News

21-Jan-2017

ကား YBS
နှစ်ကူးဘတ်စ်ကား တော်လှန်ရေး
ဇန်နဝါရီ ၁၆ ရက်နေ့မှ စတင်သော ရန်ကုန်မြို့တွင်း ဘတ်စ်ကား တော်လှန်ရေးသည် အစိုးရ၏ ၂၀၁၇ နှစ်သစ်မူဝါဒ ခြေလှမ်းကြီးတစ်ရပ် ဖြစ်သည်။ လုပ်သင့်သောအလုပ် ဖြစ်သဖြင့် ရည်မှန်းချက်လည်း  မှန်သည်။ လုပ်ဆောင်ချက်လည်း မှန်သည်။ လက်တွေ့အကောင်အထည် ဖော်ရာတွင်မူ ပြောစရာအချို့ ရှိသည်။

(၁) စတင်ချိန်

တက္ကသိုလ်ဝင်တန်းမှလွဲလျှင် ကျန်ကျောင်းများ ပိတ်သွားသည့် ဖေဖော်ဝါရီလကုန်လောက်မှ စတင်လျှင် မကောင်းပါလား။ သို့မဟုတ် သင်္ကြန်နား နီးချိန်မှစလျှင် ပြောင်းစရာ ပေါင်းစရာရှိက သင်္ကြန်တွင်းတွင် စီစဉ်နိုင်သည်။ ကားများထပ်မှာစရာ ရှိလျှင်လည်း သင်္ကြန်တွင်း ပြည်ပမှ သယ်ယူရန် အချိန်ရသည်။ သင်္ကြန်ပြီးပြီးချင်းတွင် လူအများအပြား ချက်ချင်းပြန်မရောက်သဖြင့် နောက်ထပ်အချိန်ရပြန်သည်။ သို့မဟုတ် သင်္ကြန်ပြီးပြီးချင်း စတင်လျှင်လည်း သင်္ကြန်တွင်း ကြိုပြင်ချိန်ရသည်။ ဥပမာ-  ကားလိုင်းများ မထသမှ YBS အပြောင်း ဆေးပြန်သုတ်ချိန်ရသဖြင့် ကားများ ဆေးမသုတ်ရသေးသောကြောင့် ပထမနေ့၊ ဒုတိယနေ့တွင် ကားအဝင်နည်းခြင်းမျိုး ယခုကဲ့သို့ ကြုံရမည် မဟုတ်။ 

မှန်းထားသည်ထက် စောပြီး စလိုက်ရသည်ဟု တာဝန်ရှိသူအချို့ကို မေးမြန်းချက်အရ သိရသည်။ နောင်တွင် ယခုကဲ့သို့ ပြည်သူ့မူဝါဒ တော်လှန်ရေးကြီးမျိုး ဆောင်ရွက်သည့်အခါ အချိန်အခါ Timing ကို သတိထားသင့်သည်။

(၂) အချက်အလက်နှင့် သုတေသန

မြန်မာနိုင်ငံသည် အချက်အလက် အားနည်းခြင်း၊ လုပ်ငန်းမစမီ သုတေသန ပြုခြင်းတွင်လည်း အားနည်းခြင်းတို့တွင် ကမ္ဘာ့ထိပ်တန်း ဖြစ်သည်။ မြန်မာ့လူဦးရေ သန်းခြောက်ဆယ်နှင့်ပင် အတော်ကြာ ချီတက်နေရာမှ ၂၀၁၄ လူဦးရေစစ်တမ်း ထွက်လာချိန်တွင်မှ ကိုးသန်းပျောက်နေမှန်း သိရသည်။ ယခု ဘတ်စ်ကား ပြုပြင်ပြောင်းလဲရေးသည်လည်း ခြွင်းချက်မဟုတ်ပါ။ တော်လှန်ရေးမစတင်မီ ကတည်းက လက်ဝယ်တွင် ရှိထားရမည့် သတင်းအချက်အလက် မပြည့်စုံဘဲ စတင်လည်ပတ်ပြီးနောက်မှ စီးနင်းသည့်ဦးရေ၊ လမ်းကြောင်း စသည့် အချက်အလက်တို့ ဒရောသောပါး လိုက်လံကောက်ခံနေရပုံ ပေါ်သည်။

ကားလိုအပ်ချက် ရှိသဖြင့် ဖေဖော်ဝါရီလကုန်တွင် ကားသစ်တွေ ရောက်လာရန် ကြိုးစားမည်ဟု ဝန်ကြီးချုပ်က ပြောကြားသွားသည်ကို ဖတ်လိုက်ရရာ လုပ်ငန်းစပြီး နောက်တစ်လခွဲ အနည်းဆုံးကြာမှ ကားစီးရေနှင့် ခရီးသည်မျှမည့် သဘောက အချက်အလက် အားနည်းချက်ကို မီးမောင်းထိုးပြသည်။  

မည်မျှပင် စေတနာကောင်းကောင်းဖြင့် စတင်သော စီမံကိန်းဖြစ်စေ အားကိုးအားထားပြုရမည့် အချက်အလက်များ မစုံလင်လျှင် မှန်းသလောက် ပေါက်မည်မဟုတ်ကြောင်း နောင်တွင် သင်ခန်းစာယူစရာ ဖြစ်သည်။

(၃) စေတနာ့ဝန်ထမ်းများ

ပြုပြင်ပြောင်းလဲစ အချိန်တွင် စေတနာ့ဝန်ထမ်း ပြည်သူများက ကိုယ်ပိုင်ကားလေးများဖြင့် လည်းကောင်း၊ စီးပွားရေးလုပ်ငန်း အချို့နှင့် ကုသိုလ်ဖြစ် အဖွဲ့အစည်းအချို့က ဘတ်စ်ကားကြီးများဖြင့် လည်းကောင်း အခမဲ့ သယ်ယူပို့ဆောင်ပေးကြသည်မှာ လူနတ်သာဓုခေါ်စရာ ဖြစ်သည်။ လူထုတွင်း အချင်းချင်း ချစ်ခင်လေးစားမှုနှင့် နိုင်ငံသားစိတ်များ တိုးပွားစေမည့် မရည်ရွယ်ဘဲ ရလာသည့် အပိုဆုလာဘ် ဖြစ်သည်။ 

တစ်ဖက်တွင် စေတနာ့ ဝန်ထမ်းများသည် တစ်ပတ်တန်သည်၊ နှစ်ပတ်တန်သည်သာ ကူညီနိုင်မည်ဖြစ်ရာ ယာဉ်မလုံလောက်မှု ပြဿနာကို စေတနာ့ဝန်ထမ်းယာဉ်များ ရပ်နားသွားသည်နှင့် တစ်ပြိုင်နက် ဖြေရှင်းရန် အရေးကြီးသည်။ 

အရေးကြီးသည်မှာ စေတနာ့ဝန်ထမ်း ယာဉ်များသည် ရေရှည်အဖြေ မဟုတ်ပါ။ စေတနာ့ဝန်ထမ်း ယာဉ်များသည် ပုံမှန်လည်ပတ်မည့် စနစ်ကို ပုံဖျက်နိုင်သည်။ ဥပမာ - ပုံမှန်ပြေးမည့် ယာဉ်များပေါ်သို့ မတက်ဘဲ စေတနာ့ဝန်ထမ်း ယာဉ်များကို စောင့်နေသည့်အတွက် ခရီးသည်များ  ပုံမှန်စီးနင်းရမည့် ယာဉ်လိုင်းများကို မသိခြင်း အခက်အခဲရှိသည်။ စေတနာ့ဝန်ထမ်းယာဉ်အား အများအပြား လိုအပ်ခြင်းက တော်လှန်ရေး စတင်ရာတွင် စီမံခန့်ခွဲမှု လိုအပ်ချက်အချို့ ရှိနေကြောင်း သိသာသည်။ 

(၄) Mindset  စဉ်းစားပုံ

ယာဉ်မောင်းများ၊ ယာဉ်နောက်လိုက်များ၊ ယာဉ်ပိုင်ရှင်များနှင့် ခရီးသွားပြည်သူတို့သည် စဉ်းစားပုံ စဉ်းစားနည်း Mindset အသားကျနေရာ ယင်းကိုပြုပြင်ရန် အချိန်ယူရမည် ဖြစ်သည်။ သာမန်တစ်ကိုယ်ရေ အိပ်ရာထသည့်အချိန် ပြောင်းရန်၊ လေ့ကျင့်ခန်းလုပ်ရန် အကျင့်သည်ပင် ပြင်ရန် လနှင့်ချီ အချိန်ယူရရာ ဘတ်စကားများ၊ ဘတ်စ်ကားစီးနင်း မောင်းနှင်ခြင်းနှင့် ဆိုင်သော Institutional Mindset အဖွဲ့အစည်းလိုက် စိတ်ထား၊ ယဉ်ကျေးမှုသဖွယ် ဖြစ်နေသော စိတ်ထားတို့ကို ပြင်ရန်မှာ ထို့ထက် ခက်ခဲမည် ဖြစ်သည်။ 

ယင်းစိတ်ထားကို ပြုပြင်ရန် လိုအပ်သော အချိန်ကာလသည် ရန်ကုန်ဘတ်စ်ကား တော်လှန်ရေး အပြီးသတ် အောင်မြင်မည့် အချိန်ကာလ ဖြစ်သည်။ 

(၅) သတင်းအမှန်

‘သတင်းအမှန်’ ကို အကြောင်းကြားရန် ဝန်ကြီးချုပ်က စေတနာ့ဝန်ထမ်းအဖွဲ့ အချို့ကို ပြောကြားသည်ဟု သိရသည့်အတွက် အမှန်ကို သိလိုသော ခေါင်းဆောင်ဟု ဝမ်းသာမိသည်။ သတင်းအမှန်ဆိုသည် သာလျှင်လည်း သာသည်၊ နာလျှင်လည်း နာသည်ဟု ပွင့်ပွင့်လင်းလင်း  ပြောကြားခြင်းကို ဆိုလိုသည်။ သတင်းအမှန် သိရမှသာ အကောင်အထည်ဖော် တာဝန်ယူနေရသော အာဏာပိုင်များသည် ဖြေရှင်းရမည်ဖြစ်ရာ လက်တွေ့ယာဉ်စီးနင်းနေသော ပြည်သူများသည် သတင်းမီဒီယာများမှ  တစ်ဆင့် လည်းကောင်း၊ Facebook ကဲ့သို့ Social Media များမှ လည်းကောင်း ပွင့်ပွင့်လင်းလင်း ပြောကြားခြင်းဖြင့် အစိုးရကို ကူညီနိုင်သည်။

သတင်းမီဒီယာများနှင့် လုပ်အားပေးများ စုပြုံနေသည့် ဆူးလေကဲ့သို့ နေရာမျိုးတွင် ကားအဝင်အထွက်၊ ကြာချိန် သတင်းအမှန်ရရန် လွယ်ကူနိုင်သော်လည်း ဗဟိုမှဝေးသည့် မြို့စွန်မြို့ဖျားတွင် သတင်းမီဒီယာရော လုပ်အားပေးများပါ ကျဲပါးမည်ဖြစ်ရာ သတင်းအမှန်ရရေး  ခက်ခဲမည်ဖြစ်သည်။ သတင်းမီဒီယာများသည် လေး၊ ငါးရက်ကြာလျှင်ပင် ဘတ်စ်ကားတော်လှန်ရေးအပေါ်သတင်းယူခြင်း၊ ဖြန့်ဝေခြင်း ကျဆင်းသွားမည်ဖြစ်ရာ သာမန်ပြည်သူများ အသံကို Social Media မှ ရယူခြင်း၊ ကျွမ်းကျင်သူသုတေသနသမားများက အချက်အလက် စနစ်တကျ ကောက်ယူခြင်းတို့ဖြင့်သာ ဝန်ကြီးချုပ် လိုအပ်သော ‘သတင်းအမှန်’ ကို ရရှိနိုင်မည် ဖြစ်သည်။

ပြည်သူတာဝန်ကျေနှင့် မှန်ကန်သော မူဝါဒ

ယခုဘတ်စ်ကား ပြုပြင်ပြောင်းလဲရေးတွင် ပေါ်ထွက်လာသော ပြည်သူ့အင်အားနှင့် အခက်အခဲ ကြုံရသော်လည်း သည်းခံသည့် ပြည်သူတို့ကို ကြည့်ခြင်းဖြင့် ပြည်သူတို့ဘက်က ပြောစရာ မရှိအောင်  တာဝန်ကျေပေရာ အစိုးရအနေနှင့် အောင်မြင်အောင် ကြိုးစားရမည့် တာဝန်ပိုကြီးသွားသည်။ 

ပြည်သူ့ထောက်ခံမှု အားကောင်းသဖြင့် အစိုးရအနေနှင့် နိုင်ငံရေးထောက်ခံမှု ရအောင် ပြည်သူ့မူဝါဒ ချမှတ်စရာ မလိုကြောင်း၊ မှန်ကန်အကျိုးရှိသော မူဝါဒများကို ချမှတ်အကောင်အထည်ဖော်ရန်သာ လိုကြောင်းလည်း မြင်ရသည်။ သေချာစွာ ကြိုတင်ပြင်ဆင်မှု၊ လိုအပ်သော အချက်အလက် စနစ်တကျ ကြိုတင်ကောက်ခံခြင်း၊ သတင်းအမှန်ကို ပြည်သူတို့ ထုတ်ပြောရဲအောင် အားပေးခြင်း၊ ပညာရှင် ပညာသည် အရင်းအမြစ်များကို စုဖွဲ့နိုင်ခြင်းတို့ကို ဖြည့်ဆည်းနိုင်လျှင် နောင်စီမံကိန်းများသည် ပြည့်စုံပါမည်။

ဘတ်စ်ကားတော်လှန်ရေး အောင်မြင်စေရန် ခိုင်မာသော သန္နိဋ္ဌာန်နှင့် ထက်မြက်သော မူဝါဒတို့ တွဲဖက်ရမည်။ 

ဇေယျသူ



FOLLOW US