News

POST TAGGED AS

ရခိုင်အရေး

လော်ဘီပြဿနာ (Daily, Vol-6/No-22)
၂၀၁၀ ပြည့်နှစ်နောက်ပိုင်း မိုဘိုင်းလ် တယ်လီဖုန်း ဆင်းမ်ကတ်များ အများပြည်သူသို့ ကျယ်ပြန့်စွာ ရောင်းချပေးခဲ့ခြင်းနှင့် အင်တာနက် လွယ်ကူစွာ သုံးစွဲလာနိုင်ခြင်းတို့ကြောင့် အွန်လိုင်း လူမှုကွန်ရက် သုံးစွဲသူ အရေအတွက် အထူး များပြားလာပြီးနောက် မြန်မာလူ့အဖွဲ့အစည်းတွင် အပြောင်းအလဲ များစွာ ဖြစ်ပေါ်လာခဲ့သည်။ 

အပြောင်းအလဲများစွာအနက် အထင်ရှားဆုံးနှင့် အကျိုးအပြစ် အများဆုံးမှာ အွန်လိုင်း လူမှုကွန်ရက် စံချိန်တင် သုံးစွဲလာခြင်းဖြစ်သည်။

အထူးသဖြင့် နိုင်ငံသားတို့၏ နိုင်ငံရေး ခံယူချက် သဘောထားအပေါ် မူတည်ကာ ကွဲပြားသွားသည့် အုပ်စုများအကြား အပြန်အလှန် စွပ်စွဲ၊ တိုက်ခိုက် ပြစ်တင်၊ ဆဲဆိုမှုများက အသိသာဆုံးဟု ဆိုနိုင်သည်။ ယင်းနှင့် ချိတ်ဆက်နေသည်မှာ အစွန်းရောက် ဘာသာရေး၊ လူမျိုးရေး ခွဲခြား၊ လှုံ့ဆော်၊ ဘေးတီး၊ ရန်စမှုများ ဖြစ်သည်။ 

မြန်မာ့နိုင်ငံရေးတွင် ဖြတ်သန်းလာခဲ့သော သမိုင်းကြောင်းအရ အာဏာရှင်စနစ်ကို မုန်းတီးသူများနှင့် အာဏာကို ဖက်တွယ်ထားလိုသူများ သို့မဟုတ် အကျိုးစီးပွား ကာကွယ်လိုသူများအကြား တင်းမာမှုက အခြား ပြဿနာများကို ဆင့်ပွား ဖန်တီးပေးခဲ့သည်။

အထူးသဖြင့် ၂၀၁၀ ရွေးကောက်ပွဲအပြီး နောက်ပိုင်း အာဏာရှင် လော်ဘီ သို့မဟုတ် စစ်ဝါဒလော်ဘီများနှင့် ဒီမိုကရေစီလော်ဘီ သို့မဟုတ် လူထုဆန္ဒကို အလေးထားသော ဒီမိုလော်ဘီ အုပ်စုနှစ်စုအကြား အွန်လိုင်း တိုက်ပွဲများ တဖြည်းဖြည်း ပြင်းထန်လာခဲ့သည်။

ပုံမှန်အားဖြင့် လော်ဘီဆိုသော အသုံးအနှုန်းမှာ နိုင်ငံရေးလောကတွင် မိမိတို့ လိုလား၊ ယုံကြည်၊ ထောက်ခံသော ပါတီ သို့မဟုတ်၊ ဝါဒ သို့မဟုတ် အင်အားစုတစ်ခုဘက်မှ ရပ်တည်ကာ အမွှန်းတင်၊ ဂုဏ်ဖော်၊ အရောင်ဖွင့်ပေးခြင်းကို ကိုယ်စားပြု သုံးနှုန်းကြသည်။ 

မြန်မာ့နိုင်ငံရေးတွင်လည်း အကြမ်းအားဖြင့် စစ်လော်ဘီနှင့် ဒီမိုလော်ဘီဟု အုပ်စုနှစ်စုတွေ့ မြင်ရသည်။ အွန်လိုင်း လူမှုကွန်ရက်တွင်လည်း ထိုနှစ်အုပ်စုအကြား တိုက်ခိုက်မှုများက အပြင်းထန်ဆုံး ဖြစ်သည်။
 
စစ်လော်ဘီအုပ်စုတွင် နည်းပညာပိုင်းဆိုင်ရာ စနစ်တကျ လေ့ကျင့် သင်တန်းပေးကာ အယူအဆ၊ အတွေးအခေါ်ပိုင်းဆိုင်ရာ ရိုက်ထည့်ပုံသွင်းထားသူများ၊ ကိုယ်ကျိုးစီးပွား၊ လုပ်ပိုင်ခွင့် ကာကွယ်လိုမှု၊ လောဘတို့ဖြင့် အလိုတူ အလိုပါ ဖြစ်နေသူများနှင့် သွေးရိုးသားရိုး အမျိုးသားရေး၊ ဘာသာရေး ပြင်းထန်စွာ တံခွန်ထူ ယုံကြည်သူများ ပါဝင်သည်။

ဒီမိုအုပ်စုတွင်မူ ယခင်အာဏာရှင် အဆက်ဆက်၏ ဖိနှိပ်ရက်စက်ခွဲခြားမှုကို ခါးခါးသီးသီး ခံစားလာခဲ့သူ အများစု၊ နိုင်ငံရေး ခံယူချက် ပြင်းထန်သူများနှင့် ပုဂ္ဂိုလ်ရေး မုန်းတီး၊ ချစ်ခင်စိတ်ရှေ့ဆောင်သူများ ပါဝင်သည်။

အဆိုပါ အုပ်စုနှစ်စုအကြား ကွာခြားချက်မှာ စစ်လော်ဘီ အုပ်စုမှာ စနစ်တကျ ဗျူဟာချ၊ အကွက်ချ ထောက်ပံ့မှုများဖြင့် အုပ်စုဖွဲ့ ဆောင်ရွက်တတ်ပြီး ဒီမိုအုပ်စုမှာ မိမိဘာသာ စေတနာ့ဝန်ထမ်း လုပ်ကိုင်ရင်း ရပ်တည်ချက်၊ ရည်ရွယ်ချက်တူသူ အချင်းချင်း စုစည်းမိသွားခြင်းတို့ဖြစ်ကြသည်။

သို့သော် အဆိုပါ အုပ်စုနှစ်စုစလုံး သတိမထားမိသည့်အချက်မှာ ၎င်းတို့၏ အသိဉာဏ်ပညာ၊ ဆင်ခြင်တုံတရား၊ သဘောတရား နိမ့်ပါးသိမ်ဖျင်းမှု၊ ရင့်ကျက် သဘောထားကြီးမှု အားနည်းချက်တို့ကြောင့် ယင်းတို့နှစ်ဖက်အကြား ပုတ်ခတ်၊ ဆဲဆို၊ စွပ်စွဲ၊ ရိုင်းပျမှုများက မိမိတို့ကိုယ်စားပြုထားသည့် အင်စတီကျူးရှင်းများကို သိက္ခာချ၊ အရှက်ရနေသော အချက်ဖြစ်သည်။

အကျိုးဆက်မှာ နှစ်ဖက်အကြား အနိုင်ရရှိရေးသက်သက် အလွန်အကျွံ မြှောက်ပင့်၊ ချီးပ၊ နှိမ်ချ၊ ကန်ကျောက်နေကြခြင်းကြောင့် အစွန်းရောက်သော အမုန်းစကားများ တွင်ကျယ်ကာ မြန်မာ့လူ့အဖွဲ့အစည်း တစ်ခုလုံး၏ ပုံရိပ်ကိုပါ ဆိုးရွားစွာ ထိခိုက်သွားခြင်းဖြစ်သည်။

ပြောရလျှင် နောက်ကွယ်တွင် အာဏာရလိုမှု၊ အကျိုးစီးပွား ကာကွယ်မှု၊ အလွန်အကျွံ ပုဂ္ဂိုလ်ရေး မုန်းတီး၊ ချစ်ခင်မှုများ ရောယှက်နေသည့်အတွက် အဓိက ခေါင်းဆောင်နှစ်ဦး သို့မဟုတ် အင်စတီကျူးရှင်း နှစ်ခုက ထိုအုပ်စု နှစ်စုကို တရားဝင် မဟုတ်သော်လည်း သွယ်ဝိုက် အသိအမှတ်ပြု ထောက်ခံနေပါက မြန်မာ့လူ့အဖွဲ့အစည်း၏ ကျဆင်းနေသောပုံရိပ်ကို ပြန်လည် ဆယ်မ ကယ်တင်ရန် များစွာ ခက်ခဲနေဦးမည်ဖြစ်ကြောင်း သတိပေး ထောက်ပြလိုရင်း ဖြစ်သည်။ 

အယ်ဒီတာ (၆-၅-၂၀၁၈)



FOLLOW US