News

POST TAGGED AS

ယဉ်ကျေးမှု

ပုဂံတွင် မြန်မာ-အင်္ဂလိပ် လမ်းညွန်များ ထပ်စိုက်မည်

မန္တလေး၊ မတ် ၅

ပုဂံရှေးဟောင်းယဉ်ကျေးမှု နယ်မြေအတွင်းသို့ လာရောက် လည်ပတ်သည့် ခရီးသွားများ သွားလာမှု အဆင်ပြေစေရန် မြန်မာ - အင်္ဂလိပ် နှစ်ဘာသာ ရေးထိုးထားသည့် ဆိုင်းဘုတ်များ တိုးချဲ့ စိုက်ထူနေကြောင်း ဂျပန်နိုင်ငံ အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) ထံမှ သိရသည်။ 

မြန်မာ-အင်္ဂလိပ် နှစ်ဘာသာ ရေးထိုးထားသည့် လမ်းညွန်ဆိုင်းဘုတ် စိုက်ထူခြင်း လုပ်ငန်းများကို နိုဝင်ဘာလကတည်းက ဆောင်ရွက်ခဲ့ခြင်းဖြစ်ရာ ယင်းအချိန်က ရှေးဟောင်းယဉ်ကျေးမှု နယ်မြေအတွင်းရှိ လမ်းမကြီးများပေါ်တွင်သာ စိုက်ထူခဲ့ရာမှ ကြားလမ်းများနှင့် မြို့တွင်း လမ်းများတွင်ပါ ထပ်မံ စိုက်ထူမည်ဖြစ်ကြောင်း JICA ၏ ပုဂံဒေသ ခရီးသွား ဖွံ့ဖြိုးတိုးတက်ရေး စီမံချက် လက်ထောက်တာဝန်ခံ ဒေါ်ယုယုလင်းက ပြောကြားသည်။ 

“ခရီးသွားတဲ့သူတွေ ကိုယ်သွားချင်တဲ့နေရာကို အဆင်ပြေပြေ သွားနိုင်အောင် စီစဉ်ပေးတာ။ ဆိုင်းဘုတ်တွေ အားလုံး တစ်ပုံစံတည်းပါ။ လမ်းညွန်တွေပါမယ်။ အကွာအဝေးနဲ့ ဘုရားပုံသဏ္ဍာန်ကိုပါ ဆိုင်းဘုတ်မှာ ထည့်ထားတယ်။ ဒီဆိုင်းဘုတ်တွေကို ပုဂံမှာပဲလုပ်တာဆိုတော့ ဒေသခံတွေရဲ့ အသက်မွေးဝမ်းကျောင်းကိုလည်း အထောက်အကူဖြစ်စေတယ်”ဟု ၎င်းကရှင်းပြသည်။ 

ပုဂံရှေးဟောင်းယဉ်ကျေးမှု နယ်မြေအတွင်း လက်ရှိ စိုက်ထူထားသည့် လမ်းညွန်ဆိုင်းဘုတ် အများစုမှာ မြန်မာ ဘာသာဖြင့် ရေးထိုးထားသည့် ဆိုင်းဘုတ်များသာ ဖြစ်၍ မြန်မာ-အင်္ဂလိပ်နှစ် ဘာသာ ရေးထိုးထားသည့် ဆိုင်းဘုတ်များ စိုက်ထူပြီးပါက နိုင်ငံခြားသား ခရီးသွားများအတွက် ပိုမို အဆင်ပြေစေမည်ဖြစ်ကြောင်း ပုဂံဒေသရှိ ဧည့်လမ်းညွန်အချို့က ပြောဆိုသည်။

လမ်းမကြီးများ အပါအဝင် မြို့တွင်းလမ်းများ၌ ဆိုင်းဘုတ် စိုက်ထူခြင်းကို ဧပြီလအတွင်း အပြီး လုပ်ဆောင်နိုင်မည်ဟု ခန့်မှန်းထားကြောင်း၊ ဆိုင်းဘုတ်အရေ အတွက် ၂၀ဝ နီးပါး စိုက်ထူမည်ဖြစ်ကြောင်း ပုဂံဒေသ ခရီးသွား ဖွံ့ဖြိုးတိုးတက်ရေး စီမံချက်အရ သိရသည်။  

M-05



FOLLOW US