တိမ်လွှာ လျှောစီးတဲ့ လူစွန့်စား တစ်ယောက်ရဲ့ ဗီဒီယိုကို ဒီနေ့အတွက် ကြည့်စရာ YouTube ဗီဒီယိုအဖြစ် ညွှန်းပေးချင်ပါတယ်။

ဟုတ်ပါတယ်။ တိမ်လွှာ လျှောစီးတာပါ။ ရေလွှာ လျှောစီးတာ မဟုတ်ပါဘူး။ Adrian "Wildman" Cenni ဆိုတဲ့ လူစွန့်စားဟာ ပေ ၆၀၀၀ အမြင့်မှာ တစ်နာရီ မိုင် ၈၀ နှုန်းနဲ့ တိမ်လွှာ လျှောစီးတာကို ရိုက်ကူးထားတဲ့ ဗီဒီယို ဖြစ်ပါတယ်။

ဒီလို လူစွန့်စားတွေရဲ့ စွန့်စားခန်းတွေကို ကြည့်ရတဲ့အခါ နေ့စဉ် လက်တွေ့ ဘဝမှာ ရင်ဆိုင်ရတဲ့ အခက်အခဲတွေကို ကျော်လွှားဖို့ ခွန်အားတွေ ရရှိလိမ့်မယ်လို့ မျှော်လင့်ပါတယ်။

တစ်မိနစ်ခွဲပဲ ကြာမြင့်တဲ့ ဒီဗီဒီယိုဟာ Wildman Cenni ရဲ့ တရားဝင် YouTube Channel မှာပဲ တင်ထားတာဖြစ်ပြီး တစ်ရက်အတွင်း ကြည့်ရှုသူ ၄ သိန်းခွဲလောက် ရှိနေပါပြီ။