News

30-Dec-2017

ဖုန်း ပညာရေး
ကျောင်းများကို မိုဘိုင်းလ်ဖုန်း မယူရ


ပြင်သစ်နိုင်ငံတွင် ကျောင်းသားများကို ကျောင်းသို့ မိုဘိုင်းလ်ဖုန်းများ ယူဆောင်လာခြင်းအား လာမည့် ၂၀၁၈ ခုနှစ်ကစတင်ပြီး တားမြစ်ပိတ်ပင်တော့မည် ဖြစ်သည်။ ၂၀၁၈ ခုနှစ် စက်တင်ဘာလက စတင်ပြီး မူလတန်းကျောင်းများနှင့် အလယ်တန်းကျောင်းများတွင် ထိုအမိန့်သည် စတင်အသက်ဝင်တော့မည် ဖြစ်သည်။

လက်ရှိလည်း ကျောင်းများတွင် ဖုန်းယူလာခြင်းကို ကန့်သတ်ပိတ်ပင်ထားသော်လည်း တရားဝင်အမိန့်ထုတ်ပြီး ကန့်သတ်မှုမှာ လာမည့်စာသင်နှစ်မှ စတင်မည်ဖြစ်သည်။  ပြင်သစ်နိုင်ငံတွင် အသက် ၁၂ နှစ် မှ ၁၇ နှစ်အတွင်း လူငယ်များ၏ ၉၃ ရာခိုင်နှုန်းခန့်မှာ ကိုယ်ပိုင်ဖုန်းများ ကိုင်ဆောင်နေကြသောကြောင့် ဖုန်းကိုအချိန်ပေးနေကြရသည့် လူငယ်အများစုအတွက် အခက်တွေ့စရာဖြစ်သည်။ အချို့က ကျောင်းဆင်းချိန်၊ အားလပ်ချိန်များတွင်ပါ ဖုန်းကိုင်ခွင့်မပြု၊ ကျောင်းကို ဖုန်းလုံးဝယူမလာရဟု တားမြစ်မည်ဖြစ်ကြောင်း သတင်းများ ထွက်ပေါ်လာသည်။

“ကလေးတွေက အနားရချိန်လေးမှာပါ မနားတော့ဘူး။ ဖုန်းကို တောက်လျှောက်ပွတ်နေတာကြောင့် ပညာရေးရှုထောင့်ကကြည့်ရင် ဒါဟာ အလွန်ဆိုးရွားတဲ့ ပြဿနာတစ်ခုဖြစ်နေပါတယ်” ဟု ပြင်သစ်ပညာရေးဝန်ကြီး မိုက်ကယ်ဘလန်ကာက ပြောကြားသည်။

“ဥပဒေကို ထုတ်ပြီးရင်တော့ လေးစားလိုက်နာရမယ်။ ဖုန်းတွေကို စာသင်ခန်းထဲမှာ လုံးဝသုံးခွင့်မပြုဘူး။ ကျောင်းအုပ်၊ ဆရာတွေနဲ့မိဘတွေ ပူးပေါင်းပြီး ကျောင်းသားတွေ ဖုန်းမျက်နှာပြင်ပဲကြည့်နေတာကို တားဆီးနိုင်အောင် လုပ်ဆောင်မှာဖြစ်ပါတယ်”ဟု လည်း ဘလန်ကာက ဆိုသည်။

“ခင်ဗျားတို့က မိုဘိုင်းလ်ဖုန်းတွေကို ကျောင်းတွေမှာ တားမြစ်မှာလားလို့မေးရင် ကျွန်တော်ကတော့ ဟုတ်တယ်လို့ပဲပြောရလိမ့်မယ်”ဟုပြောကြားသည်။ ပြင်သစ်ကျောင်းအချို့တွင် ကျောင်းခေါ်ချိန်သတ်မှတ်ခြင်းနှင့် ကျောင်းသားတိုင်းဆီသို့ စာများပေးပို့ပြီး ကိစ္စများအား ဖုန်းများအသုံးပြုနေသည့် ကျောင်းများတွင် အစီအစဉ်ကို ပြောင်းလဲလုပ်ဆောင်ရတော့မလို ဖြစ်သွားသည်။ 

ကျောင်းများတွင် ကျောင်းသားများကို အပြစ်ပေးရခြင်း၏ ၄၀ ရာခိုင်နှုန်းခန့်မှာ မိုဘိုင်းလ်ဖုန်းနှင့် ပတ်သက်သည့်ကိစ္စများဖြစ်ကြောင်း ဆရာသမဂ္ဂမှ ကျောင်းအုပ်ကြီးတစ်ယောက်ဖြစ်သူ ဖီးလစ်တိုနီယာကလည်း ပြောကြားသည်။ ကျောင်းသားများကို ဖုန်းများကျောင်းသို့ မယူလာရေးမှာ သူတို့လွယ်အိတ်များကို ရှာဖွေပြီး သိမ်းဆည်းမှသာ ရနိုင်မည်ဟုလည်း သူက ဆိုသည်။ 

ကျောင်းကို ဖုန်းယူမလာရဟု တားမြစ်ပိတ်ပင်ခြင်းမှာ မည်မျှအထိ ပေါက်မြောက်အောင်မြင်မည်ကို မသိသော်လည်း ကျောင်းများတွင် ကျောင်းသားတိုင်းအတွက် ဗီရိုလေးများထားပေးပြီး စာသင်ခန်းထဲအဝင်မှာ သိမ်းဆည်းခဲ့ရန် ပြောကြားရုံမှတစ်ပါး မည်သို့မှ တတ်နိုင်မည်မဟုတ်ပေ။

ဝန်ကြီးက ကျောင်းကို ဖုန်းမယူလာရဆိုသော်လည်း စာသင်ခန်းထဲသို့ ယူမလာရေးသာ ဆိုလိုပြီး ဗီရိုထဲတွင်ထားခဲ့ရန် လိုအပ်ကြောင်း၊ အခြေအနေ တစ်ခုခုကြောင့် အရေးပေါ်ဆက်သွယ်မှုများ လိုအပ်လာနိုင်သဖြင့် ယူလာပြီးလျှင်လည်း သိမ်းဆည်းထားသည့် စနစ်ကိုသာ ကျင့်သုံးရန်လိုအပ်ကြောင်း ပြောကြားသည်။ 

ပြင်သစ်နိုင်ငံတွင် စာသင်ခန်းအတွင်း ဖုန်းမယူရဆိုသည့်စနစ်ကို မူလတန်းကျောင်းများနှင့် ကောလိပ်များတွင် ကျင့်သုံးသည့်ကျောင်းက ကျင့်သုံးနေပြီး ဆရာ၏ စားပွဲပေါ်တွင် တင်ထားခိုင်းသည့် စနစ်ကိုသာ ကျင့်သုံးနေဆဲ ဖြစ်သည်။

ကျောင်းများတွင် ဖုန်းမယူရဆိုသည့် စနစ်သစ်အတွက် ကျောင်းအဝင်ဝတွင် ဖုန်းအပ်ခဲ့သည့် နေရာတစ်ခုကို ဖန်တီးပေးရန် ပြင်ဆင်သူများက စီစဉ်နေကြပြီး၊ ကျောင်းလွှတ်မှ ပြန်ယူသွားရန်လည်း စီစဉ်နေကြပြီ ဖြစ်သည်။ 

ပြင်သစ်နိုင်ငံတောင်ပိုင်း မာဆေးမှ ကျောင်းအုပ်ကြီးတစ်ယောက်က ဤဥပဒေကို မည်ကာမျှ ဥပဒေဟု ခေါ်ဆိုသုံးစွဲလိုက်ပြီး အံ့ဖွယ်အဖြေရှာမှုတစ်ခုဟု ပြောဆိုလိုက်သည်။ ဖုန်းတွေကို ဟိုထားခဲ့ သည်ထားခဲ့ လုပ်ခိုင်းလိုက်လျှင် ထိန်းသိမ်းရသည့်ပြဿနာနှင့် ပျောက်သည့်ပြဿနာများ နောက်ထပ် တက်လာရန်သာရှိကြောင်း ပြောကြားလိုက်သည်။ 

“ဖုန်းယူလာရင် ယူလာပါစေ။ ဖုန်းပိတ်ထားလိုက်ရင် ပြီးရောပေါ့”ဟုလည်း သူက ဆိုသည်။

၂၀၁၁ ခုနှစ်ကလည်း ပညာရေးဝန်ကြီးက လွှတ်တော်တွင် ပြောကြားရာ၌ “မိုဘိုင်းလ်ဖုန်း အသုံးပြုနေတာတွေက နေ့စဉ် လူနေမှုဘဝထဲကို ဝင်ရောက်နေပါပြီ။ ဆက်သွယ်ဖို့ လိုအပ်လို့ ကိုင်နေကြတယ်ဆိုတာ မေ့မထားပါနဲ့။ အထူးသဖြင့်တော့ ဖုန်းပေးလိုက်တာဟာ ကျောင်းတွေမှာ မိဘနဲ့ကလေးတွေ ဆက်သွယ်ဖို့လည်း ဖြစ်နိုင်ပါတယ်။ ကျောင်းထဲမယူရလို့တော့ ပြောဖို့မသင့်ပါဘူး။ မသုံးနဲ့လို့ တားမြစ်တာ တားမြစ်ပါ။ ကျောင်းပြင်မှာ သုံးချင်လည်း သုံးပါစေ”ဟု တင်ပြခဲ့ဖူးသည်။ 

ပြင်သစ်နိုင်ငံ၏ ဩဇာကြီးမားသော မိဘများအဖွဲ့က ထိုဥပဒေကို လက်ရှိအနေအထားတွင် ဖြစ်နိုင်မည်ဟု မထင်ကြောင်း သုံးသပ်ပြထားသည်။

“အလယ်တန်းကျောင်း တစ်ကျောင်းမှာ အနည်းဆုံး ကျောင်းသား ၆၀၀ လောက်ရှိတယ်။ သူတို့အားလုံးရဲ့ဖုန်းတွေ သတ်မှတ်ထားတဲ့ သေတ္တာထဲကို ထည့်ခဲ့ရမှာလား။ ဘယ်သူတွေက ထိန်းသိမ်းပေးမလဲ။ ဘယ်လိုတွေ ပြန်ပြီးတော့ ယူကြမလဲ”ဟု မိဘများအသင်းဥက္ကဋ္ဌ ဂျရက်ပွန်မီးယားက ပြောကြားသည်။ 

ပညာရေးဝန်ကြီး၏ တစ်ခုတည်းသော အကြောင်းပြချက်မှာ ကျောင်းသို့ မိုဘိုင်းလ်ဖုန်းနှင့် တက်ဘလက်များ ယူခြင်းမှာ ကျန်းမာရေး အကြောင်းပြချက်ကြောင့်ဖြစ်ပြီး အသက် ၇ နှစ်အောက် ကလေးများကို မိုဘိုင်းလ်ဖုန်း မျက်နှာပြင်ကြည့်ခြင်းအတွက် ကျန်းမာရေး ထိခိုက်နိုင်ကြောင်း ဝန်ကြီးက ပြောဆိုသည်။ 

ထို့ပြင် ဝန်ကြီးက ဖုန်းများကို မကိုင်ဆောင်စေခြင်းမှာ ကျောင်းသားအချင်းချင်း အနိုင်ကျင့်ဗိုလ်ကျမှုများ ဘေးကလည်း ကာကွယ်ရန်ဖြစ်ကြောင်း ပြောကြားသော်လည်း အထက်တန်းကျောင်းသားများကို ဖုန်းယူခွင့်မပေးမှ ဆိုက်ဘာအကြမ်းဖက်မှုက လွတ်မြောက်နိုင်မည် ဖြစ်သည်။ ပြင်သစ်နိုင်ငံ မိုဘိုင်းလ်ဖုန်း တားမြစ်ပိတ်ပင်ရေး ဥပဒေသည် ကျောင်းတိုင်းတွင် ပြဿနာပေါင်းများစွာနှင့် ရင်ဆိုင်ရမည့်အပြင် နိုင်ငံရေးအရလည်း အခက်တွေ့စေမည့် အချက်တစ်ခုဖြစ်နိုင်ကြောင်း ဝေဖန်နေကြသည်။ 

E01 
(Ref: The Telegraph)
                     




FOLLOW US