News

POST TYPE

TEACHER'S VOICE

ဆရာများ၏ ရင်ဖွင့်သံ
25-Aug-2016 tagged as ဆရာ KG

အခြေခံပညာကျောင်းများ စဖွင့်သည်မှာ ဇွန်လဆန်းမှ ယခုဩဂုတ်လကုန်ပိုင်းအထိ သုံးလပြည့်တော့မည် ဖြစ်သည်။ ယခုပညာသင်နှစ် (၂၀၁၆-၂၀၁၇) မှ စတင်ပြောင်းလဲသင်ကြားသည့် သူငယ်တန်း (KG) သင်ရိုးသစ် သုံးလအချိန်အတွင်း သင်ကြား၊ သင်ယူမှု အခြေအနေများ၊ အကြံပြုချက်များကို သူငယ်တန်း (KG) သင်ဆရာများနှင့် မူလတန်းကျောင်းအုပ်၊ အထက်တန်းကျောင်းအုပ်တို့၏ သဘောထားအမြင်၊ အကြံပြုချက်များကို ဆရာများ၏ ရင်ဖွင့်သံကဏ္ဍမှ တစ်ဆင့် The Voice က စုစည်းဖော်ပြလိုက်ပါသည်။

ဦးအောင်ကျော်သူ (အ.ထ.က၊ သက္ကလ၊ တာဝန်ခံကျောင်းအုပ်၊ ကဝမြို့နယ်၊ ပဲခူးတိုင်းဒေသကြီး)

သူငယ်တန်း (KG) သင်တာ သုံးလသက်တမ်းမှာ တွေ့ရှိချက်ရ အရင်လိုစာတွေရွတ်၊ စာတွေရေးနေခြင်း မရှိတော့ဘဲ သင်ကြားမှုနယ်ပယ် ခြောက်ရပ်အတိုင်း ကျောင်းအများစု သင်ကြားနေကြတာ အမှန်ပါ။ နယ်ပယ်များအလိုက် တတ်သိမှုတွေက လုပ်နေတဲ့ အစီအစဉ်များအလိုက် အတိုင်းအတာတစ်ခုထိ အောင်မြင်မှာ သေချာပါတယ်။ (၂) လိုအပ်ချက်တွေကတော့ ရှိနေမှာပါပဲ။ ကျောင်းအုပ်ရဲ့ စိတ်ဝင်စားမှု၊ မိဘများ ပူးပေါင်းမှု၊ ဆရာများရဲ့ တီထွင်ဆန်းသစ်ဖန်တီးနိုင်မှုက အရေးပါနေပါတယ်။ အစိုးရ ပညာရေးဌာနက KG Kit တစ်မျိုးကလွဲ မထောက်ပံ့နိုင်ခဲ့ပါဘူး။ အခြားလစဉ်ကုန်ကျမှု စာသင်ခန်း မလုံလောက်မှု၊ သင်ထောက်ကူ နည်းပါးမှုတွေကတော့ မြို့ကျောင်းနဲ့ နယ်ကျောင်း ကျေးလက်ကျောင်း ကွာခြားမှု ရှိနေဆဲပါ။ ဒါကြောင့် ဘယ်နေရာဖြစ်ဖြစ် ကလေးငယ်များ သင်ယူမှု အခွင့်အရေး တန်းတူရရှိရေးအတွက် သက်ဆိုင်ရာ အာဏာပိုင် အဖွဲ့အစည်းများက ကူညီသလို အစိုးရဌာနက ရည်ရွယ်ချက် ပေါက်မြောက်ရေး အားထည့် စီစဉ်ထောက်ပံ့ပေးစေချင်ပါတယ်။ လုပ်ဆို ခိုင်းပြီးပစ်ထားရင်တော့ ကြီးကြပ်မှု မရှိရင်တော့ ချို့ယွင်းချက်၊ အားနည်းချက်တွေ ရှိနေဦးမှာပါ။ 

စနစ်သစ်တစ်ခု အပြောင်းမှာ မှန်ကန်တဲ့ နည်းပညာကျွမ်းကျင်သူက အရေးပါပါတယ်။ ဘာမှမသိဘဲ လမ်းကြောင်းသစ်ပေါ် လျှေက်နေရင် ခရီးတွင်လှမှာ မဟုတ်ပါဘူး။ သူငယ်တန်း (KG) က အထူးသင်ရိုး (Special Course) ဖြစ်တာမို့ လက်ရှိရှိနေတဲ့ သင်ကြားနည်း ပရိုဂရမ်တွေ၊ Uninstall (ယခင် စာရေး၊ စာကျက်ခိုင်းခြင်း မလိုအပ်ဘဲ သင်ကြားမှု နယ်ပယ်အလိုက် တတ်သိမည့် သင်ကြားနည်းများနှင့် အစားထိုးခြင်း) လုပ်ပြီး Upgrade လုပ်မှ အဆင်ပြေမှာပါ။ ဒါကြောင့် သင်တန်းပေး၊ နည်းပညာ ဖြန့်ဝေမှုက မရှိမဖြစ် လိုနေဦးမှာပါ။ နောက် ကျောင်းများရဲ့ နှစ်စဉ် ရာထူးတိုး ပြောင်းရွှေ့အစီအစဉ်တွေကြောင့် ကျွမ်းကျင်ပညာရှင်များ ဆုံးရှုံးနိုင်ပါတယ်။ သူငယ်တန်း (KG) အထူးဆရာများ သီးသန့်ခန့်ထား သင်တန်းပေး ခန့်ထားခြင်းက နှစ်စဉ်သင်တန်းပေးမှု လျော့သွားမှာ ဖြစ်သလို ကျွမ်းကျင်ပညာရှင်များ တည်မြဲလာမှာလည်း ဖြစ်ပါတယ်။ 

မူလတန်းအဆင့်၊ အလယ်တန်းအဆင့်၊ အထက်တန်းအဆင့် အားလုံးမှာ ရာထူးတိုး ပြောင်းရွှေ့ခြင်းများကြောင့် သင်ကြားရေး အခက်အခဲ ရှိနေဆဲပါ။ နောက် အဆင့်တစ်ခုမှာ လုပ်သက်ရလာပြီး ကျွမ်းကျင်မယ် ဆိုတာနဲ့ ရာထူးတိုးသွား၊ ပြန်ပြောင်းသွားတတ်လို့ ကျောင်းသားများက ပြင်ပပုဂ္ဂလိကကျောင်းများလို မဟုတ်ဘဲ အစမ်းသပ်ခံ၊ မြေစမ်းခရမ်းပျိုး ဆိုတာမျိုး သင်ယူမှု၊ သင်ကြားမှုတွေ ခါးပြတ်လေ့ ရှိပါတယ်။ ဒါကြောင့် သူငယ်တန်း (KG) ဆင့် သီးသန့်ခန့်ပြီး ထိုက်သင့်တဲ့ လစာခံစားမှု ပေးထားရင် ဒီပြဿနာတွေ ရှင်းသွားနိုင်ပါတယ်။ တကယ်ဝါသနာ၊ စေတနာပါတဲ့ ဆရာ၊ ဆရာမများ သူငယ်တန်းဆင့်မှာ ပျော်ရွှင်စွာ တာဝန်ထမ်းဆောင်နေကြမှာ သေချာပါတယ်။ သူငယ်တန်းသင် ဆရာသီးသန့် ခေါ်ယူခန့်ထားသင့်ပါတယ်။ 

မိဘများ ပူးပေါင်းမှု ပညာရေး ခံယူချက်တွေက သူငယ်တန်းပညာရေးမှာ အဓိကကျပါတယ်။ သင်ကြားမှု နယ်ပယ်အလိုက် တတ်မြောက်မှုတွေတိုင်း အိမ်မှာ၊ ရပ်ကွက်ထဲမှာ ပတ်ဝန်းကျင်မှာ ထိတွေ့ခံစားတတ်သိမှုတွေကို အခြေခံထားပါတယ်။ ဒါကြောင့် မိဘများ အနေနဲ့ သူငယ်တန်းသင် ဆရာများနဲ့ ဆွေးနွေးတိုင်ပင်ပြီး ညှိနှိုင်းပံ့ပိုးမှုတွေ အများကြီးလိုပါတယ်။ စိတ်ဓာတ်ပိုင်း၊ စာရိတ္တပိုင်း၊ ဗဟုသုတပိုင်း လူမှုဆက်ဆံရေးပိုင်းတွေ အခြေခံတတ်မြောက်ပြီး ရည်မွန်တဲ့ လိမ္မာယဉ်ကျေးတဲ့ လူကောင်း၊ လူတော်လေးတွေ ဖြစ်လာရေးက ကလေးတွေအတွက်၊ လောကအတွက် အကောင်းဆုံးဆိုတဲ့ ခံယူချက်တွေ ရှိလာဖို့ ပြောင်းလဲမွေးမြူမှရပါတော့မယ်။ အဆင့်ဆင့် တိုးတက်တတ်မြောက်မှုကို အလေးပေးရပါမယ်။ မိဘအများစုက (ကလေးအသက်) လေးနှစ်လောက်ကတည်းက ရေးတတ်၊ ဖတ်တတ်ရင် ပီတိဖြစ်ပြီး စေတနာလောဘတွေနဲ့ အတင်းအကျပ် စာတွေသင်ခိုင်းနေရင် ဦးနှောက်ဖွံ့ဖြိုးမှု မရင့်သန်သေးတဲ့ ကလေးများအတွက် ဒဏ်ဖြစ်သွားတတ်တာကို သတိမူစေချင်ပါတယ်။ မိမိသူငယ်တန်းအရွယ် ကလေးကို ကျူရှင်တွေ အတင်းတက်ခိုင်း၊ အတင်းသင်ခိုင်းနေတာတွေကြောင့် နိုင်ငံတော်ရဲ့ ပညာရေးဌာနရဲ့ ပညာရေး မျှော်မှန်းချက် လွဲသွားနိုင်ပါတယ်။ ဒါကြောင့် မိဘများကို အခါအားလျော်စွာ ကျောင်းအုပ်ဆရာ၊ ဆရာမများ ပညာရှင်များက တွေ့ဆုံဆွေးနွေး လမ်းပြသင့်တယ်လို့ ယူဆမိပါတယ်။                                                  

ဦးစိုးမင်း (မူလတန်းကျောင်းအုပ်၊ ဖျောက်ဆိပ်ကုန်းကျေးရွာ၊ တောင်တွင်းကြီးမြို့နယ်၊ မကွေးတိုင်းဒေသကြီး)

ကျောင်းဖွင့်တာ သုံးလရှိပြီဆိုတော့ အောင်မြင်သင့်သလောက် အောင်မြင်ပါတယ်။ အားရစရာတော့ မရှိသေးပါဘူးပေါ့။ အားနည်းချက်ကတော့ ကျောင်းတော်တော်များများမှာ ရှိနေကြမှာပါပဲ။ ရည်ရွယ်ချက် အောင်မြင်အောင် ဆိုရင်တော့ အစိုးရဘက်ကနေ အဆောက်အအုံတွေ၊ သင်ထောက်ကူနဲ့ ဆက်စပ်ပစ္စည်း တွေ ပံ့ပိုးပေးဖို့ လိုအပ်ပါတယ်။ အဖြစ်သင့်ဆုံးကတော့ B.A/ B.Sc ဘွဲ့ရများကို သူငယ်တန်း (KG) အထူးပြုသင်တန်းများပေးပြီး သီးသန့်ခန့်ထားပေးနိုင်ရင်တော့ အကောင်းဆုံးဖြစ်မှာပါ။ သူငယ်တန်း (KG) သင် ဆရာ၊ ဆရာမများကတော့ သင်ထောက်ကူပြည့်စုံမှုနဲ့ ဆရာရဲ့ တီထွင်ဖန်တီးနိုင်မှုပေါ် မူတည်ပြီးတော့ ကြိုးစားကြတာပါပဲ။ သင်ကြားမှုနယ်ပယ်မှာ အားနည်းချက်ရှိတဲ့ ဒေသတွေကတော့ ရှိတာပေါ့။ 

အားနည်းချက်ကို အပြစ်တင်နေမယ့်အစား ဘာကြောင့်အားနည်းတယ် ဆိုတာကို အဖြေရှာပြီး ဖြည့်ဆည်းဆောင်ရွက်ပေးသင့်တာပေါ့။ သူငယ်တန်း (KG) အထူးပြု သီးသန့်မထားရှိတဲ့အတွက် အခုရာထူးတိုးတွေ ထွက်သွားတော့ သူငယ်တန်း (KG) သင်တဲ့ ဆရာ၊ ဆရာမတွေ ပါသွားတယ်လေ။ ဖြည့်ဆည်းခန့်ထားဖို့ ဆိုတာ ကာလသတ်မှတ်ချက် မရှိတော့ ရှိသူနဲ့ ပဲပွဲဖြစ်အောင် ကကြပြန်ရတယ်လေ။ အဆိုးဆုံးက သူငယ်တန်း (KG) သင်တန်းဆင်းတွေ အလယ်တန်းဆင့်ကို ရောက်ကုန်တာပါပဲ။ သူငယ်တန်း (KG) သင်တန်းမတက်ဖူးတဲ့သူက သူငယ်တန်း တာဝန်ယူရတော့ ကွင်းဆက်ပြတ်ကုန်တာပေါ့။ မိဘတွေကတော့ ပျော်ရွှင်ဆော့ကစားပြီး သင်ကြား၊ သင်ယူတာကို စိတ်ဝင်စားကြပါတယ်။ ဒါပေမဲ့ ရပ်ထဲ၊ ရွာထဲမှာ စာရေး၊ စာဖတ် ခိုးသင်နေကြပါတယ်။ အစိုးရအနေနဲ့ ရုပ်သံလိုင်းများမှ သူငယ်တန်း (KG) ပညာပေး ဇာတ်လမ်းလေးတွေ ရိုက်ကူးထုတ်လွှင့်ပေးမယ် ဆိုရင်တော့ အကောင်းဆုံး ဖြစ်ပါလိမ့်မယ်။                   

ဒေါ်သီတာ (အမက (၁၀) တာမွေ၊ သူငယ်တန်း (GK) သင် ဆရာမ)

ရည်မှန်းချက်တွေအတိုင်း အောင်မြင်မှု ရှိသင့်သလောက် ရှိပါတယ်။ ရာနှုန်းပြည့်တော့ မရသေးပါဘူး။ ဒီထက်ပိုအောင်မြင်စေချင်ရင် ကျွန်မတို့ သူငယ်တန်း (KG) သင်ဆရာ၊ ဆရာမတွေကို လုပ်ငန်းခွင် နေပျော်အောင် အစစအရာရာ စီစဉ်ပေးစေချင်သလို သူငယ်တန်း (KG) စာသင်ခန်း ပီသအောင် လိုအပ်တဲ့ ပစ္စည်းအားလုံး ဖြည့်ဆည်းပေးစေချင်ပါတယ်။ ဆရာ၊ ဆရာမ အများစုက သင်ရိုးရည်ရွယ်ချက်တွေကို နားလည်ပြီး ကလေးတွေ သင်ပေးနိုင်ကြပါတယ်။ တော်တော်တော့ ပင်ပင်ပန်းပန်း သင်ကြရတာပါ။ ပြောင်းလဲသင်ကြားပေးမယ့် သူငယ်တန်း (KG) ဆရာ၊ ဆရာမရဲ့ လိမ္မာပါးနပ်မှု ကျွမ်းကျင်မှု သင်ခန်းစာကို ကြိုတင်ပြင်ဆင်မှုအပေါ် မူတည်နေတယ်လို့ ထင်ပါတယ်။ သူငယ်တန်း (KG) သင်တန်းဆင်း ဖြစ်တဲ့အတွက် သင်ကြားနေတဲ့ အကြောင်းအရာ ကွင်းဆက်မပြတ်အောင် သင်ပေးနိုင်မှာပါ။ အချို့သော ကလေးတွေ အတွက်ကတော့ လက်ခံဖို့ ခက်လိမ့်မယ်။ 

မိဘတွေဘက်က သင်ရိုးသစ်အပေါ် ယုံကြည်ဖို့ မရဲဖြစ်နေပါတယ်။ ရှေးကသင်နည်းစနစ်ကို သဘောကျတာမျိုး မဟုတ်ဘဲ ပညာရေး အပြောင်းအလဲကို မယုံကြည်၊ စိတ်မချ ဖြစ်နေကြတာပါ။ စာမသင်သေးတာကို စိတ်ပူနေကြတာပါ။ ကျွန်မတို့အနေနဲ့ သူငယ်တန်း (KG) သင်ရိုးသစ်ရဲ့ ရည်မှန်းချက်တွေ၊ အားသာချက်တွေ ကလေးတွေ ဘက်စုံဖွံ့ဖြိုးမှုကို အပြည့်အဝ ရနိုင်မယ့် သင်ကြားနည်းတွေကို မိဘတွေကို ရှင်းပြပေးရပါမယ်။ အခါအားလျော်စွာ မိဘတွေကိုခေါ်ပြီး လေ့လာစေခြင်း၊ ပူးပေါင်းပါဝင်ရန် တိုက်တွန်းခြင်းတို့ ပြုလုပ်ရပါမယ်။ ဆရာအများစုကတော့ သင်ရိုးရည်ရွယ်ချက်တွေကို နားလည်ပြီး ကလေးတွေရအောင် သင်ပေးနေကြပါတယ်။ သင်ထောက်ကူပစ္စည်း မပြည့်မစုံတာ၊ နေရာအခက်အခဲ၊ ထောက်ပံ့မှု အားနည်းတာတွေ စတဲ့ အကြောင်းများစွာတို့ကြောင့် ရည်ရွယ်ချက် မပေါက်မြောက်တာတွေ ရှိနိုင်ပါတယ်။ သင်တန်းထပ်ပေးမယ့်အစား လိုအပ်တဲ့ အထောက်အပံ့တွေကို ပြည့်စုံအောင် လုပ်ပေးနိုင်မယ်ဆိုရင် အဆင်ပြေသွားမယ်လို့ ထင်ပါတယ်ရှင်။                                                                   
ဒေါ်နီလာဝင်း (သူငယ်တန်း (KG) ပြ၊ အ.ထ.က ၃၅၊ ချမ်းမြသာစည်မြို့နယ်၊ မန္တလေးမြို့)

အခုအချိန်ထိ သူငယ်တန်း (KG) သင်ရိုးသစ် နယ်ပယ်ခြောက်ခု ဖွံ့ဖြိုးစေမှုမှာ သင်သလောက်ကတော့ အထိုက်အလျောက် ရည်မှန်းချက်ရော ပါတယ်။ အားလုံးတော့ ကျွန်မတို့ သင်ခန်းစာရဲ့ မျှော်မှန်းရလဒ်တွေ မရပါဘူးရှင့်။ ဘာကြောင့်လဲဆိုတော့ ကျွန်မတို့မှာ ဒီသူငယ်တန်းသင်ရိုးသစ် ပြောင်းဖို့အတွက် ကြိုတင်ပြင်ဆင်မှုတွေ အားနည်းတယ်လို့ ထင်ပါတယ်။ သင်ရိုးသစ်အတွက် အဓိက လိုအပ်တာတွေ ဖြည့်ဆည်းပေးဖို့ အဆင်သင့် မရှိသေးဘဲနဲ့ အကောင်အထည်ဖော်တာမို့ကြောင့်ပါ။ 

အစိုးရဘက်က ကျွန်မတို့ အမြဲပြောနေတဲ့ ဆရာ၊ ကျောင်းသားအချိုး၊ စာသင်ခန်း၊ ကျောင်းသားအချိုးနဲ့ သင်ထောက်ကူ ကစားကွင်းတို့ကို လုံလောက်မျှတအောင် ဖြည့်ဆည်းပေးသင့်ပါတယ်။ ဒါဟာ သူငယ်တန်း (KG) သင်ရိုးသစ်အတွက် အဓိက လိုအပ်ချက်တွေပါ။ ကလေးတွေဟာ သင်ယူမှုကို ပေါ့ပါးလွတ်လပ်စွာနဲ့ ဖိစီးမှုမရှိဘဲ တစ်သက်တာ သင်ယူလိုစိတ်တွေ မွေ့လျော်စေဖို့၊ ပျော်ရွှင်စရာကောင်းတဲ့ သင်ယူမှုဝန်းကျင် ဖန်တီးပေးဖို့က အစောက လိုအပ်ချက်တွေ ပြည့်စုံမှပါ။ 

စစ်တမ်း (သူငယ်တန်း သင်ရိုးသစ်အပေါ် ဆရာများ၏ နားလည်မှု အကဲဖြတ်ချက်) က မြို့နယ်အဆင့် သင်တန်းအပြီးမှာ ကောက်တဲ့ရလဒ်ပါ။ အလုံးစုံ မမှန်နိုင်ပါဘူး။ သင်တန်းက အစကတည်းက အားနည်းချက်တွေ ရှိတာပါ။ တက်ချင်သူ မတက်ရ၊ မတက်ချင်သူလာ တက်ရ အခြေအနေရယ် ကျောင်းတစ်ကျောင်းကို နှစ်ယောက် စသဖြင့် ခေါ်တဲ့အတွက် ကလေးနည်းတဲ့ ကျောင်းမှာ သင်ရိုးသစ်တတ်ကျွမ်းသူ ပိုပြီးကလေးများတဲ့ ကျောင်းမှာ လိုအပ်လာပါတယ်။ သင်ရိုးကို စိတ်မဝင်စားဘဲ လာတက်ရသူတွေလည်း နယ်အသီးသီးမှာရှိတဲ့ အတွက် လာမယ့်နှစ် သူငယ်တန်း (KG) သင် ဆရာ၊ ဆရာမများကိုသာ ရွေးချယ်ပြီး ထပ်မံသင်တန်းပေးသင့်ပါတယ်။ သူငယ်တန်း (KG) သင်မယ့်သူ၊ သင်ရမယ့်သူ အားလုံးကိုပေါ့။ သင်တန်းရက်လည်း တိုးသင့်ပါတယ်ရှင်။ 

ရာထူးတိုးနဲ့ အပြောင်းအရွှေ့ပါသွားတဲ့ ဆရာ၊ ဆရာမတွေအစား သူငယ်တန်း (KG) သင် ဆရာ၊ ဆရာမ ချက်ချင်းရောက်ရင်တော့ သင်ခန်းစာ ပေါက်မြောက်ဖို့ ထူးပြီး အဆက်မပြတ်နိုင်ပါဘူးရှင်။ ဒါပေမဲ့ သူငယ်တန်း သင်ရိုးတတ်ကျွမ်းသူ ချက်ချင်းရောက်မလာရင်တော့ နေ့စဉ်ဖွံ့ဖြိုးရေး စတဲ့ သင်ကြား၊ သင်ယူမှုတွေ အဆက်ပြတ်ပြီး နယ်ပယ်ခြောက်ရပ် ဖွံ့ဖြိုးစေဖို့ အားနည်းသွားမှာ အမှန်ပါပဲရှင်။ 

မိဘတွေဘက်က သူငယ်တန်း (KG) သင်ရိုးသစ်အပေါ် ယုံကြည်မှု အားနည်းနေပါတယ်။ စာရေးစာဖတ် နောက်ကျမှာကိုပဲ အထူးစိုးရိမ်နေတာ တွေ့ရပါတယ်ရှင်။ ကျွန်မကတော့ မကြာခဏခေါ်ပြီး သင်ရိုးသစ်အပေါ်နဲ့ ကျွန်မတို့အပေါ် ယုံကြည်ပေးပါ။ နောက်နှစ်ကျရင်လည်း ဒီသင်ရိုးနဲ့ ချိတ်ဆက်ထားတဲ့ ပထမတန်းသင်ရိုးသစ်ကိုပဲ ရင်ဆိုင်ရမှာမို့ ကလေးတွေကို မိဘတွေရဲ့ စိုးရိမ်စိတ်ကြောင့် မျှော်မှန်းထားတဲ့ရလဒ် တွေ မလွဲအောင်၊ ကလေးတွေကို ဖိအားမဖြစ်စေပါနဲ့၊ အထူးသဖြင့် ကျူရှင်မသင်ဖို့ အကြံပေး တိုက်တွန်း ထားပါတယ်ရှင်။ 

ကျွန်မ ထပ်ဖြည့်ချင်ပါတယ်။ သူငယ်တန်း (KG) သင်ရိုးသစ်အတွက် ဆရာ၊ စာသင်ခန်း၊ ကစားကွင်းနဲ့ သင်ထောက်ကူများ လိုအပ်ပါတယ်။ အဓိက ဆရာ၊ စာသင်ခန်းပါ။ တစ်နှစ်ကို ဘယ်နှကျောင်း လိုအပ်ချက်တွေကိုဖြည့်ပြီး ဘယ်နှနှစ်ဆိုရင် ဘယ်လောက်ပြည့်စုံရမယ်ဆိုတဲ့ တိကျခိုင်မာတဲ့ လျာထားချက်တွေရှိမှ ထိရောက်အောင်မြင်မယ်လို့ ထင်ပါတယ်ရှင်။ ဆရာ၊ ဆရာမတွေက သင်ရိုးအပေါ် နားလည်ပေမယ့် လိုအပ်ချက်တွေကြောင့် သင်ခန်းစာအားလုံး ကလေးအားလုံးကို ပေါက်မြောက်အောင် မသင်နိုင်ကြပါဘူး။ အပြင်မှာ မိဘတွေရဲ့ စိုးရိမ်စိတ်ကြောင့် သူငယ်တန်းကို ကျူရှင်သင်နေကြတာတွေဟာ ကလေးများကိုယ်တိုင် လုပ်ဆောင်ရမယ့် စာအုပ်တွေကို အပြင်မှာ အချိန်မတိုင်ခင် သင်ပေးနေတာတွေ ကြားသိနေရပါတယ်။ ဒါတွေကို မကြပ်မတ်၊ မနှိမ်နင်းသရွေ့တော့ သင်ရိုးသစ် ရည်ရွယ်ချက်တွေ လွဲဖယ်နေမှာပါပဲရှင်။                 

နေဇာကျော်

ABOUT AUTHOR

(နေဇာကျော်)