News

POST TAGGED AS

ရခိုင်ပြည်နယ်

အနောက်တံခါး လုံခြုံရေး အကြံပေးပါရစေ
ရခိုင်ပြည်နယ် မောင်တောဒေသတွင် ဖြစ်ပွားပေါ်ပေါက်ခဲ့သည့် ဖြစ်စဉ်များနှင့်ပတ်သက်၍ ဒုတိယသမ္မတ ဦးမြင့်ဆွေ ဦးဆောင်သည့် ရခိုင်ပြည်နယ်၊ မောင်တောဒေသ စုံစမ်းစစ်ဆေးရေး ကော်မရှင်နှင့် ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင်တို့၏ အကြံပြုချက်များကို အကောင်အထည် ဖော်ဆောင်နိုင်ရန် “ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင် ရွက်ရေးကော်မတီ} ကို ၁၂.၉.၂၀၁၇ ရက်နေ့က ဖွဲ့စည်းလိုက်ပါသည်။

ယခုကာလအတွင်း ဆောင်းပါးရှင်များက ရခိုင်ပြည်နယ် အရေးကိစ္စနှင့်စပ်လျဉ်းသော ဆောင်းပါးများကို ရေးသားနေကြသလို စာစောင်များကလည်း ဖော်ပြနေကြသည်။ အဆိုပါ ဆောင်းပါးများထဲတွင် အကြံပြု ဆောင်းပါးများလည်း အများအပြား ပါဝင်ကြသည်။ ကျွန်တော်လည်း မကြာမီရက်ပိုင်းကပင် စာစောင်တစ်ခု၌ မောင်တောဒေသ လုံခြုံရေးအတွက် ဒရုန်းယာဉ်ငယ်များ အသုံးပြုသင့်ကြောင်း ဆောင်းပါးတစ်ပုဒ် ရေးသားခဲ့သေးသည်။

ယခုလည်း ရခိုင်အရေး၊ မောင်တောကိစ္စကို စဉ်းစားနေရာမှ ပြန်လည် တည်ဆောက်ရေးအကြောင်း ပြောလာဆိုလာကြသည်နှင့် ဆက်စပ်၍ အတွေးက ပေါ်လာပြန်သည်။ သတင်းစာများထဲတွင် နယ်စပ်ဒေသ ခြံစည်းရိုးခတ်ရန် နိုင်ငံတော်ဘဏ္ဍာရန်ပုံငွေမှ ကျခံပေးမည့်အကြောင်းနှင့် ထိုကဲ့သို့ ခြံစည်းရိုးခတ်ရန်အတွက် ပုဂ္ဂလိက အလှူရှင်များကလည်း လှူဒါန်းကြသည့်အကြောင်းပင်ဖြစ်သည်။

ပြီးခဲ့သည့် ကာလများအတွင်းက နှစ်နိုင်ငံ နယ်စပ်ကိုဖြတ်သန်း၍ အကြမ်းဖက်အုပ်စုများက ဝင်ရောက် စည်းရုံးခြင်း၊ ပြည်တွင်းမှလူများ တစ်ဖက်နိုင်ငံသို့ ထွက်ခွာ၍ အကြမ်းဖက် သင်တန်းများ တက်ရောက်ခြင်းမှသည် နောက်ဆုံးတွင် အကြမ်းဖက်သမားများနှင့် ဒေသခံအချို့ ပူးပေါင်းကာ ပြည်တွင်းသို့ ပြန်လည် ဝင်ရောက်လာပြီး မိမိ၏ လုံခြုံရေး ကင်းစခန်းများကို ဝင်ရောက် တိုက်ခိုက်ကာ လုံခြုံရေး ရဲဘော်များနှင့် အပြစ်မဲ့ပြည်သူများပါ တိုက်ခိုက်၊ သတ်ဖြတ်၊ အကြမ်းဖက်ခံလိုက်ကြရသည်။ ထို့ကြောင့် ယခုခတ်မည့် ခြံစည်းရိုးသည် နှစ်နိုင်ငံ နယ်စပ်ဒေသ လုံခြုံရေးအတွက် ဖြစ်ပြီး တစ်နိုင်ငံနှင့်တစ်နိုင်ငံ တရားမဝင် ဖြတ်သန်းသွားလာခြင်း မပြုနိုင်ကြစေရန် ဖြစ်ပါသည်။ ဤကဲ့သို့ ဆောင်ရွက်လိုက်ခြင်းဖြင့် တရားမဝင် နယ်စပ် ဖြတ်ကျော်မှုများကို အတိုင်းအတာ တစ်ခုအထိ လျှော့ချနိုင်မည် ဖြစ်ပြီး အလားတူဖြစ်စဉ်များ ထပ်မံ ဖြစ်ပွားခြင်း မရှိစေရန် ဟန့်တားနိုင်မည်ဟု ယူဆနိုင်ဖွယ်ရာ ဖြစ်ပါသည်။ သို့ရာတွင် လုံးဝဥဿုံ ဟန့်တားနိုင်မည်ဟူ၍ကား တထစ်ချ မှတ်ယူယုံကြည်၍ ရမည်မဟုတ်ပါ။ အဘယ့်ကြောင့်ဟူသည် အကြမ်းဖက်သမား ဆိုသည်မှာ ဆီလိုအပေါက်ရှာပြီး နေရာမျိုးစုံမှ၊ နည်းလမ်းမျိုးစုံဖြင့် ဝင်ရောက်လာနိုင်သည်ဖြစ်ရာ အခြားနည်းလမ်းများကိုလည်း ကြံဆ အသုံးပြုကြရမည်ဖြစ်ပါသည်။ အထူးသဖြင့် ဒေသခံများအား လာရောက်၍ စည်းရုံးခြင်း မပြုနိုင်စေရန် တစ်ရွာနှင့် တစ်ရွာ ကူးသန်းသွားလာခြင်း၊ ရွာအဝင်အထွက်များကို ကန့်သတ်ခြင်း၊ စောင့်ကြည့်ခြင်း၊ စစ်ဆေးခြင်းများကို ဆောင်ရွက်ရန် လိုအပ်လာပါသည်။

ဤနေရာတွင် ရှမ်းပြည်နယ်၌ တာဝန်ထမ်းဆောင်ခဲ့စဉ်က မြင်တွေ့ခဲ့ရသည့် မြို့ရွာလုံခြုံရေးစနစ် ဆောင်ရွက်ကြပုံကို တင်ပြလိုပါသည်။ ကျွန်တော် မိုင်းရှူးမြို့နယ်၌ တာဝန် ထမ်းဆောင်ခဲ့စဉ်က ဖြစ်ပါသည်။ ထိုစဉ်က မိုင်းရှူးမြို့နယ် ပတ်ဝန်းကျင်တွင် ဗကပသောင်းကျန်းသူများ၊ အမည်အမျိုးမျိုးသော တိုင်းရင်းသား လက်နက်ကိုင် အဖွဲ့အစည်းများ ဖြတ်သွားဖြတ်လာ လှုပ်ရှားလျက်ရှိကြပြီး ကြုံလျှင်ကြုံသလို ကျေးရွာများအား ဝင်ရောက် ဖျက်ဆီးခြင်း၊ လူသတ်ခြင်း၊ ဆက်ကြေးကောက်ခြင်း၊ လူသစ်စုဆောင်းခြင်းများ ဆောင်ရွက်လျက်ရှိကြပါသည်။ မိုင်းရှူးမြို့ပေါ်သို့လည်း မကြာခဏ ဝင်ရောက်ကာ အုပ်ချုပ်ရေး တာဝန်ရှိသူများနှင့် ၎င်းတို့အား လိုလားသူများကို ဝင်ရောက် သတ်ဖြတ်လေ့ ရှိပါသည်။

ထို့ကြောင့် မိုင်းရှူးမြို့ကို ခြံစည်ရိုးနှစ်ထပ် ကာရံထားပါသည်။ ခြံစည်းရိုးကို သစ်ဝါးများဖြင့် ခိုင်ခံ့စွာ ကာရံထားသည့်အပြင် အလွယ်တကူ ဖြတ်ကျော်ခြင်း မပြုနိုင်စေရန်အတွက် ခြံစည်းရိုး နှစ်ခုအကြားတွင် သစ်လုံးများကို ချွန်၍ထောင်ထားကာ ဂိတ်တံခါးကြီးကိုလည်း နှစ်ထပ် ပြုလုပ်ထားပြီး လူအဝင်အထွက်၊ ကားအဝင်အထွက်များကို စနစ်တကျ စိစစ်၍ ဝင်ထွက်စေပါသည်။ အထူးသဖြင့် ဈေးနေ့များတွင် လူအဝင် အထွက်များသဖြင့် ဂိတ်အဝင်အထွက်ကို လူအင်အား ပိုမိုချထားပြီး စိစစ်ပါသည်။ ထိုစဉ်က ပြည်သူ့စစ်များ ရှိကြသဖြင့် ထိုတာဝန်ကို ပြည်သူ့စစ်များက ယူပါသည်။ ထိုကဲ့သို့ စစ်ဆေးနေသည်ကြားမှပင် အချို့သော ဈေးနေ့များတွင် အများနှင့် ရောနှောကာ ဝင်ရောက်လာကြပြီး ရပ်ကွက်/ကျေးရွာ လူကြီးများ၏ နေအိမ်တွင်းသို့ လက်ပစ်ဗုံးပစ်သွင်းကာ လုပ်ကြံခြင်းများလည်း ကြုံတွေ့ရပါသေးသည်။

မြို့နယ်အတွင်းရှိ ကျေးရွာများတွင်လည်း အလားတူ ခြံစည်းရိုးများ ခတ်ထားကြပြီး လူဝင်လူထွက်ကို စနစ်တကျ စိစစ် ဆောင်ရွက်ကြသဖြင့် လုံခြုံရေးကို အထိုက်အလျောက် ထိန်းသိမ်း ဆောင်ရွက်နိုင်ခဲ့ပါသည်။ အထူးသဖြင့် လက်နက်ကိုင် အဖွဲ့အစည်းတို့၏ လှုပ်ရှားမှု သတင်းရယူရေးကို ထိရောက်စွာ ဆောင်ရွက်နိုင်ခဲ့ပါသည်။ လက်နက်ကိုင်အဖွဲ့တို့၏ လှုပ်ရှားမှုသတင်းကို နေ့စဉ်တစ်နေ့လျှင် နှစ်ကြိမ်ပေးပို့ရသလို ထူးခြားမှုရှိပါကလည်း မိုင်းရှူးမြို့အနီးရှိ ရှေ့တန်းအမှတ် (၇၇) ခြေမြန်တပ်မဌာနချုပ်သို့ အချိန်နှင့်တစ်ပြေးညီ ပေးပို့ရပါသည်။ သတင်းပေးပို့ခြင်းကို သက်စွန့်ဆံဖျား ဆောင်ရွက်ကြရပါသည်။ ရန်သူက သိရှိပါက အသတ်ခံရသလို တစ်ခါတစ်ရံ သတင်းပေးပို့သည့်ရွာမှာ ရွာလုံးကျွတ် မီးရှို့ခံရသည်များလည်း ရှိပါသည်။

ယခုတင်ပြခဲ့သည်မှာ လက်ရှိ ဖြစ်ပွားနေသော ရခိုင်ပြည်နယ်၊ ဘူးသီးတောင်ဒေသ အရေးကိစ္စနှင့် ဖြစ်စဉ်ချင်း မတူသလို၊ နယ်မြေဒေသ အခြေအနေ၊ သမိုင်းနောက်ခံနှင့် လူဦးရေ အချိုးအစား စသည်မှအစ အစစအရာရာ တူညီခြင်း မရှိပါ။ သို့ရာတွင် “မိမိအရပ်ဒေသသို့ လူစိမ်း၊ သူစိမ်းများ တရားမဝင် ဖြတ်သန်းမှု မပြုနိုင်ရေး၊ ရိုးသားသော ကျေးရွာသူ၊ ကျေးရွာသားများအား လာရောက်၍ စည်းရုံးမှု မပြုနိုင်ရေး၊ အတင်းအဓမ္မ ခြိမ်းခြောက်၍ လူသစ်စုဆောင်းမှု မပြုနိုင်ရေးနှင့် ပစ်ခတ်/ ဖောက်ခွဲရေး စသည့်သင်တန်းများကို မိမိကျေးရွာများ၏အနီးတွင် မပြုလုပ်နိုင်ရေး”စသည့် ရည်ရွယ်ချက်များမှာမူ အတူတူပင် ဖြစ်ပါလိမ့်မည်။

ထို့ကြောင့် အကောင်အထည်ဖော် ဆောင်ရွက်မည့် နည်းလမ်းများ မတူညီကြစေကာမူ နေအိမ်များ ပြန်လည် တည်ဆောက်၍ ကျေးရွာများကို ပြန်လည် ဖွဲ့စည်းရာတွင်မူ အောက်ပါအချက်များကို အထူးသတိပြု၍ အလေးထား ဆောင်ရွက်သင့်သည်ဟူ၍ ထင်မြင်ယူဆမိပါသည်။

- ကျေးရွာများကို ပြန်လည် ဖွဲ့စည်းရာတွင် ကျေးရွာအမည်၊ ကျေးရွာအုပ်စု အမည်များကိုပါ တစ်ပါတည်း ပြောင်းလဲပြီး ရခိုင်သူရဲကောင်း အမည်များကို ပေးသင့်ပါသည်။ (ပြည်ထဲရေး ဝန်ကြီးဌာနမှ လုပ်ထုံးလုပ်နည်းနှင့်အညီ ဆောင်ရွက်ရန် ဖြစ်ပါသည်)။

- ကျေးရွာ၏ တည်နေရာနှင့် အရွယ်အစားကိုပါ တစ်ပါတည်း ပြောင်းလဲဖွဲ့စည်းသင့်ပါသည်။၊

- ကျေးရွာကို ရခိုင်ကျေးရွာ၊ မွတ်ဆလင် ကျေးရွာဟူ၍ ခွဲခြားခေါ်ဆိုခြင်း မပြုသင့်တော့ပါ၊

- လူများစု၊ လူနည်းစုဟူ၍ မဖြစ်စေရန်အတွက် လူဦးရေ အချိုးအစားကို များစွာ ကွာဟမှု မဖြစ်စေရေး ညှိနှိုင်းပြင်ဆင် ဆောင်ရွက်သင့်ပါသည်။၊

- ယခင်ကျေးရွာ တစ်ခုတည်းတွင် အတူတကွ နေထိုင်ခဲ့သူများအား ပြန်လည် နေရာချထားရာတွင် (ဆွေမျိုးရင်းချာများမှလွဲ၍) တစ်ရွာတည်းတွင် အတူတကွ နေရာချထားပေးခြင်း မပြုသင့်တော့ပါ၊

- ကျေးရွာများအား ခြံစည်းရိုး ကာရံ၍ စနစ်ကျနသောလုံခြုံရေး အစီအမံကို စီစဉ်ဆောင်ရွက်ပေးရန် လိုအပ်ပါသည်။

- ကျေးရွာအုပ်ချုပ်ရေးကို အုပ်ချုပ်ရေးမှူး တစ်ဦးတည်း တာဝန်ပေးအပ်မည့်အစား ရပ်မိရပ်ဖများ ပါဝင်ဖွဲ့စည်းစေ၍ တာဝန်ပေးအပ်သင့်ပါသည်။

- ပြီးခဲ့သည့် အကြမ်းဖက်မှုတွင် ပါဝင်ခဲ့သည်ဟု သံသယရှိသူ၊ အကြမ်းဖက် အဖွဲ့အစည်းနှင့် အဆက်အသွယ် ရှိသည်ဟူ၍ သံသယရှိသူများအား ရွာပြင်မထွက်ရဟူသည့် ခြေချုပ်နှင့် ခံဝန်ချုပ်ပြုလုပ်၍ မလိုက်နာသည်နှင့် ချက်ချင်း အရေးယူ ဆောင်ရွက်ရန် လိုအပ်ပါသည်။

- မြို့နယ် တာဝန်ရှိသူများ၊ ဌာနဆိုင်ရာ ပူးပေါင်းအဖွဲ့များက အောက်ခြေနှင့် မကင်းကွာစေဘဲ စဉ်ဆက်မပြတ် ထိတွေ့နေပြီး လုံခြုံရေးအဖွဲ့များက အမြဲမပြတ် လှည့်ကင်းများ ဆောင်ရွက်ပေးရန် လိုအပ်ပါသည်။

- အရေးကြုံပါက ကျေးရွာအချင်းချင်း ဆက်သွယ်ဆောင်ရွက်ရမည့် စနစ်ကို သတ်မှတ်ပေးရန်လိုအပ်ပါသည်။

- သတင်းရရှိရေးသည် အသက်တမျှ အရေးကြီးပါသဖြင့် သတင်းရရှိရေးကို နည်းလမ်းမျိုးစုံဖြင့် ဆောင်ရွက်သင့်ပါသည်။

- နယ်စပ်ခြံစည်းရိုးနှင့် ကျေးရွာများအကြားတွင် အလွယ်တကူ ကူးသန်းသွားလာနိုင်သည့် အခြေအနေမျိုး မဖြစ်စေရန်အတွက် ဖန်တီးထားရန် လိုအပ်ပါသည်။

- မောင်တော၊ ကညင်ချောင်း စီးပွားရေးဇုန်ကို အမြန်ဆုံး ဆက်လက်၍ အကောင်အထည်ဖော် ဆောင်ရွက်သင့်ပါသည်။

ယခုတင်ပြခဲ့သည်တို့မှာ ငွေမကုန် လူမပန်း အခမဲ့ တင်ပြသည့် အကြံပြုချက်များ ဖြစ်ပါသည်။ သို့ရာတွင် ဤအကြံပြုချက်များအနက် တစ်ခုတလေကို အကောင်အထည်ဖော် ဆောင်ရွက်လျှင်ပင် အချိန်နှင့် ငွေကြေး များစွာ ကုန်ကျမည်ကို သိရှိပါသည်။ အခြားနိုင်ငံများက မိမိနိုင်ငံ လုံခြုံရေးအတွက် တိုက်ချင်းပစ် ဒုံးကျည်များ၊ အဏုမြူဗုံးများ ထုတ်လုပ်ရန် ကြိုးစားနေသည့်အချိန်တွင် ကျွန်တော်တို့က မိမိနယ်စပ်ဒေသ လုံခြုံရေးအတွက် ကျေးရွာများ ပြင်ဆင်ဖွဲ့စည်းရန်နှင့် ခြံစည်းရိုး ခတ်ဖို့တော့ ကြိုးစားသင့်သည်ဟု ထင်မြင်ယူဆပါသည်။

အကြံဆိုသည်မှာ မိမိက လွတ်လပ်စွာ ပေးနိုင်ခွင့်ရှိသလို တစ်ဖက် လူအနေနှင့်လည်း မိမိပေးသော အကြံကို ယူချင်မှယူမည်၊ အသုံးချချင်မှလည်း ချမည်ဖြစ်ပါသည်။ ကမ္ဘာကျော်ပုဂ္ဂိုလ်ဖြစ်သည့် ကိုဖီအာနန်လို ပုဂ္ဂိုလ်မျိုး ဦးဆောင်သည့် အကြံပေးအဖွဲ့က ပေးသည့်အကြံကိုပင် မြန်မာနိုင်ငံ အစိုးရအနေနှင့် အကုန်လုံးကို လိုက်နာ အကောင်အထည် ဖော်ချင်မှ ဖော်မည်၊ တစ်စိတ်တစ်ပိုင်းကို သို့မဟုတ် အကောင်အထည် ဖော်သင့်သည့်အပိုင်းကို ဆောင်ရွက်မည် ဟူ၍ဆိုထားသည် မဟုတ်ပါလား။

မည်သို့ပင်ဖြစ်စေ နိုင်ငံသားတစ်ဦး အနေနှင့်သော်လည်းကောင်း အုပ်ချုပ်ရေးဝန်ထမ်း တစ်ဦးအနေနှင့် နယ်စပ်ဒေသတွင် တာဝန်ထမ်းဆောင်ခဲ့သည့် အတွေ့အကြုံအရသော်လည်းကောင်း၊ နိုင်ငံ၏အရေးပါသော အနောက်တံခါး လုံခြုံရေးနှင့် အချုပ်အခြာ အာဏာတည်တံ့ခိုင်မြဲရေးအတွက် သဲတစ်ပွင့်မျှ ပါဝင်ခွင့်ရသည်ဆိုလျှင်ပင် ပြည်သူ့ဝန်ထမ်းအဖြစ် တာဝန်ထမ်းဆောင်ခဲ့ရကျိုးနပ်မည်ဟု ထင်မြင်ယူဆမိပါသည်။

သိန်းထက်အောင်



FOLLOW US