POST TYPE

YOUTH

ဒစ်ဂျစ်တယ်ခေတ်တွင် ကြီးပြင်းကြသူများ
10-Feb-2018

၂၀၁၇ ခုနှစ် UNICEF ၏ ထုတ်ပြန်ချက်တွင် အင်တာနက်သုံးစွဲနေသူ သုံးဦးတွင် တစ်ဦးသည် ကလေးများဖြစ်သည်ဟု ဆိုထားသည်။ ဒစ်ဂျစ်တယ်နည်းပညာသည် ဆဲလ်ဖုန်း၊ ကွန်ပျူတာ၊ တက်ဘလက်နှင့် ဂိမ်းများလို နေရာအနှံ့ပျံ့နှံ့လျက်ရှိသည်။ တစ်နည်းပြောရလျှင် လူငယ်ထုအတွင်း ထိုးဖောက်ဝင်ရောက်ကာ ကလေးတွေ၏ ဘဝပေါင်းများစွာကိုပါ ပြုပြင်ပြောင်းလဲပေးနိုင်စွမ်း ရှိခဲ့ပါသည်။ ယနေ့ခေတ် လူငယ်များသည် ဒစ်ဂျစ်တယ် မျိုးဆက်များဖြစ်ကြသည်။ အွန်လိုင်းဆိုသည်ကို စွဲမက်စွာ ဖြစ်လာကြသည်။ အချင်းချင်း ချိတ်ဆက်ပြောဆို ကြသည်။ မိမိတို့ အယူအဆ အတွေးအခေါ်များကို ဖော်ထုတ်ပြကြသည်။ ကိုယ့်အတွက်လည်း ဖျော်ဖြေနိုင်ရန် အင်တာနက်ကို အသုံးပြုသူလို သူတစ်ပါးကိုလည်း ဖျော်ဖြေမှုများကို မျှဝေပေးနေကြသည်။ သူတို့သည် သတင်းအချက်များကို အွန်လိုင်းက ရယူကြသည်။ သူတို့ဘဝ၊ သူတို့အနာဂတ်ကိုပင် အွန်လိုင်းပေါ်တွင် တည်ဆောက်နေသူများ ရှိလာသည်။ အင်တာနက်နှင့် ဆိုရှယ်မီဒီယာများကို အသုံးပြုပြီး သူတို့ဘဝ၊ သူတို့ ဝန်းကျင်၊ သူတို့ အနာဂတ်အပြင် ကမ္ဘာကြီးတစ်ခုလုံးကို ပြုပြင်ပြောင်းလဲရန် ကြိုးစားအားထုတ်သူများ ဖြစ်လာကြောင်းတွေ့ရသည်။ UNICEF က ထုတ်ပြန်သည့် The State of the World’s Children 2017: Children in a Digital World အစီရင်ခံစာတွင် ကလေးများ၏ ဒစ်ဂျစ်တယ်သုံးစွဲမှုနှင့် အနာဂတ်ကို မည်သို့ဖော်ဆောင်ကြမည်နည်းဆိုကာ လေ့လာဆန်းစစ်မှုများ ပြုလုပ်ထားသည်။ ယင်းအစီရင်ခံစာတွင် ကမ္ဘာ့လူငယ်တို့၏ အတွေးအမြင်များကိုလည်း ဖော်ပြထားသည်။ လူငယ်တို့၏ အတွေးအမြင်များကို လေ့လာကြည့်ခြင်းက နိုင်ငံ တစ်နိုင်ငံ၏ မူဝါဒရေးဆွဲနေသူများကို များစွာ အထောက်အကူ ဖြစ်စေလိမ့်မည်ဟု ယူဆပြီး UNICEF အနေဖြင့် ကမ္ဘာ့လူငယ်တို့၏ အသံများကို စုစည်းဖော်ထုတ်ပေးထားခြင်း ဖြစ်သည်။ ယနေ့လူငယ်များ၏ အသိဉာဏ် ဖွံ့ဖြိုးတိုးတက်လာမှုသည် ဆက်သွယ်ရေး ဖွံ့ဖြိုးတိုးတက်လာမှုများနှင့် များစွာဆက်စပ်နေကြောင်း တွေ့ရသည်။ အင်တာနက်ကို သုံးစွဲခွင့်ရလာသည်။ ဖုန်းတွေကို သုံးစွဲလာနိုင်သည်။ ဆိုရှယ်မီဒီယာများနှင့် ရင်းနှီးကျွမ်းဝင်လာကြသည်။ ထိုအခွင့်အရေးများက သူတို့အတွက် အနာဂတ်ကို ပုံဖော်နိုင်စေရန် အကောင်းဆုံး အနေအထားတစ်ခုကို ရောက်ရှိလာစေခြင်းဖြစ်သည်။ 

ဂါရီ (Dennar Gary Alvarez Mejia)

ယခုဖော်ပြမည့် လူငယ်လေးအမည်က ဂါရီ Dennar Gary Alvarez Mejia ဖြစ်သည်။ သူ့ အသက်က ၁၉ နှစ်သာရှိသေးသည်။ သူက သူ့အမြင်များကို သူ့ Blog ပေါ်တွင်လည်း ရေးသားဖော်ပြ လေ့ရှိသည်။ သူပြောသည့် စကားတစ်ခွန်းက စိတ်ဝင်စားစရာဖြစ်သည်။

“ဒစ်ဂျစ်တယ် သဘောတရားများကို တတ်မြောက်ခြင်းဆိုသည်မှာ ပညာရေးနှင့်မဖြစ်မနေ ပါဝင်ပတ်သက်လာရမည့် အဓိက အကြောင်းအချက်များ ဖြစ်လာသည်”ဟု မှတ်ချက်ပြုသည်။

သူဆိုလိုသည်က ယနေ့ခေတ်လူငယ်များ အနေနှင့် ပညာရှာရာတွင် ဒစ်ဂျစ်တယ်ဆိုင်ရာ နည်းစနစ်များ၊ အထောက်အကူများကို သိရှိပြီး၊ သုံးစွဲတတ်မှဖြစ်မည်ဟု နှိုးဆော်ထားခြင်းဖြစ်သည်။ သူက -

“ကျွန်တော်တို့လို လူငယ်တွေအနေနဲ့ အင်တာနက် အသုံးပြုခွင့်ရဖို့ အခွင့်အရေးတွေ အများကြီး လိုလာပါတယ်။ အင်တာနက်က ကျွန်တော်တို့ကို ပညာရှာဖွေရာမှာဖြစ်စေ၊ သုတေသနလုပ်ငန်းကို လုပ်ဆောင်ရာမှာဖြစ်စေ အများကြီး အထောက်အကူပြုနေပါတယ်”ဟု ဆိုသည်။

သူက ၂၀၁၄ ခုနှစ်တွင် ကျောင်းပြီးသည်။ သူ ပညာလေ့လာရှာမှီးခဲ့ရမှု အများဆုံးနေရာက အင်တာနက်ထဲတွင် ဖြစ်သည်။ အင်တာနက်ထဲတွင် အကျိုးမဲ့စွာ အချိန်ဖြုန်းနေသူများစွာ ရှိကောင်းရှိနိုင်ပါသည်။ သို့သော် သူ့လို အမှန်တကယ် ပညာလိုချင်သူတစ်ဦးအနေနှင့် ကျောင်းစာသင်ခန်းထက်၊ ဒစ်ဂျစ်တယ် သဘောတရားများ၊ အတတ်ပညာများကို အသုံးချပြီး အွန်လိုင်းတွင် မွှေနှောက်ရှာဖွေလေ့လာနိုင်ခြင်းက ပိုပြီးအရေးကြီးသည်ဟု ဆိုသည်။

အီဗန် (Ivan Bakaidov)

သူကတော့ အီဗန် (Ivan Bakaidov) ဖြစ်သည်။ အသက် ၁၈ နှစ်ဖြစ်ပြီး ရုရှားနိုင်ငံ၊ စိန့်ပီတာစဘတ်က ဖြစ်သည်။

“အွန်လိုင်းဆိုတာ ကျွန်တော့်အတွက်တော့ မမြင်ရတဲ့ ဝှီးချဲ (wheelchair) တစ်ခုပါဗျာ”ဟု ပြောသွားသည်။ 

သူသည် မသန်စွမ်းသူတစ်ဦးဖြစ်သည်။ ဝှီးချဲကိုအသုံးပြုပြီး သွားလာလှုပ်ရှားနေရသူ တစ်ဦးလည်းဖြစ်သည်။ သူက တစ်နေ့တွင် Notepad လေးတစ်လုံး ရလိုက်သည်။ ထို Notepad ဖြင့် အင်တာနက်ကို အသုံးပြုခွင့်ရလိုက်ခြင်းက သူ့ဘဝကို များစွာ ပြောင်းလဲသွားစေသည်။ နည်းပညာက သူ့ဘဝကို များစွာ ပြောင်းလဲပေးလိုက်သည်ကို သူက -

“ကျွန်တော် ဆရာတွေနဲ့လည်း ဆက်သွယ်လာနိုင်တယ်။ ကျွန်တော်တို့လို မသန်စွမ်းသူတွေအတွက် နည်းပညာဆိုတာ ပညာရှာဖွေနိုင်ဖို့ အကောင်းဆုံး အခွင့်အရေးတစ်ခုပါ။ ကျွန်တော်တို့အတွက် ကိုယ်ထူကိုယ်ထ ပညာရေးလို့တောင် ဆိုနိုင်ပါတယ်။ ကျွန်တော့် ကျန်းမာရေးအနေအထားကြောင့် သူများတွေလို ကျောင်းကို ပုံမှန်မတက်နိုင်ပါဘူး။ အွန်လိုင်းကနေ ပညာရှာမှီးခွင့်တွေ အများကြီးရှိမှန်းသိလာတယ်။ အွန်လိုင်းကနေ ဘွဲ့ယူနိုင်တဲ့ အခွင့်အလမ်းတွေ အများကြီးရှိမှန်း သိလာတာဟာ ကျွန်တော့်အတွက်တော့ ဝှီးချဲနဲ့နေရတဲ့ သူတစ်ယောက်လို့တောင် ကိုယ့်ကိုယ်ကိုယ် မထင်တော့ပါဘူး”ဟု ဆိုသည်။ 

သူက ဒစ်ဂျစ်တယ်နည်းပညာက အတားအဆီး၊ အခက်များကို ကျော်လွှားစေနိုင်သည်၊ သူတို့လို မသန်စွမ်းသူများအတွက် အခွင့်အလမ်းတစ်ခု ဖြစ်သောကြောင့် လူငယ်များ အင်တာနက်နှင့် အွန်လိုင်းကိုများများ အသုံးပြုခွင့်ရသင့်ကြောင်း ရင်ဖွင့်ထားသည်။ 

အာယီဗီ (Emmanuella Ayivi)

အာယီဗီ (Emmanuella Ayivi) ကတော့ အာဖရိကတိုက်၊ ဘီနင်းက ဖြစ်သည်။ သူ့အသက်က ၁၅ နှစ်။ သူက - 

“ကျွန်မကတော့ အင်တာနက်မရနိုင်တာဟာ ကျွန်မအတွက် ပြဿနာကြီးတစ်ရပ်လို့ ယူဆပါတယ်”ဟု ဆိုသည်။

ဘီနင်းတွင် အသက် ၁၅ နှစ်မှ ၃၄ နှစ်ကြား လူငယ် ၈ ဒသမ ၁ ရာခိုင်နှုန်းလောက်သာ အင်တာနက်ကို သုံးစွဲနိုင်ကြသည်။ ကွန်ပျူတာသုံးစွဲနိုင်သူက ၈ ဒသမ ၉ ရာခိုင်နှုန်း၊ မိုဘိုင်းလ်ဖုန်း သုံးစွဲနိုင်သူက ၄၆ ဒသမ ၉ ရာခိုင်နှုန်းရှိသည်။ ကမ္ဘာနှင့်ယှဉ်လျှင် လူငယ်များ ဒစ်ဂျစ်တယ်တတ်မြောက်သုံးစွဲနိုင်မှုနှုန်းမှာ အလွန်နည်းသည်။

သူက နိုင်ငံအတွင်း အင်တာနက်ကို မသုံးစွဲနိုင်သည့် လူငယ်တွေ များစွာရှိနေကြောင်းပြောသည်။ ဆင်းရဲပြီး ပိုက်ဆံမတတ်နိုင်ကြသဖြင့် 4G ဆက်သွယ်ရေးစနစ်ကို မသုံးနိုင်ကြ။ သူက -

“ကျွန်မတို့ကျောင်းမှာ ရောဂါပိုးမွှားတွေရဲ့ လက္ခဏာများအကြောင်း သင်တယ်။ ကျွန်မအချိန်မီ လေ့ကျင့်ခန်းတွေကို မတင်နိုင်ခဲ့ဘူး။ ကျွန်မလုပ်ထားတဲ့ PowerPoint ကို Presentation တင်ပြဖို့ အင်တာနက်ကနေ ယူရမှာတွေ ရှိတယ်။ ဒါပေမဲ့ အင်တာနက်က ကောင်းကောင်းမရဘူး။ အင်တာနက်က လေးရက်လောက် ပြဿနာတက်ပြီး အားလုံးရွာလည်နေတယ်။ ဒီတော့ ကျွန်မလုပ်နေတဲ့ ပရောဂျက်လည်း သွားရောပဲ”ဟု သူက အင်တာနက်ကြောင့် ဒုက္ခရောက်ခဲ့ရပုံကို ခံစားချက်ဖြင့် ပြန်လည်ပြောပြရှာသည်။

အာယီဗီတောင်းဆိုတာက တစ်ခုတည်းသာဖြစ်သည်။ လူငယ်တွေနှင့်ပညာရေးကို ဖွံ့ဖြိုးတိုးတက်စေချင်လျှင် အင်တာနက်လေးတော့ ကောင်းအောင် လုပ်ပေးစေချင်သည်ဆိုသည့် အကြံပြုချက်သာဖြစ်သည်။ 

ယန်း (Jenn Little)

သူကတော့ ယန်း (Jenn Little) ဖြစ်သည်။ အသက် ၁၆ နှစ်၊ အမေရိကန်ပြည်ထောင်စု၊ ဘဲလ်အဲတွင် နေထိုင်သူဖြစ်သည်။ 

“ကျွန်မတို့ သိထားရမှာက ဒစ်ဂျစ်တယ်ခေတ်မှာ လူဖြစ်နေရတဲ့ ကျွန်မတို့လူငယ်တွေမှာ ဧရာမစွမ်းအားတွေ ရှိနေတယ်ဆိုတာပါ”ဟု ဆိုသည်။

လူသားတို့သည် ဆက်သွယ်ရေးခေတ် တစ်ခုထဲတွင် အတိုင်းအဆမရှိသည့် ခံစားခွင့်ကြီးတစ်ခုကို ရရှိပိုင်ဆိုင်နေကြသည်။ ယနေ့ ကမ္ဘာ့လူဦးရေ၏ ၄၈ ရာခိုင်နှုန်းခန့်သည် အင်တာနက်ကို အသုံးပြုနေကြသည်။ အမေရိကတွင် လူ ၁၀ ဦးလျှင် ၈ ဦးသည် အင်တာနက် သုံးစွဲနိုင်ကြသည်။ Generation Z အနေဖြင့် အခွင့်အလမ်းကောင်းများဟု ဆိုရမည်။ 

“ကျွန်မတို့ မျိုးဆက်တွေဟာ ကမ္ဘာပေါ်မှာ သတင်းအချက်အလက်နဲ့ နည်းပညာအခွင့်အရေးတွေကို အများဆုံး အသုံးပြုခွင့်ရသူတွေ ဖြစ်ပါတယ်။ ကျွန်မတို့ စိတ်ထဲရှိတဲ့ အတွေးအမြင်တွေကို ယခင် မျိုးဆက်တွေထက်လည်း ပိုပြီးတော့ ထုတ်ဖော်ခွင့်တွေရခဲ့ပါတယ်။ ကျောင်းမသွားဘဲနဲ့ ဆရာတွေနဲ့တောင် အပြန်အလှန် ဆွေးနွေးပြောဆိုနိုင်တဲ့ ခေတ်ရောက်လာပါပြီ။ အားလုံးဟာ သတင်းအချက်အလက်နဲ့ နည်းပညာလမ်းကြောင်းကြီးပေါ်မှာ ရောက်နေတယ်ဆိုတာ သတိပြုစေချင်ပါတယ်”ဟု သူက သူ့အမြင်ကို ထုတ်ဖော်ပြောကြားသည်။

UNICEF က ပြုလုပ်ထားသည့် အွန်လိုင်း Blog ပေါ်တွင် လူငယ်တွေ လွတ်လပ်ပွင့်လင်းစွာ မိမိတို့အမြင်များကို တင်ပြဆွေးနွေးနိုင်သည်။ ထို့ပြင် ဆိုရှယ်မီဒီယာတွေပေါ်၌လည်း ရင်ဖွင့်ဆွေးနွေးခွင့်တွေ ရှိလာသည်။ ထိုသို့ အခွင့်အရေးတွေ ရလာချိန်တွင် လူငယ်တွေ ဘာကို ဖော်ထုတ်ဆွေးနွေးကြမည်နည်း။

သူကတော့ ရှင်းသည်၊ ရသည့်အခွင့်အရေးကို အကောင်းဆုံး အသုံးပြုနိုင်အောင် ကြိုးစားမည်ဟု ဆိုသည်။ 

E-01

ဒစ်ဂျစ်တယ်ခေတ်က လူ့ဘောင်ကို ပြုပြင်ပြောင်းလဲမှုတွေ များစွာလုပ်လိုက်သည်။ အွန်လိုင်းပေါ်တွင် အကျိုးမဲ့စွာ အချိန်ဖြုန်းနေသူများရှိသလို၊ အကျိုးရှိစွာဖြင့် အင်တာနက်၊ အွန်လိုင်းကို မွတ်သိပ်စွာ ရှာနေရသူများ ကမ္ဘာတွင် များစွာရှိနေကြောင်း သိစေလိုပါသည်။ အင်တာနက်သည် ဘဝပေါင်းများစွာကို ပြုပြင်ပြောင်းလဲ ပေးနိုင်စွမ်းရှိကြောင်း ရှာဖွေလေ့လာစေချင်ပါသည်။ မိမိလက်ထဲတွင် ရတနာရှိပါလျက် အဘယ့်ကြောင့် မချမ်းသာရသေးသနည်း ဆိုသည်မှာ မိမိကိုယ်တိုင် အဖြေထုတ်ရမည်သာ ဖြစ်သည်။ (Ref: UNICEF)