News

မွန်တစ်ပြည်နယ်လုံး ရေကြီး၊ မော်လမြိုင်၊ ရေး၊ မုတ္တမ၊ သံဖြူဇရပ်မြို့များ အခြေအနေဆိုး

မော်လမြိုင်၊ ဇွန် ၁၇

မြန်မာနိုင်ငံ တောင်ပိုင်းဒေသများ တွင် မိုးရွာသွန်းမှုအားကောင်းနေပြီး မွန်ပြည်နယ်တစ်ခုလုံး ရေကြီးရေလျှံမှုများဖြစ်ကာ မော်လမြိုင်၊ ရေး၊ မုတ္တမ၊ သံဖြူဇရပ်မြို့များသည်လည်း အခြေအနေ ဆိုးဆိုးရွားရွား ကြုံနေရကြောင်း မော်လမြိုင်မြို့တွင် နေထိုင်သည့်သတင်းထောက်က သတင်းပေးပို့သည်။

မော်လမြိုင်ရှိ သမိုင်းဝင်တန်ခိုးကြီး ကျိုက်သလ္လံ စေတီတော်ကြီးမှာ မြေပြိုမှုတွေ အများအပြား ဖြစ်ပေါ်ပြီး၊ စေတီတော် အရှေ့ဘက်မုခ်မှ ဓာက်လှေကားလည်း စောင်းသွားကြောင်း၊ ရင်ပြင်တော်ပေါ်မှ သာသနိကအဆောက်အအုံ အတော်များများပျက်စီးခဲ့ပြီး မုခ်ဦးတိုင်လုံးကြီးတွေလည်း ကွဲအက်နေကြောင်း၊ အနိမ့်ပိုင်း ရပ်ကွက်များအားလုံး ရေမြုပ်နေကြောင်းလည်း ၎င်းက ပြောဆိုသည်။

သံဖြူဇရပ် မော်လမြိုင်လမ်းကြားတွင် တောင်ကျရေများ အခြေအနေဆိုး နေပြီး မော်လမြိုင်ဘက်ကို လူအချို့ ပြောင်းရွှေ့နေကြကြောင်းလည်း သံဖြူဇရပ်ကို ရောက်နေသူတစ်ဦးက ပြောသည်။

မွန်ပြည်နယ် မော်လမြိုင်၊ မုတ္တမ၊ မုဒုံ၊ သံဖြူဇရပ်၊ ရေးအပါအဝင် မြို့နယ် ၇ မြို့နယ်တွင် မိုးသည်းထန်စွာ ရွာသွန်းမှုကြောင့် ဇွန်လ ၁၇ ရက် နံနက်အစောပိုင်းမှစ၍ ရေကြီးနစ်မြုပ်ခဲ့ရာ ရေဘေးသင့်သူ ၃၀၀၀ ကျော်ကို ဘေးလွတ်ရာသို့ ပြောင်းရွှေ့ထားရကြောင်း သဘာဝဘေး စီမံခန့်ခွဲမှု ဦးစီးဌာန၊ ညွန်ကြားရေးမှူးချုပ် ဒေါက်တာကိုကိုနိုင်က ပြောသည်။

မော်လမြိုင်မြို့နယ်တွင် ဇွန်လ ၁၇ ရက် နံနက် ၃ နာရီခန့်မှစ၍ မိုးသည်းထန်စွာ ရွာသွန်းခြင်း၊ လေပြင်းတိုက်ခတ်မှုကြောင့် မြိုင်သာယာ၊ သီရိမြိုင်၊ ဖက်ခင်း၊ ဇေယျာမြိုင်၊ တောင်ဝိုင်းရပ်ကွက်တို့တွင် ရေကြီးနစ်မြုပ်ကြောင်း၊ ရေကြီးမှုကြောင့် နေအိမ်၊ ကာ၊ ဆိုင်ကယ်တို့ ရေကြီးနစ်မြုပ်ပြီး အချို့နေရာများတွင် လူတစ်ရပ်ကျော်ခန့် ရေကြီးနစ်မြုပ်ခဲ့သည်။

မော်လမြိုင်မြို့၊ တောင်ဝိုင်း ဥယျာဉ် လမ်းနယ်မြေထဲမှာ ရေကြီးနေမှုကြောင့် လူ ၂၀၀ နီးပါးခန့်ကို တောင်ဝိုင်းရပ်ရှိ ဓမ္မ ရက္ခိတစာသင်တိုက်တွင် ရေဘေးရှောင်စခန်း ဖွင့်လှစ်ကာ ယာယီထားရှိပြီး လူမှုကူညီ ရေးအဖွဲ့များက အစားအသောက်များကို ကူညီပေးလျက်ရှိသည်။

“အရင်က ဒီလိုမဖြစ်ဖူးဘူး၊ ရေတက်ရင်လည်း နည်းနည်းပဲတက်တယ်၊ အခုလို အိမ်မြုပ်တဲ့အထိဖြစ်တာ မရှိဘူး၊ ၄ နာရီလောက်က နေလို့မရတော့ဘူး၊ အဲဒါနဲ့ ကူတဲ့လူတွေ ရောက်လာတော့ ပစ္စည်းတွေ ဝိုင်းရွှေ့ကူညီပေးကြတယ်”ဟု ရေဘေးရှောင်သူ ဒေါ်သန်းသန်းဝေက ပြောသည်။

မော်လမြိုင်တွင် နေထိုင်သူတို့က ယခုရေကြီးမှုမှာ နှစ်ပေါင်း ၆၀ ခန့်အတွင်း အဆိုးရွားဆုံး ရေကြီးမှုဟုလည်း ပြောဆိုကြသည်။

တောင်ဝိုင်း ဥယျာဉ်လမ်း နယ်မြေထဲတွင် ရေကြီးကာ ပိတ်မိနေသော ဒေသခံ ၁၅၀ ကျော်ကို ရေဘေးကင်းလွတ်ရာသို့ စက်လှေများဖြင့် ကယ်ဆယ်ရေး အဖွဲ့ဝင်များက ရှာဖွေကယ်ဆယ်ခဲ့ရကြောင်း ကယ်ဆယ်ရေး ဆောင်ရွက်ခဲ့သော ဘိုဘိုဝင်း (လူမှုကယ်ဆယ်ရေးအဖွဲ့) က ပြောသည်။

ယင်းအပြင် မော်လမြိုင် တောင်ရိုးတန်း ကျိုက်သလ္လံစေတီ အရှေ့ဘက်မုခ်အနီး မြေသားနံရံပြိုကျကာ အုတ်တံတိုင်းပြိုကျခြင်းနှင့် အဆောက်အအုံအချို့ ထိခိုက်ပျက်စီးခဲ့ကြောင်း၊ ယင်းအပြင် မြစေတီ ရဲကျောင်း အုတ်တံတိုင်း၊ ဘိုကုန်း သံလွင် ဥယျာဉ်အနီး ဟိန္ဒူဘုရားကျောင်း အုတ်တံတိုင်း၊ မောင်ငံရပ် အလက-၂ အုတ်တံတိုင်းများ ပြိုကျပျက်စီးခဲ့သည်။

အဆိုပါ ရေကြီးနစ်မြုပ်မှုများကြောင့် မော်လမြိုင် မုတ္တမ-သံလွင်တံတားကို ၃ နာရီကျော်ကြာ ပိတ်ထားပြီး မော်တော် ယာဉ်များကို အလှည့်ကျ ဖြတ်သန်းသွားလာခွင့်ပေးထားသည်။

ရေကြီးနစ်မြုပ်မှုနှင့် ပတ်သက်၍ တာဝန်ရှိသူများ စာရင်းကောက်ခံနေပြီး လူမှုကယ်ဆယ်ရေး အဖွဲ့များကလည်း ကူညီထောက်ပံ့မှုများ လုပ်ဆောင်သွားမည်ဖြစ်ကြောင်း၊ အရှေ့တောင်တိုင်း စစ်ဌာနချုပ်က ဆေးကုသမှုနှင့် စောင်၊ အဝတ်အစားများကို ကူညီထောက်ပံ့ပေးမည် ဖြစ်ကြောင်း မွန်ပြည်နယ် အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းနိုင်ဦးက ပြောကြားသည်။

ပေါင်မြို့နယ် မုတ္တမမြို့ရှိ မေတ္တာမွန်၊ ချမ်းသာကြီး၊ ဝါတီရှူး အပါအဝင် ရပ်ကွက် ၅ ခုနှင့် မုတ္တမတိုက်နယ် ဆေးရုံတွင် ရေကြီးရေလျှံမှုများ ဖြစ်ပွားခဲ့ကြောင်း မြန်မာနိုင်ငံ မီးသတ်ဦးစီးဌာနထံမှ သိရသည်။

မုတ္တမတိုက်နယ်ဆေးရုံထဲသို့ ရေ ၃ ပေခန့် ဝင်ရောက်သဖြင့် ဆေးရုံလူနာများနှင့် လူနာစောင့်များနှင့် လူ ၅၀ ကျော်ကို ရေဘေးကင်းလွတ်ရာသို့ ရွှေ့ပြောင်းထားကြောင်း ဒေသခံတစ်ဦးထံမှ သိရသည်။

“အသက် ၇၀ ရှိပြီ တစ်ခါမှ ဒီလောက် ရေကြီးတာ မမြင်ဖူးဘူး”ဟု မုတ္တမမြို့တွင် နေထိုင်သူတစ်ဦးက ဆိုသည်။

သံဖြူဇရပ် -မော်လမြိုင်ကားလမ်း နှီးပဒေါကျေးရွာအနီးတွင် ကားလမ်းရေကျော်ကာ မြေသားပြိုကျမှုများဖြစ်ပွားရာ ယာဉ်သွားလာရေး ခက်ခဲနေကြောင်း၊ ယင်းအပြင် ကျိုက်မရော-မုဒုံကားလမ်း ဘုရားနှစ်ဆူအနီးတွင် တံတားရေတိုက်စားပြီး ကမ်းပါးပြိုသဖြင့် လမ်းခေတ္တ ပိတ်ထားရကြောင်း မော်လမြိုင်- မုဒုံလမ်းပိုင်း ကျောက်တစ်လုံးတောင်အနီးတွင်လည်း လမ်းပေါ် ရေ ၄ ပေခန့် တက်သည့်အတွက် ယာဉ်သွားလာရန် ခက်ခဲနေကြောင်း ဒေသခံများထံမှ သိရသည်။

အလားတူ မုဒုံမြို့နှင့် ရေးမြို့နယ်တို့ တွင်လည်း မိုးသည်းထန်စွာ ရွာသွန်းပြီး ရေကြီးရေလျှံမှုဖြစ်ကာ နှစ်၂၀ကျော်တွင် အဆိုးဝါးဆုံး ဖြစ်ခဲ့ကြောင်း၊ မုဒုံမြို့နှင့် ရေးမြို့နယ်ရှိ ရပ်ကွက်၊ ကျေးရွာအချို့တွင် ရေ ၄ ပေခန့် မြင့်တက်နေကြောင်း ဒေသခံအချို့ထံမှ သိရသည်။

ရေးမြို့နယ်ရှိ ကျောင်းရွာ၊ ရန်ကြီးအောင် အပါအဝင် ကျေးရွာ ၄ ရွာတွင် အိမ်ခြေ ၃၅၀ကျော် ရေဝင်နစ်မြုပ်နေပြီး မြို့နယ် အားကစားရုံတွင် ကယ်ဆယ်ရေးစခန်းဖွင့်ထားသည်။

မုဒုံမြို့နယ်ရှိ ခိုင်ရွှေဝါလမ်းနှင့် အုတ် ကျင်းရပ်ကွက်တို့တွင် ရေအမြင့် ၅ ပေခန့် မြင့်တက်မှုကြောင့် အိမ်ခြေ ၅၀၀ ကျော် နစ်မြုပ်ခဲ့ပြီး သက်ဆိုင်ရာ ဌာနအဖွဲ့အစည်းများနှင့် ကယ်ဆယ်ရေး အသင်းအဖွဲ့များမှ ရှာဖွေကယ်ဆယ်ကာ ရေဘေးသင့်ပြည်သူများကို နီးစပ်ရာဘုန်းကြီးကျောင်းများသို့ ပို့ဆောင်ပေးခဲ့ကာ အသင်းအဖွဲ့များမှ ထမင်းထုပ်များဝေကာ ကူညီဆောင်ရွက်နေကြောင်း မုဒုံဒေသခံ ဦးစိုးပိုင်က ပြောကြားသည်။

မွန်ပြည်နယ်တွင် ဇွန်လ ၁၇ ရက်က ရေကြီးမှုကြောင့် ကျိုက်မရော-မုဒုံ၊ ခုနစ် ခွေလမ်းတွင်လည်း လမ်းမြေပြိုမှုများ ဖြစ်ပွား၍ လမ်းကိုခေတ္တပိတ်ထားပြီး ကဒါ - ကျွန်းရွာ - မုဒုံ လမ်းမကြီးတစ်လျှောက်တွင်လည်း ရေကြီးခြင်းကြောင့် မော်တော်ယာဉ်များ ဖြတ်သန်းလာခွင့် မပြုတော့ကြောင်း ဒေသခံပြည်သူများထံမှ သိရသည်။

“မုဒုံမြို့မှာ ရေကြီးမှုကြောင့် လူ သေဆုံးတာ၊ ထိခိုက်တာတွေတော့ မရှိပါဘူး။ ရေကြီးတော့ လမ်းတွေရေကျော်နေတဲ့အတွက် ယာဉ်တွေ ဖြတ်သန်းသွားလာခွင့်တော့ ခေတ္တ ပိတ်တာတွေတော့ရှိတယ်။ အသင်းအဖွဲ့တွေက ကယ်ဆယ်ရေးတွေလည်း ဆောင်ရွက်ပေးနေပါတယ်”ဟု မုဒုံမြို့နယ်၊ မဲဆန္ဒနယ်အမှတ် (၂) မှ မွန်ပြည်နယ် လွှတ်တော်ကိုယ်စားလှယ် ဦးမျိုးထွန်းကဆိုသည်။

မုဒုံမြို့နယ်၊ နှီးပဒေါကျေးရွာနှင့် ရောင်းဒေါင်းကျေးရွာ မော်သံလမ်းတွင် ရေကြီးမှုကြောင့် ကားများ ဖြတ်သန်းသွားလာ၍မရဘဲ မုဒုံမြို့ပေါ်ရှိ လမ်းမများနှင့် ကျောင်းနောက်ရပ်၊ ပေါ်တော်မူရပ်ကွက်၊ အုတ်ကျင်းရပ်ကွက်နှင့် အခြားရပ်ကွက်၊ ကျေးရွာအချို့တွင်လည်း ရေကြီးနစ်မြုပ်မှုများ ဖြစ်ပေါ်ခဲ့ကြောင်းနှင့် ရေးမြို့နယ်ရှိ လမ်းမပေါ်များ၊ မော့ကနင်းရွာ၊ ရွာသာယာရပ်ကွက်နှင့် အခြားရပ်ကွက်ကျေးရွာများတွင်လည်း ရေကြီးနစ်မြုပ်မှုများ ဖြစ်ပေါ်ခဲ့သည်။ 

မွန်ပြည်နယ်ရှိ မြို့နယ် ၇ မြို့နယ်တွင် ရေကြီးမှုကြောင့် ကယ်ဆယ်ရေး စခန်း ၂၉ ခု ဖွင့်လှစ်ကာ ရေဘေးသင့်မှုများကို ဘေးလွှတ်ရာသို့ ရွှေ့ပြောင်းထားကြောင်း မွန်ပြည်နယ် ဝန်ကြီးချုပ် ဒေါက်တာအေးဇံက ပြောသည်။

အစိုးရဘက်ကမူ မွန်ပြည်နယ် ရေကြီးရေလျှံမှုအတွက် ကယ်ဆယ်ရေးလုပ်ငန်းများ လုပ်ကိုင်ရန် သွားရောက်နေပြီဖြစ်ကြောင်း ပြောဆိုပြီး လတ်တလော အရေးပေါ် အခြေအနေ ကြေညာရန်မရှိသေးကြောင်း ပြောဆိုသည်။

R-21, J-1



FOLLOW US