မြန်မာတို့မှာ ဦးဆောင်သူ ပုဂ္ဂိုလ်ခေါင်းဆောင်နှင့် အဖွဲ့အစည်းတို့နှင့်ပတ်သက်ပြီး ရှေးယခင်ကတည်းက စွဲခိုင်ထားသည့် အယူအဆတစ်ခု ရှိပါသည်။ အုပ်စိုးသူမင်းကို ရန်သူမျိုး ငါးပါးထဲ ထည့်သွင်းထားသော ယဉ်ကျေးမှု ရှိသည်။ ထိုထက် အုပ်စိုးသူများဘက်ကလည်း အာဏာရယူပြီးနောက် ကတိကဝတ်များ ဖျက်၍ ထင်ရာလုပ်တတ်သော သဘောလည်း ရှိသည်။ သို့အတွက် ဦးဆောင်သူနှင့် နောက်လိုက်များကြား တရားနည်းလမ်းကျသည်ဖြစ်စေ အခြေခံတင်းမာမှုက ရှိနေပြန်သည်။

မြန်မာနိုင်ငံတွင် နာဂစ်ရိုက်ခတ်သွားသောအခါ We အများအပြားကို တွေ့လိုက်ရသည်။ ကိုယ့်ထမင်းကိုယ်စားမနေနိုင် အခြားသူများကို တတ်နိုင်သမျှ အကူအညီပေးကြသည်။ ငွေကြေးတတ်နိုင်သူက ငွေကြေး၊ လုပ်အားတတ်နိုင်သူက လုပ်အားပေးအပ်ကြသည်။ မိဘပြည့်စုံသောကြောင့် ခြေမွေးမီးမလောင် လက်မွေးမီးမလောင်နေရသည့် လူငယ်များပင် ရွှံ့တော ဗွက်တောသို့ ဝင်ကာ လုပ်အားပေးကြသည်။ ဗော်လန်တီယာ လုပ်တယ် (Volunteering) ဆိုသော စကား မြန်မာလူငယ်များအကြား ရေပန်းစားလာသည်။ ဗော်လန်တီယာ လုပ်သူများလျှင် နိုင်ငံဖွံ့ဖြိုးရေး အရှိန်ပိုကောင်းသည်ဟု ပညာရှင်များက သုတေသနပြု တွေ့ရှိ ထားသည်။ We သမားများလျှင် နိုင်ငံတည်ဆောက်ရာတွင် အရှိန်အဟုန် ကောင်းလာမည်။

မြန်မာ့လူ့အဖွဲ့အစည်းတွင် အကောင်းဘက်ကဲသည့် လူမှုနိုးကြားလှုပ်ရှားမှု ပုံပေါ်လာနေပြီဟု နိမိတ်ဖတ်နိုင်ပါလိမ့်မည်။ လူမှုနိုးကြား လှုပ်ရှားမှုသည် ခေတ်မီဒီမိုကရေစီနိုင်ငံ တည်ဆောက်ရေးအတွက် မရှိမဖြစ် လိုအပ်ချက်လည်း ဖြစ်ပါသည်။

‘ရန်ကုန်တက္ကသိုလ်တွင် ၂၀၁၅-၁၆ ပညာသင်နှစ်၌ သမိုင်းဘာသာဖြင့် တက်ရောက်သူမရှိ’ ဟူသော သတင်းထွက်လာအပြီးတွင် အံ့ဩထိတ်လန့်သံ၊ ဝေဖန်သံ စသည့်မှတ်ချက်မျိုးစုံ ထွက်ပေါ်လာပြီး အပြင်လောက ရပ်ဝန်းတွင်သာမက လူမှုကွန်ရက်နယ်ပယ် အထိပါ ပျံ့နှံ့ ဆူညံသွားတော့သည်။