News

POST TAGGED AS

လုံခြုံရေး

စနစ်တကျ ကျိုးပေါက်နေတဲ့ လုံခြုံရေးစည်း
ယခုရက်ပိုင်း ဖမ်းဆီးရမိသည့် လက်နက်ခဲယမ်း အမြောက်အမြားနှင့် မူးယစ်ဆေးဝါးများသတင်းကလည်း ပြည်သူအများကို ထိတ်လန့် တုန်လှုပ်စေခဲ့သည်။ ထိုသတင်းများနှင့်ပတ်သက်၍ ပြည်သူအများနေထိုင်ရာ ကျွန်ုပ်တို့နိုင်ငံအတွင်းတွင် တရားဥပဒေ စိုးမိုးမှု အလွန် လျော့ကျနေပြီလား၊ သို့တည်းမဟုတ် ဥပဒေမဲ့ ကျူးလွန်မှုများကို တာဝန်ရှိသူများ ကိုယ်တိုင် မသိကျိုးကျွန်ပြုနေကြလို့လား၊ သို့မဟုတ်လျှင် မည်သည့်အတွက် ယခုမျှထိ ကြီးမားမြားမြောင်သည့် လက်နက်ခဲယမ်းများကို သိုလှောင်ထားနိုင်သနည်း စသည့်မေးခွန်းများ၏အဖြေကို သိချင်လာနေကြသည်။

သူတို့ ဘာကြောင့် စိုးရိမ်လာကြသလဲ

အမှန်ဆိုရင်လည်း သူတို့ သိချင်နေကြသည်မှာ လွန်မည် မထင်ပေ။ အကြောင်းမှာ ကျွန်ုပ်တို့နိုင်ငံတွင်၂၀၁၇ ခုနှစ် နှစ်ဆန်းပိုင်းကာလ အစကတည်းက နိုင်ငံအနှံ့အပြားတွင် တရားမဝင် ကျောက်စိမ်းများ၊ သစ်နှင့် မူးယစ်ဆေးဝါးများ၊ လက်နက်များ၊ ပေါက်ကွဲစေတတ်သည့် ယမ်းနှင့် ဆက်စပ်ပစ္စည်းများ၊ တစ်ဖက်နိုင်ငံမှ တရားမဝင် ဝင်ရောက်လာသည့် လူများကို ဖမ်းဆီးရရှိမှု သတင်းများကို ပွင့်လင်း လွတ်လပ်လာသည့် မီဒီယာများက ဖော်ပြနေမှုကြောင့် သူတို့ အဆက်မပြတ် ကြားသိနေကြရ၍လည်း ဖြစ်သည်။ ထိုပစ္စည်းများအပြင် တစ်ဖက်နိုင်ငံသို့ တင်ပို့မည့် ကျွဲ၊ နွားများကို ဖမ်းဆီးရရှိမှု သတင်းနှင့် တစ်ဖက်နိုင်ငံမှ တရားမဝင် တင်သွင်းလာသည့် အခွန်အကောက်မဲ့ ပစ္စည်းများ ဖမ်းဆီးရမိမှု သတင်းများကိုလည်း သူတို့ကြားသိခဲ့ကြမှာမလွဲပေ။

ထိုသတင်းများအရ ဖမ်းဆီးရမိခဲ့သည့် နေရာများကို လေ့လာကြည့်လျှင် နယ်စပ်ဒေသများတွင် မဟုတ်ဘဲ မြန်မာပြည်အတွင်းပိုင်းမြို့ ရွာများတွင် ဖမ်းမိသည်ကို တွေ့ရသည့်အတွက် ပြည်သူများအဖို့ သူတို့ဘဝနှင့် အနာဂတ် ကလေးငယ်တို့အတွက် လုံခြုံမှု မရှိသလို ခံစားနေကြရသည်မှာ အပြစ်ဟု မဆိုသာတော့ပေ။ ထို့ထက် ဆိုးရွားသည်မှာ ရန်ကုန်မြို့ကြီးနှင့် မန္တလေးမြို့ကြီးများရှိ လူနေရပ်ကွက်များအထိ တရားမဝင် မူးယစ်ဆေးဝါးနှင့် တရားမဝင် လက်နက်ကိုင်ဆောင်မှုများ ဖမ်းဆီးရမိခဲ့ကြသည့် သတင်းများကို သူတို့ တွေ့မြင်ကြရခြင်းကြောင့်ပင် ဖြစ်သည်။

မူးယစ်ဆေးဝါးများ၏ နောက်ဆက်တွဲ ပြဿနာများ

ဤသို့သော ဖြစ်စဉ်များအပေါ် ပြည်သူအများက စိုးရိမ်ထိတ်လန့် ဖြစ်ကြရပြီး အိပ်ကောင်းခြင်းပင် မအိပ်ကြရဟု ဆိုသည်။ မူးယစ်ဆေးဝါး အများအပြား လူနေရပ်ကွက်များအထိ ကျယ်ကျယ်ပြန့်ပြန့် ရောက်ရှိလာကြရာမှ သုံးစွဲကြပြီး နောက်ဆက်တွဲ ဆိုးကျိုးအဖြစ် ဒုစရိုက်မှုများ ဖြစ်ပေါ်လာနေသည်ကိုလည်း ယခုရက်ပိုင်းထုတ် သတင်းစာ၊ ဂျာနယ်များတွင် အတော် တွေ့ကြရသည်ဟု ပြောပြကြသည်။ မူးယစ်ဆေးဝါး သယ်ဆောင် ရောင်းဝယ်ခြင်း၏ နောက်ဆက်တွဲအဖြစ် တရားမဝင် လက်နက်များပင် ရောင်းဝယ် ကိုင်ဆောင်လာကြပြီး ပြည်သူများနေထိုင်ရာ မြို့ရွာရပ်ကွက်များအတွင်း ရဲတင်းလာကာ ဒုစရိုက် လုပ်ငန်းများ ပိုမိုဖြစ်ထွန်းလာခဲ့သည်မှာလည်း အမှန်ပင်ဖြစ်သည်။ ရပ်ကွက် ကျေးရွာမြို့အတွင်း အများပြည်သူတို့ စိတ်ငြိုငြင်မှုဖြစ်အောင် ဆူညံအော်ဟစ်ခြင်း၊ နေအိမ်တိုက်ခန်းများအတွင်း သော့ဖျက်ကာ အတင်းဝင်ရောက်၍ ပစ္စည်းများ ခိုးယူခြင်း၊ အနုကြမ်းစီးကာ ရွှေ၊ ငွေများ ယူဆောင်ခြင်းနှင့် လူကို သတ်ဖြတ်သည်အထိ အန္တရာယ် ရှိလာခြင်းများကြောင့် ပြည်သူများ၏ အေးချမ်းလုံခြုံရေးကို ထိပါးခြိမ်းခြောက်လာသည်အထိ ဖြစ်ခဲ့ရသည်မှာလည်း ငြင်းမရနိုင်ပေ။ လူမှုကွန်ရက် စာမျက်နှာများထက်တွင် ထိုဖြစ်စဉ်များကို တွေ့မြင်ခဲ့ကြရပြီး ဖြစ်မည်ထင်သည်။

အကြောက်တရားက အတ္တဘက်သို့ တွန်းပို့ခံခဲ့ကြရ

ထို့ကြောင့်ပင် နိုင်ငံအတွင်းရှိ ပြည်သူများ အနေနှင့်လည်း အချို့သော ရပ်ကွက်များ၌ ကျီးလန့်စာ စားနေရသည့်သဖွယ် စိုးရိမ်ထိတ်လန့်ခြင်းကြီးစွာဖြင့် နေသတိ၊ စားသတိ၊ သွားသတိ၊ လာသတိ အမြဲထားရှိနေကြရသည်။ စိုးရိမ်ကြောက်လန့်မှုများမှတစ်ဆင့်တက်ကာ မိမိတို့မိသားစု ဘဝလုံခြုံစိတ်ချရေးကိုပင် တွေးပူလျက် ခြံများကို လုံခြုံအောင် ကာရံခြင်း၊ CCTV များတပ်ခြင်းနှင့် အရာရာကို မသင်္ကာဖွယ်မျက်လုံးဖြင့် လုံခြုံရေးအတွက် သတိကြီးစွာထားရှိရင်း အတ္တဘက်ကို သွားနေကြရသည်။ ထိုအဖြစ်များနှင့်အတူ နိုင်ငံအတွင်း ပြည်သူများ၏ဘဝ အေးချမ်းသာယာစွာ နေထိုင်လုပ်ကိုင် စားသောက်နိုင်ရေးအတွက် လုံခြုံရေးမရှိတော့သယောင် ဖြစ်လာနေကြောင်း၊ တာဝန်ရှိသူများက ထိုအဖြစ်ကို အလေးထား ဆောင်ရွက်ပေးကြစေလိုကြောင်း ထုတ်ပြောလာကြသည်ကိုလည်း ကြားသိရပြန်သည်။

လုံခြုံရေးစည်းဆိုတာ ဘာလဲ

အမှန်ဆိုရလျှင် ရပ်ကွက်တစ်ခုလျှင် ထိုရပ်ကွက်အတွင်း ဖြစ်ဖြစ်သမျှ၊ လုပ်ကြသမျှ သတင်းများရယူရန် နိုင်ငံတော်မှ စီမံဆောင်ရွက်ကြသည့် လုံခြုံရေးစည်းရှိသည်။ ရပ်ကွက်တစ်ခု၊ မြို့တစ်မြို့၊ ကျေးရွာအုပ်စုတစ်ခုတွင် ပြည်ထဲရေးဝန်ကြီး လက်အောက်မှ တပ်ဖွဲ့များဖြစ်သည့် မြန်မာနိုင်ငံ သတင်းတပ်ဖွဲ့၊ စုံစမ်းစစ်ဆေးရေး ဦးစီးဌာန၊ CID နှင့် နယ်မြေခံ နယ်ထိန်း ရဲတပ်ဖွဲ့တို့ တာဝန်အသီးသီး ခွဲဝေချထားသည်။ ထို့ပြင် တပ်မတော်ဘက် ကလည်း စစ်ဘက်ရေးရာလုံခြုံရေးတပ်ဖွဲ့ဝင်နှင့် အကူတပ်ဖွဲ့တို့ပါ ပါဝင် အင်အားဖြည့်တင်းထားသည့်အပြင် သစ်တောရဲများဘက်ကလည်း သတင်းထောက်များ ခန့်အပ်ထားသည်။ ထိုတပ်ဖွဲ့များအပြင် သတင်းဌာန အသီးသီး၏ သတင်းထောက်ဆိုသူများလည်း ရှိကြသည်။ ထိုသူများသည် ထိုရပ်ကွက် ကျေးရွာမြို့တစ်မြို့အတွင်း မည်သူက ဘာလုပ်သည်၊ မည်သူက မည်သို့ လုပ်သည်၊ မည်သူများက မည်သို့ ပိုင်ဆိုင်ကြသည် ဆိုသည့် ငယ်စာရင်း ကောက်ယူထားကြသည်။ ထိုမြို့ရွာ ရပ်ကွက်များအတွင်း ဖြစ်ဖြစ်သမျှ သူတို့ သိကြသည်။ ၎င်းအပြင် ထိုရပ်ကွက်မြို့ရွာအတွင်း ဒုစရိုက်မှု ကျူးလွန်နိုင်သည့်သူများ၊ ယခင်ပြစ်မှုအဟောင်းရှိသူများ၊ ထောင်ထွက်များ၊ လောင်းကစားဒိုင်များ၊ လောင်းကစားနှင့် ခိုးဆိုးနှိုက်များ စာရင်းလည်း သူတို့တွင် ရှိသည်။ သူတို့ကို စောင့်ကြည့်စာရင်းသွင်းကာ စောင့်ကြည့်လေ့လာကြရသည်။ နိုင်ငံခြားသားများ ဝင်ထွက်မှု၊ ရဟန်းသံဃာများ လှုပ်ရှားမှု၊ ကျောင်းသားများ လှုပ်ရှားမှုတို့ကိုလည်း စောင့်ကြည့်ကာ သတင်းယူရသည်။ ယုတ်စွအဆုံး မိမိတို့ တာဝန်ယူထားရသည့် ရပ်ကွက်၊ ကျေးရွာ အုပ်စု မြို့တစ်မြို့နယ် တစ်နယ်အတွင်း ထူးခြားသည့် အခြေအနေများ အားလုံးကို မိုးလေဝသ သတင်းပါမကျန် စုံစမ်းထောက်လှမ်း အစီရင်ခံကြရသည်။ မည်သူများက မူးယစ်ဆေး ရောင်းနေကြသည်။ မည်သူတို့က သစ်ခိုးထုတ်နေကြသည်။ မည်သူတို့က နှစ်လုံးထီ၊ သုံးလုံးထီ လောင်းကစား ဒိုင်လုပ်ကြသည်။ မည်သူတို့က ဘောလုံး လောင်းကစား ဒိုင်ဖွင့်ထားသည်ကို အားလုံးလိုလို သူတို့သိသည်။ မည်သည့်နေရာတွင် ဂျင်ဝိုင်းလုပ်သည်က အစ ဖဲဝိုင်းပါမကျန် တရားမဝင် ချက်အရက် ချက်ကြသည့်အဆုံး အားလုံးသိသည်။ သူတို့မှတစ်ဆင့် သတင်းပေးများ ဆက်လက် မွေးမြူကာ ထောက်လှမ်းရေးကွန်ရက်ကို ဖြန့်ကြက်ရင်း မိမိတို့ တာဝန်ယူကြရသည့် ရပ်ကွက်အတွင်း လူစိမ်းတစ်ဦး ဝင်လာသည်ကအစ သိကြသည်။

နိုင်ငံ့ဝန်ထမ်းများ တာဝန် လစ်ဟင်းနေကြသလား

၎င်းတို့တာဝန်မှာ မသမာသူ အဖျက်အမှောင့်သမားများ၊ လောင်းကစားသမားများ၊ သယံဇာတ ခိုးထုတ်သူများ၊ ပြည်သူလူထုကို အနှောင့်အယှက်ပေးသူများ၊ တရားမဝင် လက်နက်ကိုင်ဆောင်သူများ၊ မူးယစ်ဆေး ဖြန့်ဖြူးသူများ သတင်းကို လက်ဦးမှုရယူပြီး အထက်ဌာနသို့ အစီရင်ခံကာ ကြိုတင်ဖမ်းဆီး ကာကွယ်ကြခြင်းဖြင့် ပြည်သူများဘဝ စိတ်ချလုံခြုံ အေးချမ်း သာယာရေးအတွက် ဆောင်ရွက်ကြရသည်။ ထိုသို့ မပြုလုပ်ကြရန် မည်သည့် နိုင်ငံရေးသမားကမှ သူတို့ကို မတားမြစ်၊ မည်သည့်ပြည်သူ တစ်ဦးတစ်ယောက်ကမျှ မငြိုငြင် အပြစ်မဆို။ မိမိတို့သည်သာ မိမိတို့ တာဝန်ကို ကျေပွန်အောင် ထမ်းဆောင်ကြရခြင်း ဖြစ်သည်။ ထိုနိုင်ငံ့ဝန်ထမ်းများ ဖြစ်သည့် စစစ၊ CID, SB နှင့် နယ်ထိန်းရဲ၊ စရဖတို့အနေနှင့် မိမိတို့ လုပ်ငန်းတာဝန်များအတိုင်း ရပ်ကွက်မြို့ရွာများအတွင်း သတင်းလက်ဦးမှုရယူ ဖမ်းဆီး အရေးယူခြင်းများသည် ပြည်သူများ ဧည့်စာရင်းတိုင်ခြင်း၊ မတိုင်ခြင်းများနှင့်မဆိုင်။ လွှတ်တော်မှ ထိုကိစ္စကို ပယ်ဖျက်ခြင်းဖြင့်လည်း ထိုသို့သော လုပ်ငန်းတာဝန်များ လျော့ပါးသွားသည်မဟုတ်။ နိုင်ငံရေး ပယောဂ အလျှင်းမပါရှိဘဲ မိမိတို့သည်သာ မိမိတို့အပေါ် တာဝန်ပေးအပ်ထားသည့် အဆိုပါ ပြည်သူ့လုံခြုံရေး စည်းနှင့်ဆိုင်သည့် အမျိုးသားကာကွယ်ရေး လုံခြုံရေး လုပ်ငန်းများကိုသာ တစိုက်မတ်မတ် တာဝန်ကျေပွန်စွာ လုပ်ဆောင်ကြရန် အထူး လိုအပ်လေသည်။

တပ်မတော်သားတွေကို အတုယူကြစေချင်

ဥပမာဖြင့်တင်ပြရလျှင် တပ်မတော်သားများကိုပင် တင်စားပြီး လက်ညှိုးထိုးပြ၍ရသည်။ ထိုတပ်မတော်သားများ၏ အဓိက တာဝန်မှာ နိုင်ငံတော် ကာကွယ်ရေး တာဝန်ဖြစ်သဖြင့် ထိုသူများ နယ်စပ်တစ်လျှောက်တွင်ရှိသည့် (BoundaryPoint.Bp) များတွင် အစားအသောက် ရှားပါးလွန်းစွာ နေ့ ည စောင့်ကြပ်ရသည်။ တစ်ဖက်နိုင်ငံမှ ကျူးကျော်လာမည့် စစ်ရေး လှုပ်ရှားမှုများကို မျက်တောင်မခတ်တမ်း လေ့လာရသည်။ နယ်စပ်တစ်လျှောက် နေ့စဉ် ညစဉ် တိုက်ကင်း၊ ပတ်ကင်းများဖြင့် မိမိနယ်မြေကို တစ်လက်မမျှ မကျူးကျော်ခံရအောင် စောင့်ရှောက် စိုးမိုးထားနေကြရသည်။ သူတို့အတွက် လျှပ်စစ်မီး မရှိ၊ တောတောင်ထဲတွင် ဆင်းရဲပင်ပန်းကြီးစွာ သူတို့တာဝန်ကို သူတို့ကျေပွန်အောင် ထမ်းဆောင်နေကြရသည်။ သူတို့အတွက် နိုင်ငံရေး ဆိုသည်မှာ စိတ်မဝင်စားကြဘဲ အမျိုးသားရေး လုံခြုံရေးအတွက်သာ စဉ်းစားထားကြသည်။

အူမ မတောင့်သဖြင့် သီလမစောင့်ကြခြင်းလား

သို့သော် မြို့ပေါ်တွင် အခန့်သား နေထိုင်ကြသည့် ယခု သတင်းယူနေကြသည့် နိုင်ငံ့ဝန်ထမ်းများက ထိုသို့မဟုတ်။ သူတို့တာဝန်သူတို့ မကျေပွန်။ ထိုသို့ တာဝန်ကျေပွန်ကြလျှင် မြို့ရွာရပ်ကွက်များအတွင်း လူစိမ်းများ ဝင်ရောက်ခြင်း၊ ဆူပူအော်ဟစ်ခြင်း၊ မူးယစ်ဆေးဝါး ရောင်းဝယ်ခြင်းနှင့် တရားမဝင် လက်နက်ကိုင်ဆောင်ခြင်း၊ သစ်များ ခိုးထုတ်သယ်ဆောင် သိုလှောင်ထားခြင်းများကို တစ်စုံတစ်ယောက်ကမျှ ပြုလုပ်ကြတော့မည် မဟုတ်ပေ။ အရာရာ ပေါ့လျော့နိုင်လွန်းလှသည်။ ရပ်ကွက်မြို့ရွာ တစ်ခုအတွင်း ဝင်ချင်သူဝင်၊ ထွက်ချင်သူထွက်၊ ရောင်းချင်ရာ ရောင်း၊ လှောင်ချင်ရာ လှောင်ကြသည်။ လုပ်ချင်ရာ လုပ်ကြသည်။ နောက်ဆုံးအဆင့် ပြည်သူများက မခံနိုင်တော့သည့်အဆုံးတိုင်ခါမှပင် ရဲက သွားတားဆီးသည်။ ဖမ်းသည်။ ထိုအခါ ထိုသူတို့က မလိုက်နာ။ ရဲကိုပင် ပြန်လည်ရန်ရှာရင်း နောက်ဆုံးတွင် အသက်ပါ ပေးလိုက်ကြရတော့သည်အထိ ဖြစ်ခဲ့သည့် သာဓကများစွာ ရှိသည်။

နယ်စပ်ဂိတ်ပေါက်များ မလုံခြုံသမျှ ပြည်မအတွင်းသို့ လက်နက်ခဲယမ်းနှင့် မူးယစ်ဆေးဝါးများ ဥဒဟို ဝင်ရောက်လာသည်။ ပြည်မအတွင်း တိုင်းဒေသကြီး တစ်ခုနှင့်တစ်ခု၊ ပြည်နယ်တစ်နယ်နှင့်တစ်နယ် ဥဒဟို အစစ်အဆေးမရှိ ဝင်ထွက်နိုင်သဖြင့် မြို့များ ရပ်ကွက်များအထိ အတားအဆီးမဲ့ ဝင်ရောက်လာကြသည်။ စစ်ဆေးမည့်သူမရှိ၊ ကိစ္စတစ်ခုဖြစ်လာမှပင် ပြောမှ ထလုပ်ကြသည်။ ထလုပ်ကြရင်းဖြင့် ကြာလာသည့်အခါ တစ်ဖန် လျော့ရဲသွားပြန်သည်။ အဆိုးဝါးဆုံးသော ပြဿနာမှာ အပေးအကမ်း (ဆက်ကြေး)များဖြင့် ကျေနပ်တင်းတိမ်ကာ တာဝန်ပျက်ကွက်နေကြခြင်းဖြစ်သည်။

ကြပ်ကြပ်မတ်မတ် စိမ်းကျက်မရွေး စစ်ဆေးသင့်

အထက်တွင် တင်ပြခဲ့သည့်ကိစ္စသည် ပြည်သူများ နေထိုင်ကြသည့် ရပ်ကွက် မြို့ရွာတစ်ခုအတွင်း လုံခြုံအေးချမ်းရေးနှင့် ဆိုင်သည်များပင်ဖြစ်ပြီး နယ်တစ်နယ် မြို့တစ်ခု၊ တိုင်းဒေသကြီး တစ်ဒေသအတွက်လည်း မြို့ဝင် မြို့ထွက် ဂိတ်များတွင် စစ်ဆေးရေးဂိတ်များ ရှိသင့်သည်။ ပြည်သူ၊ ရဲ၊ တပ်၊ ဌာနဆိုင်ရာများဖြင့် ပူးပေါင်းထားသည့် စစ်ဆေးရေးအဖွဲ့များ ထားရှိကာ အဝင်အထွက် စိမ်းကျက်မျက်နှာ မရွေးဘဲ စစ်ဆေးသင့်ကြသည်။ တိုင်းဒေသကြီး တစ်ခုနှင့်တစ်ခုအကြား၊ ပြည်နယ်တစ်နယ်နှင့် ပြည်နယ် တစ်နယ်အကြား အဝင်အထွက် စစ်ဆေးရေးဂိတ်များထားကာ အသေအချာ စစ်ဆေးရမည်။ ယာဉ်များ၊ လူများ၊ သယ်ဆောင်လာကြသည့် ပစ္စည်းများအားလုံး တရားဝင် ဟုတ် မဟုတ်၊ သယ်ဆောင်ခွင့် ရှိ မရှိ အားမနာတမ်း စစ်ကြရမည်။ အဂတိကင်းကင်းဖြင့် မျက်နှာစိမ်းကျက်မရွေး စစ်ဆေးကြရမည်။

နယ်စပ်မှ ဝင်ရောက်လာနိုင်သည့် မူဆယ်-လားရှိုး-ပြင်ဦးလွင်လမ်း၊ တာချီလိတ်-ကျိုင်းတုံ-တောင်ကြီးလမ်း၊ မဲစဲ-ဖားဆောင်း-လွိုင်ကော်လမ်း၊ မြဝတီ-ကော့ကရိတ်လမ်း၊ ရခိုင်ပြည်နယ်နှင့် အိန္ဒ်ိယနယ်စပ်မှ ဝင်ရောက် လာသည့် အဓိက လမ်းကြောင်းများကို လုံခြုံရေး အထူးတင်းကျပ်ကာ စစ်ဆေးကြရမည်။ ထိုသို့ စစ်ဆေးသည့်အခါ တစ်ဖက်နိုင်ငံမှ တရားမဝင် ဝင်ရောက်လာမည့် အခွန်အကောက်မဲ့ ကုန်ပစ္စည်းများ၊ မူးယစ်ဆေးဝါး၊ လက်နက်နှင့် လိုင်စင်မဲ့ယာဉ်များပါမကျန် ရေစစ်စစ်သလို အားလုံးစစ်ချကြရမည်။ ထိုသို့ပြုလုပ်ခြင်းကို မကြိုက်သည့် ပြည်သူဟူ၍ ရှိမည်မထင်။ မသမာသူ စီးပွားရေးသမားများကသာ အလိုမရှိမှာ သေချာသည်။ တစ်ဖန် မိမိနိုင်ငံမှ တစ်ဖက်နိုင်ငံသို့ ခိုးထုတ်ကြမည့်သစ်များ၊ ကျောက်မျက်ရတနာများ၊ ကျွဲ၊ နွားများ အားလုံးကိုလည်း နယ်စပ်ဂိတ်များကပင် စောင့်ဖမ်းလျှင်ရသည်။

သို့အတွက် နိဂုံးချုပ် ကောက်ချက်ဆွဲရလျှင် ပြည်သူများ၏ဘဝ ဘေးကင်းလုံခြုံစိတ်ချရေးအတွက် အဓိက တာဝန်ရှိသည့် နိုင်ငံ့ဝန်ထမ်းများအနေနှင့် မိမိတို့တာဝန်ကို မိမိတို့ ကျေပွန်လှစေချင်ပါသည်။ ထိုလုံခြုံရေး ကိစ္စ၊ တရားမဝင်သည့် ဥပဒေမဲ့ကိစ္စများကို တားမြစ်ဖမ်းဆီးကြရမည့် ကိစ္စများသည် နိုင်ငံရေးပါတီများနှင့် မသက်ဆိုင်၊ မိမိတို့နှင့်သာ ဆိုင်သည်။ မိမိတို့နိုင်ငံ့ဝန်ထမ်းများသို့ နိုင်ငံတော်မှ ပေးအပ်ထားသည့် တာဝန်ဖြစ်သည်။ ပြည်သူများက ပေးထားသည့် နိုင်ငံ့ဘဏ္ဍာကို စားနေကြရသည့် နိုင်ငံ့ဝန်ထမ်းများ ဖြစ်သည့်အတွက် ပြည်သူများ မျက်နှာကိုသာ ကြည့်ကြရမည်။ ပြည်သူများအတွက် ဝန်ဆောင်မှု ပေးကြရမည်မှာ အမှန်ပင်ဖြစ်ပါကြောင်းနှင့် ပြောင်းလဲလာသည့် နိုင်ငံရေး အခြေအနေများနှင့်အညီ မိမိတို့၏ စိတ်အယူအဆ အတွေးအခေါ်များကိုလည်း လိုက်ပါ ပြောင်းလဲပြီး မိမိတို့တာဝန်ကို မိမိတို့ကျေပွန်အောင် ဆောင်ရွက်ကြစေလိုပါကြောင်း တိုက်တွန်းရေးသား တင်ပြလိုက်ရပါသည်။

အောင်ဇေယျ



FOLLOW US