News

POST TAGGED AS

ရခိုင်အရေး

23-Jul-2018

ရခိုင်အရေး
ရခိုင်အရေးကိစ္စအတွက် လုံခြုံရေးကောင်စီ တံခါးပိတ်ဆွေးနွေး
ကုလသမဂ္ဂ၊ ဇူလိုင် ၂၃ 

မြန်မာနိုင်ငံ ရခိုင်ပြည်နယ်မှ ဘင်္ဂါလီဒုက္ခသည်များ အရေးကိစ္စနှင့်ပတ်သက်၍ ကုလသမဂ္ဂ လုံခြုံရေးကောင်စီ တံခါးပိတ် ဆွေးနွေးပွဲတစ်ရပ်ကို တနင်္လာနေ့ ညနေပိုင်းတွင် ကျင်းပပြုလုပ်မည်ဖြစ်ကြောင်း Daily Star သတင်းစာက ရေးသားဖော်ပြသည်။

ဘင်္ဂလားဒေ့ရ်ှနိုင်ငံ မြို့တော်ဒါကာနှင့် နယူးယောက်မြို့ အခြေစိုက် သံတမန် အသိုင်းအဝိုင်းမှ သတင်းရင်းမြစ်များ၏ အဆိုအရ UNSC ၏ လက်ရှိ ဥက္ကဋ္ဌ အဖြစ် တာဝန်ယူထားသော ဆွီဒင်နိုင်ငံက ရခိုင်ပြည်နယ် အရေးကိစ္စနှင့်ပတ်သက်၍ ဆွေးနွေးပွဲတစ်ရပ်ကျင်းပရန် အဆိုပြုခဲ့ခြင်းဖြစ်သည်။

ပြီးခဲ့သည့် ဧပြီ လကုန်ပိုင်းအတွင်း မြန်မာနှင့် ဘင်္ဂလားဒေ့ရ်ှနိုင်ငံသို့ UNSC ကိုယ်စားလှယ်အဖွဲ့ သွားရောက်ခဲ့သည့်နောက်ပိုင်း တိုးတက်ဖြစ်ထွန်းမှုများ၊ ရိုဟင်ဂျာ (ဘင်္ဂါလီ) ဒုက္ခသည်များ နေရပ်ပြန်ရေး၊ ပြန်လည်ထူထောင်ရေး စသည်တို့အတွက် ပြင်ဆင်ထားမှုများနှင့် ပတ်သက်၍ ဆွေးနွေးကြမည်ဖြစ်သည်။

ပြီးခဲ့သည့် မေလ ၁ ရက်နေ့ မြန်မာ နိုင်ငံသို့ လာရောက်လည်ပတ်ခဲ့စဉ်က UNSC မှ သံအမတ်ကြီးများက လူအစုလိုက် အပြုံလိုက် သတ်ဖြတ်ခံရမှု၊ မုဒိမ်းပြုကျင့်မှု၊ ညှဉ်းပန်းနှိပ်စက်မှု၊ ရွာမီးရှို့မှု၊ လူ့အခွင့်အရေး ချိုးဖောက်မှု၊ အမျိုးသမီးများနှင့် ကလေးငယ်များကို ဖိနှိပ်မှု စသည်တို့ကို စုံစမ်းဖော်ထုတ်ရန် မြန်မာအာဏာပိုင်များကို ပြောဆိုခဲ့ကြသည်။

UNSC ၏ အဆိုအရ ယခုနောက်ဆုံး မြန်မာ့အရေးကိစ္စဆိုင်ရာ တံခါးပိတ် ဆွေးနွေးပွဲကို တနင်္လာနေ့ မွန်းလွဲ ၃ နာရီ (နယူးယောက်စံတော်ချိန်) တွင် ကျင်းပပြုလုပ်မည်ဖြစ်သည်။

ယင်းဆွေးနွေးပွဲတွင် ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးသံတမန် ခရစ္စတင်းရှာရန် နာဘာဂနာက ဇူလိုင်လ ၁၄ မှ ၁၆ ရက်အတွင်း ဘင်္ဂလားဒေ့ရ်ှနိုင်ငံသို့ သွားရောက်ခဲ့သည့် ခရီးစဉ်နှင့် ဇွန်လအတွင်း မြန်မာနိုင်ငံသို့ သွားရောက်ခဲ့သည့် ခရီးစဉ်တို့နှင့်ပတ်သက်၍ အကျဉ်းချုံးပြောဆိုမည်ဖြစ်သည်။

F-01



FOLLOW US