POST TYPE

YOUTH

မျိုးဆက်သစ်တို့အတွက် အခင်းအကျင်းသစ်
14-Oct-2017


ခေတ်ပြောင်းလဲလာပြီကို လူငယ်တို့ သိမြင်ထားရန်လိုသည်။ မောင်းသူမဲ့ကား၊ အသံဖြင့် ခိုင်းစေနိုင်သည့် ဖုန်းနှင့် ကွန်ပျူတာ၊ မျက်နှာပြင် အသိအမှတ်ပြုစနစ် စသည်ဖြင့် လူသားတို့ ပတ်ဝန်းကျင်တွင် စက်တွေ၊ အလိုအလျောက်စနစ်တွေ တဖြည်းဖြည်း အစားထိုး ဝင်ရောက်နေသည်ကို သတိပြုမိကြရန်လိုသည်။

AI (Artificial Intelligence) ဆိုသည့် ဉာဏ်ရည်တုစနစ်က နေရာတိုင်းတွင် လွှမ်းမိုးလာသည်။ လူသားက လူသားဦးနှောက်အတိုင်း တွေးတောဆင်ခြင် လုပ်ဆောင်နိုင်သည့်စက်များကို တီထွင်လာခြင်း၊ လူသားနေရာတွင် စက်များကို အစားထိုး ထည့်သွင်းလာခြင်းများသည် ၂၁ ရာစု၏ ခေတ်ပြောင်း တော်လှန်ရေး တစ်ခုဖြစ်မှန်းမသိ ဖြစ်လာခဲ့သည်။

မျိုးဆက်သစ်တို့ ပြင်ဆင်ထားရမည်မှာ AI စနစ်နှင့် ရရှိလာနိုင်မည့် ဒေတာများကို အကျိုးရှိအောင် မည်သို့ စီမံလုပ်ဆောင်ကြမည်နည်းဆိုသည့် အချက်ဖြစ်သည်။ AI စနစ်ဖြင့် တီထွင်ထားသည့် စက်များသည့် မည်မျှ လုပ်ဆောင်နိုင်စွမ်းရှိသည်၊ အတိုင်းအတာကို မည်သို့ ထိန်းချုပ်ကန့်သတ်ရမည်၊ မည်သို့ကောင်းအောင် ပြန်ပြီး ပြုပြင်စီမံနိုင်ရမည်ကို နားလည်အောင်လုပ်ထားခြင်းသည် အနာဂတ်ကို ပြင်ဆင်ခြင်းဖြစ်သည်။ 

အနာဂတ်အတွက် ပညာရေးတွင် အထက်ပါအချက်များကို ထည့်သွင်းစဉ်းစား ပြင်ဆင်မထားလျှင် ခေတ်နောက်ကျ ကျန်နေဦးမည်သာ ဖြစ်သည်။ AI စနစ်နှင့် သဘောတရားကို ထည့်သွင်းသင်ကြားခြင်း၊ ကွန်ပျူတာနှင့် လုပ်ဆောင်နိုင်စွမ်းများကို အခြေခံအဖြစ် မသင်ကြားပေးနိုင်လျှင် လူငယ်တို့ ခေတ်နောက်ကျ ကျန်နေမည်။

AI စနစ်ကို လူသားတို့ တီထွင်ရခြင်းမှာ မလိုလားအပ်သည့်၊ လုပ်ဆောင်ရန် မသင့်သည့် အသေး အမွှား ပြဿနာလေးများကို စနစ်က အလိုအလျောက် ဖြေရှင်းပေးသွားရန်ဖြစ်သည်။ ဥပမာ  အခန်းထဲ ဝင်လိုက်သည်။ လက်ခုပ်တီးလိုက်သည်။ မီးက အလိုအလျောက် ဖွင့်ပေးသည်။ အခန်းထဲက ထွက်မည်။ မီးက အလိုအလျောက် ပိတ်ပေးသွားမည်။ အဝေးတစ်နေရာက အင်တာနက်ကို အသုံးပြုပြီး အိမ်ကို ဆက်သွယ်မည်။ ပြန်ရောက်လာလျှင် အေးဆေးစွာ နေချင်သည်။ အဲကွန်းကို အွန်လိုင်းကလှမ်းပြီး အမိန့်ပေးလိုက်မည်။ ရုံးခန်းထဲကတစ်ဆင့် ကားကို လည်းလှမ်းပြီး အသင့်ဖြစ်နေစေရန် အမိန့် လှမ်းပေးလိုက်နိုင်သည်။ ခေတ်ကို AI က ပြုပြင်ပြောင်းလဲမှုများဖြင့် စတင်နေခြင်းဖြစ်သည်။ 

အနာဂတ် နည်းပညာသည် လူသားတို့အား အဆင်အပြေဆုံး၊ အလျင်မြန်ဆုံးနှင့်၊ အကျိုးအရှိဆုံး အသုံးချနိုင်မှုများအပေါ်တွင် တီထွင်နိုင်မှုကိုသာ ဦးစားပေးလာနိုင်စရာ အကြောင်းရှိသည်။ ထို့ကြောင့် စက်ပစ္စည်းဆိုသည့် ရုပ်ပိုင်းဆိုင်ရာ တီထွင်မှုကတစ်ပိုင်း၊ ထိုစက်ပစ္စည်းကို ခိုင်းစေရမည့် ပရိုဂရမ်က တစ်ပိုင်း ခွဲခြားရှုမြင်ရန် လိုလာသည်။ စက်ပစ္စည်း တီထွင်သူတွေ မွေးထုတ်လား၊ ပရိုဂရမ် တည်ဆောက်သူတွေ မွေးထုတ်လား။ နိုင်ငံတိုင်းတွင် ကွဲပြားစွာ ခွဲခြားပြီး ပညာကို ပျိုးထောင်ထားရန်လည်း လိုအပ်လာသည်။ 

AI နှင့်ပတ်သက်၍ တည်ဆောက်ရမည့် လုပ်ငန်းများသည် တစ်ဦးတစ်ယောက်တည်း လုပ်ဆောင်ရမည့် လုပ်ငန်းမျိုး မဟုတ်ပါ။ ထို့ကြောင့် အဖွဲ့နှင့်ပေါင်းစုပြီး တီထွင်လုပ်ဆောင်တတ်မှုကို ကျောင်းများတွင် အခြေခံပေးလိုက်ရန် လိုပါသည်။ Team Work ဆိုသည့် သဘောတရား အားနည်းသည့် ပညာရေးစနစ်နှင့်၊ အလွတ်ကျက် ပြန်ရေး ပညာရေးသည် တီထွင်ဖန်တီးတတ်သူများ ပေါ်ထွက်လာရန် မဖြစ်နိုင်ပါ။

အခြားတစ်ဖက်တွင်လည်း ပရိုဂရမ်ကို တည်ဆောက်နိုင်မှ စက်များကို ခိုင်းစေနိုင်မည်ဖြစ်သောကြောင့် ပရိုဂရမ်ရေးနည်းကို ကျောင်းတွေက အခြေခံကျကျ ပြုစုပျိုးထောင်ပေးလိုက်ရန် လိုပါသည်။ တောင်ကိုရီးယားနိုင်ငံတွင် အခြေခံပညာ အလယ် တန်းအဆင့်ကစပြီး ကွန်ပျူတာ ပရိုဂရမ်ရေးနည်းများ ကို သင်ကြားရန် ပြင်ဆင်နေပြီး၊ ၂၀၂၀ ပြည့်နှစ်တွင် ကွန်ပျူတာ ပရိုဂရမ်ရေးနည်းများကို ပညာရေးစနစ်တွင် မသင်မနေရအဖြစ် ပြဋ္ဌာန်းရန်ကို အားထုတ်နေခြင်းမှာ အကြောင်းမဲ့ မဟုတ်နိုင်ပါ။

အလယ်တန်း အဆင့်လောက်ကတည်းက ကျောင်းသားလူငယ်များကို (Problem Solving) ဆိုသည့် တွေးဆဖြေရှင်း ဉာဏ်ပွင့်လင်းစေမည့် သဘောတရားတွေကို သင်ကြားပေးနေရမည်။ ထိုအချိန်ကတည်းက ပူးပေါင်း လုပ်ဆောင်ခြင်း၊ ပူးပေါင်း ဖြေရှင်းခြင်း (Cooperatively in teams) ဆိုသည့် သဘောတရားများကို လက်တွေ့ အကောင်အထည် ဖော်ခိုင်းနိုင်ရမည်။ လူငယ်တွေကိုယ်တိုင် စိတ်ပါဝင်စားသည့် လုပ်ငန်းများကို လုပ်ဆောင်စေရမည်။ သူတို့ဘဝအတွက် လိုအပ်သည့် သင်ယူလေ့လာမှုမှာ ပြဋ္ဌာန်းထားသည့် Text-based မဖြစ်သင့်ပါ။ ကိုယ်တိုင် စူးစမ်းလေ့လာ (Inquiry-based) နှင့် စီစဉ် လေ့လာဖော်ထုတ်မှု (Project-based) တို့သာ ဖြစ်သင့်ပါသည်။ အထူးသဖြင့် 8 grade အဆင့်လောက်တွင် ထိုသဘောတရားများကို လုပ်ဆောင်နိုင်စွမ်းရှိနေရန် လိုအပ်သည်။

AI နှင့် စက်များ ထွန်းကားလာသည့်ခေတ်တွင် (ကိုယ်ကျင့်တရား) ဆိုသည့် သဘောတရားများကိုလည်း သင်ကြားပေးရန် လိုပါသည်။ AI နည်းပညာသည် အချိန်တိုင်းတွင် ကိုယ်ကျင့်တရား ပြဿနာများနှင့် ထိပ်တိုက် ရင်ဆိုင်ရနိုင်သည်။ တီထွင်မှုတွင် လူမျိုး၊ ဘာသာ၊ လိင်၊ အဆင့်အတန်း မခွဲခြား သုံးစွဲနိုင်သည့် အနေအထားမျိုးတွင် ရှိစေရမည်။ အလိုအလျောက် မောင်းသည့်ကား တီထွင်ရာတွင် စီးသူ ဇိမ်ကျရေးကို သာမက လမ်းလျှောက်သူများ အခွင့်အရေးကိုလည်း ပရိုဂရမ်က ထည့်သွင်း တွက်ဆပေးနိုင်ရမည်။ 

လူငယ်များကို ကွန်ပျူတာပရိုရမ် ကုတ်ရေးနည်းများ သင်ကြားပေးရာတွင် အဓမ္မ တိုက်တွန်း သင်ကြားခြင်းထက် ပျော်ရွှင်စွာ တီထွင်ဖန်တီးနိုင်ခြင်း၊ ရလဒ်အပေါ် ကြည်နူးခြင်း၊ အောင်မြင်မှုတွင် အကျိုးခံစားရခြင်းဆိုသည့် သဘောတရားများကိုလည်း ထည့်သွင်း သင်ကြားပေးသင့်သည်။ ကွန်ပျူတာ ပရိုဂရမ်ဆိုသည်မှာ အချိန်မရွေး စိတ်ကူးပေါက်ချိန်တွင် ထပြီးရေးသားချင်နေသည့် စိတ်မျိုးဖြစ်စေရန် စီစဉ်ပေးထားသင့်သည်။ 

ခေတ်က ဒစ်ဂျစ်တယ်ခေတ်ဖြစ်ကြောင်း မျက်ခြေမပြတ်သင့်။ ကွန်ပျူတာသိပ္ပံက နေရာတိုင်းတွင် လိုအပ်လာသည်။ ဝိဇ္ဇာပညာက အရေးမကြီးဟု ဆိုလိုခြင်းမဟုတ်။ သိပ္ပံပညာတွင် ကွန်ပျူတာ၏ အခန်းကဏ္ဍသည် ပိုပြီး အရေးပါလာသည်။ ဝိဇ္ဇာပညာရပ်များကို လေ့လာလိုက်စားရာတွင် ကွန်ပျူတာက မရှိမဖြစ် အသွင်ဆောင်လာကြောင်း သိထားရန်လိုပါသည်။ ကျောင်းသင်ပညာရပ်အတွက် ရောက်လာကြသည့် လူငယ်များသည် အနာဂတ်တွင် ကွန်ပျူတာကို ရင်မဆိုင်၊ မကိုင်တွယ်ဘဲ မည်သည့် ပြဿနာကိုမှ ဖြေရှင်းမရနိုင်ကြောင်း ကောင်းစွာ သိထားမှ အနာဂတ်ကို အဆင်သင့် ကြိုတင်ပြင်ဆင်ထားနိုင်မည်။ ၈ တန်းနှင့် ၉ တန်း အဆင့်လောက်ကတည်းက လူငယ်တွေကို ကွန်ပျူတာ ပရိုဂရမ်နှင့် ရင်းနှီးစေရန် ဖန်တီး မပေးထားနိုင်လျှင် အဆင့်မြင့်ပညာများကို သင်ပေးနေပါသည်ဟု မည်သည့်အစိုးရကမှ ပြောနိုင်သည့် ခေတ်မျိုး မဖြစ်နိုင်ပေ။

အမေရိကန် ပြည်ထောင်စုကျောင်းများတွင် ၄၀ ရာခိုင်နှုန်းခန့်သည် ကွန်ပျူတာ ပရိုရမ်းမင်းပညာရပ်ကို သင်ကြားနိုင်စေရန် အခြေချ လုပ်ဆောင်နိုင်ခဲ့ပြီဖြစ်သည်။ ကွန်ပျူတာ ပရိုဂရမ်ကို သင်ရာတွင်လည်း ကျယ်ပြန့်စွာဖြင့် ထိရောက်အောင် သင်နေခြင်းဖြစ်ပြီး၊ ဟန်ပြလုပ်ဆောင်နေခြင်းမျိုး မဟုတ်ပေ။ ၂၀၁၆ ခုနှစ်အထိ AP Computer Science A (APCS-A) စနစ်ဖြင့် ဖြေဆိုသူပေါင်း ၅၈,ဝ၀ဝ ခန့်ရှိလာပြီဖြစ် ည်။ အနာဂတ်အတွက် ကွန်ပျူတာ သိပ္ပံပညာရှင် များစွာ မွေးထုတ်နိုင်ရေးကို အမေရိကန်တို့လည်း တွေးထားသည်။ 

အစ္စရေးနိုင်ငံသည် ကွန်ပျူတာသိပ္ပံဆိုင်ရာ ပညာရပ်များကို တက္ကသိုလ် မတက်မီ အထက်တန်း အဆင့် (pre-college curriculum) တွင် ထည့်သွင်း သင်ကြားနေပြီဖြစ်သည်။ ဗြိတိန်တွင်လည်း ကျောင်းသင်ကွန်ပျူတာ ပညာရေးကို (Computing at School) ပရိုဂရမ်အနေနှင့် လုပ်ဆောင်နေသည်။ ဂျာမနီနှင့် ရုရှားတို့ကလည်း နောက်ကျ မကျန်ရေးကို ကြိုးပမ်းနေသည်။ သမ္မတအိုဘားမား လက်ထက်ကတည်းက အမေရိကန် ပြည်ထောင်စုတွင် (Computer Science for All) အနေနှင့် လုပ်ဆောင်ခဲ့သည်။ သို့သော် ထရမ့်လက်ထက်တွင် ကွန်ပျူတာသိပ္ပံ သင်ကြားရေးကို ဘတ်ဂျက်ဖြတ်ခြင်းနှင့် ရင်ဆိုင်နေရသည်။ 

အထက်တန်းအဆင့် ရောက်ကတည်းက ကွန်ပျူတာ သိပ္ပံသဘောတရားကို ကောင်းစွာ တတ်မြောက်နေပြီ ဆိုလျှင် လူငယ်များ၏ အနာဂတ်ကို ကောင်းစွာ ပျိုးထောင်ပေးပြီး ဖြစ်နေသည်ကို ဆင်ခြင်သင့်ပါသည်။ အထက်တန်းအောင်ပြီး ကောလိပ် ဆက်တက်နိုင်ရန် အခက်အခဲ ဖြစ်နေသူများအတွက် သူတို့လက်ထဲသို့ နည်းပညာနှင့် တီထွင်ဖန်တီးနိုင်သည့် လက်နက်တစ်ခုခု ထည့်ပေးလိုက်နိုင်ရန် ပြင်ဆင်ပေးလိုက်သင့်သည်။ ကွန်ပျူတာတတ်မှ လုပ်စား၍ ဖြစ်မည့်ခေတ်တွင် ကွန်ပျူတာ ပရိုဂရမ် ရေးသား နည်းလောက် သူတို့ တတ်မြောက်ထားလျှင်၊ ကွန်ပျူတာကို ထိန်းချုပ်ပြီး၊ ကွန်ပျူတာနှင့် ကောင်းစွာ တီထွင်လုပ်နိုင်ပြီဆိုလျှင် လမ်းပေါ်တွင် လေလွှင့်ပြီး လမ်းဘေးရောက်နေသည့် အရေအတွက်လည်း နည်းသွားပေလိမ့်မည်။ စိတ်ဓာတ်ကိုပညာဖြင့် မြှင့်တင်နိုင်ပါသည်။

လူငယ်တွေကို ဘဝခရီးလမ်း အောင်မြင်စွာ ဖြတ်သန်းစေချင်လျှင် ကွန်ပျူတာ ပရိုဂရမ် ရေးသားနည်းများ သင်ပေးလိုက်ရုံကလွဲပြီး အခြားနည်း မရှိကြောင်း ပညာရှင်များက တွေးဆနေကြပြီဖြစ်သည်။ ကွန်ပျူတာ Code များကို ရေးသားခြင်းသည် တီထွင် ဖန်တီးလုပ်ဆောင်ရသည့် လုပ်ငန်းတစ်ခုဖြစ်သည်။ စာတွေ ကျက်ခိုင်းနေမည့်အစား Code ကို ရေးတတ်အောင် စီစဉ်ပေးခြင်းသည် ခေတ်စနစ်က တောင်းဆိုနေသည့် (Critical thinking) နှင့် (Problem solving) ဆိုသည့် သဘောတရားများကိုလည်း အထောက်အကူပြုနိုင်ပါသည်။ 

တီထွင်မှုဆိုသည်မှာ အင်နှင့်အားနှင့် ပစ္စည်းများကို မချီပြီး၊ ကိရိယာပစ္စည်းများကို ကိုင်ဆောင်ကာ ချွေးနစ်နေအောင် လုပ်ဆောင်ရသည့် အလုပ်မျိုး မဟုတ်တော့ပါ။ တစ်လမခန့်ရှိသော ကွန်ပျူတာ Chip တစ်ခုက ၁၀ ပေခန့်ရှိသည့် စက်ရုပ်ကြီးတစ်ခုကို ထိန်းချုပ်ခိုင်းစေနိုင်သည့်ခေတ်ဖြစ်ပါသည်။ Chip တစ်ကို ကွန်ပျူတာ ပရိုဂရမ်ပေါင်းများစွာဖြင့် တည်ဆောက်ထားပါသည်။ ဉာဏ်ကြီးရှင် မွေးထုတ်ရမည့် ခေတ်ဖြစ်သည်။ ဉာဏအားကို အသုံးချပြီး အသက်သာဆုံး တီထွင်ဖန်တီးနိုင်စွမ်းရှိသူများကို မွေးထုတ်ပေးရမည့်ခေတ်ဖြစ်ပါသည်။

အနာဂတ်သည်စက်များ၊ ပစ္စည်းများ (Hardware) ဖြင့် တည်ဆောက်ရမည့်ကမ္ဘာဖြစ်သည်။ ထိုပစ္စည်းများကို ထိန်ချုပ်ရမည့် ဆော့ဖ်ဝဲ (Software) များလည်း လိုအပ်သည်။ အနာဂတ်အတွက် လူငယ်များကို မွေးထုတ်တော့မည်ဆိုလျှင် Hardware ပိုင်းနှင့် Software ပိုင်းတို့ကို ကောင်းစွာ နားလည်ကိုင်တွယ် ထိန်းချုပ်နိုင်သူများဖြစ်အောင် မွေးထုတ်ရန်လိုသည်။ AI ကိုမပိုင်ဘဲ၊ မကိုင်တွယ်နိုင်ဘဲ စာကျက်ကောင်းသည့် ကြက်တူရွေးများကို မွေးထုတ်ပေးနေသည့် ကျောင်းများသည် အသုံးမကျသည့် အမှိုက်များကို ထုတ်ပေးနေသည့် စက်ရုံများ ဖြစ်လာပေလိမ့်မည်။

ခေတ်ကတောင်းဆိုနေသည့် AI အတွက် ဉာဏ်ကြီးရှင်များကို မွေးထုတ်ပေးနိုင်ခြင်း မရှိသော နိုင်ငံများမှာ ရာစုနောက်ကျန်များ အဖြစ်သူများ အခိုင်းခံ (အစေခံ) ဘဝတွင်သာ ကျေနပ်နေရမည့် နိုင်ငံဖြစ်လိမ့်မည်။

E-01

  • VIA