News

POST TAGGED AS

ရခိုင်အရေး

မောင်တော အကြမ်းဖက်မှု ပြည်မသို့ ကူးစက်မလာစေရေး
ယနေ့မြန်မာနိုင်ငံတစ်ခုလုံးမှ ပြည်သူများ လှုပ်လှုပ်ရှားရှား ဖြစ်လောက်အောင် နဖူးတွေ့ ဒူးတွေ့ ကြုံတွေ့နေရသည့် မောင်တောဒေသ အကြမ်းဖက်ခံရမှု ပြဿနာသည် စင်စစ်အားဖြင့် တိုင်းရင်းသား သွေးချင်းညီနောင်များနှင့် ၁၀ စုနှစ်ပေါင်း များစွာ ဖြစ်ပွားနေခဲ့သော ပြဿနာကဲ့သို့ မရိုးစင်းလှပါ။ ကုလသမဂ္ဂ အပါအဝင် နိုင်ငံတကာနှင့် ထဲထဲဝင်ဝင် ပတ်သက်နေသည့် အရှုပ်ထွေးဆုံး ပြဿနာတစ်ခု ဖြစ်သည့်အပြင် နောင် မြန်မာနိုင်ငံအနာဂတ်၌ မည်သည့် အစိုးရတက်လာလာ ခေါင်းခဲစရာဖြစ်နေမည့် ရေရှည်ပြဿနာတစ်ခုလည်း ဖြစ်သည်။

အပြုသဘောဆောင်သည့် တိုးတက်မှုတစ်ခုအနေနှင့် အမေရိကန်၊ ဗြိတိန်၊ တူရကီ၊ ဩစတြေးလျ စသည့်နိုင်ငံများအနေနှင့် မြန်မာအစိုးရ တပ်ဖွဲ့ဝင်များ၊ အပြစ်မဲ့ မြန်မာတိုင်းရင်းသားများ တိုက်ခိုက်သတ်ဖြတ်ခံရမှုအပေါ် စာနာနားလည်ကြောင်း၊ လက်နက်ကိုင် အကြမ်းဖက် တိုက်ခိုက်မှုများအား ပြစ်တင်ရှုတ်ချကြောင်း သက်ဆိုင်ရာသံရုံးများမှ ကြေညာချက်များ အသီးသီး ထုတ်ပြန်ကာ မြန်မာပြည်သူများနှင့် တစ်သားတည်းဖြစ်ကြောင်း ဖော်ပြခဲ့ကြခြင်းဖြစ်သည်။ နိုင်ငံတကာ လူ့အခွင့်အရေး အဖွဲ့အစည်းများအနေနှင့်မူ မည်သည့် အခြေအနေတွင်မဆို မြန်မာအစိုးရနှင့် တပ်မတော်အပေါ် ဆက်လက်ပြီး တစ်ဖက်သတ် ဖိအားပေးနေဦးမည့် သဘောထားနှင့် လုပ်ငန်းစဉ်များ ရှိခြင်းကြောင့် အဆိုပါ နိုင်ငံတကာ လူ့အခွင့်အရေးအဖွဲ့များနှင့် မြန်မာအစိုးရတို့အကြား ဆက်ဆံရေးမှာ ပို၍ ဆိုးရွားလာစရာသာရှိသည်။

တစ်နည်းအားဖြင့်ဆိုရသော် မောင်တော ပြဿနာသည် သမားရိုးကျ ပြည်တွင်းရေး ပြဿနာတစ်ခု မဟုတ်ဘဲ နောက်ကွယ်၌ လက်မည်းကြီးများ များစွာရှိနေခြင်းဖြစ်သည်။

အရေးကြီးဆုံး အချက်တစ်ခုမှာ မောင်တော အကြမ်းဖက်မှုသည် မောင်တော၌သာ ဆက်လက် ဖြစ်ပွားနေဦးမည်ဟု တထစ်ချ မပြောနိုင်ပေ။ ပြည်မသို့ပါ တစ်နည်းနည်းဖြင့် ထိုးဖောက် စိမ့်ဝင်လာနိုင်သည်ကိုလည်း မဖြစ်မနေ ထည့်ထွက်ထားရန် လိုသည်။ အမေရိကန်ကဲ့သို့ လုံခြုံရေးစနစ် အထူးကောင်းမွန်သော နိုင်ငံများပင် အကြမ်းဖက်မှုများအား နိုင်ငံ၏ ထိပ်တန်းဦးစားပေး လုပ်ငန်းကြီး တစ်ရပ်အဖြစ် အမြဲတပ်လှန့် သတိပြုကာကွယ်နေသည့်ကြားမှ ကြုံတွေ့နေရပေသည်။

ထိုသို့ဖြစ်ရပ်များ မျှော်လင့်မထားသည့်အချိန်၌ မမျှော်လင့်အပ်သော ပြည်မတစ်နေရာရာ၌ ကြုံတွေ့လာရပါက ပြည်သူအများစုအနေနှင့် မလုံခြုံတော့သော အခြေအနေအောက်မှ မတည်ငြိမ်မှု အခြေအနေသို့ ရုတ်ခြည်း ကူးပြောင်းသွားနိုင်သဖြင့် နိုင်ငံ၏ တည်ဆောက်စ ဒီမိုကရေစီ လုပ်ငန်းစဉ် ထိခိုက်ပျက်ယွင်းပြီး၊ အနာဂတ် လှပသာယာနိုင်တော့မည် မဟုတ်ပေ။

ထို့ကြောင့် မောင်တောဒေသ၌ အကြမ်းဖက်မှု ကာကွယ်ရေး၊ ဒေသခံများ ဘေးကင်း လုံခြုံရေးတို့အား အစိုးရနှင့် တပ်မတော်တို့ ပူးတွဲ လုပ်ဆောင်နေသကဲ့သို့ ပြည်မ၌လည်း တစ်ချိန်တည်း တစ်ပြိုင်တည်း အလေးထား လုပ်ဆောင်စရာအချို့ ရှိနေပါသည်။ ယင်းလုပ်ငန်းများ၌ ပြည်မနေ မွတ်ဆလင်များ၏ ပူးပေါင်းဆောင်ရွက်မှု အထူး အရေးတကြီး လိုအပ်သည်။

ယင်းလုပ်ငန်းအချို့မှာ-

၁။ ပြည်မနေ အစ္စလာမ် ဘာသာဝင်များနှင့် ဗုဒ္ဓဘာသာဝင်များအကြား နားလည်ချစ်ကြည်မှု ပိုအားကောင်းနေစေရေး၊

၂။ သံသယရှိစရာ နိုင်ငံခြားသားများအား ဗီဇာထုတ်ပေးခြင်းမှသည် ပြည်တွင်း ဝင်ရောက် လှုပ်ရှားမှုများအထိ သတိထား စောင့်ကြည့်ရေး၊

၃။ နိုင်ငံတော် ဗဟိုဘဏ်၊ ပုဂ္ဂလိကဘဏ်များ၏ ပူးပေါင်းဆောင်ရွက်မှုဖြင့် သံသယရှိစရာ ငွေလွှဲပြောင်းမှုများအား စောင့်ကြည့်ရေး။ အထူးသဖြင့် နိုင်ငံခြားမှ ဒေါ်လာ ၃၀ဝ၀ ခန့်နှင့်အထက် ညီမျှသော ငွေလွှဲများအား အထူး စိစစ်သတင်းပို့ရေး၊

၎။ နိုင်ငံသားများအကြား အကြမ်းဖက်မှုနှင့် ပတ်သက်သည့် အသိပညာပေး လုပ်ငန်းများ စဉ်ဆက်မပြတ် ပြုလုပ်ရန်။ ဥပမာ - မသင်္ကာစရာ ပိုင်ရှင်မဲ့ ကျောပိုးအိတ်ကဲ့သို့ ပစ္စည်းများအား ဘတ်စ်ကားများ၊ လူစုလူဝေး နေရာများတွင် တွေ့ရှိပါက သက်ဆိုင်ရာသို့ ချက်ချင်းအကြောင်းကြားရန်၊

၅။ ပြည်မ၌ ငွေသိန်းပေါင်း သောင်းနဲ့ချီ ကုန်ကျသည့် ဗိုလ်ချုပ်ကြေးရုပ်များ ထွင်းထုတည်ဆောက်ရေး၊ ဒီမိုကရေစီပွဲတော်၊ ငြိမ်းချမ်းရေး ပွဲတော်ကဲ့သို့ လုပ်ငန်းများအား ခေတ္တ ဆိုင်းငံ့ရပ်တန့်ကာ အရေးပေါ် ရန်ပုံငွေ၊ အလှူငွေများဖြင့် ဘင်္ဂလားဒေ့ရ်ှနယ်စပ်ရှိ ခြံစည်းရိုးအား အပြည့်အဝ လုံခြုံစွာ အပြီးသတ်ခတ်ရေး၊

၆။ နှစ်နိုင်ငံနယ်စပ်ရှိ ဝန်ထမ်းများအား အထူး လစာခံစားခွင့်များ တိုးမြှင့်၍ လာဘ်ပေး လာဘ်ယူမှုနှင့် အကျင့်ပျက် ခြစားမှုများအား ပြင်းပြင်းထန်ထန် အရေးယူ ဆောင်ရွက်ရေး၊

၇။ နိုင်ငံတော် အတိုင်ပင်ခံရုံး၊ တပ်မတော်တို့မှ ကြေညာချက်များ ထုတ်ပြန်ပေးနေသော်လည်း မေးခွန်းများ ထုတ်ခွင့်ရှိသည့် သတင်းစာ ရှင်းလင်းပွဲများ ကျင်းပပေးခြင်းနှင့်အတူ သတင်းထောက်များအား လုံခြုံစွာ၊ လွတ်လပ်စွာ ကွင်းဆင်း သတင်းရယူနိုင်ရန် စီစဉ်ပေးရေး၊

အဆိုပါလုပ်ငန်းစဉ် ၇ ရပ်မှာ အခြားနိုင်ငံများတွင် ဆောင်ရွက်လေ့ရှိသည့် လုပ်ငန်းစဉ်အချို့မှ မြန်မာနိုင်ငံ၏ လိုအပ်ချက်နှင့် ကိုက်ညီမည်ဟု ယူဆမိသော အချက်များဖြစ်ပြီး၊ ယာယီရေတိုချမှတ် လုပ်ဆောင်သင့်သည့် လုပ်ငန်းစဉ်အချို့သာ ဖြစ်သည်။ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့အတွက် ရေရှည်ဆောင်ရွက်ရမည့် အသေးစိတ် လုပ်ငန်းစဉ်များမှာမူ အစိုးရလက်ထဲ၌ အဆင်သင့် ရှိထားပြီး ဖြစ်လိမ့်မည်ဟု ယုံကြည်ပါသည်။

မောင်တောဒေသ အေးချမ်းရေးမှသည် မြန်မာတစ်နိုင်ငံလုံး အေးချမ်းရေးဆီသို့ နိုင်ငံသားအားလုံး၌ တာဝန်ရှိပါသည်။

ကျော်ကျော်အောင်



FOLLOW US