News

POST TAGGED AS

ရုရှား

ပူတင်၏ ကစဥ့်ကလျား မဟာဗျူဟာ
ရုရှားသမ္မတ ဗလာဒီမာပူတင်၏ နည်းဗျူဟာပိုင်းဆိုင်ရာ မွေးရာပါဗီဇသည် အခွင့်အရေးများ ပိုင်ပိုင်ဆိုင်ဆိုင် ဆုပ်ကိုင်နိုင်သည့် နေရာတွင် အံ့ချီးဖွယ် ဖြစ်သော်လည်း မဟာဗျူဟာပိုင်းတွင်မူ ရလဒ်များမှာ ကပ်ဆိုးဆိုက်လောက်အောင် ဆိုးရွားလှသည်။ လက်ရှိတွင်လည်း အမေရိကန် ရွေးကောက်ပွဲတွင် ရုရှားတို့ ဝင်ရောက်ခြေရှုပ်နေလေသည်။ ယင်းမှာ ပူတင်၏ တစ်ကိုယ်နှစ်စိတ် ဖြစ်စဉ်၏ ရလဒ်များပင် ဖြစ်သည်။

အမေရိကန် ရွေးကောက်ပွဲတွင် ရုရှား ဝင်ရောက်စွက်ဖက်မှုနှင့် ပတ်သက်၍ သံသယ အနည်းငယ်သာ ရှိနေသည်။ ရီပတ်ဘလစ်ကန် သမ္မတလောင်း ဒေါ်နယ်ထရမ့် သံသယ ရှိနေသော်လည်း ဒီမိုကရက်တစ်ပါတီ သမ္မတလောင်း ဟီလာရီ၏ ရွေးကောက်ပွဲဆိုင်ရာ အီးမေးလ်များနှင့် ဒီမိုကရက်တစ် အမျိုးသားကော်မတီကို ရုရှားက ဟက်ခဲ့ကြောင်း အမေရိကန် ထောက်လှမ်းရေး  အသိုင်းအဝိုင်း တစ်ခုလုံးက ပြစ်တင်ပြောကြားထားသည်။ ယင်းကဲ့သို့သော စွက်ဖက်မှုများအပြင် ရုရှားနိုင်ငံတော်ပိုင် နိုင်ငံခြားဘာသာ သတင်းမီဒီယာများ အထူးသဖြင့် RT ရုပ်မြင်သံကြားနှင့်ှ Sputnik သတင်းအေဂျင်စီတို့သည် ဘက်လိုက်ကာ ကလင်တန် ဆန့်ကျင်ရေးလိုင်းကို အစဉ်အစိုက် ပုံဖော်ပေးနေသလို ရွေးကောက်ပွဲ မသမာမှုများ ရှိနေသည်ဟူ၍လည်း သတင်းဖြန့်လျက်ရှိသည်။ ထို့အပြင် ရွေးကောက်ပွဲနေ့တွင်  အီလက်ထရွန်နစ် မဲပေးစနစ်ကို ရုရှားတို့ ဝင်ရောက်ထိုးဖောက်နိုင်သည် ဟူသော သက်သေမပြနိုင်သည့် စိုးရိမ်မှုများလည်း ပေါ်ထွက်လျက်ရှိသည်။

ယင်းကဲ့သို့သော အားထုတ်မှုမျိုးစုံအတွက် ရုရှားတို့ မည်သည့်အရာကို အထမြောက်ပြီး ဖြစ်သနည်း။ အောင်မြင်မှုအချို့ ရရှိပြီး ဖြစ်သော်လည်း တန်ဖိုးကြီးကြီး ပေးဝယ်ခဲ့ရခြင်း ဖြစ်သည်။

ရုရှား ဝင်ရောက်စွက်ဖက်မှုများ၏ အောင်မြင်မှုကို ရည်မှန်းချက် အထမြောက်ခြင်း ရှိ မရှိနှင့် နှိုင်းယှဉ်ပြီး တိုင်းတာရမည် ဖြစ်သည်။ ထရမ့် ရွေးကောက်ပွဲ အောင်နိုင်ခြေမှာ မဖြစ်နိုင်တော့သော်လည်း ယင်းမှာ ကရင်မလင် မြင်ချင်သည့်အရာ မဟုတ်ပေ။ တတိယအကြိမ် စကားစစ်ထိုးပွဲတွင် ပူတင်နှင့် ခပ်ခွာခွာနေရေး အခွင့်အရေးကို ထရမ့် ဘေးဖယ်ထုတ်ခဲ့သည်။ ထို့အပြင် ထရမ့်သာ သမ္မတ ဖြစ်လာပါက ခန့်မှန်း၍ မရသော သမ္မတ ဖြစ်လာမည် ဖြစ်သည်။ ပူတင်မှာမူ ပထဝီ နိုင်ငံရေးဇာတ်ခုံပေါ်တွင် ခပ်ရိုင်းရိုင်း ကစားဆုံး ကစားသမား တစ်ယောက် ဖြစ်သည်။ ထရမ့်သာ သမ္မတ ဖြစ်လာပါက ပူတင်၏ စတိုင်နှင့် မဟာဗျူဟာ တွက်ချက်မှုများတွင် အခက်အခဲများ ပေါ်ပေါက်လာစေမည် ဖြစ်သည်။

ရွေးကောက်ပွဲတွင် ရုရှား ဝင်ရောက်စွက်ဖက်ခြင်းမှာ အချက်နှစ်ရပ်ကြောင့် ဖြစ်သည်။ ပထမအချက်မှာ ဟီလာရီကလင်တန် အားနည်းစေရန် ဖြစ်သည်။ ယင်းမှသာ သမ္မတအဖြစ် စတင်တာဝန်ယူချိန်တွင် စိတ်ပျက်လက်ပျက်ဖြစ်သည့် ဒီမိုကရက်တစ် လက်ဝဲများ၊ စိတ်နာနေသည့်  ရီပတ်ဘလစ်ကန် လက်ယာများနှင့် အချိန်ကုန်နေမည် ဖြစ်သည်။ အကွဲကွဲအပြားပြား ဖြစ်နေသည့် တိုင်းပြည်တွင် ပူတင်ကို ရင်ဆိုင်ရေး စွမ်းအင်အနည်းငယ်သာ ကျန်တော့မည် ဖြစ်သည်။ သို့သော် ရွေးကောက်ပွဲ နှောင့်ယှက်မှုများကြောင့် ဒီမိုကရက်တစ်များ နှင့် ရီပတ်ဘလစ်ကန်များ စိတ်ဆိုးဒေါသထွက်ကာ မော်စကိုရန် တန်ပြန်ရေး ပူးပေါင်းသွားနိုင်ခြေလည်း ရှိနေသည်။

ဒုတိယအချက်မှာ အမေရိကန် ဒီမိုကရေစီ၏ တရားဝင်မှုကို အားပျော့အောင် လုပ်ခြင်းဖြင့် ပြည်ပတွင်ရှိသည့် အမေရိကန်၏ တရားဝင်မှုကို ယိမ်းယိုင်စေရန် ရုရှားက ကြိုးပမ်းနေခြင်း ဖြစ်သည်။ ယင်းသို့ဖြင့် အမေရိကန်၏ မိတ်ဆွေများ စိတ်ပျက်လာမည် ဖြစ်သည်။ ရုရှားစနစ်မှာ ကျန်နိုင်ငံများထက် ပိုမကောင်းသော်လည်း အလွန်အကျွံ မဆိုးရွားကြောင်း လူသားများ ယုံကြည်လာစေရန် ဝါဒဖြန့်နိုင်မည် ဖြစ်သည်။

သို့သော် ကရိုင်းမီးယားကို သိမ်းပိုက်မှု (ပိတ်ဆို့မှုနှင့် ငွေကြေးကုန်ကျမှုဆီသို့သာ ဦးတည်သွားခဲ့)၊ ဒွန်ဘတ်စွန့်စားခန်း (ပိတ်ဆို့မှုနှင့် ကုန်ကျစရိတ်များပြီး မကြေညာထားသည့် စစ်ပွဲသို့ ရုရှားကို ဆွဲခေါ်ခဲ့)၊ ဆီးရီးယား ဝင်ရောက်စွက်ဖက်မှု (စောစီးစွာ တပ်ရုတ်မှုကို ငြင်းပယ်ခဲ့သဖြင့် မဆုံးနိုင်သည့် စစ်ပွဲတွင် ကြားညပ်နေ) ကဲ့သို့ပင် ရုရှား၏ ယနေ့အောင်ပွဲများသည် မနက်ဖြန် ကပ်ဆိုးများ ဖြစ်လာရန်  အသင့်ဖြစ်နေကြသည်။ ဝီကီလိခ်၏ ထုတ်ဖော်မှုများနှင့် ရုရှားဟက်ကာများ၏ လုပ်ဆောင်ချက်ကို စိတ်ကျေနပ်နေသည့် ရုရှားတို့သည်ပင် အမေရိကန်၏ လက်တုံ့ပြန်မှုကို စိုးရိမ်နေပြီ ဖြစ်သည်။ ထို့အပြင် ရုရှား-အမေရိကန် ဆက်ဆံရေးအပေါ် မည်ကဲ့သို့ သက်ရောက်လာမည်ကို သောကရောက်နေကြသည်။ “သင်္ချိုင်းထဲ မရောက်ခင်အထိ အရေးယူပိတ်ဆို့မှုတွေနဲ့ အသားကျအောင် နေကြတာပေါ့” ဟု ရုရှားတစ်ဦး နာနာကြည်းကြည်း မကျေမနပ် ပြောကြားသွားသည်။

ကလင်တန်မှာ ပူတင်၏ မိတ်ဆွေ မဟုတ်ပေ။ သို့သော် သူမသည် လက်တွေ့ဆန်သူဖြစ်ပြီး ခရူးဆိတ်သစ်များ စတင်ရေးထက်  ပဋိပက္ခအိုများ ရှင်းလင်းရေးကို ပိုမိုစိတ်ဝင်စားသူ ဖြစ်သည်။ သမ္မတရာထူး လက်ခံပွဲမတိုင်ခင် ကာလအထိ ပူတင် စောင့်ဆိုင်းပြီး ဆီးရီးယားအရေး၊ ယူကရိန်းအရေးတို့ ဖြေရှင်းရေး ကမ်းလှမ်းခဲ့လျှင်ပင် ဟီလာရီကလင်တန်မှာ လက်ခံမည့် ပုံမပေါ်ပေ။ အမေရိကန် ဒီမိုကရေစီနှင့် အနောက်တိုင်း ညီညွတ်မှုကို ရှင်းရှင်းလင်းလင်း အန္တရာယ်ပြုနေသည်မှာ ကရင်မလင်သာ ဖြစ်သည် ဆိုသည်ကို ကလင်တန်နှင့် သူမ၏အနီး ရှိသူ ယုံကြည်လာစေရန် ပူတင်က လုပ်ဆောင်နေသည့် ပုံပေါ်နေသည်။ “ပူတင်ရဲ့ အိပ်မက်ဆိုးတွေ ပေါ်လာတော့မယ် ထင်ပါတယ်။  ရုရှားမှာ အုပ်စိုးမှုပုံစံ အပြောင်းအလဲ ပေါ်ပေါက်စေရေး ဟီလာရီ ဘဲဥပုံ ရုံးခန်းရောက်လာတာနဲ့ အကောင် အထည် ဖော်လာနိုင်ပါတယ်” ဟု ဝါရှင်တန် အတွင်းလူတစ်ဦးက ပြောကြားသွားသည်။

အမေရိကန် ရွေးကောက်ပွဲကာလ အတွင်း အဆင်မပြေမှုများအပေါ် စိတ်ကျေနပ်နေမှုသည် ယင်းမှတစ်ဆင့် ပေါ်ပေါက်လာမည့် ဆိုးကျိုးများနှင့်ယှဉ်လျှင် မတန်ဟု မော်စကိုတွင် စတင် သဘောပေါက်နေကြပြီ ဖြစ်သည်။ ထို့အပြင် အရှေ့အလယ်ပိုင်းနှင့် ဥရောပရှိ ရုရှား၏ လုပ်ဆောင်ချက်များကို တန်ပြန်ရေး ဝါရှင်တန် လုပ်ဆောင်လာမည်နှင့် ရုရှားကို တင်းတင်းမာမာ ကိုင်တွယ်ရေး ယိမ်းယိုင်နေသည့် ဥရောပသမဂ္ဂအပေါ် ဖိအားပေးလာမည်ကို မော်စကိုရှိ နိုင်ငံခြားရေးမူဝါဒ အီလိခ်များက ကြောက်ရွံ့လျက်ရှိသည်။

အမေရိကန်ပြည်ထောင်စု အနေနှင့် (ရုရှား) အစိုးရ အပြောင်းအလဲ ပေါ်ပေါက်ရေး တက်ကြွစွာ မလုပ်ဆောင်လျှင်တောင်  နိုင်ငံခြားသို့ သွားရောက်ခွင့်နှင့် ရင်းနှီးမြှုပ်နှံခွင့်ကို တင်းတင်းကျပ်ကျပ် တားဆီးမည်ကို မော်စကို နိုင်ငံရေးနှင့် စီးပွားရေး အီလိခ်များက စိုးရိမ်လျက်ရှိသည်။

“ရုရှားကတော့ တောင်အာဖရိက လက်သစ် ဖြစ်နေပါပြီ” ဟု ရုရှားပါတီမန်မှ အကြီးတန်း အကြံပေးတစ်ဦးက ပြောကြားသွားသည်။ အရေးယူပိတ်ဆို့မှုနှင့် ဆန့်ကျင်ဆန္ဒပြမှုများကို ဆယ်စုနှစ်ခုကျော်ကြာ ကြုံတွေ့ခဲ့သည့် လူဖြူအုပ်စိုးကာ အသားအရောင် ခွဲခြားသည့် တောင်အာဖရိကနိုင်ငံ ဖြစ်ရပ်ကို ရည်ညွှန်းပြောကြားသွားခြင်း ဖြစ်သည်။

လက်ရှိတွင် ကမောက်ကမဖြစ်စဉ်များ ပေါ်ပေါက်လာစေရန် ကြိုးကိုင်ခဲ့သူများပင် လိပ်ပြာမလုံ ဖြစ်နေနိုင်သည်။ ယခုအချိန်မတိုင်ခင် အထိမူ ပြည်ပဒေသတွင်  ပြဿနာ ဖြစ်အောင် လုပ်ဆောင်ခဲ့ကြသည့် ပူတင်၏ စိတ်ပါဝင်စားမှုနှင့် ၎င်း၏ လက်ဝေခံများသည် အဆင်ပြေနေသည့်ပုံ ပေါ်နေသည်။  သို့သော် ၎င်းတို့၏ နည်းလမ်းများနှင့် စွမ်းရည်များသည် စစ်အေးခေတ် နောက်ပိုင်း မကြုံဖူးသည့် အရေးယူစောင့်ကြည့်မှုများဖြင့် ကြုံတွေ့နေရပြီ ဖြစ်သည်။ အမေရိကန်၏ လက်တုံ့ပြန်ရေး မဟာဗျူဟာပုံ ပေါ်လာသည့် ပုံပေါ်နေသည်။ ဆိုင်ဘာဆိုင်ရာ လျှို့ဝှက်လုပ်ဆောင်မှုများမှာလည်း အတင်းအဖျင်း အီးလ်မေးများကိုသာ ဖောက်ကြည့်ခြင်းဖြင့် အချိန်ကုန်ခဲ့နိုင်ကြောင်း ရုရှားထောက်လှမ်းရေး အသိုင်းအဝိုင်းနှင့် နီးစပ်သူတစ်ဦးက  ပြောကြားထားသည်။

ပူတင်၏ အမေရိကန် စွန့်စားခန်း မည်သည့်အတွက် ဆိုးဆိုးရွားရွား မှားသွားကြောင်းကို နားလည်ရန်နှင့် ပူတင်၏ ဒွိဟစိတ်ကို နားလည်ရန် ရုရှားသမ္မတ ပူတင် မည်သို့မည်ပုံ လုပ်ဆောင်လေ့ ရှိသည်ကို လေ့လာရမည် ဖြစ်သည်။ ပူတင်သည် ကမ္ဘာ့အဆင့် ကစားသမားတစ်ဦး ဖြစ်ပြီး လက်ငင်းဖြစ်စဉ်များနှင့် အခြားသူများ၏ စိုးရိမ်မှုများနှင့် ကစားလေ့ရှိသူ ဖြစ်သည်။ အသေးစိတ် ဖော်ပြရလျှင် ပူတင်သည် စိတ်လှုပ်ရှားဖွယ် ပထဝီနိုင်ငံရေး ဂိမ်းကို ကစားလေ့ ရှိသည်။ အံ့သြသင့်ဖွယ်  စတန့်ထွင်မှုများ လုပ်ဆောင်လေ့ရှိပြီး အသက်ရှူမှားလောက်ဖွယ် သတင်းများကို ပေါ်ထွက်စေလေ့ရှိသူ ဖြစ်သည်။

ယင်းစတန့်များ၏ သာဓကများမှာ နေတိုးလေကြောင်း နယ်နိမိတ်အနီးသို့ တာဝေးပျံ ဗုံးကြဲလေယာဉ်များ စေလွှတ်ခြင်း၊ နျူကလီးယားလက်နက် တပ်ဆင်နိုင်သော ဒုံးကျည်ကို ကာလီနင်ဂရက်နယ်သို့ စေလွှတ်ခြင်းတို့ ဖြစ်သည်။ အဆိုပါ လုပ်ဆောင်ချက်များသည် နှိုင်းရအားဖြင့်  အဓိပ္ပာယ်မဲ့သော်လည်း အနောက်တိုင်း၏ အာရုံကို ဖမ်းစားနိုင်သည်သာ ဖြစ်သည်။ တစ်ခါတစ်ရံ ပူတင်၏ လုပ်ဆောင်ချက်များသည် အန္တရာယ်များပြီး လက်တွေ့ပုံစံဖြင့် ပေါ်ပေါက်လာလေ့ ရှိသည်။ ဆီးရီးယား၌ ဝင်ရောက်စွက်ဖက်မှုသည် ရုရှား၏ နောက်ဆုံးကျန်ရှိသည့် မဟာမိတ်ကို ကူညီရန်နှင့် မော်စကိုကို သံတမန်ရေးအရ အထီးကျန်အောင် လုပ်ဆောင်ရေး ဝါရှင်တန်၏ လှုပ်ရှားမှုကို တန်ပြန်ခြင်း ဖြစ်သည်။ သို့သော်လည်း ယင်းကြောင့် နျူကလီးယား ပါဝါနှစ်ခုကြား တိုက်ရိုက်ပဋိပက္ခ ဖြစ်ပွားလာနိုင်ခြေ တိုးပွားစေသည်။

အမေရိကန် ရွေးကောက်ပွဲတွင် ဝင်ရောက်နှောင့်ယှက်မှုသည် အလေးအနက်မထားသည့် လုပ်ဆောင်ချက်အဖြစ် စတင်ခဲ့မည့်ပုံပေါ်ပြီး ဖြစ်စဉ်များ အရှိန်တက်လာသည့်အခါ အန္တရာယ်ကြီးအောင် လုပ်လေ့ရှိသည့် ပူတင်၏ ဗီဇအတိုင်း ရည်ရွယ်လုပ်ဆောင်သည့် စွက်ဖက်မှုအဖြစ် ပြောင်းလဲလာတော့သည်။ ယင်းမှာ အမေရိကန် ဒီမိုကရေစီ၏ ခိုင်မြဲမှုကို  ပွင့်ပွင့်လင်းလင်း စိန်ခေါ်လာခြင်း ဖြစ်သည်။

အမေရိကန် ပြည်တွင်းနိုင်ငံရေးအပေါ် ဝင်ရောက်စွက်ဖက်ရေး ဆွဲဆောင်မှုကို ပူတင် ငြင်းဆန်နိုင်ခဲ့ပုံ မပေါ်ပေ။ ဗော်လန်တီယာများကို အဓိက အားပြုနေရသည့် နိုင်ငံရေးယန္တရားသည် သဘာဝအားဖြင့်   လုံခြုံမှုမရှိဘဲ တက်တက်ကြွကြွ လုပ်ဆောင်လေ့ရှိသည့် ရုရှားထောက်လှမ်းရေးအဖွဲ့များ အတွက် လွယ်ကူသည့် ပြစ်မှတ်များ ဖြစ်နေသည်။ ထို့အပြင် အကွဲကွဲအပြားပြား ဖြစ်နေသည့် နိုင်ငံရေးနောက်ခံကြောင့် အမေရိကန်သမ္မတ ရွေးကောက်ပွဲတွင် မဟာဗျူဟာ ပေါက်ကြားမှုများ ပေါ်ပေါက်လာစေရန် ဖိတ်ခေါ်လျက်ရှိသည်။ အမေရိကန် နိုင်ငံရေးစနစ်တွင် အားနည်းချက်ကို ရုရှားအခွင့်အရေးသမားများ တွေ့ရှိသွား ပြီး အခွင့်အရေးကို အသုံးချခဲ့သဖြင့် ဒီမိုကရေစီ ထိခိုက်ခံစားခဲ့ရသည်။ သို့သော် ရုရှားအခန်းကဏ္ဍကို ပူတင်က ထင်ထင်ပေါ်ပေါ် သိသာစေခဲ့သဖြင့် အမေရိကန် တုံ့ပြန်မှုများကို ဖိတ်ခေါ်လျက်ရှိသည်။

ကရင်မလင်၏ ပြဿနာများထဲမှ တစ်ခုမှာ ပူတင်သည် ရေတိုကိုသာကြည့်ခြင်း ဖြစ်သည်။ မနက်ဖြန်တွင် ရနိုင်သည့် အရာကိုသာ ပူတင်တွက်လေ့ ရှိပြီး မနက်ဖြန်ပြီး နောက်နေ့တွင် ပေါ်ပေါက်လာမည့် အကျိုးဆက်ကို ကြည့်လေ့မရှိပေ။ ကိုယ်စခဲ့သည့်ဇာတ်ကို ကိုယ်ထိန်းချုပ်ထားနိုင်မည်ဟု ပူတင်က အလွယ်တကူ ယူဆလေ့ ရှိသည်။ ယူကရိန်း ဒွန်ဘတ်ဒေသအရေး ဝင်ရောက်စွက်ဖက်ရန် ကရင်မလင်က ဆုံးဖြတ်သည့်အခါ ဒေသတွင်းရှိ မကျေနပ်နေသူများကို လက်နက်တပ်ဆင်ပေးခြင်း၊ လူနှင့်လက်နက်များ စေလွှတ်ပေးခြင်း  စသည်တို့ကို လုပ်ဆောင်ခဲ့ပြီး ကောင်းမွန်သည့် နည်းဗျူဟာတစ်ခု ဖြစ်သည်။ ယင်းအတိုင်း လုပ်ဆောင်ပါက ကီးယတ်မှာ အရှုံးပေးရန် ဖိအားပေးခံရနိုင်ပြီး မော်စကို ကိုယ်တိုင်ပါဝင်ရန်လည်း လိုမည်မဟုတ်ပေ။ သို့သော် ၂ နှစ်ကြာပြီးသည့်နောက်တွင် မဆုံးနိုင်သည့် ပဋိပက္ခတွင် ရုရှား  ပါဝင်ပတ်သက်လျက်ရှိပြီး နိုင်ငံတော်ဘတ်ဂျက် အနည်းငယ်သာ ရှိသည့်ကြားမှ ဒိုးနတ်နှင့် လူဟန့်ဆိုသည့် အမည်ခံ နိုင်ငံတော်နှစ်ခုကို ထောက်ပံ့နေရသည်။

အမေရိကန် နိုင်ငံရေးတွင် ပူတင် ဝင်ရောက်စွက်ဖက်မှုမှာလည်း ယူကရိန်းဖြစ်စဉ်နှင့် တစ်စိတ်တစ်ပိုင်း တူနေသည်။ ဖုံးကွယ်နိုင်သည့် ရင်းမြစ်များကို အသုံးပြုပြီး ပြည်ပတွင် အခက်ကြုံအောင် လုပ်ဆောင်ကာ ရန်သူများ အားနည်းအောင် လုပ်ဆောင်ရေးသည် လွန်စွာဆွဲဆောင်မှု ကောင်းနေခဲ့သည်။ ထို့ကြောင့်ပင် မိမိလက်များ သန့်ရှင်းလျက်ရှိသည်ဟု ပူတင်က ပြောကြားနေခြင်းမှာ ယုတ္တိမတန် ဖြစ်နေသည်။ အခက်ကြုံအောင် ဖန်တီးခဲ့သူသည် အခက်အခဲ၏ ခြိမ်းခြောက်မှုကို စတင်ရင်ဆိုင်နေရပြီ ဖြစ်သည်။ 

ကိုးကား- Foreign Policy

ချမ်းမြေ့



FOLLOW US