News

POST TAGGED AS

ပြတိုက်

ဗိုလ်ချုပ်ရုပ်ရှင်ရိုက်ကူးရေးအတွက် အလှူငွေကျပ်သိန်းပေါင်း ၁၂,၅၀၀ နီးပါးရရှိ
ရန်ကုန်၊ ဇွန် ၂၅

ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ရိုက်ကူး၊ ထုတ်လုပ်၊ ပြသရေးအတွက် လက်ရှိအချိန်ထိ စုစုပေါင်းလှူဒါန်းငွေ ကျပ်သိန်းပေါင်း ၁၂,၄၉၇ သိန်းရရှိထားပြီဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာနက ဇွန်လ ၂၅ ရက်တွင် ထုတ်ပြန်သည်။

“ရိုက်ကူးမယ့်ကိစ္စတွေနဲ့ပတ်သက်ပြီး ဒီ ၃၀ ရက်နေ့မှာ ရုပ်ရှင်အတတ်ပညာရှင်တွေနဲ့ အမျိုးသားကဇာတ်ရုံမှာ ဆွေးနွေးဖို့ရှိတယ်။ လက်ရှိကလုပ်ငန်း ဘာမှမလုပ်ရသေးဘူး။ အဲဒီအစည်းအဝေးကျမှ အသေးစိတ်သိနိုင်မယ်”ဟု အမြဲတမ်းအတွင်းဝန် ဦးထွန်းအုံးက ဆိုသည်။

အဆိုပါလှူဒါန်းငွေများတွင် ယခင်အောင်ဆန်းရုပ်ရှင်ဖြစ်မြောက်ရေးအဖွဲ့မှ လွှဲပြောင်းငွေကျပ် ၈၄၇၂ သိန်းနှင့် ပထမအကြိမ် လှူဒါန်းရရှိငွေ ကျပ်၂၇၆၀ သိန်း၊ ဒုတိယအကြိမ် လှူဒါန်းရရှိငွေ ကျပ် ၁၁၄၀ သိန်းနှင့် တတိယအကြိမ် လှူဒါန်းရရှိငွေကျပ် ၁၂၅ သိန်းဖြစ်ပြီး စုစုပေါင်းလှူဒါန်းရရှိငွေမှာ ကျပ် ၁၂,၄၉၇ သိန်း ရရှိပြီဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာနက ထုတ်ပြန်ထားသည်။

ဗိုလ်ချုပ်ရုပ်ရှင်ရိုက်ကူးရေးအတွက် သာသနာရေးနှင့် ယဉ်ကျေးမှုဝန်ကြီးဌာနမှ လိုအပ်သည့်သမိုင်းဆိုင်ရာ အထောက်အထားများကို ပံ့ပိုးကူညီမည်ဖြစ်ပြီး ရိုက်ကူးထုတ်လုပ်ရေး လုပ်ငန်းစဉ်များကို ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ရိုက်ကူးထုတ်လုပ်ရေး လုပ်ငန်းကော်မတီက ဆောင်ရွက်နေခြင်းဖြစ်သည်။

ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ရိုက်ကူးထုတ်လုပ်ရန် ရန်ကုန်မြို့၊ ကမ္ဘာအေးစေတီလမ်းရှိ ကမ္ဘောဇရိပ်သာ (ချင်းချောင်းနန်းတော်) ၌ ယခုနှစ် ဇန်နဝါရီလမှစတင်၍ ရုံးခန်းဖွင့်လှစ်ထား သည်။ ဗိုလ်ချုပ်ရုပ်ရှင်ရိုက်ကူးထုတ်လုပ်ရန် ကျပ်သိန်းတစ်သောင်းခွဲခန့်ပျမ်းမျှ ကုန်ကျနိုင်မည်ဟု ခန့်မှန်းထားပြီး လက်ရှိတွင် အလှူငွေများ လက်ခံနေသေးကြောင်း သာသနာရေးနှင့် ယဉ်ကျေးမှုဝန်ကြီးဌာနထံမှ သိရသည်။

ဗိုလ်ချုပ်အတ္ထုပ္ပတ္တိရုပ်ရှင်ကို ၂၀၁၉ ခုနှစ်တွင် အပြီးရိုက်ကူးမည်ဖြစ်ပြီး ၂၀၂၀ ပြည့်နှစ်တွင်စတင်ရုံတင်ပြသရန် ကြိုးပမ်းနေကြောင်း တာဝန်ယူရိုက်ကူးမည့်သူများက ပြောကြားထားသည်။

J-14



FOLLOW US