News

POST TAGGED AS

အစိုးရ

မျှော်နေသော အသေးစိတ်များ

စီးပွားရေးလုပ်ငန်းရှင်များ စောင့်မျှော်နေခဲ့သော အစိုးရသစ်၏ စီးပွားရေးမူဝါဒကို  ပြီးခဲ့သည့် ဇူလိုင်လ ၂၉ ရက်နေ့က ထုတ်ပြန်လိုက်သည်။ အဆိုပါမူဝါဒ ထုတ်ပြန်ပြီးနောက် ပြည်တွင်း၊ ပြည်ပ သတင်းမီဒီယာများတွင်  စီခနဲ ဝေဖန်သံများ ထွက်လာကြသည်။ ယေဘုယျဆန်လွန်းသော၊ ဝေဝါးသော၊ ကြွေးကြော်သံဆန်သော ဆိုသည့်  နာမဝိသေသနများဖြင့် ဝိဂြိုဟ်ပြုလိုက်ကြသည်။

ယင်းစီးပွားရေးမူဝါဒတွင် သုံးနှုန်းထားသော စကားလုံးများမှာလည်း ဆိုလိုရင်း အချက်ကို အထူးပြုထားသည့် နာမဝိသေသနများနှင့် ဝေဆာနေသည်ကလွဲလျှင်  မူဝါဒဆိုသည်ထက် ကြွေးကြော်သံနှင့် ခပ်ဆင်ဆင် တူနေသည်။
အစိုးရသစ်အပေါ် အကောင်းမြင် ရှုမြင်မှုများကြောင့် ယခင်တပ်မတော်အစိုးရ လက်ထက် နိုင်ငံရေးဦးတည်ချက်လေးရပ်၊  စီးပွားရေးဦးတည်ချက် လေးရပ်တို့နှင့် အလား သဏ္ဌာန်တူသည်ဟု ဝေဖန်ရန်မူ ခက်ခဲပေလိမ့်မည်။

“မူဝါဒဆိုတာကတော့ တကယ်လုပ်နိုင်ရင် ကောင်းတာပေါ့။ အဓိကကတော့ Consistency (ရှေ့နောက် ကျိုးကြောင်း ညီညွတ်မှု) ဘယ်လောက်ရှိနိုင်မလဲ။ တစ်ခုနဲ့ တစ်ခုတော့ အချိတ်အဆက်မိဖို့ လိုတာပေါ့” ဟု စီးပွားရေးမူဝါဒပညာရှင် ဒေါက်တာအောင်ကိုကိုက ပြောကြားသည်။

အချက် ၁၂ ချက်ပါ စီးပွားရေးမူဝါဒသည် လက်ရှိမြန်မာ့စီးပွားရေး အခြေအနေ အားလုံးကို ခြုံငုံမိသည့်အနေအထား မရှိသေးသော်လည်း ဦးစားပေးဆောင်ရွက်မည့်  လုပ်ငန်းများ ချမှတ်ထားခြင်းသာ ဖြစ်ကြောင်း အဆိုပါစီးပွားရေး မူဝါဒကို ဦးဆောင်ရေးဆွဲသူ စီမံကိန်းနှင့် ဘဏ္ဍာရေးဝန်ကြီးဌာန  ပြည်ထောင်စုဝန်ကြီး ဦးကျော်ဝင်းက  ဆိုသည်။
ယခု ထုတ်ပြန်လိုက်သော စီးပွားရေးမူဝါဒ ၁၂ ချက်ကို အကြမ်းဖျင်း ကဏ္ဍခွဲကြည့်မည်ဆိုလျှင် ဘဏ္ဍာရေး၊ အသေးစားအလတ်စားနှင့် နိုင်ငံပိုင်-ပုဂ္ဂလိပိုင် စီးပွားရေးလုပ်ငန်းများ၊ လူ့စွမ်းအားရင်းမြစ်၊ နည်းပညာအသုံးပြု အစိုးရယန္တရားအဖြစ် အဆင့်မြှင့်တင်ရေးကဲ့သို့ အပျော့ထည်နှင့် လမ်း၊ တံတား၊  လျှပ်စစ်မီးတို့ကဲ့သို့ အမာထည်အခြေခံ အဆောက်အဦ၊ အလုပ်အကိုင်အခွင့်အလမ်း ဖန်တီးရေး၊ ကုန်ထုတ်လုပ်မှု၊ ရင်းနှီးမြှုပ်နှံမှု၊  ငွေရေးကြေးရေး၊ သဘာဝပတ်ဝန်းကျင်၊ အများပြည်သူဝန်ဆောင်မှု၊ အခွန်စနစ်၊ အသိဉာဏ်ပစ္စည်း မူပိုင်ခွင့်နှင့် ဥပဒေ မူဘောင်များ၊ အာဆီယံနှင့် ဒေသတွင်း စီးပွားရေးဟူ၍ဖြစ်သည်။

ယေဘုယျဆန်လွန်းပါသည် ဆိုသော  မူဝါဒတစ်ရပ် ထွက်လာရန်ပင် အချိန်နှောင့်နှေးမှု များစွာရှိခဲ့ရာ အသေးစိတ် အချက်အလက်များ ပါဝင်မည့် မူဝါဒ၊ စီမံကိန်းများ ထွက်ပေါ်လာရန် မည်မျှအချိန်ကြာကြာ  ဆက်စောင့်ရမည်ကို မသိနိုင်သေးပေ။

မျှော် ... လင့်နေမယ်

အစိုးရသစ်၏ ရက်ပေါင်း ၁၂၀ အကြာတွင် ထုတ်ပြန်လိုက်သော စီးပွားရေးမူဝါဒ နောက်ပိုင်းတွင် ထွက်လာဦးမည့် အသေးစိတ်မူဝါဒများ၊ စီမံကိန်းများကို စီးပွားရေး လုပ်ငန်းရှင်များ ဆက်လက် စောင့်မျှော်ကြရပြန်ပြီ။

အစိုးရသစ်၏ စီးပွားရေးမူဝါဒတွင် အသေးစားနှင့် အလတ်စား စီးပွားရေးလုပ်ငန်းများကို အဓိကဦးစားပေးထားသည်ဟု  ထင်မြင်မိပြီး  နောက်ထပ်အသေးစိတ် ထုတ်ပြန်မည့် မူဝါဒများကို ဆက်လက်စောင့်ကြည့်ရဦးမည် ဖြစ်ကြောင်း ကမ္ဘောဇဘဏ်၏  အကြီးတန်းအကြံပေး ဦးသန်းလွင်က ဆိုသည်။
“မရှင်းတာက ဘဏ္ဍာရေးမူဝါဒနဲ့  ငွေရေးကြေးရေးမူဝါဒ ဆိုတာ အပြန်အလှန် ထိန်းကျောင်းရမယ့်ဟာ။ ဒါပေမဲ့ ဒီမှာက ပြောထားတာ မကွဲပြားဘူးဖြစ်နေတယ်။ ဗဟိုဘဏ်ရဲ့ အခန်းကဏ္ဍနဲ့ ငွေရေးကြေးရေး ကဏ္ဍက စီးပွားရေးလုပ်ငန်းတွေအတွက် အဓိကကျတယ်လေ” ဟု ၎င်းကဆိုသည်။

စီးပွားရေးမူဝါဒ၏ နံပါတ်ရှစ်တွင် အိမ်ထောင်စုများ၊ တောင်သူလယ်သမားများနှင့် စီးပွားရေးလုပ်ငန်းများကို ရေရှည် ဖွံ့ဖြိုးတိုးတက်စေရေး အထောက်အကူပြုနိုင်မည့် ငွေရေးကြေးရေးစနစ်ဖြင့် ဘဏ္ဍာရေး တည်ငြိမ်မှုရရှိလာစေရေး ဆောင်ရွက်ရန်ဟုသာ ဖော်ပြထားသည်။ ယင်းအချက်နှင့် ပတ်သက်၍ အသေးစား ငွေရေးကြေးရေးကို ရည်ရွယ်ခြင်းဖြစ်ပြီး  ရရှိလာသည့် အတွေ့အကြုံအပေါ် အခြေခံကာ ပိုမိုကောင်းမွန်ရန် စီမံဦးတည် ဆောင်ရွက်သွားမည် ဖြစ်ကြောင်း ပြည်ထောင်စုဝန်ကြီး ဦးကျော်ဝင်းက ရှင်းလင်းသည်။

“ငွေကြေးမူဝါဒနဲ့ ဘဏ္ဍာရေးမူဝါဒကို ဘယ်လိုအသေးစိတ် ချိတ်မလဲ။ တကယ်တမ်းကျတော့ Generally ပြောသွားတာ လွယ်ပါတယ်။ အသေးစိတ်အချက်အလက် တွေက အင်မတန် နက်ရှိုင်းပါတယ်။ အဲဒါကြောင့်မို့လို့ ဒီအချက်တွေကို မကြာခင်မှာ ထုတ်ပြန်သွားစေချင်ပါတယ်” ဟု အာရှ စိမ်းလန်းမှုဖွံ့ဖြိုးရေးမှ ဒုတိယအုပ်ချုပ်မှု ဒါရိုက်တာ ဦးစိုးသိမ်းက ဆိုသည်။
ဘဏ္ဍာရေးတည်ငြိမ်မှုကို မည်သည့် ငွေရေးကြေးရေးစနစ်ဖြင့် မည်သို့အကောင် အထည်ဖော်မည်ကို မသိရသေးသည့်အပြင် ထိုငွေရေးကြေးရေးစနစ် တည်ငြိမ်ရန်  မည်သည့်နည်းလမ်းဖြင့် ဖော်ဆောင်မည် ဆိုသည်ကိုလည်း လတ်တလော မသိရသေးပေ။

လက်ရှိ ပြည်သူများ ခံစားနေရသည်မှာ ကုန်ဈေးနှုန်းကြီးမြင့်မှုနှင့် ငွေကြေးဖောင်းပွမှု၊ စီးပွားရေးလုပ်ကိုင်ရန် ချေးငွေရ ယူနိုင်မှု ခက်ခဲခြင်းတို့ ဖြစ်ကြောင်း ကုန်စည်ပို့ဆောင်ရေးလုပ်ငန်းရှင် ဦးဝဏ္ဏထွန်းက  ပြောသည်။

“SME ကို ထောက်ပံ့မယ်လို့ ပြောထားပေမယ့် SME က အများကြီးရှိတာလေ။ ဘယ် SME လဲ ဆိုတာ မပါဘူး။ အဲဒီစီးပွားရေးတွေ တိုးတက်ဖို့ရော ဘယ်လိုထောက်ပံ့ပေးမလဲ။ ခုဟာက နယ်ပယ်ပဲ  အရမ်း ကျယ်လွန်းသွားသလားတော့ မသိဘူး။ မျှော်လင့်တာတော့ ဒီထက်အသေးစိတ် တိကျတဲ့ အချက်အလက်တွေ ထွက်လာဖို့ပဲ” ဟု စီးပွားရေးစီမံခန့်ခွဲမှု မဟာဘွဲ့  (MBA) သင်တန်းတက်ရောက်နေသော ၎င်းကဆိုသည်။

ပြည်တွင်းစီးပွားရေး လုပ်ငန်းများကို အသေးစားစီးပွားရေး လုပ်ငန်းမှသည် အလတ်စား၊ အကြီးစားလုပ်ငန်းအထိ၊ ထိုမှတစ်ဆင့် နိုင်ငံစုံကော်ပိုရေးရှင်းလုပ်ငန်းကြီး ထူထောင်နိုင်သည်အထိ ဖြစ်လာစေရန် မျှော်မှန်းထားကြောင်း ပြည်ထောင်စုဝန်ကြီး ဦးကျော်ဝင်းက ဆိုသည်။
“ကျွန်တော်တို့လုပ်နိုင်တာ ဆယ်ခုဆိုရင် တကယ်ကိုပဲ ပိုင်ပိုင်နိုင်နိုင် ထိထိမိမိနဲ့  လုပ်နိုင်တဲ့ ရှစ်ခုကိုတော့ဖြင့် မလွဲမသွေ ကျွန်တော်တို့ အကောင်အထည်ဖော်ပါ့မယ်”  ဟု ၎င်းက ကတိပြုထားသည်။

စီးပွားရေးမူဝါဒ နံပါတ်ခုနစ်တွင် ဈေးကွက်စီးပွားရေးစနစ် နှင့်အညီ နိုင်ငံသားတိုင်း စီးပွားရေးလုပ်ငန်း လွတ်လပ်စွာ လုပ်ကိုင်ခွင့်နှင့် ပြည်ပရင်းနှီးမြှုပ်နှံမှုများ တိုးမြှင့်ရန်အတွက် မူဝါဒများ သီးခြားရေးဆွဲရန်၊ မူပိုင်ခွင့်နှင့် တရားဥပဒေစိုးမိုးရေး တိုးမြှင့် ဆောင်ရွက်ရန်ဟူ၍ ဖော်ပြထားသည်။

ယင်းအချက်နှင့် ပတ်သက်၍ မြန်မာနိုင်ငံတွင် နိုင်ငံခြားစီးပွားရေး လုပ်ငန်းများကို မည်မျှအတိုင်းအတာအထိ လုပ်ကိုင်ခွင့် ပြုမည်နည်း ဆိုသည်ကို သိချင်နေကြကြောင်း ကုန်သည်/စက်မှု အသင်းချုပ်၏ ဒုတိယဥက္ကဋ္ဌ ဦးသိန်းဟန်က ဆိုသည်။

“သံတမန်တွေ၊ နိုင်ငံခြားအဖွဲ့အစည်းက ကိုယ်စားလှယ်တွေနဲ့ စီးပွားရေးသမားများ စိတ်ဝင်စားတဲ့ကိစ္စ ကတော့ ရင်းနှီးမြှုပ်နှံမှုနဲ့ ဆိုင်တဲ့ ကိစ္စပါပဲ။ ရင်းနှီးမြှုပ်နှံမှုနဲ့ ပတ်သက်လို့ အင်မတန် အရေးကြီးမှန်း သိလို့ကို ကျွန်မတို့က အဲဒီဟာကို သက်သက် မူဝါဒစာတမ်းတစ်ခု သက်သက် ထုတ်ပါလိမ့်မယ်” ဟု ဇူလိုင်လ ၂၉ ရက်နေ့က ပြုလုပ်သည့် သတင်းစာရှင်းလင်းပွဲတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ယင်းသို့ပြောကြားခဲ့သည်။

ရင်းနှီးမြှုပ်နှံမှု မူဝါဒအပြင် စွမ်းအင်၊ လမ်းပန်းဆက်သွယ်ရေး စသည့် အခြေခံ အဆောက်အဦဆိုင်ရာ မူဝါဒများကိုလည်း သီးသန့်အသေးစိတ် ရေးဆွဲသွားမည်ဖြစ်ကြောင်း ၎င်းကဆိုသည်။

“လုပ်ငန်းရှင်တွေအနေနဲ့ လုပ်ငန်းကို လွတ်လွတ်လပ်လပ် လုပ်ကိုင်ခွင့်ရဖို့ပါပဲ။  အဓိက ကျွန်တော်တို့လုပ်ငန်း လုပ်ကိုင်ခွင့်ရမယ်၊ အခွန်ဆောင်မယ်။ အာမခံချက်ရှိရှိ  လုပ်ခွင့်ရဖို့၊ ညီညွှတ်မျှတဖို့ပါပဲ။ ပြည်တွင်း ဘဏ်စနစ်တွေကိုလည်း ဒီထက် ပိုကောင်းလာဖို့ မျှော်လင့်တယ်” ဟု သီလဝါ အထူးစီးပွားရေးဇုန် တည်ထောင်ရာတွင် အဓိက လုပ်ဆောင်နေသော မြန်မာသီလဝါ အများပိုင် ကုမ္ပဏီ၏ အုပ်ချုပ်မှုဒါရိုက်တာလည်း ဖြစ်သူ ဦးသိန်းဟန်က ဆိုသည်။

လတ်တလော မြန်မာနိုင်ငံ၏ စီးပွားရေး အခြေအနေမှာ မြင့်မားသော ငွေကြေးဖောင်းပွနှုန်း ၁၂ ရာခိုင်နှုန်း၊ ယခင်နှစ်ထက်  ကုန်သွယ်မှုပမာဏ လျော့ကျနေခြင်း၊ ကုန်သွယ်ရေး လိုငွေပြနေခြင်း၊ ဘတ်ဂျက်လိုငွေပြနေခြင်း၊ နိုင်ငံခြားရင်းနှီးမြှုပ်နှံမှု အနည်းငယ်သာ ခွင့်ပြုနိုင်သေးခြင်းတို့ ဖြစ်သည်။

နိုင်ငံ့စီးပွားရေးအတွက် အဓိကျသော ဘဏ္ဍာရေးမူဝါဒ၊ ငွေရေးကြေးရေး မူဝါဒ၊ ရင်းနှီးမြှုပ်နှံမှုမူဝါဒနှင့် ကုန်သွယ်မှုမူဝါဒတို့ကို ယခုထက် ပိုမိုတိကျသည့် အချက်များဖြင့် ချမှတ်ပေးရန် လိုမည်ဖြစ်ကြောင်း   လန်ဒန်အခြေစိုက် Chartered Institute for Securities and Investment ၏ နိုင်ငံတကာ ရင်းနှီးမြှုပ်နှံမှုနှင့် ငွေချေးသက်သေခံ လက်မှတ်ဘာသာရပ်ကို လေ့လာနေသူ သင်တန်းသားတစ်ဦးက ဆိုသည်။

“ကျွန်တော်တို့မှာ လုံးဝ မဖွံ့ဖြိုးသေးတဲ့ အာမခံလုပ်ငန်းရှိတယ်၊ နိုင်ငံတကာနဲ့  အလှမ်းကွာနေတဲ့ ဘဏ်လုပ်ငန်းကိုရော၊ အခု စတော့ဈေးကွက် ဒါတွေ ဘာမှ ပီပီပြင်ပြင် မရှိသေးဘူး။ နောက်ပြီး ဒီမှာ တရားမဝင်သေးတဲ့ နိုင်ငံတကာက ငွေကြေးဈေးကွက်တို့၊ ကုန်စည်ဈေးကွက်တို့မှာ ရောင်းဝယ်  ရင်းနှီးမြှုပ်နှံတာတွေကို ဘယ်လိုတရားဝင်အောင် လုပ်မလဲ၊ အဲဒီကနေ နိုင်ငံအခွန်ရအောင် ဘယ်လိုလုပ်မလဲ။ ဘာကိုမျှော်လင့်သလဲ ဆိုရင် အဲဒါတွေ ဘယ်လောက်အထိ  ကောင်းလာအောင် လုပ်နိုင်မလဲလို့ မျှော်လင့်တယ်” ဟု ၎င်းကဆိုသည်။

ယခုထုတ်ပြန်လိုက်သည့် စီးပွားရေး မူဝါဒကို အခြေခံကာ မည်သို့မည်ပုံ အကောင်အထည်ဖော်မည်ကို နောက်ပိုင်းကာလတွင်  ဝန်ကြီးဌာနအလိုက် အသေးစိတ်စီမံကိန်းများ ထုတ်ပြန်သွားမည် ဖြစ်ကြောင်း  ပြည်ထောင်စုဝန်ကြီး ဦးကျော်ဝင်းက  ဆိုထားသည်။

“သူတို့အခုကြေညာတဲ့ ၁၂ အချက်က အပေါ်ကနေ အားလုံးကို ခြုံမိအောင် ခေါင်းစဉ်သဘောမျိုး ပြောသွားတယ်။ ဒီခေါင်းစဉ်ကို အကောင်အထည်ဖော်တဲ့သူတွေက ဘယ်လောက် အကောင်အထည် ဆက်ဖော်မှာလဲဆိုတာကို ကျွန်တော်တို့က  ကြည့်ရမှာပေါ့” ဟု အဆိုပါမူဝါဒ သတင်းစာ ရှင်းလင်းပွဲကို တက်ရောက်ခဲ့သည့် စီးပွားရေးလုပ်ငန်း အကြံပေး ဦးရဲမင်းဦးက ဆိုသည်။

အစိုးရသစ်၏ စီးပွားရေး မူဝါဒအပေါ် အမြင်အချို့

“ကျွန်တော်ပဲ လိုက်လို့မမီတာလား မသိပါဘူး။ နှစ်ခေါက်၊ သုံးခေါက်လောက် သေချာဖတ်ကြည့် ပေမယ့် ဘာကိုဆိုလိုမှန်းကို မသိတာ။ ဒီနိုင်ငံတွင်းမှာရှိတဲ့ စီးပွားရေးလုပ်ငန်းကို ဘယ်လိုမြှင့်ပေးမလဲ။ ဘယ်ကဏ္ဍကိုအဓိက သူတို့က ဦးစားပေးမလဲ။ စိုက်ပျိုးရေးလား၊ ကုန်ထုတ်လုပ်ရေးလား၊ ဝန်ဆောင် မှုလား၊ အခု သူတို့ဟာက အရမ်းကို ယေဘုယျဆန်လွန်းတယ်”
ဦးဝဏ္ဏထွန်း (ဖွံ့ဖြိုးရေးဘွဲ့ရထားသူ)

“စာရင်းအင်းကို လုပ်စေချင်ပါတယ်။ အရင်တုန်းက ဆင်းရဲနွမ်းပါးမှုကို ၂၆ ရာခိုင်နှုန်း ရှိတယ်ဆိုတာ ဘယ်လိုလေဖမ်းပြီးတော့ ဆောက်သွားတယ်၊ ဘယ်ကရတာလဲ။ မွေးကင်းစနဲ့ သေဆုံးသူတွေ၊ ဒီလို စာရင်းဇယားတွေ တိတိကျကျ ရဖို့လိုပါတယ်။ အလုပ်အကိုင်မရှိတဲ့သူ ဘယ်လောက်ဆိုတာ ကျွန်တော်တို့ မသိပါဘူး။ နောက်တစ်ခုက ကျောင်းပြီးသွားတဲ့ ကလေးတွေ အလုပ်လက်မဲ့ဖြစ်တယ်၊ အလုပ်မရဘူး ဆိုတာ ဘယ်လောက်ဆိုတာ ကျွန်တော်တို့ မသိပါဘူး။ ဒီအပိုင်းကျွန်တော်တို့ လုပ်စေချင်ပါတယ်။ ပြည်ပရောက်နေသူတွေ စာရင်းတိတိကျကျ ကောက်သင့်ပါတယ်။ စာရင်းဇယား တိတိကျကျ ကောက်ပြီးတော့မှ ရှေ့ ဘာဆက်လုပ်ရမယ် ဆိုတာကို တိတိကျကျလုပ်မှ အဖြေကောင်းတွေ ထွက်မယ်လို့ ထင်ပါတယ်”
ဦးဇော်ဇော် (ဥက္ကဋ္ဌ-ဧရာဝတီလုပ်ငန်းစု)

“SEE တွေကို လျှော့လိုက်မယ် ဆိုလို့ရှိရင် အတိတ်မှာကြုံခဲ့ရတဲ့ ပြဿနာက ဒီအလုပ်သမားတွေကို စက်ရုံကြီးကို တစ်ပြားမှမရဘဲ ဖျက်ပစ်လိုက်လို့ရတယ်။ ဒါပေမဲ့ အလုပ်သမားတွေကို ဘယ်လိုရှင်း မလဲ။ ဒါတွေက အလွန်အရေးကြီးတဲ့ ပြဿနာ (Very Critical Issue) ပါ။ အဲဒါမျိုးတွေနဲ့ပတ်သက်တဲ့ ဥစ္စာတွေကို ပြည်သူတွေကို မကြာခင်ချပြပေးသွားဖို့ ကျွန်တော် မေတ္တာရပ်ခံပါတယ်”
ဦးစိုးသိမ်း (ဒုတိယအုပ်ချုပ်မှုဒါရိုက်တာ - အာရှစိမ်းလန်းမှုဖွံ့ဖြိုးရေးဘဏ်)

“စီးပွားရေးလုပ်ငန်းရှင် တွေကတော့ Detailed Play ကို သိချင်တာပေါ့။ များသောအားဖြင့်ကတော့ စီးပွားရေးမူဝါဒကို ကြေညာတဲ့အခါမှာ အဲဒီလို Detailed Plan တွေက မပါတတ်ဘူး။ နိုင်ငံတကာ မှာတော့ စီးပွားရေးလုပ်တဲ့သူတွေက ဘယ်အချိန်မှာ အဓိကထား ကြည့်လဲဆိုတော့ ဘတ်ဂျက်ဆွဲတဲ့အချိန်မှာ အဓိကကြည့်တယ်။ အတည်ပြုလိုက်တဲ့ ဘတ်ဂျက်ဥပဒေမှာ ဘယ်ကဏ္ဍတွေကို ပိုက်ဆံ ပိုသုံးတယ်ဆိုတာပေါ် မူတည်ပြီး ဒါဆို ဒီအစိုးရ ဒီနှစ်တော့ ဘာတွေ လုပ်တော့မယ်ဆိုပြီး မှန်းကြတာပေါ့”
ဦးရဲမင်းဦး (စီးပွားရေးအကြံပေးလုပ်ငန်းရှင်)

“ပိုကောင်းတာက ကိစ္စရပ်တွေကို မြန်မြန်ဆန်ဆန်လုပ်တာထက် မှန်မှန်ကန်ကန်လုပ်ဖို့ပါ။ ဒါဟာ အကောင်းဆုံးနည်းလမ်းပါပဲ။ နိုင်ငံ့စီးပွားရေး တစ်ခုလုံးကို ပြောင်းလဲသွားအောင်လုပ်ဖို့ ကျွန်တော်တို့ ဆွေးနွေး တိုင်ပင်နေကြပါတယ်။ ဒါဟာ သီတင်းပတ် အနည်းငယ်လောက် အချိန်ယူလုပ်ရုံနဲ့ ပြီးသွားမှာမဟုတ်ပါဘူး။ နေပြည်တော်ကို တစ်ရက်တည်းနဲ့ တည်ဆောက်လို့ ရကောင်းရနိုင်ပါတယ်။ ဒါပေမဲ့ ရောမမြို့ကိုတော့ အဲဒီလိုတည်ဆောက်လို့ မရနိုင်ပါဘူး။ ဒါဟာ အတိတ်နဲ့ အခုအချိန်ကြားက ကွာခြားချက်ပါပဲ”
Sean Turnell (ဘောဂဗေဒ ပါမောက္ခ)
Macquarie တက္ကသိုလ်၊ ဩစတြေးလျနိုင်ငံ
မြန်မာအစိုးရ၏ စီးပွားရေးအကြံပေး

အချက် ၁၂ ချက် ပါဝင်သည့် စီးပွားရေးမူဝါဒမှာ အလုပ်အကိုင် အခွင့်အလမ်း အများအပြား ဖန်တီးနိုင်မည့် စီးပွားရေးလုပ်ငန်းမှသည် နိုင်ငံပိုင်လုပ်ငန်းများ ပုဂ္ဂလိပိုင်ပြောင်းလဲရေး အထိ ကျယ်ကျယ်ပြန့်ပြန့် ရေးဆွဲထားသော်လည်း ထိုအချက်များကို မည်သို့အကောင် အထည်ဖော်မည် ဆိုသည့် စီမံချက်၊ အသေးစိတ် အချက်အလက်များ မပါဝင်ပေ။
Reuters သတင်းဌာန

ပိုင်ဆိုင်မှု အခွင့်အရေးနှင့် တရားဥပဒေစိုးမိုးရေးကို ဖွံ့ဖြိုးတိုးတက်စေရန် လုပ်ဆောင်မည်ဖြစ်ကြောင်း ရှင်းလင်း ပြောကြားသော်လည်း ရင်းနှီး မြှုပ်နှံမှုများကို အတားအဆီးဖြစ်စေသော မြေယာပြဿနာကို အစိုးရက မည်သို့ ကိုင်တွယ်သွားမည်ကို ပြောကြားခြင်းမရှိပေ။
Wall Street Journal

စစ်ငြိမ်းသူ



FOLLOW US