POST TYPE
TEACHER'S VOICE
ဆရာများ၏ ရင်ဖွင့်သံ (စာမေးပွဲဖြေမည့်သူများ)
12-Jan-2017
မတ်လ ၈ ရက်တွင် တက္ကသိုလ်ဝင်တန်း စာမေးပွဲများ စဖြေမည်။ စာမေးပွဲဖြေရန် ဇန်နဝါရီလ ၁၃ ရက်မှ စတွက်လျှင် ၅၄ ရက်သာ လိုတော့သည်။ စာမေးပွဲ နီးသည်နှင့်အမျှ စာမနိုင်သည့် ကျောင်းသားက တစ်နှစ်အကျခံပြီး နောက်နှစ်ကြိုးစားမည် ဟူသော စိတ်ကူးမျိုးဖြစ်လေ့ ရှိသည်။ ထို့အတူ ဂုဏ်ထူးမှန်းထားသူ၊ ဘာသာစုံ ဂုဏ်ထူးမှန်းထားသူ အချို့လည်း မိမိကိုယ်ကိုယ် အားမရသည့် အခြေအနေဖြစ်လျှင် ထိုသို့ စိတ်ကူးပေါ်တတ်သည်။ မိဘများအနေနှင့် မည်သို့ ထိန်းသိမ်းသင့်သည်ကို ဆရာများ၏ ရင်ဖွင့်သံကဏ္ဍမှ တစ်ဆင့် ဆရာများ၏ သဘောထားအမြင်များကို The Voice က စုစည်းဖော်ပြလိုက်ပါသည်။
“စားနေရင်း ထမင်းစားပွဲတောင် မှောက်ပစ်လိုက်တယ်”
ဒေါက်တာကြည်ရွှင် (ပါမောက္ခချုပ်၊ ရန်ကုန်နိုင်ငံခြားဘာသာတက္ကသိုလ်)

ဒီနှစ်စာမေးပွဲက ငါ့ရည်မှန်းချက် မပြည့်မီလောက်ဘူးဆိုတဲ့ အတွေးအခေါ်နဲ့ အဖြေလွှာကို ခြစ်ပစ်၊ ဖျက်ပစ်လိုက်တာမျိုးက မှန်တယ်၊ မှားတယ် ပြောလို့မရဘူး။ ဘာကြောင့်လဲဆိုတော့ ကျွန်တော်တို့ ပညာရေးစနစ်ကကို ဝင်ခွင့်ရွေးချယ်တဲ့ဟာ အမှတ်ရရှိမှုအပေါ် တော်တော်လေး မူတည်နေတယ်။ ဥပမာ- ယောက်ျားလေးဆိုရင် ၅၀၀ ကျော်မှ ဖြစ်မယ်။ ဆေးတက္ကသိုလ် သေချာမယ်ပေါ့။ မိန်းကလေး ဆိုရင်တော့ တော်တော်လေးကျော်မှ သေချာမယ်။ အဲဒီတော့ တကယ်ကို ကိုယ်က ဆရာဝန်ဖြစ်ဖို့ ဆန္ဒပြင်းပြတယ်ဆိုရင် ဆရာဝန်ဖြစ်ဖို့ ဘဝမှာ သိပ်အရေးကြီးတယ်လို့ ယူဆရင် အမှတ်ခြစ်ပစ်တယ် ဆိုတာ မမှားဘူးလို့ ကျွန်တော်မြင်တယ်။ ဘာကြောင့်လဲဆိုရင် ဒီအသက်မွေးဝမ်းကျောင်းကို ဆန္ဒရှိနေတာကိုး။ ကျွန်တော်တို့ ပညာရေးစနစ်ကလည်း အမှတ်တစ်မှတ်၊ နှစ်မှတ်နဲ့ စကားအရမ်းပြောနေတဲ့ စနစ်ပဲ ရှိနေသေးတယ်။ စနစ်ဟောင်းမှာပဲ ရှိနေသေးတဲ့အတွက် ကလေးတွေက ဒီဟာမမှားဘူး။ စနစ်ကိုတော့ပြင်ဖို့ လိုတယ်။ အဲဒီအကျင့်ဖျောက်ဖို့ဆိုရင် စနစ်ပြင်ဖို့ လိုတယ်လို့ပဲ ကျွန်တော်က မြင်တယ်။ ကျွန်တော့်သားက ဒီလိုဆန္ဒရှိလို့ ဒီနှစ်မှာ မဖြစ်နိုင်သေးလို့ ခြစ်ပစ်လိုက်တာ ဆိုရင်ဆိုတော့ ကျွန်တော် လက်ခံတယ်။ ဘာကြောင့်လဲဆိုရင် စနစ်ကကို အဆင်သင့် မဖြစ်သေးလို့။
“ယုံကြည်ချက်ဖြည့်ဖို့ မိဘတွေဘက်က အားပေးနေတယ်ဆိုတာ ပေးသိဖို့ လိုတယ်”
ဒေါက်တာအေးအေးမြင့် (တာဝန်ခံ ပါမောက္ခချုပ်၊ ရန်ကုန်ပညာရေးတက္ကသိုလ်)

စာမေးပွဲရောက်တဲ့အခါမှာ တချို့က မရတော့ဘူး၊ ကိုယ့်ရည်မှန်းချက် မရောက်နိုင်တော့ဘူးဆိုပြီး ဖြစ်သလိုဖြေတယ်။ တချို့ကလည်း အမေ့လွန်တတ်တော့ စိတ်အေးအေးထားပြီး ဒီထိအောင် ကြိုးကြိုးစားစား ဖြေရမှာ သူတို့ရဲ့တာဝန်။ အမှတ်ပေးတာ အမှတ်ရတာက ဒီဘက်က စာစစ်သူရဲ့ တာဝန်။ မိမိကြိုးစားမှုအတိုင်း ရလဒ်ရမယ် ဆိုပြီးတော့ သုံးနာရီအပြည့် ကိုယ်တတ်မြောက်မှု စစ်ဆေးတာကိုလည်း လေးလေးစားစား ဖြေကြဖို့ မိဘများဘက်က သား၊ သမီးကို စာမေးပွဲရက်မှာ နေ့တိုင်းပြောဖို့ လိုပါတယ်။ တချို့ကလေးတွေက ရှိတယ်။ မဖြေနိုင်လို့ ခြစ်ချလိုက်တာ။ နောက်နေ့ မဖြေတော့တာဆိုတော့ ဘယ်ဘာသာရပ်မဆို လူ့ဘောင်ကို အကျိုးပြုတဲ့အတွက် အားလုံးက အဖိုးတန်တယ်။ ရတဲ့နေရာ၊ ရောက်တဲ့နေရာမှာ ကြိုးစားပြီး လုပ်လို့ရတဲ့အတွက် တစ်နှစ်ဆိုတဲ့ စာသင်ချိန်၊ စာသင်ရတဲ့ငွေ၊ မိဘတွေရဲ့ အားစိုက်မှု၊ ကလေးရဲ့ ကြိုးစားအားထုတ်မှု ကျရှုံးသွားတဲ့ ဒီတစ်နှစ် အချိန်ဆိုတာ တော်တော်တန်ဖိုးရှိတယ်။ ဒီလိုမဖြစ်အောင် စာမေးပွဲ မဝင်ခင်ကလည်း အားပေးဖို့၊ နောက်ပြီးတော့ စိတ်ငြိမ်အောင်ထားဖို့၊ မိဘဘက်က ပံ့ပိုးပေးဖို့၊ ကျန်းမာရေး ဂရုစိုက်ဖို့ပါ။ စာမေးပွဲ မဖြေခင်အထိ ကြိုးစားရမယ့် တာဝန်ဆိုတာ ကလေးတွေ ပြောပြဖို့၊ စာမေးပွဲဖြေတဲ့ ရက်မှာလည်း သုံးနာရီအပြည့် ကြိုးစားဖြေဖို့ နေ့တိုင်း သတိပေးသင့်တယ်။ အားပေးသင့်တယ်။
“အရှိအတိုင်း လက်ခံဖို့ ကြိုတင်ပြင်ဆင်ထားစေချင်တယ်”
ဒေါ်ဇင်မြတ်ခိုင် (အထက်တန်း အင်္ဂလိပ်စာပြ ဆရာမ၊ မကွေးမြို့)

ဒီအချိန်မှာ မိဘဘက်ကလည်း ကလေးစိတ်ပျာသထက် ပျာသွားအောင်၊ စိတ်ပူသထက် ပူသွားအောင် တအားဖိအားမပေးပါနဲ့။ ဒီအချိန်မှာ ကိုယ့်ကလေးရဲ့ အနေအထားကို မိဘက အရှိအတိုင်း လက်ခံဖို့ လိုပါတယ်။ အခြေအနေမှန်ကို မိဘကလည်း သိချင်မှသိမှာ။ ဘာကြောင့်လဲဆိုတော့ တစ်နှစ်လုံး ဘော်ဒါနဲ့ ပစ်ထားလို့။ အခုချိန်က ဖိအားမပေးဘဲနဲ့ ကလေးကို အရှိအတိုင်း လက်ခံဖို့ ကြိုတင်ပြင်ဆင်ထားစေချင်တယ်။ ဇွတ်တွန်းအားပေးရင် ကလေးတွေက တခြားလမ်းလွဲ လုပ်စရာတွေ၊ ထိခိုက်တာ ဖြစ်လာနိုင်တယ်။ ထိခိုက်နိုင်တယ် ဆိုတာ ဖြစ်လေ့ဖြစ်ထ ရှိတာ မထူးဇာတ်ခင်း တာပေါ့။ ထွက်ပေါက်ရှာတာပေါ့။ အလွယ်ဆုံး အနိမ့်ဆုံးအနေနဲ့ ပြောရင် မထူးတော့ဘူးဆိုပြီး ရည်းစားနောက် လိုက်သွားတာမျိုး မဖြစ်အောင်ပေါ့။ စာမေးပွဲ နီးလာရင် အဲဒီလို ဖြစ်လေ့ဖြစ်ထ ရှိတယ်။ နောက်တစ်ခုက စာမေးပွဲနီးရင် အနီးကပ် ခန့်မှန်းဆိုပြီး ထွက်လေ့ရှိတယ်။ အဲဒါတွေ နောက်ကို လိုက်မသွားသင့်သလို မိဘတွေကလည်း ခန့်မှန်းဆိုတာတွေကို တွန်းအားမပေးဖို့ လိုတယ်။ ဆိုချင်တာက စာစစ်ဦးစီးဌာနက ထုတ်တဲ့ မေးခွန်းဟောင်း ၅ စုံ ဆိုတာမျိုးက လေ့ကျင့်သင့်တယ်။ အဲဒါကိစ္စ မရှိဘူး။
နေဇာကျော်
- VIA
- Voice Admin
- SOURCES
- The Voice
-
16-Feb-2019
-
16-Feb-2019
-
16-Feb-2019
-
16-Feb-2019
-
16-Feb-2019
-
16-Feb-2019
-
15-Feb-2019