုခြင်းမှာ အမှန်လား၊ ပြန်လည် ဆန်းစစ်ရန်လိုပါသည်။ 

ဆိုရှယ်မီဒီယာက လူငယ်တွေအပေါ် သက်ရောက်လွှမ်းမိုးမှု များစွာရှိနေသည်ဆိုလျှင် အဘယ်ကြောင့် အကျိုးရှိစေရန် လုပ်ဆောင် မပေးနိုင်ကြသနည်း။

ခေတ်သစ်သည် လူငယ်နှင့် စမတ်ဖုန်းဆိုသည်ကို ခွဲခြားပြီး ရှုမြင်ရန် မဖြစ်နိုင်သည့်ကာလ ဖြစ်လာသည်။ ၂၀၁၅ ခုနှစ် Pew Research Center Report တွင် ကမ္ဘာ့လူငယ် သုံးပုံတစ်ပုံသည် စမတ်ဖုန်းများကို အသုံးပြုနေကြကြောင်း ဖော်ပြထားသည်။ လူငယ် ၉၂ ရာခိုင်နှုန်းခန့်သည် အွန်လိုင်းပေါ်တွင် နေ့စဉ် ရှိနေသည်။ အသက် ၈ နှစ်မှ ၁၈ နှစ်အရွယ် လူငယ်လေးများသည် တစ်နေ့လျှင် ဆိုရှယ်မီဒီယာများထဲတွင် ၇ နာရီခန့်အထိ ပျမ်းမျှ နေထိုင်နေကြကြောင်း သိရသည်။

အွန်လိုင်းနှင့် ဆိုရှယ်မီဒီယာကို အသုံးပြုနှုန်းများသည် ပေါက်ကွဲလာပြီ ဖြစ်သောကြောင့် မိဘများ၊ ဆရာများ၊ ကျန်းမာရေးဌာနမှ ပုဂ္ဂိုလ်များ ထိတ်လန့်လာပြီး ဝေဖန်ပြစ်တင်မှုများကို စိုးရိမ်စိတ်ဖြင့် ပြုလာကြတော့သည်။ လူငယ်များ စမတ်ဖုန်း စွဲလမ်းမှုနှင့်အတူ အထီးကျန်ခြင်း၊ အတ္တကြီးခြင်း၊ အွန်လိုင်း ခြိမ်းခြောက်ခြင်း၊ လိင်ပိုင်းဆိုင်ရာ စော်ကားခံရခြင်း၊ ဖိအားအပေးခံရခြင်း၊ မတော်မလျော် စော်ကားခံရခြင်းများကို စိုးရိမ်စိတ်များဖြင့် ပြောဆို ဝေဖန်လာကြသည်။ မတော်မလျော်ပုံများကို ဝေဖန်ကြသည်။ မအိပ်နိုင် မစားနိုင် ဖြစ်လာမှုများကို အပြစ်တင်ကြသည်။ လူငယ်များ စိတ်ဓာတ်တွေ အဆိုးမြင်စိတ်များ ကိန်းအောင်းနေပြီဟု ဝေဖန်ကြသည်။ ဦးနှောက် ပျက်စီးကုန်ပြီဟုလည်း ဆိုကြသည်။ 

မည်သို့ဆိုစေ လူကြီးများ၏အသံက တရားဝင် အသံဖြစ်နေသည်။ သူတို့ အပြောကြောင့် ဆိုရှယ်မီဒီယာနှင့် စမတ်ဖုန်း အသုံးပြုမှုများမှာ ကြောက်စရာကောင်းဖွယ်ဖြစ်လာသည်။ လူကြီးတွေ စေတနာဖြင့် နိုးကြားလာကြသည်မှာ ကောင်းပါသည်။ သို့သော် မရှောင်လွှဲနိုင်သည့်ကိစ္စကို မည်သို့ ဘေးကင်းလုံခြုံအောင် ဆောင်ရွက်ကြမည်၊ အကန့်အသတ်ဖြင့် သုံးစွဲစေမည်၊ အကျိုးရှိစွာ သုံးစွဲစေနိုင်စေရန် မည်သို့ လုပ်ဆောင်ကြမည်ဆိုသည့် အကောင်းမြင်စိတ်ဖြင့် အကြံပြုသူများကနည်းပြီး အဆိုးမြင်စိတ်ဖြင့် ပိတ်ပင်တားဆီးရန် ပြောဆိုသူတွေ၏ အသံကသာ ရှေ့တန်းကို ရောက်လာသည်။ 

ကျောင်းတွေက နည်းပညာ ကင်းမဲ့ဇုန် (Tech-Free Zones) များကိုပင် ထူထောင်နေကြသည်။ ဆိုရှယ်မီဒီယာများပေါ်တွင်လည်း မိဘများအား စမတ်ဖုန်းများကို မည်သို့ အသုံးမပြုနိုင်အောင်၊ ပိတ်ပင်နိုင်အောင် လုပ်ဆောင်နည်းများကိုပင် နည်းပေးလမ်းပြ လုပ်နေကြသည်။ 

စမတ်ဖုန်းများဖြင့် ဆက်သွယ်နိုင်သောနည်း၊ ကျောင်းသင်ခန်းစာ ဆော့ဖ်ဝဲများကို အသုံးပြုနည်း၊ ကျောင်းသင်ခန်းစာများကို အထောက်အကူ ပြုနိုင်သည့်စာများ၊ ပုံများ၊ ဗီဒီယိုများ ရှိနေသော်လည်း ဂိမ်းကစားမှာ စိုးရိမ်သောကြောင့်၊ Facebook မသုံးစေချင်သောကြောင့် စသည့် အကြောင်းပြချက်များနှင့် အသုံးပြုခွင့် မပေးဆိုလျှင် တရားပါမည်လော။ အကောင်းမြင်စိတ်ဖြင့် ပြန်လည် သုံးသပ်ရန် လိုပါသည်။ 

Common Sense Media ၏ အစီရင်ခံစာ တွင် ၆၉ ရာခိုင်နှုန်းသော လူငယ်များသည် ဆိုရှယ်မီဒီယာကို အသုံးပြုခြင်းကြောင့် ကျောင်းသင်ခန်းစာများ လေ့လာသင်ယူရာ၌ ပိုမို ကောင်းမွန်လာကြောင်း ဆိုထားသည်။ ၅၇ ရာခိုင်နှုန်းမှာ မိမိတို့အတွက် မိတ်ဆွေသစ်များ တိုးလာသောကြောင့် ပျော်ရွှင်ရပါသည်ဟုဆိုသည်။ Pew Research Center Study ကလည်း သူတို့ဘဝတွင် အခက်အခဲများကြောင့် လမ်းပိတ်နေချိန်၌ ဆိုရှယ်မီဒီယာက ထွက်ပေါက် တစ်ခုဖြစ်ခဲ့သည်ဟု ဆိုထားသည့် လူငယ် ၆၈ ရာခိုင် နှုန်းခန့်ရှိသည်။

ဆွံ့အနားမကြားသူများ၊ မသန်စွမ်းသူများ၊ ကျေးလက်နေလူငယ်များ၊ ရှက်ကြောက်တတ်သူများ၊ အများနှင့် ရောနှော မနေတတ်သူများကလည်း သူတို့ဘဝတွင် ဆိုရှယ်မီဒီယာကြောင့်သာ ဘဝတွင် သာယာပျော်ရွှင်ခဲ့ရပါသည်ဟု ပြောကြသည်။ ထိုသူ များဘက်က လူကြီးတွေဝင်ပြီး ကိုယ်ချင်းစာဖူးပါ သလား။

ဆိုရှယ်မီဒီယာကြောင့် လူငယ်များသည် အမြန်ဆုံး ဆက်သွယ်မိပြီး လူသား အကျိုးပြုလုပ်ငန်းများကို ပူးပေါင်း ဆောင်ရွက်ဖြစ်ကြသည်။ သဘာဝ ဘေးဒဏ် ကျရောက်နေသည့် ဒေသများကို အမြန်ဆုံး ရောက်အောင်သွားပြီး ကူညီနိုင်ခဲ့ကြသည်။ လူငယ် စိတ်ဓာတ်ဖြင့် ကူညီရိုင်းပင်းမှုများကို ဆောင်ရွက်နိုင်ခဲ့ကြသည်။ စေတနာ့ဝန်ထမ်း လုပ်ငန်းများနှင့် လူငယ်များတို့ကြားတွင် ဆိုရှယ်မီဒီယာက ကြားခံပေါင်းကူး တံတားဖြစ်နေသည်ကိုလည်း သတိပြုကြစေချင်သည်။ 

စမတ်ဖုန်းသည် စကားပြောခွင့် မရနိုင်သည့် မိဘနှင့်သားသမီးများကြားတွင် ကြားခံ အဆက်အသွယ် တစ်ခုလည်း ဖြစ်စေနိုင်ပါသည်။ ဖုန်းဆက်ပြီး မပြောချင်သည့်တိုင်၊ စာတိုလေးတစ်ကြောင်းလောက်က နွေးထွေးမှုကို ရစေနိုင်သည်။ မပြောချင်သည့်၊ မပြောဝံ့သည့်စကားတွေကို စာရိုက်ပို့နိုင်သည်။ ထို့ပြင် စိတ်ကျဝေဒနာ ခံစားနေရသူများအတွက် ဖြေသိမ့်အား ပေးနိုင်သည့် ပစ္စည်းတစ်ခုလည်း ဖြစ်သည်။ အားငယ်နေချိန်တွင် ကြားချင်သည့်အသံကို ကြားလိုက်ရခြင်းမှာ အားဆေးတစ်ခွက် ဖြစ်နိုင်သည်။ နိုင်ငံတကာတွင်လည်း စိတ်ပညာရှင်များနှင့် ဖုန်းဖြင့် ၂၄ နာရီ တွေ့ဆုံ အကြံပေးခြင်းများကို ရယူနိုင်ခြင်းကြောင့် အသက်ပေါင်း များစွာကို ကယ်တင်နိုင်နေကြသည်။ စိတ်ထဲတွင် မွန်းကျပ်မှုများကို အခံစားရဆုံး ကာလများတွင် ဖုန်းသည် ဖြေသိမ့်မှုတစ်ခု ဖြစ်စေသည်ကိုလည်း သတိပြုသင့်ပါသည်။

ခေတ်သစ်တွင် လူငယ်၊ ဆိုရှယ်မီဒီယာ၊ စမတ်ဖုန်းတို့၏ ဆက်နွှယ်မှုများကို ရှောင်လွှဲမရနိုင်ပါ။ အပျက်သဘော တွေးနေမည့်အစား အပြုသဘောဖြင့် အကောင်းမြင်စိတ်မွေးကာ ကြည့်ပေးရန် လိုပါလိမ့်မည်။

နည်းပညာများ တိုးတက်လာသည်။ အဆိုး အကောင်း ဒွန်တွဲနေမည်သာ ဖြစ်သည်။ မသုံးရဟု ပိတ်ပင်ထားလျှင် ခေတ်နောက်ကျသွားမည်မှန်း သိလျက်နှင့် တံခါးပိတ်ထားလိုက်လျှင် အသက်ရှူကျပ်မည်။ တံခါးဖွင့်ပေးလိုက်ပါ။ ဖုန်ဝင်ကောင်းဝင်မည်။ သို့သော် လေကောင်းလေသန့်ရမည်။ အလင်းရောင် ကောင်းစွာရမည်။ အမှောင်ထဲတွင် ချောင်ပိတ်ထားပါက ဖြစ်လာမည့်ဆိုးကျိုးက ပိုပြီး ကြောက်စရာ ကောင်းပါသည်။

E-01 (Ref: Youth Social Media and Smartphone Use: A Problem or Tool for Good?, Jake Murray)