News

ဦးစားပေး လျှောက်ထားသည့် တက္ကသိုလ်များ လူပြည့်ပါက လျှောက်လွှာ အပယ်ခံရမည်
ရန်ကုန်၊ သြဂုတ် ၇

ယခုနှစ် တက္ကသိုလ်ဝင်ခွင့် လျှောက်ထားရာတွင် ဦးစားပေးအဆင့် တက္ကသိုလ်သုံးခုတွင် သတ်မှတ်ဦးရေ ကျော်လွန်လျှင် အခြားတက္ကသိုလ်နှင့် အထူးပြုဘာသာရပ်များ နေရာရှိစေကာမူ အဆိုပါ လျှောက်လွှာ အပယ်ခံရမည် ဖြစ်ကြောင်း မြန်မာနိုင်ငံ စာစစ်ဦးစီးဌာနက သတင်းထုတ် ပြန်သည်။

တက္ကသိုလ်ဝင်ခွင့်လမ်းညွှန်များ ထုတ်ပြန်ခြင်း မရှိသေးသော်လည်း ယခု ၂၀၁၆ ခုနှစ် တက္ကသိုလ်ဝင်ခွင့်လမ်းညွှန် စာအုပ် စာမျက်နှာ ၈၄ နှင့် ၈၅ ပါ အဆိုပါ သတ်မှတ်ချက်ကို ထုတ်နုတ်၍ သြဂုတ်လ ၆ ရက်က လူမှုကွန်ရက် စာမျက်နှာမှတစ်ဆင့် သတင်းထုတ်ပြန်ခြင်း ဖြစ်သည်။

အဆိုပါကိစ္စနှင့် ပတ်သက်၍ ပဲခူးတိုင်းဒေသကြီး ကဝမြို့နယ် သက္ကလ အထက်တန်းပြဆရာ ဦးအောင်ကျော်သူက “ပညာသင်ကြားခွင့် ဆုံးရှုံးသွားစေတယ်။ တကယ်ကသင့်တော်ရာ ရိုးရိုးတက္ကသိုလ်၊ ကောလိပ်ချပေးမယ်ဆို ပိုသင့်ပါတယ်။ နှစ်စဉ်ကတော့ သြဂုတ်လထဲမှာ ဖောင် (လျှောက်လွှာ) တွေ ထုတ်ပေးတာပါ” ဟု မှတ်ချက်ပြု ပြောကြားသည်။

တက္ကသိုလ်များသည် နယ်မြေကို အခြေခံ တည်ဆောက်ထားခြင်း ဖြစ်ပြီး သက်ဆိုင်ရာ ဒေသအလိုက် လျှောက်ထားစေခြင်း ဖြစ်သည်။ 

နယ်မြေတစ်ခုနှင့်တစ်ခု အကျယ်အဝန်း၊ လူဦးရေ၊ ကျောင်းသားများ၏ ဝါသနာနှင့် အောင်မှတ်များ မတူညီခြင်း၊ ဆရာအရေအတွက် ပျမ်းမျှဖြင့်သာ အများစုက ခန့်ထားနိုင်သည့်အတွက် ကျောင်းသားကိုလည်း အချိုးကျသာ လက်ခံနိုင်ခြင်း ဖြစ်မည်ဟု ယူဆကြောင်း ကျောက်ဆည်တက္ကသိုလ် ရူပဗေဒဌာန လက်ထောက်ကထိက ဒေါက်တာဇော်မျိုးလှိုင်က ရှင်းပြသည်။

ယင်းသတင်းထုတ်ပြန်ချက်အရ ဝင်ခွင့်လျှောက်ထားသူ တစ်ဦးသည် သင်တန်းရွေးချယ်မှု ကတ်ပြားတွင် တက္ကသိုလ်နှင့် အထူးပြု ဘာသာရပ်များကို အပြည့်အစုံ မဖော်ပြဘဲ (ဥပမာအားဖြင့် တက္ကသိုလ် (၃) ခုကိုသာ ဦးစားပေး (၁)၊ (၂)၊ (၃) အဖြစ် ဖော်ပြသည်ဆိုလျှင် ထိုအစီအစဉ်အတိုင်း တက္ကသိုလ်ဝင်ခွင့် စိစစ်ရွေးချယ်ရေးအဖွဲ့က စဉ်းစားမည် ဖြစ်ကြောင်း ဖော်ပြပါရှိသည်။

ဦးစားပေး အစီအစဉ်တွင် ဖော်ပြလျှောက်ထားခြင်း မပြုသော မည်သည့်တက္ကသိုလ်၊ ဒီဂရီကောလိပ်၊ ကောလိပ် သို့မဟုတ် အထူးပြု ဘာသာရပ်ကိုမျှ စဉ်းစားမည် မဟုတ်ကြောင်း သတင်းထုတ်ပြန်ချက်တွင် ဖော်ပြထားသည်။

တက္ကသိုလ်ဝင်ခွင့် စိစစ်ရွေးချယ်ခြင်းလုပ်ငန်း ပြီးစီးပြီးနောက် ဦးစားပေး မပြည့်စုံ၍ အပယ်ခံရသူများက အသနားခံ လျှောက်ထားလာလျှင် တက္ကသိုလ်ဝင်ခွင့် စိစစ်ရွေးချယ်ရေးအဖွဲ့က နေရာကျန်ရှိလျှင် စဉ်းစားပေးမည် ဖြစ်ကြောင်း သတင်းထုတ်ပြန်ချက်အရ သိရှိရသည်။

ယင်းကိစ္စနှင့် ပတ်သက်၍ ဒေါက်တာဇော်မျိုးလှိုင်က တက္ကသိုလ်၏ သတ်မှတ်စံနှုန်းများနှင့် အနည်းငယ် လွဲနေလျှင် ပြန်လည်စိစစ်သုံးသပ်ပေးရန် တောင်းဆိုသည့် စာပုံစံဟု နားလည်ကြောင်း၊ Requested Letter ကို ဘာသာပြန် သုံးစွဲရာမှ ဖြစ်လာနိုင်သည့်အပြင် နိုင်ငံတကာတွင်လည်း ထိုအသုံးအနှုန်း သုံးစွဲကြောင်း ရှင်းပြသည်။
“မြန်မာစကားလုံးက နည်းနည်းတင်စီးနေတော့ အခံရခက်တာပါ။ မေတ္တာရပ်ခံစာ ဆိုရင်တော့ ပိုအဆင်ပြေမလား မသိဘူး” ဟု ဒေါက်တာဇော်မျိုးလှိုင်က မှတ်ချက်ပြု ပြောကြားသည်။

သို့သော် အဆိုပါကိစ္စနှင့် ပတ်သက်၍ ပခုက္ကူ တက္ကသိုလ်ကျောင်းသားများသမဂ္ဂ ခေါင်းဆောင်ဖြစ်သူ ကိုပြည့်ဖြိုးကျော်က နိုင်ငံသားအားလုံးသည် ပညာသင်ကြားခွင့် အခွင့်အရေး ရှိနေရမည်ဖြစ်ပြီး ထိုအခွင့်အရေး ဖန်တီးပေးရန်မှာလည်း အစိုးရတာဝန် ဖြစ်ကြောင်း ပြောကြားသည်။

ထို့ပြင် သနားခံ လျှောက်ထားရမည်ကို မည်သည့်ပုံစံဖြင့် ဆုံးဖြတ်ထားသည်ကို ပညာရေး ဝန်ကြီးဌာန တာဝန်ရှိသူများ၊ တက္ကသိုလ်ဝင်ခွင့် စိစစ်ရွေးချယ်ရေးအဖွဲ့ တာဝန်ရှိသူများက ပြည်သူလူထုကို အကျယ်တဝင့် ချပြသင့်ကြောင်း ကိုပြည့်ဖြိုးကျော်က ထောက်ပြပြောဆိုသည်။

၂၀၁၅-၂၀၁၆ တက္ကသိုလ်ဝင်တန်း စာမေးပွဲကို ယခုနှစ် မတ်လအတွင်း ကျင်းပခဲ့ရာ ဖြေဆိုသူ ၆၃၀,၀၀၀ ကျော်အနက် အောင်မြင်သူ ၁၉၀,၀၀၀ ကျော် ရှိသည့်အတွက် အောင်ချက်ရာခိုင်နှုန်း ၂၉ ဒသမ ၉၂ ရာခိုင်နှုန်း ရှိကြောင်း မြန်မာနိုင်ငံ စာစစ်ဦးစီးဌာန ထုတ်ပြန်သည့် စာရင်းများအရ သိရှိရသည်။



FOLLOW US