News

POST TAGGED AS

မြောက်ကိုရီးယား

မြောက်ကိုရီးယား တာဝေးပစ်ဒုံးကျည် စမ်းသပ်နိုင်တော့မည်ဟု ကင်ဂျုံအန်း ကြေညာ
ပြုံယမ်း၊ ဇန်နဝါရီ ၁ 

မြောက်ကိုရီးယားသည် နျူကလီးယားထိပ်ဖူး သယ်ဆောင်နိုင်သော တာဝေးပစ်ဒုံးကျည် စမ်းသပ်ပစ်လွှတ်နိုင်ရန် နီးစပ်လာပြီဖြစ်ကြောင်း ခေါင်းဆောင်ကင်ဂျုံအန်းက ပြောကြားခဲ့သည်ဟု BBC သတင်းက ဖော်ပြသည်။

တိုက်ချင်းပစ် ပဲ့ထိန်းဒုံးကျည်များ ထုတ်လုပ်မှုမှာ နောက်ဆုံးအဆင့် ရောက်နေပြီဟု ကင်က နှစ်သစ်ကူး မိန့်ခွန်းတွင်ထည့် သွင်းပြောသွားခဲ့သည်။

ပြုံယမ်းသည် ပြီးခဲ့သည့်နှစ်က နျူ ကလီးယားစမ်းသပ်မှု နှစ်ကြိမ်ပြုလုပ်ခဲ့ပြီး နောက်ဆုံးတစ်ကြိမ်မှာ အကြီးဆုံးဖြစ်သည်။

မြောက်ကိုရီးယား၏ နျူကလီးယားနှင့် ဒုံးကျည်စမ်းသပ်မှုများ ရပ်တန့်ရန်  ကုလသမဂ္ဂ ဆုံးဖြတ်ချက်ဖြင့် တောင်းဆိုထားသော်လည်း ကင်အစိုးရက လိုက်နာခြင်း မရှိပေ။

၂၀၁၁ ခုနှစ်တွင် ဖခင ကင်ဂျုံအီလ် ကွယ်လွန်ပြီးနောက် ကင်ဂျုံအန်းက ဆက်ခံခဲ့ပြီးနောက်ပိုင်း နျူကလီးယား လုပ်ငန်းစဉ်ကို အရှိန်မြှင့် လုပ်ဆောင်ခဲ့သည်။

နှစ်သစ်ကူးမိန့်ခွန်းတွင် “နောက်ဆုံးပေါ် လက်နက်ကိရိယာ သုတေသနနဲ့ ဖွံ့ဖြိုးရေးလုပ်ငန်း တိုးတက်ဖြစ်ထွန်းနေပြီး တိုက်ချင်းပစ်ဒုံးကျည် စမ်းသပ်ပစ်လွှတ်ဖို့ စီစဉ်ထားမှုဟာလည်း နောက်ဆုံးအဆင့် ရောက်နေပါပြီ” ဟု ကင်ဂျုံအန်းက ပြောကြားခဲ့သည်။

အမေရိကန်အထိ ရောက်ရှိအောင် ပစ်လွှတ်နိုင်သည့် ဒုံးကျည်တည်ဆောက်မှု ရည်မှန်းချက် အကောင်အထည်ဖော်ရာတွင် အောင်မြင်မှု များစွာရရှိနေကြောင်း မြောက်ကိုရီးယားက ထုတ်ပြန်ထားသည်။

မြောက်ကိုရီးယားသည် နျူကလီးယားထိပ်ဖူးကို ဒုံးကျည်တွင် တပ်ဆင်နိုင်သည်အထိ သေးငယ်စွာ ထုတ်လုပ်လာနိုင်ဖွယ် ရှိသော်လည်း တာဝေးပစ်လွှတ်မှုများအတွက် ဒုံးကျည်ပြန်ဆင်းသက်မှုစနစ်တွင် အခက်အခဲပေါင်းများစွာ ရှိနေဆဲဖြစ်ကြောင်း အမေရိကန်စစ်ဘက် တာဝန်ရှိသူတစ်ဦး၏ ပြောကြားချက်ကို Reuters သတင်းက ကိုးကားဖော်ပြသည်။

F-03



FOLLOW US