News

POST TAGGED AS

အလုပ်အကိုင်

တစ်နှစ်လျှင် အလုပ်အကိုင်တစ်သန်း တိုးတက်ရန် လုပ်ဆောင်ဟုဆို
ရန်ကုန်၊ ဖေဖော်ဝါရီ ၃

အလုပ်လက်မဲ့နည်းပါးစေရန် မြန်မာနိုင်ငံအတွင်း တစ်နှစ်လျှင် အလုပ်အကိုင်နေရာပေါင်း တစ်သန်းအထိ တိုးတက်နိုင်ရန် လုပ်ဆောင်နေကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနထံမှ သိရသည်။

ကနဦး ရည်မှန်းချက်အနေနှင့် ၂၀၁၈ ခုနှစ်အတွင်း အထည်ချုပ်ကဏ္ဍမှ အလုပ်အကိုင်တစ်သန်းအထိ ရရှိရန် လုပ်ဆောင်နေပြီး ၂၀၂၀ ပြည့်နှစ်၌ အလုပ်အကိုင် ၁ ဒသမ ၅ သန်းအထိ ရရှိစေရန် လုပ်ဆောင်နေကြောင်း ယင်းဌာနမှ အကြီးတန်း အရာရှိတစ်ဦးက ပြောဆိုသည်။

ထိုသို့အလုပ်အကိုင်များ ပိုမိုဖန်တီးပေးနိုင်ရန် နိုင်ငံခြားရင်းနှီးမြှုပ်နှံမှုများ ပိုမိုဝင်ရောက်ရန်လိုအပ်ပြီး ၎င်းတို့ပိုမို ဝင်ရောက်နိုင်ရန်လည်း စီးပွားရေးနှင့် ပတ်သက်သည့် ဝန်ကြီးဌာနများက ပူးပေါင်းလုပ်ဆောင်နေကြောင်း ၎င်းက ဆိုသည်။

လတ်တလော သီလဝါအထူးစီးပွားရေးဇုန် A မှာ ၉၀ ရာခိုင်နှုန်းကျော် ပြီးစီးပြီဖြစ်ပြီး ဇုန် B ကို စတင်လုပ်ကိုင်နေပြီဖြစ်ကာ ထားဝယ်စီးပွားရေးဇုန်နှင့် ကျောက်ဖြူ အထူးစီးပွားရေးဇုန်တို့ကို စတင်အကောင်အထည်ဖော်နိုင်ရန် လုပ်ဆောင်လျက်ရှိသည်။

၂၀၁၆ ခုနှစ်အတွင်းက အလုပ်အကိုင်အခွင့်အလမ်း ရှစ်သောင်းနီးပါး ဖော်ဆောင်ပေးနိုင်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနထံမှ သိရသည်။

ထိုသို့ အလုပ်အကိုင်များစွာ ဖန်တီးပေးနိုင်မည်ဆိုခြင်းမှာ ကောင်းမွန်သော်လည်း ပြည်တွင်းရှိ စက်မှုဇုန်များအတွက် အခြေခံ အဆောက်အဦပိုင်းကိုလည်း ယခုထက် ပိုမိုကောင်းမွန်စေရန် လုပ်ဆောင်ပေးသင့်ကြောင်း စက်ရုံလုပ်ငန်းရှင်များက ပြောကြားသည်။

S-04



FOLLOW US