News

POST TAGGED AS

ရခိုင်အရေး

အကြမ်းဖက်မှုတိုက်ဖျက်ရေးနှင့် ကိုဖီအာနန်ကော်မရှင်၏ အခန်းကဏ္ဍ
ယခုရက်ပိုင်း ကျင်းပသည့် လွှတ်တော် အစည်းအဝေးများနှင့် ပြင်ပ နိုင်ငံရေး ပါတီများအကြား အသံများ ကျယ်ကျယ်လောင်လောင် ထွက်ပေါ်လာနေသည့် ကိစ္စတစ်ခုမှာ အကြမ်းဖက်သမားများကို  ဥပဒေအရ ချေမှုန်းရေးကိစ္စပင် ဖြစ်သည်။ ထိုကိစ္စနှင့်ပတ်သက်ပြီး ဩဂုတ် ၁၈ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ရခိုင်ပြည်နယ် မဲဆန္ဒနယ် အမှတ် (၃) မှ ဦးခင်မောင်လတ်က “မောင်တော၊ ဘူးသီးတောင်နှင့် ရသေ့တောင်မြို့နယ်များတွင် လှုပ်ရှားနေသော အကြမ်းဖက် အဖွဲ့ဝင်များကို ဖော်ထုတ်ပြီး အကြမ်းဖက် တိုက်ဖျက်ရေး ဥပဒေအရ အရေးယူပေးရန်နှင့် ယင်းတို့၏ ခြိမ်းခြောက်မှုကြောင့် လောလောဆယ် နေရပ်စွန့်ခွာ ထွက်ပြေးလာသော တိုင်းရင်းသားများ၏ ကျေးရွာများ ဆက်လက် ရပ်တည်နိုင်ရေးအတွက် အရေးတယူ ဆောင်ရွက်ပေးရန်အဆို”ကို တင်သွင်းခဲ့သည်ကို တွေ့ရသည်။ နောက်တစ်ခုမှာ ဩဂုတ်လ ၁၄ ရက်နေ့က နိုင်ငံရေးပါတီ ၂၀ ကလည်း ပူးတွဲ သဘောထား ထုတ်ပြန်ချက် တစ်ရပ်ကို ထုတ်ပြန်ခဲ့သေးသည်ကိုလည်း တွေ့ရသည်။ ၎င်းတို့ ထုတ်ပြန်သည့် ကြေညာချက်၏ အဓိက လိုရင်းမှာ ရိုဟင်ဂျာအမည်ဖြင့် တိုင်းရင်းသား မရှိကြောင်း ကမ္ဘာသိ ထုတ်ပြန်ပေးရေး၊ ထိရောက်လုံလောက်သော ဒေသလုံခြုံရေးစနစ် အမြန်ဆောင်ရွက်ပေးရေး၊ လုံခြုံရေးအဖွဲ့များအား ဥပဒေအရ အကာအကွယ် ပေးနိုင်ရေးနှင့် အကြမ်းဖက် ကျူးလွန်ခဲ့သူများနှင့် အဖွဲ့အစည်းများအား အကြမ်းဖက်မှု တိုက်ဖျက်ရေး ဥပဒေနှင့်အညီ ထိရောက်ပြင်းထန်စွာ အရေးယူရေးတို့ပင် ဖြစ်သည်ကို တွေ့ရသည်။

ထိုအခြေအနေများနှင့် တိုက်ဆိုင်စွာပင် ယခုရက်ပိုင်း ကြားနေရသည့် သတင်းတစ်ခုကလည်း ရှိနေသေးသည်။ ၎င်းမှာ ၂၀၁၆ ခုနှစ် ဩဂုတ်လ၂၄ ရက်နေ့တွင် အဖွဲ့ဝင်ကိုးဦးဖြင့် ဖွဲ့စည်းခဲ့သည့် ရခိုင်ပြည်နယ်ဆိုင်ရာ အကြံပေးကော်မရှင်၏ နောက်ဆုံး အကြံပြုချက် အစီရင်ခံစာကို ယခုလာမည့် ဩဂုတ်လ နောက်ဆုံးပတ်အတွင်း အစိုးရနှင့် တပ်မတော်ထံ တင်သွင်းပေးပို့တော့မည် ဆိုသည့်သတင်းပင် ဖြစ်သည်။

ရခိုင်ပြည်နယ်အရေးနှင့်ပတ်သက်၍ အစိုးရနှင့်တပ်မတော်တို့၏ ကနဦး ဆောင်ရွက်ချက်များ

ထိုအကြမ်းဖက်မှု တိုက်ဖျက်ရေးကိစ္စနှင့်ပတ်သက်ပြီး ထိုအခြေအနေများမတိုင်မီ အစိုးရဘက်မှ ကနဦး ဆောင်ရွက်ခဲ့သည့် အခြေအနေများကို လေ့လာကြည့်ရာတွင် ဩဂုတ်လ ၈ နိုင်ငံတော် သမ္မတရုံးတွင် အစည်းအဝေးတစ်ခု စတင် ကျင်းပခဲ့ပြီး ထိုအစည်းအဝေးတွင် ရခိုင်ပြည်နယ်အတွင်း အကြမ်းဖက်အဖွဲ့ လှုပ်ရှားမှုများအား ထိန်းချုပ်နိုင်မှု အခြေအနေများနှင့်ပတ်သက်၍ ရှင်းလင်းဆွေးနွေးခြင်း၊ ထိုနေ့ နေ့လယ်ပိုင်းတွင်လည်း ANP ပါတီဝင်များကို တပ်မတော် ကာကွယ်ရေးဦးစီးချုပ်က လက်ခံတွေ့ဆုံပြီး ရခိုင်ဒေသ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့အတွက် ပိုမိုပူးပေါင်း လုပ်ဆောင်နိုင်ရေး ကိစ္စရပ်များအား အပြန်အလှန် ဆွေးနွေးခဲ့ကြခြင်း၊ ဩဂုတ်လ ၉ ရက်နေ့မှစတင်ကာ မောင်တောခရိုင်နှင့် ရသေ့တောင်မြို့နယ် ကျေးရွာအုပ်စု ၁၁ အုပ်စုတို့အား ပုဒ်မ ၁၄၄ နှစ်လတိုးမြှင့်ထားကာ တပ်မတော်မှ အင်အားများလည်း တိုးချဲ့ပြီး နယ်မြေရှင်းလင်းရေးများ ဆောင်ရွက်ခဲ့ခြင်း၊ နိုင်ငံတော် အတိုင်ပင်ခံရုံးဝန်ကြီးဌာနက ဩဂုတ်လ ၁၁ ရက်နေ့တွင် မောင်တောဒေသ တည်ငြိမ်အေးချမ်းရေးဆိုင်ရာ သတင်းထုတ်ပြန်ချက် တစ်ရပ်ကို ထုတ်ပြန်ခဲ့ခြင်းတို့ကို တွေ့ရသည်။

ဒေသခံပြည်သူလူထုတို့၏ ဆန္ဒထုတ်ဖော် တုံ့ပြန်ချက်များ

ဒေသခံလူထုအနေနှင့်မူ ဩဂုတ်လ ၁၃ ရက်နေ့တွင် မောင်တောဒေသတွင် လူ ၃၀ဝ၀ ကျော်၊ ရသေ့တောင်တွင် လူ ၁၀ဝ၀ ခန့်နှင့် စစ်တွေတွင် လူ ၅၀ဝ၀ နှင့် တစ်သောင်းကြားခန့်အပြင် အခြား ရခိုင်ပြည်နယ်ရှိ ကျန်မြို့များ အသီးသီးတွင်လည်း ဆန္ဒထုတ်ဖော်ခဲ့ကြခြင်းနှင့် ထိုရက်တွင်ပင် ပြည်ထောင်စုဝန်ကြီး လေးဦးတို့ မောင်တောမြို့သို့ ရောက်ရှိလာခဲ့ခြင်းများ စသည့်သတင်းများကို တွေ့မြင်ခဲ့ရမည်ဖြစ်သည်။

လွှတ်တော်အတွင်းမှ အစိုးရအပေါ် ထောက်ပြဆွေးနွေး တင်ပြချက်များ

တစ်ဖန် ဩဂုတ်လ ၁၈ ရက်နေ့ အမျိုးသား လွှတ်တော်အတွင်းတွင် တင်သွင်းခဲ့သည့်အဆိုနှင့်ပတ်သက်၍ လွှတ်တော်ကိုယ်စားလှယ် ငါးဦးတို့က ထောက်ပြကြရာတွင် “ရခိုင်ပြည်နယ်တွင် အကြမ်းဖက်လုပ်ရပ်များသည် ကမ္ဘာ့အကြမ်းဖက်အဖွဲ့များ၏ ကွန်ရက်များနှင့် ချိတ်ဆက် လုပ်ဆောင်နေသည့် အနေအထား တွေ့ရှိနေရပြီး နိုင်ငံတော်အတွက် အန္တရာယ်ဆိုးများ အချိန်မရွေး ကျရောက်လာနိုင်သည့်အတွက် အစိုးရအနေနှင့် အချိန်မဆိုင်းဘဲ ရဲဝံ့ပြတ်သားစွာ ကိုင်တွယ်ဖြေရှင်းရန် လိုအပ်နေကြောင်းနှင့် အချိန်နဲ့တစ်ပြေးညီ မြန်မြန်ဆန်ဆန် လုပ်ဆောင်ရမယ့် အခြေအနေဖြစ်ကြောင်း၊ ရခိုင်တိုင်းရင်းသား ကျေးရွာတွေက လူနည်းစုဒေသခံ ပြည်သူတွေကို စိတ်ပိုင်းဆိုင်ရာ၊ ရုပ်ပိုင်းဆိုင်ရာ လုံခြုံမှုကို မပေးနိုင်ပါက ရွာလုံးကျွတ် ပြောင်းရွှေ့နေထိုင်မှုတွေ ဖြစ်လာနိုင်ကြောင်း”ထောက်ပြခဲ့ကြသည်။

ပြည်ပက ခြေထိုးမှုများအတွက် လွှတ်တော်တွင်း ဆွေးနွေးချက်များ

ထို့အပြင် ပြည်ပမှ သွေးထိုးမြှောက်ပင့် ကူညီထောက်ပံ့မှုများနှင့် ပတ်သက်ပြီး ဆွေးနွေးကြရာတွင် “လက်ရှိအချိန်တွင် ၎င်းတို့သည် ဘင်္ဂါလီဟုလည်းမပြော၊ မူဂျာဟစ်ဟုလည်းမဆိုဘဲ ရိုဟင်ဂျာဟု အမည်သစ်ထွင်ကာ ဓနအင်အားကြွယ်ဝသည့် မွတ်ဆလင်နိုင်ငံအချို့မှ ငွေကြေးလက်နက် ပစ္စည်းများ ထောက်ပံ့ပေးကာ နောက်ကွယ်မှနေပြီး သွေးထိုးမြှောက်ပင့်နေကြကြောင်း၊ မီဒီယာလောကတွင်လည်း ဓနအင်အားကြွယ်ဝသည့် နိုင်ငံများမှ ချုပ်ကိုင်ထားပြီး ဖြစ်နေသဖြင့် မြန်မာနိုင်ငံ၏ ဂုဏ်သတင်းများသည် မကောင်းဘဲဖြစ်နေရကြောင်း၊ အကြမ်းဖက်အဖွဲ့များ လှုပ်ရှားနိုင်ရန် အကူအညီ အထောက်အပံ့နှင့် ငွေကြေးထောက်ပံ့ပေးနေမှုများသည်လည်း အထောက်အကူ ဖြစ်နေကြောင်း၊ မြန်မာနိုင်ငံမှ ပြည်ပ ရောက်နေသည့် ဘင်္ဂါလီများသည် ၎င်းတို့နိုင်ငံမှတစ်ဆင့် လှုံ့ဆော်စည်းရုံးခြင်း၊ ဝါဒဖြန့်ခြင်း၊ OIC နိုင်ငံများသည် UN အဖွဲ့ကို ခုတုံးလုပ်ကာ ပြည်တွင်းရေးကို ဝင်ရောက် စွက်ဖက်ခြင်း၊ ရခိုင်ပြည်နယ်အတွင်း UN အဖွဲ့များ၊ NGO, INGO အဖွဲ့များမှလည်း အကူအညီ အထောက်အပံ့ပေးနေသလိုလိုနှင့် ဘင်္ဂါလီများကို သွေးထိုးမြှောက်ပင့်ပေးနေခြင်းကြောင့် အကြမ်းဖက် အဖွဲ့အစည်းများ ပိုမိုလှုပ်ရှားလာသည်ကို တွေ့ရမည်ဖြစ်ကြောင်း၊ လူ့အခွင့်အရေးကိုဗန်းပြပြီး မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက်ကာ နိုင်ငံတော်နှင့် နိုင်ငံတော် အစိုးရအား လက်နက်ကိုင် တိုက်ခိုက်ပုန်ကန်နေခြင်း ဖြစ်သည့်အတွက် တာဝန်ရှိအစိုးရ အဆင့်ဆင့်အနေနှင့် အမြစ် ပြတ် ချေမှုန်းသွားရန် အထူးလိုအပ်ကြောင်း၊ မောင်တော၊ ဘူးသီးတောင်နှင့် ရသေ့တောင်မြို့နယ်များတွင် နယ်မြေ လုံခြုံရေးအင်အား တိုးချဲ့ဆောင်ရွက်ပေးရန်၊ တိုင်းရင်းသား ကျေးရွာများတွင် ပြည်သူ့စစ်အဖွဲ့များ ဖွဲ့စည်းပေးပြီး လက်နက်တပ်ဆင်ပေးရန်၊ UN, NGO, INGO အဖွဲ့များအား ရုပ်သိမ်းပေးရန်၊ ဘင်္ဂါလီများအား ၁၉၈၂ ခုနှစ် နိုင်ငံသားဥပဒေအရ စိစစ်ပေးရန်လိုကြောင်း၊ ဘင်္ဂါလီအကြမ်းဖက်မှုတွင် ကုလသမဂ္ဂနှင့် လက်အောက်ခံ အဖွဲ့အစည်းများမှ ဝန်ထမ်းများ ပါဝင်ခဲ့ကြောင်း၊ အကြမ်းဖက်ခေါင်းဆောင်ဖြစ်သူ တစ်ဦးအား UNHCR ရုံးတွင် ခိုလှုံရာမှ ဖမ်းဆီးရမိခဲ့ကြောင်း၊ ထောင် ၁၇ နှစ် ချမှတ်ခဲ့သော်လည်း ၂၀၁၅ ခုနှစ် ဇန်နဝါရီလတွင် လွတ်ငြိမ်းချမ်းသာခွင့်ဖြင့် ပြန်လွှတ်ပေးခဲ့ကြောင်း၊ ယင်းကဲ့သို့ လွှတ်ပေးခဲ့သည့်အတွက် ဘင်္ဂါလီအကြမ်းဖက်သမား မျိုးဆက်သစ်များအတွက် အင်အားဖြစ်စေခဲ့ကြောင်း၊ နိုင်ငံတော်အနေနှင့် နောက်နောင်တွင် ယင်းကဲ့သို့ စေတနာ၊ မေတ္တာ မပွားမိရန်လိုအပ်ကြောင်း၊ မောင်တောဒေသ ဘင်္ဂါလီအကြမ်းဖက် တိုက်ခိုက်မှုများသည် မြန်မာနိုင်ငံ၏ အမျိုးသား အကျိုးစီးပွားနှင့် အမျိုးသားလုံခြုံရေး၊ အချုပ်အခြာအာဏာကို ထိခိုက်လာပြီဖြစ်သည့်အတွက် ဖွဲ့စည်းပုံ အခြေခံဥပဒေ၊ ၁၉၈၂ နိုင်ငံသားဥပဒေ၊ အကြမ်းဖက်မှု တိုက်ဖျက်ရေး ဥပဒေ၊ လုံခြုံရေးနှင့် ကာကွယ်ရေးဆိုင်ရာ ဥပဒေများနှင့် ထိထိရောက်ရောက် တွန်းလှန်ချေမှုန်း သွားရမည်ဖြစ်ကြောင်း” ဆွေးနွေးခဲ့ကြသည်။ 

အစိုးရသစ်ကာလ ရခိုင်ပြည်နယ်အရေး နောက်ခံဆောင်ရွက်ချက်သမိုင်း

၂၀၁၆ ဧပြီလ အစိုးရသစ် စတက်တက်လာချင်း အဓိက အလေးထား ကိုင်တွယ်ခဲ့သည့် ပြဿနာမှာလည်း ယခုကိစ္စပင်ဖြစ်သည်။ ပထမဦးစွာ နိုင်ငံတော်၏ အတိုင်ပင်ခံပုဂ္ဂိုလ် အနေနှင့် ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး အကောင်အထည်ဖော်ရေး ဗဟိုကော်မတီကို ဖွဲ့စည်းခဲ့သည်။ ထို့နောက်တွင် အဆိုပါကိစ္စရပ်များအပေါ် အတွေ့အကြုံရှိပြီး သမာသမတ်ကျကျ ဆောင်ရွက်နိုင်မည့် ကမ္ဘာသိပုဂ္ဂိုလ်တစ်ဦးဖြစ်သူ ကုလသမဂ္ဂ အထွေထွေ အတွင်းရေးမှူးချုပ်ဟောင်း ငြိမ်းချမ်းရေး နိုဘယ်လ်ဆုရှင် ဒေါက်တာကိုဖီအာနန်ကို ဦးဆောင်စေပြီး မြန်မာနိုင်ငံသား ခြောက်ဦးနှင့် အခြားနိုင်ငံသား နှစ်ဦးဖြင့် ရခိုင်ပြည်နယ်ဆိုင်ရာ အကြံပေး ကော်မရှင်ကို ဩဂုတ်လတွင် ဖွဲ့စည်းခြင်းကို ဖြစ်လာမည့်အရေးကို ကြိုကြိုတင်တင် မျှော်တွေးကာ ဆောင်ရွက်ခဲ့သည်ကို တွေ့ရသည်။

ကိုဖီအာနန်ကော်မရှင် ဖွဲ့စည်းမှု၏ ရည်ရွယ်ချက်နှင့် လုပ်ဆောင်ချက်များ

အကြံပေးကော်မရှင်၏ လုပ်ငန်းဆောင်ရွက်ရန် ရည်ညွန်းချက် (Terms of Reference) အရ ရခိုင်ပြည်နယ်အတွင်းရှိ လူ့အဖွဲ့အစည်း အားလုံး၏ လက်ရှိ အခြေအနေများကို ဆန်းစစ်လေ့လာခြင်း၊ အကြမ်းဖက်မှုများ၊ နေရပ်စွန့်ခွာမှုများနှင့် ဖွံ့ဖြိုးမှုနိမ့်ပါးရခြင်း အကြောင်းများကို ရှာဖွေတင်ပြရန်တို့ဖြစ်သည်။ ထို့ပြင် နိုင်ငံတကာတွင် လက်ခံ ကျင့်သုံးသော စံနှုန်းများနှင့်အညီ ပဋိပက္ခ ကာကွယ်တားဆီးခြင်း၊ လူသားချင်းစာနာ ထောက်ထားမှု အကူအညီများ ပေးအပ်ခြင်း၊ ပြန်လည်သင့်မြတ်ရေး ဆောင်ရွက်ခြင်း၊ အဖွဲ့အစည်းများ ထူထောင်ခြင်းနှင့် ဖွံ့ဖြိုးမှုစသည့် နယ်ပယ် ငါးရပ်ဆိုင်ရာအပေါ်လည်း အကြံပြုချက်များ ပြုလုပ်ရန်တို့ဖြစ်သည်။ ထိုအကြံပြုချက်များနှင့်ပတ်သက်၍ ယခုလ နောက်ဆုံးပတ်တွင် အစိုးရနှင့် တပ်မတော်ထံ တင်သွင်းမည့် အပြီးသတ် အစီရင်ခံစာတွင် ဖော်ပြသွားမည်ဖြစ်ကြောင်း ကော်မရှင်ဖွဲ့စည်းပြီး ခြောက်လအကြာ ၂၀၁၇ ခုနှစ် မတ်လက တင်သွင်းသည့် ကြားဖြတ် အစီရင်ခံစာတွင် ပါရှိခဲ့သည်ကို တွေ့ရသည်။

ကော်မရှင်ဖွဲ့ပြီးကာလအစ ဖြစ်ပေါ်ခဲ့သည့် အခြေအနေများ

သို့သော်လည်း ကော်မရှင်ဖွဲ့ပြီး တစ်လကျော်တာကာလ၂၀၁၆ ခုနှစ် အောက်တိုဘာလ ၉ ရက်နေ့တွင် မောင်တောဒေသရှိ ရဲဌာနချုပ်စခန်း သုံးခုကို တစ်ချိန်တည်း တစ်ပြိုင်တည်း အကြမ်းဖက် စီးနင်းတိုက်ခိုက်မှုများ စတင် တိုက်ခိုက်လာမှုကို ကြုံတွေ့ခဲ့ရသည်။ မူလက ၆ နေရာကို တစ်ချိန်တည်း တစ်ပြိုင်တည်း ဝင်ရောက် စီးနင်းတိုက်ခိုက်ရန် စီစဉ်ခဲ့သော်လည်း ကြိုတင်စီစဉ်ထားတဲ့ အချိန်ဇယားထက် စောစီးစွာ တိုက်ခိုက်မှုအရ သုံးနေရာကိုသာ တိုက်ခိုက်နိုင်ခဲ့ကြောင်းကိုလည်း နောက်ပိုင်းတွင် သိလာရသည်ဟု ဆိုသည်။ တိုက်ရသည့် ရည်ရွယ်ချက်များအနေဖြင့်လည်း “နိုင်ငံသား အခွင့်အရေး တိုက်ယူရေး”၊ အယ်လ်ကေဒါ မှေးမှိန်သွားပြီး ISIS အဖွဲ့အစည်းသစ် ပေါ်ပေါက်လာခဲ့ပြီးနောက် ရခိုင်ပြည်နယ်ကို ပေါင်းကူး ခြေကုပ်ယူပြီး လွတ်မြောက်ရေး (နိုင်ငံသစ် ထူထောင်ရေး)အထိ ဦးတည်ကြိုးပမ်းရေးတို့အပြင် “လူမှောင်ခို၊ မူးယစ်မှောင်ခိုများရဲ့ သွေးထိုးမှုများ”ပါ ပါဝင်လာကြောင်း နိုင်ငံ့ရေးရာ လေ့လာသူတစ်ဦးက ဆိုထားသည်ကို တွေ့ရသည်။

အကြမ်းဖက် သတ်ဖြတ်ခံရသူ ဦးရေနှင့် ၎င်းတို့၏ရည်ရွယ်ချက်

အစွန်းရောက် အကြမ်းဖက်သူများ သတ်ဖြတ်မှုများ တိုးမြှင့်လုပ်ဆောင်လျက်ရှိရာ ဩဂုတ်လ ၉ ရက်နေ့ထိ သေဆုံးသူ ၅၉ ဦးနှင့် ပျောက်ဆုံးသူ ၃၃ ဦး ရှိလာခဲ့ပြီဖြစ်သည်။ထိုသတ်ဖြတ်ခံရသူများတွင် အုပ်ချုပ်ရေးမှူးများ၊ ဆယ်အိမ်မှူး ရာအိမ်မှူးနှင့် အစိုးရနှင့် ပူးပေါင်းဆောင်ရွက်သူများ အပါအဝင် အစ္စလာမ် ဘာသာဝင် အများအပြားကို သတ်ဖြတ်မှုများ ပြုလုပ်လာခဲ့ခြင်းဖြစ်သည်။ မြိုတိုင်းရင်းသား ခုနစ်ဦးကိုပါ သတ်ဖြတ်ခံခဲ့ရပြီး ထိုသို့ပြုလုပ်ခြင်းသည် ဒေသအတွင်း အောက်ခြေအုပ်ချုပ်ရေးမဏ္ဍိုင် တစ်ခုလုံး အစိုးရ၏ အာဏာအောက်တွင် မရှိတော့ဘဲ အစွန်းရောက်သမားများ လွှမ်းမိုးကြီးစိုးမှုအောက်ကို ပိုမို ကျရောက်လာနေပြီး အစိုးရ၏တည်ငြိမ်အေးချမ်းရေး ဆောင်ရွက်မှုများ မပြုလုပ်နိုင်စေရန် သတ်ဖြတ်ကြခြင်း ဖြစ်ကြောင်းကိုပါ သိရှိလာရသည်။ 

ကိုဖီအာနန် ကော်မရှင်၏ အခန်းကဏ္ဍ

အထက်တွင် တင်ပြခဲ့သည့် အခြေအနေများအကြားတွင် ဖွဲ့စည်းမှု တစ်နှစ်ကာလ ပြည့်ခဲ့ပြီး အပြီးသတ် အစီရင်ခံစာ တင်သွင်းမည့် ရခိုင်ပြည်နယ်ဆိုင်ရာ အကြံပေး ကော်မရှင်အနေနှင့် လက်ရှိကြုံတွေ့နေရသည့် ပြည်ပနိုင်ငံများ၏ ဖိအားအကြားတွင် အစိုးရနှင့် တပ်မတော်ကို မည်သို့တင်သွင်းကြမည်နည်း ဆိုသည့်အချက်ကလည်း ပြည်သူများအကြားတွင် စိတ်ဝင်စားစရာ ဖြစ်ခဲ့သည်။ သတင်းဌာနများ၏ ဖော်ပြချက်များအရဆိုလျှင် လာမည့် ဩဂုတ် ၂၄ ရက် ရန်ကုန်မြို့ရှိ ရှန်ဂရီလာ ဟိုတယ်တွင် ညနေ ၄ နာရီမှ ၆ နာရီထိ အစီရင်ခံစာပါမည့် အကြောင်းအရာများကို သတင်းမီဒီယာများထံ ရှင်းလင်း တင်ပြမည်ဖြစ်ကြောင်း ဖိတ်စာ တွေ့မြင်နေရသည်။ အစီရင်ခံစာကို အစိုးရနှင့်တပ်မတော်ကို မတင်သွင်းခင်တွင် ကော်မရှင်အနေနှင့် အမျိုးသား ဒီမိုကရေစီ အဖွဲ့ချုပ်ပါတီ၊ ပြည်ခိုင်ဖြိုးပါတီတို့မှ ခေါင်းဆောင်များဖြင့် တွေ့ဆုံခဲ့ပြီး အစီရင်ခံစာနဲ့ ပတ်သက်သည့် အကြံပြုချက်များ ရယူခဲ့သည် ဟူသောသတင်းများလည်း တွေ့ရသည်။ 

နိဂုံးချုပ်အားဖြင့် အထက်တွင် တင်ပြခဲ့သည့်အချက်များအပေါ် အပြီးသတ် ချုပ်ကြည့်လိုက်လျှင် ရခိုင်ပြည်နယ်အတွင်း ယနေ့အချိန်တွင် ကြုံတွေ့နေရသည့် အစွန်းရောက် အကြမ်းဖက်သမားများ၏ အန္တရာယ်ကို ကြိုတင် ကာကွယ်တားဆီးပြီး ထိထိရောက်ရောက် ချေမှုန်းကြရေး လွှတ်တော်နှင့် နိုင်ငံရေးပါတီတို့က တောင်းဆိုနေသည့်နည်းတူ အစိုးရ၊ တပ်မတော်နှင့် ရဲတပ်ဖွဲ့တို့ကလည်း အချိန်ကိုက် ဆောင်ရွက်နေသည်ဖြစ်ရာ ကိုဖီအာနန် ကော်မရှင်၏ အခန်းကဏ္ဍ အနေနှင့်လည်း ကမ္ဘာသိတင်ပြမည့် ၎င်း၏ အပြီးသတ် အစီရင်ခံစာတွင် အစွန်းရောက် အကြမ်းဖက်သမားတို့အား အမြစ်ပြတ်ချေမှုန်းရေးနှင့် ရေသောက်မြစ်ကိုပါ ဖြတ်ချနိုင်မည့် အကြံပြုချက်များ ပါဝင်လာရေးသည် အဓိက ကျလျက်ရှိနေပါကြောင်း ရေးသားတင်ပြလိုက်ရပါသည်။

အောင်ဇေယျ



FOLLOW US