News

POST TAGGED AS

ချောက်မြို့

ချောက်ရှိ လယ်ယာမြေပိုင်ဆိုင်ကြောင်း ထောက်ခံချက်ပေးရန် တစ်ရာခိုင်နှုန်းသာကျန်
ချောက်၊ မေ ၁၉

မကွေးတိုင်းဒေသကြီး ချောက်မြို့တွင် လယ်ယာမြေပိုင်ဆိုင်ကြောင်း ထောက်ခံချက် (ပုံစံ ၇) ထုတ်ပေးရန် တစ်ရာခိုင်နှုန်းခန့်သာ ကျန်ရှိကြောင်း ယင်းမြို့လယ်ယာ မြေစီမံခန့်ခွဲရေးနှင့် စာရင်းအင်းဦးစီးဌာနထံမှ သိရသည်။

ယခုလအတွင်း တောင်သူ ၁၅၀ ကျော်၏ လယ်ယာမြေဧက ၃၃၀ ကျော်ကို ပုံစံ ၇ ဆက်လက်ထုတ်ပေးရန် လုပ်ဆောင်နေပြီး ကျန်ရှိနေသည့် တောင်သူ ၄၆ ဦး၏ လယ်ယာမြေ ၉၄ ဧကကို ဇူလိုင်လအတွင်း အပြီးသတ်ထုတ်ပေးသွားမည်ဖြစ်ကြောင်း ယင်းဌာနထံမှသိရသည်။ 

“ကျေးရွာမှာရှိပြီး လျှောက်ထားရန် မသိတဲ့ တောင်သူတွေ၊ နယ်ကျော်ရှိနေတဲ့ တောင်သူတွေကို ပုံစံ (၇) ထုတ်ပေးနိုင်ရေးကို စာရင်းအင်းကိန်းဂဏန်း မှန်ကန်ရေး ဦးစားပေး ဆောင်ရွက်နေပါတယ်”ဟု အဆိုပါဌာန ဦးစီးအရာရှိ ဦးစိုးသိန်းက ပြောဆိုသည်။

ချောက်မြို့ ရပ်ကွက် (၃) ခုနှင့် ကျေးရွာအုပ်စု ၅၁ စု လယ်ယာမြေ ၁၃၃,၇၆၅ ဧကမှ တောင်သူ ၄၁,၁၀၉ ဦးကို ပုံစံ (၇) ထုတ်ပေးရန်ရှိပြီး လတ်တလောဧက ၁၃၃,၄၁၈ ကို ပုံစံ ၇ ထုတ်ပေးပြီးဖြစ်ကြောင်း ယင်းမြို့ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနထံမှ သိရသည်။

နေနိုင် (ချောက်)



FOLLOW US