News

POST SECTION

TRAVEL-LOG

10-Nov-2018
အတာကာမာ သဲကန္တာရသည် ကမ္ဘာပေါ်တွင် အခြောက်သွေ့ဆုံးနှင့် လူသူအရောက်အပေါက်နည်းသည့် သဲကန္တာရတစ်ခုအဖြစ်ထင်ရှားသည်။ ဆယ်စုနှစ်ပေါင်းများစွာ မိုးရေနှင့် လုံးဝမထိတွေ့ဖူးသော နေရာများ ယနေ့တိုင်ရှိနေသေးသည်။ ခြောက်သွေ့လွန်းသော သဲကန္တာရကို ထူးဆန်းသည့် လက်ကြီးတစ်ဖက်ကြောင့် လာရောက်လည်ပတ်သူတွေလည်း ထူးဆန်းစွာရှိနေသည်။
03-Nov-2018
ကမ္ဘာလှည့် ခရီးသွားဆိုလိုက်လျှင် ထူးခြားဆန်းကြယ်သည့် ကမ္ဘာ့အံ့ဖွယ်နေရာများကိုသာ သွားတတ်ကြသည်ဟုထင်လျှင် မှားပါလိမ့်မည်။ ကမ္ဘာလှည့်ခရီးသွားတိုးရစ်များဆိုသည်မှာ ကမ်းခြေလိုနေရာမျိုးတွင် ဘီကီနီဝတ်စုံလေးတွေနှင့် လျှောက်သွားကြသည်ဟုထင်လျှင်လည်း လွဲကောင်းလွဲနိုင်ပါသည်။ အချို့သော ကမ္ဘာလှည့်ခရီးသည်များသည် လူမသိ၊ သူမသိ၊ လူသိမခံချင်သည့် နေရာများသို့လည်း သွားတတ်ကြပါသည်။ ထို့ကြောင့် ပျောက်သွားခြင်း၊ သေဆုံးခြင်းများလည်း ဖြစ်ပေါ်လာတတ်သည်။ စစ်ဖြစ်သည့်နေရာ၊ သူပုန်တွေ စိုးမိုးထားသည့်နေရာ၊ လူဆိုးတွေ သောင်းကျန်းနေသည့်နေရာကို ထူးခြားစွာသွားလိုသည့် ခရီးဆန်းများအကြောင်း ဖော်ပြလိုက်ပါသည်။
27-Oct-2018
ဥရောပ၏ လည်ပတ်ရန် အကောင်းဆုံးနေရာတစ်နေရာအဖြစ် သတ်မှတ်ထားသည်။ ဆလိုဗေးနီးယားနိုင်ငံ၏ ဗင်းနစ်မြို့လေးဟူ၍လည်း တင်စားကြသည်။ အဒရီရေးတစ် ပင်လယ်ကမ်းခြေအနီးတွင် တည်ရှိသော မြို့လည်းဖြစ်သည်။
13-Oct-2018
Ki သို့မဟုတ် Key Gompa ဘုန်းတော်ကြီးကျောင်းသည် တိဘက်နိုင်ငံရှိ ဗုဒ္ဓဘာသာဘုန်းတော်ကြီးကျောင်းတစ်ကျောင်း ဖြစ်သည်။ အိန္ဒိယရွာလေးတစ်ရွာဖြစ်သည့် ကီဘာ (Kibar) တောင်ပေါ်တွင် တည်ထားသော ကျောင်းကြီးတစ်ကျောင်းဖြစ်သည်။ ထိုဘုန်းကြီးကျောင်းသည် ပင်လယ်ရေမျက်နှာပြင်အထက် ပေပေါင်း ၁၃၆၆၈ တွင်ရှိပြီး အိန္ဒိယနိုင်ငံ၏ အမြင့်ဆုံးရွာလေးတစ်ရွာ၌ တည်ရှိသည့် ဘုန်းကြီးကျောင်းလည်းဖြစ်သည်။
30-Sep-2018
ဂူနှင့်ပတ်သက်သော အသေးစိတ်အတိုင်းအတာများနှင့် ခိုင်လုံသော အထောက်အထားမတွေ့ရသေးချေ။ လူသူအရောက်အပေါက်နည်းသော ထုံးကျောက်ဂူဖြစ်ကာ ခက်ခက်ခဲခဲသွားရသောဂူလည်း ဖြစ်သည်။ ဂူအတွင်းတွင် ရေတံခွန် စိမ့်စမ်းရေအိုင်များနှင့် ကျောက်ဖျာကြီးကိုတွေ့ရမည်ဖြစ်ပြီး ဂူအတွင်းပိုင်းသို့ အဆုံးထိသွားရောက်နိုင်သူ မရှိသေးပါချေ။ ထီပရူနူးဂူသို့ သွားရောက်လည်ပတ်ခဲ့သူများသည်လည်း တောင်တက်အထောက်အကူပြုပစ္စည်း အစုံအလင်ဖြင့် စွန့်စွန့်စားစား ခက်ခက်ခဲခဲ ဝင်ရောက်ခဲ့ရသည်ဟုဆိုကြသည်။
29-Sep-2018
ဒိန်းမတ်နိုင်ငံက ပြည်သူများသည် ဘယ်သွားသွား စက်ဘီးစီးသွားမည်ဆိုသည့် သဘောကို စိတ်ထဲစွဲနေကြသည်။ ထို့ကြောင့် သူတို့စက်ဘီးတွေ စီးကြသည်။ စက်ဘီးတွေကလည်း ပေါ့ပေါ့ပါးပါးလေးတွေကို ပိုပြီးသဘောကျကြသည်။ ထို့ပြင် ဖင်ထိုင်ခုံများကလည်း သက်သောင့်သက်သာဖြစ်နေစေရန် ဂရုစိုက်သည်။ နေရာအနှံ့ စက်ဘီးအငှားဆိုင်တွေလည်းရှိသည်။
22-Sep-2018
UNESCO က မာချူပီချူ မြို့ဟောင်းနေရာကို ကမ္ဘာ့သမိုင်းဝင်အမွေအနှစ် World Heritage-listed အဖြစ် ၁၉၈၃ ခုနှစ်ကတည်းက သတ်မှတ်ထားသည်။ ၂၀၀၇ ခုနှစ်တွင် ကမ္ဘာ့အံ့ဖွယ် ၇ နေရာအနက် တစ်နေရာအဖြစ် ပါဝင်ခဲ့သည်။ ၂၀၁၇ ခုနှစ်က ကမ္ဘာ လှည့်ခရီးသည်များအား အဆွဲဆောင်နိုင်ဆုံးနေရာ တစ်နေရာအဖြစ် World Travel Awards ဆုကို ပေးအပ်ချီးမြှင့်ခြင်းခံခဲ့ရသည်။
15-Sep-2018
ကြောင်ကြောက်သူ၊ ကြောင်နှင့် ဓာတ်မတည့်သူများတွင် အဆင်ပြေမည့် ကျွန်းတစ်ကျွန်း မဟုတ်ပါ။ သို့သော် ကြောင်ချစ်တတ်သူများအတွက်မူ အမွေးရှည်ကြောင်လေးတွေနှင့် အလွန်ချစ်စရာကောင်းသည့် လည်ပတ်ချင်စရာကျွန်းတစ်ကျွန်း ဖြစ်ကောင်းဖြစ်နိုင်သည်။ ဂျပန်နိုင်ငံတွင် ထူးဆန်းစွာဖြင့် ကြောင်တွေရှိနေသော ကျွန်းတစ်ကျွန်းကို လည်ပတ်နေသူများ ရှိနေသည်။
08-Sep-2018
အမေရိကန်ပြည်ထောင်စု၊ အော်ရီဂွန်အရပ်ရှိ ထင်းရှူးပင်ကြီးတစ်ပင်သည် ထူးခြားစွာဖြင့် ရေဘဝဲကြီးတစ်ကောင်လို ပေါက်နေသည်။ ပင်စည်ကြီးတစ်ခုမှ အကိုင်းအခက်များ ထူးခြားစွာ ဖြန့်ထွက်နေခြင်းကြောင့်လည်း ရေဘဝဲကြီးဟု တင်စားခေါ်ဝေါ်ကြခြင်းဖြစ်သည်။
01-Sep-2018
နိုင်ငံအများစုတွင် ပင့်ကူကိုတွေ့လျှင် ကြောက်ပြီး အော်ပြေးတတ်ကြသည်။ ယူကရိန်းနိုင်ငံတွင်တော့ ထိုသို့မဟုတ်။ သူတို့က ခရစ္စမတ်ကာလတွင် ပင့်ကူကို တွေ့မည်ဆိုလျှင် ပိုပြီးပျော်ရွှင်ကြည်နူးကြသည်။ တစ်နည်းဆိုရလျှင် ထိုအချိန်တွင် ပင့်ကူကို တွေ့ပါက ကံကောင်းသည်ဟု ယူဆကြသည်။ ပင့်ကူက ကံကောင်းခြင်းကို ယူဆောင်လာတတ်သည်ဟူ၍ ယူဆကြသောကြောင့်ဖြစ်သည်။
25-Aug-2018
တစ်ချိန်က လူစည်ကားခဲ့ပြီး နောက်ပိုင်းတွင် ပစ်ထားခဲ့သော မြို့ပေါင်းများစွာ နိုင်ငံအနှံ့တွင် ရှိပါသည်။ ထိုမြို့များကို တစ္ဆေမြို့များဟုခေါ်ကြသည်။ ထိုစွန့်ပစ်ထားသော မြို့များကိုပင် ယခုအခါ ကမ္ဘာလှည့်ခရီးသည်များက စိတ်ဝင်စားစွာဖြင့် သွားကြည့်သောနေရာများ ဖြစ်နေပါသည်။
18-Aug-2018
ကာပျူရှင် မြေအောက်သင်္ချိုင်း (Capuchin Catacombs) သည် အီတလီနိုင်ငံတောင်ပိုင်း၊ စစ္စလီမြို့၊ ပါလာမိုအရပ်တွင် တည်ရှိသော ရှေးဟောင်းမြေအောက်သင်္ချိုင်းကြီးတစ်ခု ဖြစ်သည်။ ယနေ့ ထိုမြေအောက်သင်္ချိုင်းသည် ကမ္ဘာလှည့်ခရီးသွားများကို ဆွဲဆောင်သည့်နေရာတစ်နေရာအဖြစ် ရပ်တည်လျက်ရှိသည်။ ထို့ပြင် သမိုင်းဆိုင်ရာ အထိမ်းအမှတ်နေရာ တစ်နေရာအဖြစ်လည်း နာမည်ကျော်သည်။
11-Aug-2018
စာအုပ်မြို့တော်ဆိုသည်မှာ စာအုပ်တွေနှင့် တည်ဆောက်ထားသည့် မြို့တော်မဟုတ်ပါ။ သို့သော်စာအုပ်များကို အလေးအမြတ်ထားပြီး ရောင်းဝယ်ဖောက်ကားနိုင်ရန် စီစဉ်ပေးထားသည့် မြို့များဖြစ်သည်။ ထိုမြို့များတွင် စာအုပ်ပွဲတော်တွေ လုပ်သည်။ ဆိုင်ကြီးတွေ၊ နေရာတွေကို ဟည်းထနေအောင် စီစဉ်ထားပေးသည်။ အနယ်နယ်အရပ်ရပ်က စာပေချစ်သူတွေ အလည်လာကြသည်။ စာအုပ်လုပ်ငန်းနှင့် ခရီးသွားလုပ်ငန်းကို ဆက်စပ်ထားပြီး လူများ စိတ်ဝင်စားစေရန် ဖန်တီးထားသော မြို့တော်များ ဖြစ်သည်။
04-Aug-2018
လာမည့် အောက်တိုဘာလတွင် ဘူတန်နိုင်ငံ Laya ကုန်းမြင့်ဒေသ၌ Royal Highlander Festival ပွဲတော်ကို ကျင်းပရန်ရှိသည်။ တတိယအကြိမ်မြောက် ကျင်းပမည့်ပွဲတော်လည်းဖြစ်သည်။ ပင်လယ်ရေမျက်နှာပြင်အထက် အမြင့် မီတာ ၄၀၀၀ တွင် ကျင်းပမည့်ပွဲတော်လည်းဖြစ်သည်။
28-Jul-2018
ဟောလိုဝင်းနေ့သည် ညဉ့်နက်ချိန်တွင် မကောင်းဆိုးဝါးများ ပျော်မြူးဟန်ဖြင့် ကခုန်ရမ်းကားသည့် သဘောဆောင်သော်လည်း မက္ကဆီကိုလူမျိုးတို့က ထိုနေ့ကို သေဆုံးသူများနေ့ (Day of the Death) အဖြစ် သတ်မှတ်ကာ ပွဲများကျင်းပကြသည်။ နှစ်ရက်တိုင်ကျင်းပသည့် ထိုပွဲတွင် တစ်မြို့လုံး ပျော်ရွှင်မြူးထူးစွာဖြင့် ဆေးရောင်စုံများခြယ်ခြင်း၊ လှပစွာလူတန်းများဖြင့် စီတန်းလှည့်လည်ခြင်း၊ ညအချိန်တွင် သင်္ချိုင်း၌ သေသူများကိုရည်စူးပြီး ပန်းဆီမီးများဖြင့် ဆုတောင်းပေးခြင်းတို့ကို ပြုလုပ်လေ့ရှိကြသည်။