News

03-Jan-2018

အစိုးရ NLD
၂၀၁၈ နှစ်ဆန်းမှ စကြုံရမယ့် NLD အစိုးရရဲ့ လုပ်ငန်းစဉ်တစ်ရပ်
NLD အစိုးရအတွက် သူ၏သက်တမ်းကာလ ၂ နှစ်တာနီးနီး ကာလအတွင်း စိန်ခေါ်မှု အများအပြားကို ရင်ဆိုင်ကြရလျက်ရှိရာ ယခု ၂၀၁၈ ခုနှစ် နှစ်ဆန်းပိုင်း စတင်လျှင်စတင်ချင်း သူ့အနေနှင့် ကြီးမားသည့်စိန်ခေါ်မှုတစ်ခုကို စတင် ရင်ဆိုင်ကျော်ဖြတ်ရဦးမည်ဖြစ်သည်။ ထိုကိစ္စမှာ လာမည့် ဇန်နဝါရီလ ၂၃ ရက်နေ့တွင် စတင် ဆောင်ရွက်ကြရမည့် ဘင်္ဂလားဒေ့ရ်ှနိုင်ငံ ကော့ခ်ဘဇားဒုက္ခသည်စခန်းမှ နေရပ်စွန့်ခွာသူများကို အသုတ်လိုက်ခွဲပြီး နှစ်နိုင်ငံ ပူးတွဲ စိစစ်ကာ စတင်လွှဲပြောင်း၊ လက်ခံရေးများ ဆောင်ရွက်ကြတော့မည့်ကိစ္စဖြစ်သည်။ ထိုသို့ လက်ခံလွှဲပြောင်းရေးကိစ္စများ ဆောင်ရွက်ကြရာတွင် အဓိက လွှဲပြောင်း လက်ခံကြရမည့် ဒုက္ခသည်များ စာရင်းကိစ္စကပင် စတင်ပြီး ဖြေရှင်းကြရရန် အကြောင်းတရားများလည်း ပေါ်ပေါက်လျက် ရှိနေလေသည်။ 

အကြောင်းမှာ ဩဂုတ်လ ၂၅ ရက်နေ့ နောက်ပိုင်းမှစတင်၍ ဘင်္ဂလားဒေ့ရ်ှနိုင်ငံအတွင်းသို့ ဝင်ရောက် လာသူပေါင်းမှာ ကော့ခ်ဘဇား ဒုက္ခသည်စခန်း၌ စုစုပေါင်း ၆၅၀,ဝ၀ဝ ကျော်ရှိနေကြောင်း၊ ထိုစာရင်းများတွင် ယခင် ပဋိပက္ခ မဖြစ်ပွားမီက ရောက်ရှိနေတဲ့ ဒုက္ခသည်ပေါင်း ၃၀ဝ,ဝ၀ဝ မပါဝင်သေးကြောင်း ဒီဇင်ဘာ ၂၉ ရက်နေ့တွင် ပူးတွဲဆောင်ရွက်ရေးအဖွဲ့တွင်ပါဝင်သည့် ဘင်္ဂလားဒေ့ရ်ှဘက်မှ တာဝန်ရှိသူများ၏ သတင်းဖော်ပြချက်များအရ သိရှိရသည်။ ထိုနေရပ်စွန့်ခွာပြီး ဘင်္ဂလား ဒေ့ရ်ှနိုင်ငံအတွင်း ရောက်ရှိနေသည့်စာရင်းမှာ ယခုနောက်ဆုံးထွက်ပေါ် လာသည့်သတင်းများအရဆိုလျှင် ၉၅၀,ဝ၀ဝ ပင်ကျော်လာပြီး တစ်သန်းခန့်ပင် ရှိနေလေပြီဖြစ်သည်။

ထိုလူဦးရေများသည် မြန်မာ-ဘင်္ဂလားဒေ့ရှ် နှစ်နိုင်ငံ ပူးပေါင်း ဆောင်ရွက်ရေးအတွက် စာချုပ်များ ချုပ်ဆိုပြီးသည့်နောက်ပိုင်းတွင် တစ်စတစ်စ ထပ်မံကာ တစ်နေ့ထက်တစ်နေ့ ပိုမိုတိုးပွားလာနေကြောင်း လေ့လာသူများက ဆိုကြသည်။ ယခင် တစ်ပတ်ကျော်တွင် ၈၆၇,ဝ၀ဝ ခန့်ရှိသည်ဟုဆိုခဲ့ပြီး ယခုနောက်ဆုံး ကောက်ယူခဲ့သည့်စာရင်းများအရဆိုလျှင် တစ်ပတ်တာ ကာလအတွင်း လူတစ်သိန်းခန့် တိုးပွားလာနေသည်မှာ ထင်ရှားလေသည်။ သို့အတွက် ထိုကိစ္စမှာ အစိုးရအတွက် ၂၀၁၈ အတွက် ပထမဦးဆုံး စိစိစစ်စစ်ဖြင့် အတော်ကို သတိထား ဆောင်ရွက်ရမည့်ကိစ္စ ဖြစ်နေလေသည်။

နောက်တစ်ချက်မှာ ထိုနေရပ်စွန့်ခွာသူများ အနေနှင့်လည်း မြန်မာနိုင်ငံအတွင်းသို့ ပြန်လည် ဝင်ရောက်ရန်မှာ စိုးရိမ်ကြောင့်ကြမှုများ ရှိနေပြီး ထိုကိစ္စအပေါ် နိုင်ငံတကာကလည်း စိုးရိမ်မကင်း စောင့်ကြည့်နေသည့် ကိစ္စပင်ဖြစ်သည်။ ထိုကိစ္စနှင့်ပတ်သက်ပြီး မြန်မာနိုင်ငံ လူ့အခွင့်အရေး ကော်မရှင်က လွန်ခဲ့သည့် သီတင်းပတ်က ထိုဒေသသို့ သွားရောက်လေ့လာခဲ့ပြီး ပြန်လည် လက်ခံရေးကိစ္စများအတွက် အစိုးရ၏ ဆောင်ရွက်နေမှုများနှင့် အနာဂတ် အစီအစဉ်များကို ပွင့်လင်းမြင်သာစွာ ထုတ်ဖော် ကြေညာပေးသင့်ကြောင်း၊ ထိုကိစ္စအပေါ် နိုင်ငံတကာနှင့် နေရပ်ပြန်လာမည့်သူများက သတင်း အသေအချာ မသိရှိကြသဖြင့် စိုးရိမ်ပူပန်နေကြကြောင်း ပါဝင်သည့် အထူးအစီရင်ခံစာတစ်ရပ်ကို နိုင်ငံတော် သမ္မတထံ တင်သွင်းထားကြောင်းလည်း သိရသည်။

ထိုကိစ္စနှင့်ပတ်သက်ပြီး ဒီဇင်ဘာ ၂၇ ရက်နေ့တွင် မြန်မာနိုင်ငံ လူ့အခွင့်အရေး ကော်မရှင်ဥက္ကဋ္ဌ ဦးဝင်းမြနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီး ဒေါက်တာ ဝင်းမြတ်အေးတို့တွေ့ဆုံစဉ် ပြောကြားမှုတွင်မူ လာမည့် ဇန်နဝါရီလ တတိယပတ်အတွင်း လက်ခံရေးတွင် ပထမအသုတ်အနေနှင့် ဟိန္ဒူဘာသာဝင် ၄၅၀ ကျော်ကို ပထမဦးဆုံး လက်ခံသွားမည်ဖြစ်ကြောင်းလည်း ပြောကြားခဲ့သည်ကို တွေ့ရသည်။ ထိုသို့ ပြောကြားချက်အရဆိုလျှင် ထိုဟိန္ဒူဘာသာဝင် ၄၅၀ ကျော်မှာ ပထမဦးဆုံး အသုတ်တွင် ဦးစားပေး ပါဝင်လာနိုင်သည်ကိုတွေ့ရပြီး ကုန်းလမ်းက ပြန်လည် ဝင်ရောက်လာမည့်သူများအတွက် တောင်ပြိုလက်ဝဲတွင်လည်း ကောင်း၊ ရေလမ်းက ပြန်လည် ဝင်ရောက်လာသူများအတွက် ငါးခူရတွင်လည်းကောင်း ကယ်ဆယ်ရေးစခန်းများ ဖွင့်ပြီး လက်ခံသွားမည်ဖြစ်ကြောင်း၊ ထိုစခန်းများတွင် ရှစ်ခန်းတွဲ ယာယီစခန်းများ၌ နှစ်ရက်ခန့် နေထိုင်ပြီးပါက နေအိမ်ရှိသူများအတွက် ၎င်းတို့အိမ်များသို့ ပြန်လည် နေထိုင်နိုင်ပြီး နေအိမ်မရှိသူများအတွက် လက်ရှိ ဆောက်လုပ်နေသည့်အိမ်ရာများ ပြီးစီးလျှင်လည်း နေထိုင်နိုင်မည်ဖြစ်ကြောင်း ပြည်ထောင်စုဝန်ကြီးက ဆိုထားခဲ့သည်။

ထို့အပြင် ထိုယာယီစခန်းတွင် နေထိုင်စဉ်တွင်ပင် အိမ်ရာဆောက်လုပ်ရေးလုပ်ငန်းများတွင် ဝင်ရောက် လုပ်ကိုင်ခြင်းဖြင့် ဝင်ငွေများလည်း ရရှိစေနိုင်ကြောင်း၊ ပြန်လည် လက်ခံရေးကိစ္စများအတွက် အစိုးရ၊ အလှူရှင်ကုမ္ပဏီများ၊ ပြည်နယ်နှင့် တိုင်းဒေသကြီးများမှ အစိုးရအဖွဲ့ဝင်များ ပူးပေါင်း ဖွဲ့စည်းထားသည့် ဘင်္ဂလားဒေ့ရ်ှမှ ပြန်လာမည့်သူများကို ဇန်နဝါရီ ၂၃ ရက်နေ့တွင် စတင် လက်ခံမည်ဖြစ်ကြောင်း၊ မူလနေရာနှင့် အနီးစပ်ဆုံး နေရာများတွင် ပြန်လည် နေရာချထားရေးကို အစိုးရက ဖွဲ့စည်းထားသည့် ရခိုင်ပြည်နယ်အတွင်း လူသားချင်း စာနာထောက်ထားမှု အကူအညီ အထောက်အပံ့ပေးရေး၊ ပြန်လည် နေရာချထားရေး၊ ဖွံ့ဖြိုးရေးစီမံကိန်းကော်မတီ (UEHRD) က စီစဉ်လျာထားကြောင်းလည်း သတင်းများတွင် တွေ့ရသည်။

လွန်ခဲ့သည့် ၂၀၁၇ ခုနှစ် နိုဝင်ဘာလ၂၃ ရက်နေ့တွင် မြန်မာနှင့် ဘင်္ဂလားဒေ့ရှ် နှစ်နိုင်ငံအကြား ချုပ်ဆိုခဲ့သည့် နှစ်နိုင်ငံ ပူးပေါင်းဆောင်ရွက်ရေး သဘောတူညီချက်အရ  နေရပ်စွန့်ခွာသွားသူများ နေရပ်ပြန်ရန် မြန်မာ- ဘင်္ဂလားဒေ့ရှ် ပူးတွဲ ဆောင်ရွက်ရေးအုပ်စု (JWG) ကို တစ်နိုင်ငံလျှင် အဖွဲ့ဝင် ၁၅ ဦးကျစီ ပါဝင်ခဲ့ကြပြီး ဆက်လက် ဆောင်ရွက်ကြရမည့် အစီအစဉ်များ ပါဝင်သော ပူးတွဲ လုပ်ငန်းအဖွဲ့၏ လုပ်ငန်းတာဝန် သတ်မှတ်ချက်များ (Terms of Reference) အပေါ် သဘောတူညီမှုများ ချမှတ်ထားခဲ့ကြသည်။ ထိုသဘော တူညီချက်များအရ ယခုအချိန်တွင် သူ့ဘက် ကိုယ့်ဘက် အကြိုပြင်ဆင်ရေး လုပ်ငန်းများ ဆောင်ရွက်ကြလျက်ရှိရာ ၂၀၁၇ ခုနှစ် နှစ်ကုန်ရက်ပိုင်းဖြစ်သည့် ဒီဇင်ဘာလ ၂၈ ရက်နေ့တွင် ထွက်ပေါ်လာသည့် သတင်းအရဆိုလျှင် ဘင်္ဂလားဒေ့ရ်ှဘက်မှ မြန်မာနိုင်ငံသို့ပြန်ပို့ရန် လူပေါင်း တစ်သိန်းခန့်ကို စာရင်းပြုစုပြီး မြန်မာဘက်သို့ပေးပို့ရန် အသင့်ပြင်ဆင်ထားပြီးပြီဟုဆိုသည်။

နှစ်နိုင်ငံ သဘောတူညီချက်များအရဆိုလျှင် ထိုသူများ၏ အမည်စာရင်းကို ကနဦး ပေးပို့ကြရမည်ဖြစ်ပြီး ထိုသူများပြန်ပို့ရေး၊ လက်ခံကြိုဆိုရေးနှင့် စိစစ်ရေး လုပ်ငန်းစဉ် အသေးစိတ်ကိုမူ ပူးတွဲ အလုပ်အဖွဲ့အနေနှင့် အစည်းအဝေး ထပ်မံပြုလုပ်ပြီး ညှိနှိုင်းကြရဦးမည်ဟု သိရသည်။ ထိုသို့လက်ခံရေးကိစ္စကို ဆောင်ရွက်ရာတွင် မြန်မာနိုင်ငံမှ ထွက်ခွာသွားသူများဖြစ်ကြောင်း အထောက်အထား ခိုင်လုံပါက အားလုံးကို ပြန်လည် လက်ခံသွားမည်ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ အမြဲတမ်း အတွင်းဝန် ဦးမြင့်ကြိုင်က ပြောကြားထားခဲ့သည်။ ပြန်လည် ဝင်ရောက်လာလိုသူတွေအတွက် သူတို့ဖြည့်စွက်ရမည့် လျှောက်လွှာများကိုလည်း ဘင်္ဂလားဒေ့ရ်ှဘက်ကို ပေးပို့ထားပြီးဖြစ်ကြောင်း၊ ထိုလျှောက်လွှာများ ပြန်လည် ပေးပို့လာပါက မည်သူတွေက မြန်မာနိုင်ငံအတွင်းတွင် မည်မျှ နေထိုင်ခဲ့ကြောင်း ပါဝင်လာမည်ဖြစ်ပြီး ထိုအချက်များကို ၎င်းတို့ဘက်တွင်ရှိသည့် အချက်အလက်များနှင့် တိုက်ဆိုင် စစ်ဆေးသွားမည်ဖြစ်ကြောင်း၊ ထိုသို့စိစစ်ပြီးမှသာ မည်သူများကို လက်ခံမည်၊ မည်သည့်နေရက်တွင် လက်ခံမည့်အကြောင်း ဘင်္ဂလားဒေ့ရ်ှဘက်သို့ ပြန်ကြားအသိပေးသွားမည်ဖြစ်ကြောင်း ၎င်း၏ပြောကြားချက်အရ သိရသည်။ ယခင် ၁၉၉၃ ခုနှစ်က ပြန်လည် လက်ခံရေး ဆောင်ရွက်ခဲ့ကြသည့် အတွေ့အကြုံများအရဆိုလျှင် ဆယ်နှစ်ကျော် ကြာမြင့်ခဲ့ပြီး ထိုကာလအတွင်း လူပေါင်း တစ်သိန်းကျော်ကိုသာ ပြန်လည် လက်ခံခဲ့ဖူးကြောင်းလည်း သိရပြန်သည်။

သို့အတွက်၏ နိဂုံးချုပ်အနေနှင့် တင်ပြရလျှင် အထက်ပါ သတင်းများအရဆိုလျှင် ထိုနေရပ်စွန့်ခွာသူများ ပြန်လည် လက်ခံရေးကိစ္စများ ဆောင်ရွက်ကြသည့်အခါ လွယ်လင့်တကူနှင့် အဆင်ပြေ ချောမွေ့မှုများ မရှိလာနိုင်သည်ကို သုံးသပ်နိုင်ကြမည်ဖြစ်ပြီး နှစ်နိုင်ငံအကြား သူ့ဘက် ကိုယ့်ဘက် အငြင်းပွားမှုများလည်း ရှိလာနိုင်မည်မှာ မလွဲနိုင်ပေ။ ထို့အပြင် ပြန်လည်လက်ခံကြရမည့် လူစာရင်း ဦးရေမှာလည်း အမျိုးမျိုး ကွဲပြားပြီး တစ်နေ့တခြား တိုးပွားလာလျက်ရှိရာ ထိုအရေးမှာ နှစ်ကာလကြာရှည်ပြီး အစိုးရသက်တမ်း ကုန်သည့်တိုင် ပြီးဆုံးသွားမည့်ကိစ္စ ဖြစ်လာမည်မဟုတ်ဟုလည်း သုံးသပ်ရသည်။ ယခုရက်ပိုင်းတွင် ထွက်ပေါ်လာသည့် ရခိုင်အရေးနှင့် ပတ်သက်သည့်သတင်းများကို လေ့လာကြည့်လျှင် ယခု ၂၀၁၈ နှစ်ဆန်းပိုင်းအစကာလတွင်ပင် ဘင်္ဂလားဒေ့ရ်ှနိုင်ငံမှ နေရပ်စွန့်ခွာသူများကို ပြန်လည် လက်ခံကြတော့မည်ဖြစ်ရာ အစိုးရအတွက် အဆင်ပြေ ချောမွေ့စေလာနိုင်တော့မည့် အစီအစဉ်အသစ်များဖြင့် ရှေ့ဆက်လာနိုင်မည်လား၊ အစိုးရက စနစ်တကျနှင့် အကွက်ကျကျ စီမံဆောင်ရွက်နေသည့်ကြားမှ အနောက်အုပ်စု၊ ပြည်တွင်းက ဆန့်ကျင်ဘက် အဖွဲ့အစည်းများနှင့် ဒေသခံ အကြမ်းဖက်သမားတို့က မည်ကဲ့သို့သော အဖျက်အမှောင့်လုပ်ငန်းများကို ဝင်ရောက် လုပ်ဆောင်လာကြဦးမည်လဲ၊ NLD အစိုးရအတွက် ယခုကဲ့သို့ ၂၀၁၈ နှစ်စကတည်းက ထိုကိစ္စမျိုးဖြင့် စတင်ကြုံတွေ့နေရာ လာမည့်ဖေဖော်ဝါရီလအတွင်း ကျင်းပဖွယ်ရာရှိသည့် ပင်လုံညီလာခံနှင့် ရှေ့ဆက်ရမည့် ငြိမ်းချမ်းရေးလုပ်ငန်းစဉ်များ၊ စီးပွားရေး တိုးတက်ရေးအတွက် မြှင့်တင်ရမည့် အရှိန်အဟုန်များနှင့် အခြား အခြားသော ပြုပြင်ပြောင်းလဲရေးဆိုင်ရာ ကိစ္စအဝဝများကို သူတို့အနေနှင့် မည်သို့မည်ပုံ စွမ်းအားများဖြင့် ဖြတ်ကျော်သွားနိုင်ကြမည်လဲ စသည်စသည်တို့ကို ကျွန်ုပ်တို့နိုင်ငံသား အားလုံးက သတိ ဝီရိယထားပြီး နိုင်ငံ့အရေးအတွက် အားလုံးက စောင့်ကြည့်ကြသင့်ပါကြောင်းနှင့် ထိုအပေါ် ကျွန်ုပ်တို့နိုင်ငံသား အားလုံးကလည်း မိမိတို့တတ်စွမ်းသမျှ ပါဝင်ပူးပေါင်း ဆောင်ရွက်ကြစေလိုပါကြောင်း စိတ်ကောင်း စေတနာဖြင့် ရေးသား တင်ပြလိုက်ရပါသည်။ 

အောင်ဇေယျ

  • VIA


FOLLOW US