News

POST TYPE

YOUTH

ဂူးဂဲလ်မှာ ပျော်နေကြသူများ
19-May-2018 tagged as



ဂူးဂဲလ် (Google) သည် အမေရိကန်ပြည်ထောင်စုရှိ ကမ္ဘာ့နိုင်ငံသားပေါင်းစုံ စုဝေးကာ ပျော်ရွှင်စွာဖြင့် လုပ်ငန်းတာဝန်များကို လုပ်ဆောင်နေကြသည့် နေရာတစ်နေရာဖြစ်သည်။ အင်တာနက်နှင့်ပတ်သက်ပြီး တစ်ကမ္ဘာလုံး၏ကြီးမားသော ဝန်ဆောင်မှုများကို လုပ်ဆောင်ပေးနေပြီး အွန်လိုင်းကြော်ငြာလုပ်ငန်း၊ အွန်လိုင်း Search Engine လုပ်ငန်း၊ Cloud Computing ခေါ် အွန်လိုင်းဒေတာများ သိမ်းဆည်းသိုလှောင်ပေးသည့်လုပ်ငန်း၊ ဆော့ဖ်ဝဲ၊ ဟာ့ဒ်ဝဲလုပ်ငန်းများကို လုပ်ဆောင်နေသည့် ကုမ္ပဏီကြီးတစ်ခုလည်း ဖြစ်သည်။ 

၁၉၈၈ ခုနှစ်တွင် လယ်ရီပိတ်နှင့် ဆာဂေးဘရင်းဆိုသူ လူငယ်နှစ်ဦးက စတင်ထူထောင်ထားခဲ့ပြီး ယခုအခါ အမေရိကန်ပြည်ထောင်စု၊ ကာလီဖိုးနီးယားပြည်နယ်၊ မောင်းတိန်းဗျူးအရပ်တွင် Googleplex ဆိုသည့် နည်းပညာရပ်ဝန်းကြီးတစ်ခုကို မြို့ကြီးတစ်ခုပမာ ထူထောင်ထားသည်။ 

ဂူးဂဲလ်တွင် ယခုအခါ ဝန်ထမ်းပေါင်း ၅၇,၁၀၀ ခန့်ရှိသည်ဟုဆိုသည်။ ထိုဝန်ထမ်း ၃၀ ရာခိုင်နှုန်းခန့်သည် အမျိုးသမီးဝန်ထမ်းများဖြစ်ပြီး ၇၀ ရာခိုင်နှုန်းမှာ အမျိုးသားများဖြစ်ကြသည်။ ဂူးဂဲလ်တွင် developer အဖြစ် တာဝန်ထမ်းဆောင်နေသူ ၁၀,၀၀၀ ခန့်ရှိပြီး ဌာနခွဲပေါင်း ၄၀ တွင် သူတို့တီထွင်မှုများကို လုပ်ဆောင်နေကြသည်။ ဂူးဂဲလ်တွင် ဝန်ထမ်းများခန့်အပ်ခြင်းကို ရာထူးအဆင့်ဆင့်ဖြင့် သတ်မှတ်ထားပြီး ဝန်ထမ်းအဆင့် ၆ ဆင့် ခွဲခြားသတ်မှတ်ထားသည်။ ဂူးဂဲလ်တွင် တာဝန်ထမ်းဆောင်ခွင့်ရရန် တစ်ကမ္ဘာလုံးရှိ လူငယ်များ စိတ်ကူးယဉ်ကြသည်။ အဘယ်ကြောင့်နည်း။

ဂူးဂဲလ်သည် သူတို့ဝန်ထမ်းတိုင်းကို အဆင့်အတန်းမြင့်မြင့်ဖြင့် ထားနိုင်အောင် စီစဉ်ပေးထားသည်။ ဂူးဂဲလ် ဌာနချုပ်တည်ရှိရာ နေရာကြီးကို Alphabet ဟုခေါ်ကြပြီး ၂၀၁၆ ခုနှစ်တွင် အမေရိက၏ အကောင်းဆုံးလုပ်ငန်းခွင်ကုမ္ပဏီ ၅၀ စာရင်းဝင်သည်။

PayScale  သုတေသနအဖွဲ့၏ စာရင်းပြုစုချက်အရ ၈၆ ရာခိုင်နှုန်းသော ဂူးဂဲလ်ဝန်ထမ်းများသည် သူတို့အလုပ် သူတို့ဌာနကို အလွန်တန်ဖိုးထား၊ လေးစားမြတ်နိုးကြသည်ဟုဆိုသည်။ ဂူးဂဲလ် အဘယ်ကြောင့် အောင်မြင်ရသနည်းဆိုသည့်အချက်ကို HR ဌာန အကြီးအကဲ လက်စ်ဇလိုဘော့က သူ၏ Work Rules! ဆိုသည့် စာအုပ်ထဲတွင် တီထွင်နိုင်ခွင့် အခွင့်အလမ်းများပေးထားခြင်း၊ လက်တွေ့စမ်းသပ်လုပ်ဆောင်ခွင့်များရခြင်းနှင့် ပျော်ပျော်ပါးပါး လုပ်ဆောင်နိုင်ခွင့် ရှိခြင်းများကြောင့်ဟု ဆိုထားသည်။

လွတ်လပ်မှုနှင့် ပျော်ရွှင်မှုက လူငယ်တွေကို လုပ်ဆောင်လိုစိတ်များပိုပြီးဖြစ်ပေါ်စေသည်။ ထို့ပြင် တစ်ဦးကိုတစ်ဦး အထောက်အကူများပေးရေး၊ အဖွဲ့လိုက်ပူးပေါင်းဆောင်ရွက်ရေးတို့ဖြင့် လုပ်ငန်းများကို အကောင်အထည်ဖော်ကြရသည်။ ထို့ကြောင့် ဂူးဂဲလ်ဝန်ထမ်းများသည် ပိုလည်းလုပ်နိုင်သည်၊ ပိုပြီးတော့လည်း ထုတ်လုပ်နိုင်သူများဖြစ်နေသည်။ 

Googleplex ဆိုသည့်ဒေသကြီးသည် မြို့တစ်မြို့လိုဖြစ်နေပြီး အလွန်ထူးခြားသည့် နည်းပညာရပ်ဝန်းကြီးတစ်ခုလည်း ဖြစ်နေသည်။ ဝန်ထမ်းပေါင်း ၆၄,၀၀၀ ခန့်ဖြင့် လှုပ်ရှားလည်ပတ်နေသည်။ ဝန်ထမ်းတိုင်းအတွက် ကျန်းမာရေး ဝန်ဆောင်မှုအခမဲ့ပေးသည်။ အစားကောင်းများကို အခမဲ့ကျွေးသည်။ အဝတ်အစားလျှော်ဖွပ်ခြင်း၊ ကျန်းမာရေးအတွက် လေ့ကျင့်ခြင်းအားလုံးလည်း အခမဲ့ဖြစ်သည်။ မိသားစုအရေးကိစ္စတစ်ခုခုဖြစ်လာလျှင် ခွင့်ကိုလည်း ရက်ရောစွာပေးသည်။ ကလေးစောင့်ရှောက်ရေးဂေဟာတစ်ခုကိုပင် နည်းပညာရပ်ဝန်းကြီးထဲတွင် ဖွင့်ပေးထားသည်။ ဝန်ထမ်းသားသမီးများကို အခမဲ့စောင့်ရှောက်ပေးသည်။

ဂူးဂဲလ်စနစ်က ကိုယ်တိုင်ပညာရပ်တစ်ခုခုတွင် ဆရာဖြစ်အောင်လုပ်စေခြင်းဖြစ်သည်။ အဖွဲ့လိုက် ပူးပေါင်းဆောင်ရွက်ရင်းက ဆရာကျလာလျှင် ကိုယ့်ပညာကို အခြားလူသစ်တန်းများအား မျှဝေပေးပြီး ကိုယ်တိုင်က ဆရာဘဝကို ခံယူစေခြင်းဖြစ်သည်။ စီနီယာတွေက အဆင့်ဆင့် ဂျူနီယာများကို စောင့်ရှောက်ပေးသွားခိုင်းသည်။

ဂူးဂဲလ်တွင် လုပ်ကိုင်နေကြသူ ၇၃ ရာခိုင်နှုန်းသည် မိမိတို့လုပ်ငန်းများကို အဓိပ္ပာယ်ရှိသည့် လုပ်ငန်းများအဖြစ် စိတ်ပါလက်ပါ သတ်မှတ်လုပ်ကိုင်နေသူများ ဖြစ်ကြသည်။ ကုမ္ပဏီဆောင်ပုဒ်က ကမ္ဘာ့သတင်းအချက်အလက်များကို စုဆောင်းပါ၊ အသုံးတည့်အောင် ပြန်ဖြန့်ပေးပါဖြစ်သည်။ ထိုသဘောတရားအတိုင်း လုပ်ဆောင်နေသည်။ သူတို့၏ စုဆောင်းပါ၊ ပြန်ဖြန့်ပါဆိုသည့် သဘောတရားသည် ကုမ္ပဏီ၏ ကျင့်ဝတ်တစ်ခုကဲ့သို့ ဆောင်ရွက်ကာ လိုက်နာစောင့်ထိန်းနေကြခြင်းဖြစ်သည်။ 

ဂူးဂဲလ်ရပ်ဝန်းကြီးတစ်ခုလုံးအတွင်း မည်သည့်နေရာတွင်မဆို Wi-Fi ကို အခမဲ့သုံးနိုင်သည်။ ဝန်ထမ်းတိုင်း ကြိုက်သည့်နေရာတွင် လုပ်ကိုင်နိုင်သည်။ သို့သော် ၂၈ ရာခိုင်နှုန်းခန့်သည် အိမ်နှင့်လမ်းတွင် လုပ်လာကြသည်လည်းရှိသည်။ သူတို့က ဘယ်မှာလုပ်ပါဟု မကန့်သတ်ထား။ သူတို့သတ်မှတ်ထားသည့်နေရာလည်း ရှိချင်မှရှိသည်။ ပြီးအောင်လုပ်လာပြီး သက်ဆိုင်ရာကိုတင်ပြနိုင်ရန်သာ ကြိုးစားသည်။ ကွန်ပျူတာ လက်ပ်တော့တစ်လုံးနှင့် ဧည့်ခန်းထဲလုပ်ချင်လည်း လုပ်နေမည်၊ ပန်းခြံထဲထိုင်လုပ်ချင်လည်း လုပ်နေမည်။ သူတို့ဘဝတွေက လွတ်လပ်သည်။ လွတ်လပ်မှုကသာ လွတ်လပ်သော အတွေးအမြင်သစ်များကို ဖန်တီးနိုင်သည်ဟု သူတို့ လက်ခံယုံကြည်ကြသည်။

ဂူးဂဲလ်တွင် အစဉ်အလာ ရုံးဓလေ့ထုံးစံတွေမရှိ။ သူတို့၏ ရပ်ဝန်းဖြစ်သည့် Googleplex သည် လူကြီးကစားကွင်းကြီးတစ်ခုအဖြစ်လည်း တင်စားကြသည်။ အလုပ် သို့မဟုတ် ရုံးနှင့်မတူအောင် နေထိုင်ကြိုးစားကြခြင်းက ထူးခြားသည်ဟုဆိုရမည်။ ဂူးဂဲလ် အောင်မြင်မှုသည် ထိုသို့ မတူညီသည့်ပုံစံများဖြင့် စီမံအုပ်ချုပ်နိုင်ခြင်းကြောင့်လည်း ပါသည်။ ဂူးဂဲလ်တွင် တစ်ယောက်ချင်းလည်း လုပ်နေတာတွေ့ရမည်။ သို့သော် မကြာမီ အဖွဲ့လိုက်ပေါင်းပြီး တင်ပြရမည်။ အဖွဲ့လိုက်ပူးပေါင်းလုပ်ဆောင်ထားသည့် ရလဒ်ကို ကုမ္ပဏီကဖော်ဆောင်သွားခြင်းသည် အရွယ်အစား ပမာဏသာကွာသော်လည်း အားလုံးဆောင်ရွက် အားလုံးအတွက်ဆိုသည့် သဘောတရားမျိုးကို ဖြစ်စေသည်။

ဂူးဂဲလ်တွင် နှစ်စဉ် အလုပ်လုပ်ချင်သဖြင့် လာရောက်လျှောက်ထားသူပေါင်း ၂ ဒသမ ၅ သန်းကျော် ရှိသည်။ တစ်ရက်လျှင် ၆၈၄၉ ဦးနှုန်းခန့် အလုပ်လာလျှောက်နေသည့်သဘောဖြစ်ပြီး ငါးမိနစ်တစ်ဦးနှုန်းဟူ၍လည်း ဆိုနိုင်သည်။ လျှောက်ထားသူတိုင်းက ဂူးဂဲလ်က အင်တာဗျူးသည်။ သူတို့ဆီလာရန်မလို အွန်လိုင်းကတစ်ဆင့် တွေ့ဆုံမေးမြန်းခြင်းဖြစ်သည်။ ဂူးဂဲလ်တွင် အွန်လိုင်းပေါ်ကတစ်ဆင့် အင်တာဗျူးခြင်းခံရလျှင် အောက်ပါမေးခွန်းများကို မေးတတ်သည်။

“ကျောင်းဘတ်စ်ကားတစ်စီးထဲမှာ ဂေါက်သီးဘယ်နှလုံးလောက်ထည့်နိုင်မလဲ”

“ဘောလုံး ၈ လုံးရှိတယ်။ ၇ လုံးက အလေးချိန်အတူတူပဲ။ တစ်လုံးက ပိုလေးတယ်။ ချိန်ခွင်ပေါ်ကို နှစ်လုံးစီတင်ပြီး အလေးဆုံးဘောလုံးကို ဘယ်လိုရှာမလဲ”

သူတို့မေးခွန်းတွေက လွယ်မယောင်နှင့်ခက်သည်။ စဉ်းစားဖြေရသည်။ သို့သော် ဂူးဂဲလ်လိုချင်သည်မှာ အဖြေမှန် ဟုတ်ချင်မှလည်းဟုတ်မည်။ သူတို့က မေးခွန်းတွေကို ခက်ခဲအောင်မေးပြီး ဖိအားတစ်ခု ဖြစ်နေချိန်တွင် ကိုယ်ကမည်သို့တုံ့ပြန်မည်ကို စမ်းသပ်နေခြင်းသာဖြစ်သည်။ သူတို့ကို ကြိုက်တာဖြေလို့ရသည်။ မှန်သည် ဖြစ်စေ၊ မှားသည်ဖြစ်စေ ဖြေသူ၏ ဖြေနိုင်စွမ်းကို သုံးသပ်သည်။ သူတို့မကြိုက်သည်မှာ မေးခွန်းကို လုံးဝပြန်မဖြေခြင်းဖြစ်သည်။ ဂူးဂဲလ်တွင် “ကျွန်တော်မသိဘူး” ဆိုသည့်စကားလုံးကို အသုံး။ ကြိုက်လည်းမကြိုက်။ မေးလိုက်လျှင် မသိဘူးဟု တစ်ခွန်တည်းပိတ်လိုက်သူကို ဂူးဂဲလ်က အလုပ်ခန့်မည်မဟုတ်။

သူတို့အင်တာဗျူးမေးခွန်းတွေက အဓိပ္ပာယ်ရှိချင်မှရှိမည်။ အချို့သောမေးခွန်းတွေက အဖြေလိုချင်မှလည်း လိုမည်။ သို့သော် သူတို့က သင်မည်မျှတွေးခေါ်နိုင်သနည်း၊ သင့်အတွေးက မည်မျှစမတ်ကျသနည်း စသည်တို့ကို စမ်းသပ်နေခြင်းလည်း ဖြစ်နိုင်သည်။ သူတို့ထံတွင် တာဝန်ထမ်းချင်သူတွေက သာမန် အတွေးအခေါ်၊ ပုံသေကားကျ အတွေးအခေါ်ရှိသူတွေ မလိုချင်။ ထို့ကြောင့် မမျှော်လင့်ပဲ ခန့်ခြင်းခံရသလို၊ မမျှော်လင့်ပဲ အလုပ်ဖြုတ်ကောင်း ဖြုတ်နိုင်သည်ကိုလည်း သတိပြုကြရမည်ဖြစ်သည်။ 

ဂူးဂဲလ်တွင်ဘာကြောင့် လူငယ်တွေ ဝင်တိုးနေကြသနည်း။

- မနက်စာ၊ နေ့လယ်စာ၊ ညစာ ကြိုက်သလိုစား အလကားကျွေးသည်။ အာဟာရပြည့်ဝပြီး ကျန်းမာစေမည့် အော်ဂဲနစ်အစားအစာတွေကို အလေးပေးကျွေးသည်။

- ကျန်းမာရေးစောင့်ရှောက်မှု၊ သွားစောင့်ရှောက်မှု အခမဲ့ဖြစ်သည်။

- ဆံပင် အခမဲ့ညှပ်နိုင်သည်။

- အဝတ်အစားများကို အခမဲ့လျှော်ပေးသည်။

- အနင်းအနှိပ်ခံချင်လျှင် ထောက်ပံ့ပေးသည်။

- အားကစားခန်းမပစ္စည်းများ၊ ရေကူးကန် အခမဲ့သုံးနိုင်သည်။

- ကားခထောက်ပံ့ပေးသည်။ ဝင်းအတွင်းသွားလာရေး ကြိုက်သည့်ကား၊ စက်ဘီး စီးသွားနိုင်သည်။

- တစ်ရေးတစ်မော အိပ်နိုင်သည့် နေရာလေးတွေ သတ်မှတ်ပေးထားသည်။

- ဗီဒီယိုဂိမ်း၊ ဘောလုံး၊ ပင်ပေါင်ကစားနိုင်သည့် နေရာများဖန်တီးပေးထားသည်။

- ဆေးရုံ ဆေးခန်း အခမဲ့ပြနိုင်သည်။

- ကွယ်လွန်လျှင် ထောက်ပံ့ကြေးများပေးသည်။

ဂူးဂဲလ်တွင် အထက်ပါကိစ္စအားလုံးအတွက် ကုန်ကျစရိတ်တွေကို ကုမ္ပဏီကကျခံပေးသည်။ သူတို့၏ ဝန်ထမ်းများအပေါ် စီစဉ်ပေးသည်များကိုကြည့်ပြီး ဆီလီကွန်တောင်ကြား နည်းပညာရပ်ဝန်းကြီးတွင်လည်း ဝန်ထမ်းများအတွက် အစီအစဉ်များ ပြောင်းလဲပေးလာရသည်။ ဝန်ထမ်းကို ပျော်အောင်ထားပြီး အကောင်းဆုံး စိတ်ချမ်းသာစွာ ဆောင်ရွက်ပေးရေးမူကို လက်ကိုင်ထားခြင်းဖြစ်သည်။ ထို့ကြောင့် လူငယ်ပေါင်းများစွာအတွက် Google သည် အိပ်မက်တစ်ခု ဖြစ်နေသည်။

E-01
(Ref: Inside Google’s Culture of Success and Employee Happiness)

  • VIA
  • TAGS