News

POST TAGGED AS

ဦးဖြိုးမင်းသိန်း

ရန်ကုန်တိုင်းအစိုးရ SME အေဂျင်စီ တည်ထောင်မည်
ရန်ကုန်၊ ဇူလိုင် ၇

ရန်ကုန်တိုင်းဒေသကြီး အစိုးရအဖွဲ့က အသေးစားနှင့် အလတ်စား (SME) လုပ်ငန်းများကို ချေးငွေများ ထိရောက်စွာ ပံ့ပိုးပေးနိုင်ရန်အတွက် SME အေဂျင်စီတစ်ခုကို ဖွဲ့စည်းတည်ထောင်မည်ဖြစ်ကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားသည်။

လက်ရှိတွင် ရန်ကုန်တိုင်းအတွင်းရှိ SME လုပ်ငန်းများသည် ချေးငွေရရှိရန် လိုအပ်ချက်များ ရှိနေပြီး ချေးငွေနှင့် အခြားလိုအပ်ချက်များကို ထိရောက်စွာ ပံ့ပိုးဆောင်ရွက်နိုင်ရန်အတွက် SME အေဂျင်စီတစ်ခုကို ဖွဲ့စည်းတည်ထောင်မည်ဖြစ်ကြောင်း တိုင်းအစိုးရထံမှ သိရသည်။

ဇူလိုင် ၆ ရက်နေ့က ရန်ကုန်မြို့၊ မင်းရဲကျော်စွာလမ်းရှိ ကုန်သည်စက်မှုအသင်းချုပ်တွင်ပြုလုပ်သည့် နိုင်ငံတော်ဒုတိယ သမ္မတ(၁) ဦးဆောင်သည့် ပုဂ္ဂလိကကဏ္ဍ ဖွံ့ဖြိုးတိုးတက်ရေး ကော်မတီနှင့် စီးပွားရေး လုပ်ငန်းရှင်များ တွေ့ဆုံပွဲတွင် ပြောဆိုခဲ့ခြင်းဖြစ်သည်။

“SME ကဏ္ဍနဲ့ပတ်သက်ပြီး တိုင်းဒေသကြီးရဲ့ SME အေဂျင်စီတစ်ခုကို ပိုပြီးအလုပ်လုပ်နိုင်ဖို့ ထိထိရောက်ရောက်ဖြစ်လာနိုင်ဖို့ ကြိုးပမ်းဆောင်ရွက်ဖို့ ရှိပါတယ်။ လုပ်ငန်းရှင်တွေကို ချေးငွေပေးနိုင်ဖို့အတွက်ကလည်း စနစ်တစ်ခုရှိမှ ပေးနိုင်မယ့် အနေအထား ဖြစ်ပါတယ်။ ဒါကြောင့် စနစ်နဲ့ချေးငွေကို ရန်ကုန်တိုင်းအတွင်းမှာ တစ်ပြိုင်နက်တည်း ပေါ်လာအောင် ကြိုးစားပြင်ဆင်နေပါတယ်”ဟု ဦးဖြိုးမင်းသိန်းက ပြောဆိုသည်။

ရန်ကုန်တိုင်းဒေသကြီးအတွင်းရှိ SME လုပ်ငန်းများကို ချေးငွေထုတ်ပေးနိုင်ရန်အတွက် မြန်မာ့စီးပွားရေးဘဏ်နှင့် ဆွေးနွေးမှုများ ပြုလုပ်ခဲ့သော်လည်း လုပ်ငန်း လိုအပ်ချက်များကြောင့် အသေးစားနှင့် အလတ်စား လုပ်ငန်းများကို ချေးငွေထုတ်ပေးရန် အခက်အခဲရှိပြီး ချေးငွေရရှိရန် စနစ်တစ်ခု လိုအပ်နေကြောင်း စသည့်အချက်များကြောင့် ရန်ကုန်တိုင်း SME အေဂျင်စီတစ်ခုတည်ထောင်၍ ထိရောက်စွာပံ့ပိုး ဆောင်ရွက်ပေးမည်ဖြစ်ကြောင်း တိုင်းအစိုးရထံမှ သိရသည်။

လက်ရှိတွင် နိုင်ငံတော်သမ္မတ ဦးဆောင်သည့် SME ဖွံ့ဖြိုးရေး ကော်မတီ၊ ဒုတိယ သမ္မတ(၁)ဦးဆောင်သည့် SME လုပ်ငန်း ကော်မတီ၊ စီမံကိန်းနှင့် ဘဏ္ဍာရေးဝန်ကြီးဌာန ဦးဆောင်သည့် SME လုပ်ငန်းများ ငွေကြေးရရှိရေးဆိုင်ရာ လုပ်ငန်းကော်မတီတစ်ခုနှင့် SME အေဂျင်စီအဖွဲ့အစည်းတို့ကိုလည်း ဖွဲ့စည်းထားသည်။

J-11



FOLLOW US