News

POST TAGGED AS

ပြည်ပ

နိုင်ငံခြားသားများကို ပြည်တွင်း၌ လက်လီလက်ကား လုပ်ငန်းများ စတင် လုပ်ကိုင်ခွင့်ပြု
ရန်ကုန်၊ မေ ၁၂

ပြည်တွင်း လက်လီလက်ကား လုပ်ငန်းဈေးကွက်သို့နိုင်ငံခြားသားပိုင် ကုမ္ပဏီ၊ မြန်မာနိုင်ငံသားနှင့် နိုင်ငံခြားသား ပေါင်းစပ်ထားသည့် ဖက်စပ်ကုမ္ပဏီများကို လုပ်ငန်းလုပ်ကိုင်ခွင့် စတင်ခွင့်ပြုလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနထံမှ သိရသည်။

နိုင်ငံခြားသား ရင်းနှီးမြှုပ်နှံ၈၀ ရာခိုင်နှုန်းမှ ရာနှုန်းပြည့်ပိုင်သော လုပ်ငန်းများသည် လက်လီလုပ်ငန်းလုပ်ကိုင်ပါက မြေငှားရမ်းခမပါဝင်ဘဲ အမေရိကန်ဒေါ်လာ သုံးသန်းနှင့်အထက် ရင်းနှီးမြှုပ်နှံရမည်ဖြစ်ပြီး လက်ကားလုပ်ငန်း လုပ်ကိုင်ပါက အမေရိကန်ဒေါ်လာ ငါးသန်းနှင့်အထက် ရင်းနှီးမြှုပ်နှံရမည်ဖြစ်ကြောင်း အဆိုပါ ဝန်ကြီးဌာနထံမှသိရသည်။

“နိုင်ငံခြားသား ကုမ္ပဏီတွေနဲ့ ဖက်စပ်ကုမ္ပဏီတွေအနေနဲ့ Convenience ဆိုင်လေးတွေတော့ ဖွင့်ခွင့်မရှိဘူး။ စတုရန်းမီတာ ၉၂၉ ထက်ကျယ်တဲ့ Super Market တွေ ဖွင့်မယ်ဆိုရင်လည်း ရင်းနှီးမြှုပ်နှံမှု ကော်မရှင်ဆီက ခွင့်ပြုချက်လိုမယ်”ဟု အဆိုပါဝန်ကြီးဌာနမှ တာဝန်ရှိသူတစ်ဦးက ပြောကြားသည်။

ယင်းကဲ့သို့ နိုင်ငံခြားသားများကို လက်လီလက်ကား လုပ်ငန်းများတွင် ခွင့်ပြုလိုက်ခြင်းဖြင့် ပြည်တွင်း အသေးစား အလတ်စား လုပ်ငန်းများ၏ ထုတ်ကုန်များ ဈေးကွက် ပိုမိုရရှိလာနိုင်ခြင်း၊ ဈေးကွက်ယှဉ်ပြိုင်မှု များလာမည်ဖြစ်ခြင်းကြောင့် စားသုံးသူများအတွက် ဈေးနှုန်းများ လျော့ကျခြင်းများနှင့် ရွေးချယ်ခွင့်များ ပိုမိုရရှိလာနိုင်မည်ဖြစ်ကြောင်း ၎င်းကဆိုသည်။

လက်ရှိအချိန်တွင် ဂျပန်ကုမ္ပဏီတစ်ခုဖြစ်သော Aeon က ပြည်တွင်း လက်လီဈေးကွက်သို့ ဝင်ရောက်ထားပြီးဖြစ်ပြီး ပြည်တွင်းမှ Creation Myanmar Group ကုမ္ပဏီနှင့်ပူးပေါင်းပြီး Aeon Orange စတိုးဆိုင်များကို ဖွင့်လှစ်ထားပြီဖြစ်သည်။

J-01



FOLLOW US