News

POST TAGGED AS

နိုင်ငံရေး

ကျွန်ုပ်တို့နိုင်ငံရှိ မျိုးဆက်သစ်လူငယ်များတွင် နိုင်ငံရေး၊ စီးပွားရေး၊ လူမှုရေးနှင့် အခြားသောပြဿနာများကို ဖြေရှင်းဆောင်ရွက်နိုင်သည့် ပင်ကိုစွမ်းရည်များ ရှိကြသည်။ သို့သော် စိန်ခေါ်မှုရှိနေသော အခြေအနေများတွင် ဇွဲ၊ လုံ့လ၊ ဝီရိယဖြင့် မဆုတ်မနစ် ကြိုးစားရန်နှင့် တီထွင်ဖန်တီးနိုင်ရန် အရည်အချင်းများ ပိုမိုလိုအပ်နေသည်။ ထိုအရည်အချင်းများသည် နည်းပညာဆိုင်ရာ ကျွမ်းကျင်မှုကဲ့သို့ များစွာ အရေးကြီးလှပါသည်။
ဗင်နီဇွဲလားနိုင်ငံတွင် သမ္မတမာဒူရို အစိုးရက အစိုးရဆန့်ကျင်ရေး ဆန္ဒပြသူများနှင့် တွေ့ဆုံဆွေးနွေးရေးကို လိုလားကြောင်း ပြသသည့်အနေနှင့် ထောင်ကျနေသော အတိုက်အခံနိုင်ငံရေးလှုပ်ရှားသူ အချို့ကို လွှတ်ပေးခဲ့သော်လည်း အတိုက်အခံအမတ်များကမူ အာဏာရှင် မင်းဆိုးမင်းညစ်၏ စိတ်ရင်းမပါသော ဟန်လုပ်သရုပ်ပြမှုဖြစ်သည်ဟု ဝေဖန်ပြောကြားလိုက်ကြောင်း DW သတင်းတွင် ဖော်ပြထားသည်။
ပစ္စုပ္ပန်ကာလ၏ စီးပွားရေး လုံခြုံမှုဆိုသည်မှာ စစ်ရေးလုံခြုံမှု ကဲ့သို့ပင် အမျိုးသား လုံခြုံရေး၏ အရေးကြီးသော အစိတ်အပိုင်းတစ်ရပ်ဖြစ်သည်။ နိုင်ငံသားများ၏ အလုပ်အကိုင် ဖန်တီးပေးရေးနှင့် အကာအကွယ်ပေးရေးသည် အမျိုးသား လုံခြုံရေးတွင် အရေးကြီးသည်။ တတိယ ကမ္ဘာ့နိုင်ငံများအနေနှင့် သူတို့၏နိုင်ငံသားများကို အပြည့်အဝ အလုပ်အကိုင် ဖန်တီးမပေးနိုင်သဖြင့် လုံခြုံမှု နည်းပါးသည်။ အရှေ့တောင်အာရှဒေသအတွင်း မြန်မာနိုင်ငံသည် မိမိနိုင်ငံသားများကို အလုပ်အကိုင် အခွင့်အလမ်း မဖန်တီးပေးနိုင်ဆုံးနိုင်ငံ ဖြစ်နေသေးသည်။
မြန်မာနှစ်ဆန်း ၁ ရက်နေ့ နှစ်သစ်ကူးကာလ၌ နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် အေအေပီပီက တင်ပြထားသည့် နိုင်ငံရေးအကျဉ်းသား ၃၆ ဦးအပါအဝင်၊ အကျဉ်းသားပေါင်း ရှစ်ထောင့်ငါးရာနီးပါး နိုင်ငံတစ်ဝန်းရှိ ထောင်အသီးသီးမှ လွှတ်ပေးလိုက်သည်။
စင်ကာပူတွင် လာရောက်လည်ပတ်နေသူများ၊ အလုပ်လုပ်နေသူများနှင့် နေထိုင်လျက်ရှိကြသူများသည် နိုင်ငံရေးလှုပ်ရှားရန် ပလက်ဖောင်းတစ်ခုအဖြစ် စင်ကာပူကို အသုံးမပြုကြရန် စင်ကာပူရဲတပ်ဖွဲ့က ဗုဒ္ဓဟူးနေ့တွင် ပြောကြားလိုက်သည်ဟု CNA သတင်းတွင် ရေးသားဖော်ပြထားသည်။
နေစရာမရှိသော နိုင်ငံရေးအကျဉ်းသားဟောင်းများကို တိုက်ကြီးမြို့နယ် မလေးရှားဝိုင်ကျေးရွာအုပ်စု အုန္နဲပင်ကျေးရွာတွင် မြေဝယ်ကာ နေရာချထားမည်ဖြစ်ကြောင်း တိုက်ကြီး (BG) သွေး ကူညီရေးအဖွဲ့ ဦးသက်ဦးက ပြောသည်။
လက်ရှိ အစိုးရတာဝန်ရှိသူတို့၏ ပြောစကား၊ ဆိုစကားနှင့် စီးပွားရေး ပညာရှင်တို့၏ ပြောစကားတို့ကို မည်သူက မှန်ကန်သည်ဟူ၍ ဆန်းစစ်လေ့လာရန် လိုအပ်လာပါသည်။ အစိုးရတာဝန်ရှိသူတို့သည် မည်သည့်နေရာမှ မည်သည့်နည်းလမ်းဖြင့် ကောက်ခံရရှိသည့် အချက်အလက် ကိန်းဂဏန်းတို့ကို အခြေပြု၍၊ အခြေခံ၍ ပြောဆိုနေကြသည်ကို အားမနာတမ်း ဖော်ထုတ်၍ ဆန်းစစ်ပြရန် လိုအပ်ပါသည်။
ရွေးကောက်ပွဲ ပြီးဆုံးသွားပြီးနောက် လအတန်ကြာမြင့်အောင် နှောင့်နှေးခဲ့ရသည့် ဂျာမန်ညွန့်ပေါင်းအစိုးရ ဖွဲ့စည်းမည့် ကိစ္စနှင့်ပတ်သက်၍ ဂျာမန်လက်ဝဲယိမ်း ဆိုရှယ်ဒီမိုကရက် (SPD) နှင့် အဓိပတိမာကယ်လ်၏ ကွန်ဆာဗေးတစ် (CDU/CSU) တို့ သဘောတူညီမှု ရရှိသွားပြီဖြစ်ကြောင်း BBC သတင်းဌာနက ရေးသားဖော်ပြသည်။
နိုင်ငံရေး အကျဉ်းသားများအတွက် အခမဲ့ကျန်းမာရေး စောင့်ရှောက်မှု စင်တာကို ဒဂုံမြို့သစ်(မြောက်ပိုင်း) ၆ ရပ်ကွက်၊ ခါတော်မီလမ်းတွင် ဆောက်လုပ်နေပြီဖြစ်ကြောင်း အဆိုပါစင်တာမှ အလုပ်အမှုဆောင် ကိုရာဇာက ပြောကြားသည်။
အမျိုးသားအဆင့် နိုင်ငံရေးဆွေးနွေးပွဲဆိုင်ရာ ပြင်ဆင်သည့် လုပ်ငန်းစဉ်အဆင့်ဆင့်အပေါ် အစိုးရနှင့် တိုင်းရင်းသားလက်နက်ကိုင်အဖွဲ့အစည်းများ နားလည်မှု မတူညီသည်ကို တွေ့ရှိရကြောင်း ကရင်အမျိုးသားအစည်းအရုံး (KNU) ဥက္ကဋ္ဌ ဗိုလ်ချုပ်ကြီး မူတူးစေးဖိုးက ပြောကြားသည်။