News

POST TYPE

YOUTH

ဗီယက်နမ်လုပ်ငန်းရှင် လူငယ်တစ်ဦး၏ ရင်တွင်းစကားသံ
05-May-2018 tagged as



သူ့အမည်က ဒိုဟွိုင်နမ်ဖြစ်သည်။ ဟနွိုင်း Amster - dam အထက်တန်းကျောင်းတွင် တက်ခဲ့သည်။ ဒိုဟွိုင်နမ်သည် အမေရိကန်ပြည်ထောင်စု Silicon Valley တွင် Emotiv Systems ကို သွားရောက် ဖော်ဆောင်နိုင်ခဲ့သူလည်းဖြစ်သည်။ Emotiv Systems ဆိုသည်မှာ ဦးခေါင်းတွင် နားကြပ်လိုပစ္စည်းတစ်မျိုးကို တပ်ထားလိုက်လျှင် ထိုတပ်ထားသူ၏ စိတ်ကို ဖတ်နိုင်စေရန် တီထွင်ထားသည့်စနစ်တစ်မျိုးဖြစ်သည်။ 

၂၀၁၀ ပြည့်နှစ်တွင် ဒိုဟွိုင်နမ် ထူထောင်ထားသည့်လုပ်ငန်းသည် ဒေါ်လာ ၁၀ သန်းကျော် ရင်းနှီးမြှုပ်နှံထားသည့် ကုမ္ပဏီတစ်ခုဖြစ်လာသည်။ တစ်ကမ္ဘာလုံးတွင် သူ့ဖောက်သည်ပေါင်း ၂၀၀၀၀ ကျော်ရှိသည်။ စိတ်ကိုဖတ်နိုင်သည်ဆိုသော သဘောတရားကို Avatar ဆိုသည့် ရုပ်ရှင်ကြောင့် လူသိပိုများလာသည်။ ဒိုဟွိုင်နမ်သည် ၂၀၁၂ ခုနှစ်တွင် SeeSpace ဆိုသည့် ကုမ္ပဏီကိုထူထောင်ပြီး ဗီယက်နမ်ကို ပြန်လာသည်။ သူက Emotiv Systems ကို ပိုပြီးထွန်းကားအောင် ဗီယက်နမ်တွင် လုပ်ဆောင်နိုင်ရန် စီစဉ်နေသည်။ သူနှင့် Nhan Dan လစဉ်ထုတ်မဂ္ဂဇင်း အင်တာဗျူးတစ်ခုတွင် လူငယ်တစ်ဦး၏ အနာဂတ်စိတ်ကူးများနှင့် စီးပွားရေးတိုးတက်စေရန် အကြံပေးချက်များကို လေ့လာနိုင်စေရန် တင်ပြထားသည်။

လူငယ်တွေ ဘယ်လိုလုပ်သင့်သလဲ

၂၀၁၄ - ၁၅ ခုနှစ်လောက်ကတည်းက အစိုးရအနေနှင့် စွန့်ဦးလုပ်ငန်းရှင်တွေကို စီးပွားရေးတွင် ပူးပေါင်းပါဝင်လာစေရန် လမ်းဖွင့်ပေးခဲ့သည်။ သို့သော် ပြည်တွင်းလုပ်ငန်းများက အမေရိကရှိ ဆီလီကွန်တောင်ကြားလို နေရာမျိုးရောက်အောင် ပေါက်မြောက်ခဲ့ခြင်း မရှိပေ။ ကုမ္ပဏီသစ်၊ လုပ်ငန်းသစ်များအနေနှင့် ပရောဂျက်အသစ်နှင့် လုပ်ငန်းသစ်များကို များစွာပူးပေါင်းလုပ်ဆောင်ရန် လိုနေသေးသည်။ 

ဗီယက်နမ်နိုင်ငံ၏ ပြဿနာတစ်ခုမှာ လုပ်ငန်းငယ်လေးပေါင်း ၁၀၀ ရှိနေလျှင် သူတို့ကို မည်သူတွေက အထောက်အပံ့ပေးပြီး သူတို့ မည်မျှအောင်မြင်လာမည်ကို မျှော်မှန်းမရနိုင်ခြင်း ဖြစ်သည်။ ၁၀၀ မှသည် ၁၀၀၀ ဖြစ်လာသည့်တိုင်အောင် တိုးပွားလာသည်ဆိုစေ ပူးပေါင်းလုပ်ဆောင်နိုင်မှ အောင်မြင်ပါသည်။ ကမ္ဘာကိုလှမ်းမြင်ပြီး ကမ္ဘာနှင့်ပူးပေါင်းကာ အရည်အသွေးပြည့် ကုမ္ပဏီများဖြစ်လာစေရန် ထူထောင်နိုင်ဖို့ အရေးကြီးသည်။ အရေအတွက်ထက် အရည်အသွေးက ပိုပြီးအရေးကြီးသည်ကို သတိပြုသင့်သည်။ 

အောင်မြင်ဖို့ ဘာတွေလုပ်သင့်သလဲ

လူငယ်များတွင် အရေးကြီးသည့် အချက်တစ်ခုလိုအပ်နေသည်။ နိုင်ငံခြားကုမ္ပဏီများနှင့် ပြိုင်ဆိုင်နိုင်သည့် ပညာနှင့် ဗဟုသုတတွေ လိုအပ်နေသည်။ ဗီယက်နမ်ပြည်တွင်း လုပ်ငန်းရှင်တိုင်းသည် ပြည်တွင်းဈေးကွက်လောက်ကိုသာ အလေးထားလုပ်ဆောင်နေကြောင်း တွေ့ရသည်။ ဗီယက်နမ်ဈေးကွက်က လူသန်း ၁၀၀ လောက်ကိုသာ ဦးတည်နိုင်သည်။ ထိုမျှအရေအတွက်ကို အားရကျေနပ်မနေသင့်ပေ။ Alibaba, Google, Facebook စသည့်နေရာများတွင် လုပ်ဆောင်နိုင်ခွင့်များနှင့် ယှဉ်ကြည့်လျှင် အရမ်းနည်းသည်။ 

ပြည်တွင်းဈေးကွက်လောက်ကိုသာ ထိုးဖောက်နိုင်စေရန် ကြိုးစားနေလျှင် နိုင်ငံခြားနှင့် မျက်ခြည်ပြတ်သွားနိုင်သည်။ နိုင်ငံတကာဈေးကွက်တွေကလည်း ကိုယ့်တိုင်းပြည်အတွင်းသို့ ထိုးဖောက်နေကြောင်း သတိထားရမည်။ ကမ္ဘာကြီးကိုပြားနေပြီဟုသာ ပြောကြသည်။ ကမ္ဘာဘာကြောင့် ပြားသနည်းဆိုခြင်းကို သိသူနည်းသည်။ ကမ္ဘာပြားပြီဆိုသည့် သဘောတရားမှာ တစ်ခုခုကိုထုတ်လုပ်တိုင်း ကမ္ဘာ့ဈေးကွက်ကိုဦးတည်နိုင်ရန် ပြောခြင်းဖြစ်ကြောင်းကိုလည်း သဘောပေါက်ထားရန်လိုသည်။ 

နိုင်ငံငယ်လေးများဖြစ်ကြသည့် အစ္စရေးနှင့် စင်ကာပူနိုင်ငံများသည် အဘယ်ကြောင့် အောင်မြင်နေကြသနည်း။ သူတို့၏ ပြည်တွင်းဈေးကွက်က သေးသေးလေးဖြစ်ပြီး ကမ္ဘာ့ဈေးကွက်ကို သူတို့ထိုးဖောက် ဝင်ရောက်နေမှုက အကြီးကြီးဖြစ်နေသောကြောင့်ဖြစ်သည်။ 

ဗီယက်နမ်ပြည်သူတွေ စွမ်းအားရှိပါသည်။ သို့သော် သူတို့တတ်ကျွမ်းထားသည့် နည်းပညာအဆင့်အတန်းက သူတို့နှင့် လာရောက်ပူးပေါင်း လုပ်ဆောင်နေသော နိုင်ငံခြားသားတွေလောက် အဆင့်မရှိကြောင်း တွေ့နေရသည်။ နည်းပညာမကျွမ်းကျင်ခြင်း၊ မတတ်ခြင်းကြောင့် ခိုင်းသူဖြစ်မလာဘဲ၊ အခိုင်းခံတွေ ဖြစ်နေရသည်။

ဗီယက်နမ်နိုင်ငံတွင် လူသားရင်းမြစ်တွေပေါများပါသည်။ လူသားရင်းမြစ်ကို အသုံးချရမည့် စရိတ်တွေကလည်း အလွန်သက်သာသည်။ ထို့ကြောင့် လုပ်ငန်းစတင်လုပ်ကိုင်လိုသူများအတွက် အခွင့်အလမ်းကောင်းများစွာ ရှိနေသည်။ အခွင့်ကောင်းကို ပိုင်နိုင်စွာ အသုံးချနိုင်သူတွေသာ တိုးတက်ကြီးပွားမည်ဖြစ်သည်။ ပေါများသည့်ရင်းမြစ်များနှင့် အခွင့်အလမ်းအား အခွင့်အရေးအဖြစ် ပြောင်းလဲနိုင်ရမည်။ ထိုသို့ပြောင်းလဲနိုင်ရန် အစိုးရဘက်ကလည်း ပေါ်လစီများ ချမှတ်နိုင်ရမည်။

ဗီယက်နမ်မှာ Ecosystem နဲ့ပတ်သက်တဲ့ ပရောဂျက်တွေ လုပ်ဆောင်ဖို့လိုသလား

ဗီယက်နမ်နိုင်ငံတွင် လွန်ခဲ့သည့် ၂ နှစ်လောက်ကအထိ Ecosystem ဟုဆိုရမည့် သဘောတရားကို လုပ်ဆောင်နိုင်ခြင်း မရှိသေးပါ။ ယခုအခါ ဗီယက်နမ်တွင် Ecosystem သည် သန္ဓေသားကို လွယ်ထားရသည့်အဆင့်သာရှိသေးပြီး မမွေးဖွားသေးဟုဆိုရမည်။ Ecosystem ကို ထူထောင်နိုင်ရန်အတွက် ပြည်သူများတွင် အသိပညာရှိရမည်။ ရင်းနှီးမြှုပ်နှံမှုငွေကြေး၊ ရင်းနှီးမြှုပ်နှံနိုင်သည့် သဘာဝပတ်ဝန်းကျင်၊ ထိန်းသိမ်းစောင့်ရှောက်ပေးမည့် တရားဥပဒေစနစ် လိုအပ်ပါသည်။ 

အထက်ပါလိုအပ်ချက်များကို ဖြည့်ဆည်းပေးနိုင်မှ Ecosystem ဆိုင်ရာလုပ်ငန်းများကို စတင် ထူထောင်နိုင်မည်ဖြစ်သည်။ Ecosystem ကို အကောင်အထည်ဖော်ရန် ဈေးကွက်လိုသည်။ လူသားရင်းမြစ်တွေလိုသည်။ ရင်းနှီးမြှုပ်နှံလိုသူတွေလိုသည်။ အားလုံးသည် အစိုးရက ချမှတ်ပေးမည် ပေါ်လစီကို အမှီပြုရမည် ဖြစ်သောကြောင့် ပေါ်လစီကောင်းများ ချမှတ်နိုင်ရန် အရေးကြီးသည်။

Ecosystem ပေါ်ထွက်လာဖို့ လက်သည်ကောင်းကောင်း လိုအပ်သလား

လုပ်ငန်းလုပ်ဆောင်လိုသည့် စွန့်ဦးလုပ်ငန်းရှင်များနှင့် အစိုးရဆိုသည်မှာ ခွဲခြားမရပါ။ လုပ်ငန်းရှင်များ ပိုမိုလုပ်ဆောင်ခွင့်ရရန် အစိုးရအနေနှင့် မူအားဖြင့်လည်းကောင်း၊ ငွေအားဖြင့်လည်းကောင်း အထောက်အပံ့ပေးရန် လိုပါသည်။ ပြည်တွင်းက စွန့်ဦးလုပ်ငန်းရှင်များကို အစိုးရအနေနှင့် အထောက်အပံ့ကောင်းများ ပေးရန်လိုအပ်သည်။ ဥပမာအားဖြင့် နိုင်ငံခြားမှ အီလက်ထရွန်နစ်ပစ္စည်းများကို ပြည်တွင်း၌ သုံးစွဲခွင့်ကို ပြုထားသော်လည်း ယင်းအီလက်ထရွန်နစ်ဆိုင်ရာ ပစ္စည်းများ၏ အပိုပစ္စည်းများကို ပြည်တွင်းသို့သွင်းရာတွင် အခွန်ကို အဆမတန်ကောက်ခြင်းမျိုးဖြစ်သည်။ ပြည်တွင်း၌ အပိုပစ္စည်းထုတ်လုပ်ခွင့်ကို အားပေးပြီး ပြည်တွင်းထုတ်ပစ္စည်းများက ကောင်းနေလျှင် ဈေးသက်သာစွာ သုံးနိုင်မည်ဖြစ်သလို၊ ပြည်တွင်းလုပ်ငန်းများကိုလည်း အားပေးအားမြှောက်လုပ်ရာရောက်သည်။ 

ယခုခေတ်တွင် အင်တာနက်နှင့် နည်းပညာဆိုသည်မှာ စီးပွားရေးအတွက် အသက်လိုဖြစ်လာသည်။ ပြုပြင်ပြောင်းလဲမှုတစ်ခုဆီသို့ ရောက်လိုလျှင် မူဝါဒဆိုင်ရာ သဘောတရားများကို ပြုပြင်ပြောင်းလဲပေးလိုက်ရန် ဖြစ်သည်။ ယခင်မူဝါဒအရ နိုင်ငံခြားက လာရောက်ရင်းနှီးမြှုပ်နှံသူများထံမှ အခွန်မကောက်နိုင်ဖြစ်သည်။ သို့သော် မူဝါဒကို ပြုပြင်ပြောင်းလဲပြီး အခွန်စနစ်ဖြင့် ပြန်လည်ထိန်းချုပ်ရန်လိုသည်။ နည်းပညာကသာလျှင် ပြုပြင်ပြောင်းလဲမှုအတွက် အဓိကကျသည်ဆိုသည့်အချက်ကို မေ့မထားသင့်ပါ။ 

လူငယ်စွန့်ဦးတွေအတွက် အကြံပြုချက်

လူငယ်စွန့်ဦးများ အလေးထားသင့်သည်မှာ အရေအတွက်ထက် အရည်အသွေးဖြစ်သည်။ လွန်ခဲ့သည့် ၂ နှစ်ခန့်ကတည်းက ဗီယက်နမ်တွင် စွန့်ဦးလုပ်ငန်းများ ထွန်းကားလာသည်။ တိုးတက်အောင် ကြံဆောင်ရာတွင် မကောင်းသည်ကိုပယ်ကာ ကောင်းသည်ကို သယ်လာနိုင်ရမည်။ မဖြစ်နိုင်သည့် စိတ်ကူးများဖြင့် အကောင်အထည်ဖော်နေမည့်အစား ဖြစ်နိုင်သည့် စိတ်ကူးဖြင့် လုပ်ငန်းများကို စတင်သင့်သည်။ မလုံလောက်မှု ချို့တဲ့မှုများရှိနေသော်လည်း အခွင့်အရေးကို အခွင့်အလမ်းအဖြစ် ပြောင်းလဲနိုင်ရမည်။ 

လူငယ်များကို အကြံပြုချင်သည်မှာ ငွေနောက်မလိုက်ပါနှင့် တန်ဖိုးနောက်လိုက်ပါဖြစ်သည်။ လူ့တန်ဖိုး၊ အလုပ်တန်ဖိုးက ပိုပြီးအရေးကြီးသည်။ ငွေဘယ်လောက် အကျိုးအမြတ်ရှိသွားနိုင်သည်ဆိုခြင်းကို တွက်ဆနေခြင်းထက် ကိုယ့်ဂုဏ်သိက္ခာနှင့် တန်ဖိုးကို မည်မျှမြှင့်တင်နိုင်မည်နည်းဆိုခြင်းကို တွက်ဆနိုင်ရမည်။ လူတွေက သူတို့ပေးလိုက်သည့် တန်ဖိုးနှင့်ကိုက်ညီသည့် ဝန်ဆောင်မှုမျိုးကို ပြန်လိုချင်ကြသည်။ ပေးခဲ့ပြီးပြီလား ကိုယ့်ကိုယ်ကိုယ် မေးကြည့်နိုင်ရမည်။

ဗီယက်နမ်တွင် နည်းပညာဘီလျံနာသူဌေးတွေ ရှိလာနိုင်သလား

အနာဂတ်သည် နည်းပညာရှင်များခေတ် ဖြစ်သည်။ ဗီယက်နမ် ဘီလျံနာကြွယ်သူဌေးလေးဦးကလည်း ကမ္ဘာကျော် Forbes ၏ ကမ္ဘာ့ဘီလျံနာကြွယ် သူဌေးစာရင်းဝင်များဖြစ်လာသည်။ သို့သော် နည်းပညာ ဘီလျံနာသူဌေးများ မဟုတ်သေး။ ဗီယက်နမ်၏ ပေါကြွယ်ဝသည် သဘာဝရင်းမြစ်များကိုမှီပြီး ချမ်းသာသူများ ဖြစ်နေသေးသည်။

ကမ္ဘာ့ဈေးကွက်က နည်းပညာဖြင့် စီးပွားခေတ်ဆီသို့ ဦးတည်နေသည်။ အမေရိကမှ သူဌေးကြီး ဘီလ်ဂိတ်စ်သည် နည်းပညာကုမ္ပဏီကြီးတစ်ခုဖြင့် ယနေ့တိုင် ထိပ်ဆုံး ဘီလျံနာသူဌေးကြီး ၁၀ ယောက်စာရင်းတွင် အောင်ပွဲခံနေသည်။ ကမ္ဘာ့ထိပ်တန်း ဘီလျံနာသူဌေး ၁၀ ဦး၏ လုပ်ငန်းများကို ကြည့်လျှင်လည်း နည်းပညာနှင့် ဆက်စပ်နေသည်ကိုသာ တွေ့ရမည်ဖြစ်သည်။ ဗီယက်နမ်သည် အသည်းအသန် ရုန်းကန်မှရမည့် နိုင်ငံဖြစ်နေသဖြင့် နည်းပညာလမ်းကြောင်းကို ထိုးဖောက်နိုင်ရေး ဦးစားပေးရမည်။ နည်းပညာသည် ခေတ်ပြောင်းလာသည့် လုပ်ငန်းကြီးတစ်ခုဖြစ်လာမည် ဖြစ်သောကြောင့် နည်းပညာကိုသာ အားပေးလုပ်ဆောင်ကြရန်လိုသည်။ နည်းပညာဖြင့် ယခုကတည်းက အခြေချထားလျှင် နောင်လာမည့် ၁၀ နှစ်အတွင်း ဗီယက်နမ်တွင် နည်းပညာသူဌေးများ ရှိလာနိုင်သည်။ 

E-01

(Ref: Vietnamese youth gain opportunities from startup promotion)

  • TAGS