News

POST TAGGED AS

မဏ္ဍိုင်

Facebook နှင့် မြန်မာ့နိုင်ငံရေး ရင်ကြားစေ့ရေး
စာရေးသူ ဘောလုံးကစားသမားမဟုတ်ပါ။ သို့သော် ဝါသနာအိုးဖြစ်ပါသည်။ အထူးသဖြင့်တော့ အာဆင်နယ်ပရိသတ်ပါ။ နည်းပြကြီးအာစင်ဝင်းဂါးကိုလည်း သဘောကျပါသည်။ ပြီးခဲ့သည့် ဧပြီလ ၂၉ ရက်နေ့တွင် မန်ယူအသင်း၏ကွင်းသို့ အာဆင်နယ်အသင်း လာရောက်ကစားခဲ့သည်။ ထိုပွဲမှာ ဝင်းဂါး၏ ၂၂ နှစ်ကြာ မဟာပြိုင်ဘက်ကြီး မန်ယူနှင့်နောက်ဆုံးပွဲလည်း ဖြစ်ပါသည်။ အာစင်ဝင်းဂါး ဝင်လာသောအခါ ကွင်းအတွင်းရှိ မန်ယူပရိသတ်အားလုံးက လက်ခုပ်သံပြိုင်တီး၍ ကြိုဆိုကြသည်။ ပြီးတော့ မန်ယူနည်းပြကြီးဖာဂူဆန်က ပွေ့ဖက်၍ အထိမ်းအမှတ် လက်ဆောင်ပေးသည်။ ထို့အတူ မော်ရင်ဟိုကလည်း ပြုံးပြုံးရွှင်ရွှင် ကြိုဆိုနှုတ်ဆက်သည်။ အမုန်းအာဃာတများ နိဂုံးချုပ်သွားခဲ့ပြီ။

မြင်ကွင်းလေးမှာ ကြည်နူးစရာပင်။ ဆက်၍အတွေးဝင်လာသည်မှာ မြန်မာ့နိုင်ငံရေးလောကဖြစ်ပါသည်။ ယနေ့မြန်မာနိုင်ငံရေးတွင် အမျိုးသားဒီမိုကရေစီအဖွဲ့ချုပ်အား ထောက်ခံသူများနှင့် တပ်မတော်ထောက်ခံသူများ၊ ပြည်ခိုင်ဖြိုးပါတီထောက်ခံသူများ၊ လူမျိုးရေး ဘာသာရေး တက်ကြွလှုပ်ရှားသူများအကြား အသေးစားနိုင်ငံရေးစစ်အေးတိုက်ပွဲ (Political Cold War) လေးတစ်ခု ဖြစ်ပွားလျက်ရှိပါသည်။ “လွှတ်တော်ထဲတွင် သူဖြူလျှင် ငါမည်းသကဲ့သို့၊ ငါဖြူလျှင်လည်း သူကမည်း” စသည်ဖြင့် ဖြစ်ပေါ်လာသော မဲအရေအတွက်များမှာ အုပ်စုပုံစံအလိုက် ဖြစ်ပေါ်လျက်ရှိသည်။ ရခိုင် မြောက်ပိုင်းဘင်္ဂါလီကိစ္စ အစပျိုးနေချိန်များတွင်လည်း နှစ်ဖက်သဘောထား ကွဲလွဲမှုများ၊ အုပ်စုပုံစံအသွင်ဖြင့် ဖြစ်ပေါ်လာခဲ့ပါသည်။ 

ယနေ့မြန်မာ့နိုင်ငံရေးဇာတ်ခုံမှ လူအားလုံး တစ်နေ့နေ့ အနားယူသွားရမည်။ ထိုအခါ ယခင်ဖြစ်ပွားခဲ့သောပဋိပက္ခများ၊ ဝိရောဓိများမှာ ဘာမှမဟုတ်တော့။ အချိန်ဆိုသောအရာကြီးက အနာဂတ်တွင် အားလုံးကို ကုစားသွားပေမည်။

ယနေ့မြန်မာ့နိုင်ငံရေးတွင် အမျိုးသားရင်ကြားစေ့ရေးဟူသောကိစ္စရပ် (Issue) ကြီးတစ်ခုရှိနေသည်။ ထိုရည်မှန်းချက်ကိုအဓိပ္ပာယ်ဖွင့်သော် လိုအပ်သည်ဟုယူဆသော အချက်နှစ်ချက်တွေ့ရသည်။ ပထမအချက်မှာ တပ်မတော်၊ ပြည်ခိုင်ဖြိုးပါတီလိုလားသောအုပ်စုများနှင့် အမျိုးသားဒီမိုကရေစီအဖွဲ့ချုပ် အင်အားစုများအကြား ရင်ကြားစေ့ရေးဖြစ်သည်။ ဒုတိယအချက်မှာ ပြည်မနိုင်ငံရေးအင်အားစုများနှင့် တိုင်းရင်းသားအင်အားစုများအကြား ရင်ကြားစေ့ရေးဖြစ်သည်။ လုပ်ငန်းစဉ်အားဖြင့် အဆင့်နှစ်ဆင့်ဖြစ်သည်။ အဆင့် (၁) မှာ တပ်မတော်နှင့်ရင်ကြားစေ့ရေးဖြစ်ပြီး ထိုအဆင့်အောင်မြင်မှသာ ဒုတိယအဆင့်သို့ ကူးနိုင်မည်ဖြစ်သည်။ အဆင့်နှစ်ခုလုံးအား တစ်ပြိုင်နက်တည်းဆောင်ရွက်ရန် မဖြစ်နိုင်ကြောင်း တွေ့ရှိရပါသည်။ ပထမအဆင့်မအောင်မြင်ဘဲ ဒုတိယအဆင့် တိုင်းရင်းသားများရင်ကြားစေ့ရေးမှာ ပိုမို၍ပင်မဖြစ်နိုင်ပါ။ မည်သို့ပင်ဖြစ်စေ အချိန်ကကုစားလိမ့်မည်။ အနာဂတ်တွင် ပုံစံတစ်မျိုးမျိုးတော့ ဖြစ်သွားမည်ဖြစ်ပါသည်။ ဥပမာအားဖြင့် တစ်နိုင်ငံလုံး တိုင်းတစ်ပါးသားများ၏လက်အောက်သို့ ကျရောက်သွားသည်ဆိုကြပါစို့။ ထိုအချိန်တွင် အဖိနှိပ်ခံခြင်းဖြစ်၍ အချင်းချင်း ညီညွတ်နိုင်ပါသည်။ မမျှော်မှန်းနိုင်သောအနာဂတ်တွင် အချိန်ဆိုသော အရာကြီးက အားလုံးကိုကုစားပါလိမ့်မည်။ ထိုအချိန်တွင် ယနေ့အင်အားစုများအကြားဖြစ်ပွားနေသော အမုန်းစကားများ၊ သံသယများ၊ မယုံကြည်မှုများမှာ ယုံတမ်းစကားပမာသာ ဖြစ်သွားပါလိမ့်မည်။ အနှစ် ၅၀ ခန့် မျိုးဆက်နှစ်ခုကြာသော် ရှေ့လူကသူခိုး၊ နောက်လူက ကတိမတည်သူ လူလိမ် အစရှိသည့်သိမ်ဖျင်းသော) ဝေါဟာရအသုံးအနှုန်းများကို သုံးစွဲ၍ အပုပ်ချခြင်းများ ရှိတော့မည်မဟုတ်ပါ။ နှောင်းခေတ်သမိုင်းဆရာများကမူ လက်ရှိခေတ်လောက ဇာတ်ခုံအပေါ်မှ လူအပေါင်းကို သံသယကြီးသူများ၊ မှန်သော်လည်း အကျိုးမရှိသည့်စကားကိုပြောသူများ၊ မေတ္တာ၊ ကရုဏာ၊ မုဒိတာခေါင်းပါးသူများ၊ ဘယ်သူသေသေ ငတေမာသူများ၊ လူ့ခွစာများ၊ ဂုဏ်သိက္ခာမရှိသူများ၊ တစ်ယူသန်သူများ၊ မျက်ကန်းမျိုးချစ်များ၊ အစွန်းရောက်များ စသည်ဖြင့်အမျိုးမျိုးရေးသားကာ မဟာဝိဇ္ဇာဘွဲ့နှင့် ပါရဂူဘွဲ့များအတွက် သမိုင်းစာတမ်းများ ပြုစုရယူနေကြပေလိမ့်မည်။

မည်သို့ဆိုစေ ပစ္စုပ္ပန်ဆိုသည်ကား ကျွန်တော်တို့ပိုင်ဆိုင်သောအရာ ဖြစ်ပါသည်။ အတိတ်ကိုပြင်၍မရသကဲ့သို့ အနာဂတ်ကိုလည်း အတိအကျ မမြင်နိုင်ပါ။ ဗုဒ္ဓဟောကြားသည့်အတိုင်း ပစ္စုပ္ပန်ကိုသာတည့်တည့်ရှု၍ အလုပ်လုပ်ရပါမည်။

မြန်မာ့နိုင်ငံရေး၏ ဆန့်ကျင်ဘက်အင်အားစုအားလုံး အာစင်ဝင်းဂါးနှင့် မန်ယူပရိသတ်များ ထုံးကိုနှလုံးမူရပါမည်။ ပစ္စုပ္ပန်တွင်ကြည့်သော် လွှတ်တော်အတွင်းမှာဖြစ်စေ၊ အစိုးရအဖွဲ့အတွင်းမှာဖြစ်စေ တစ်ဦးနှင့်တစ်ဦး အပုပ်ချ၊ အော်ဟစ်ဆဲဆိုမှုမရှိပေ။ သို့သော် Facebook တွင်လည်းကောင်း၊ ပါလီမန်ပြင်ပနိုင်ငံရေးလှုပ်ရှားမှုများ၌လည်းကောင်း အသီးသီးဝေဖန်တိုက်ခိုက်လျက်ရှိပါသည်။ တယ်လီဖုန်းတစ်လုံး သိန်း၂၀ ခန့်ကာလကမူ Facebook ၏ အခန်းကဏ္ဍမှာ ကျယ်ပြန့်မည်မဟုတ်ပါ။ ယခုခေတ်သမ္မတကြီး ဦးသိန်းစိန်အစိုးရ၏ ကောင်းမှုကြောင့် ဒေသမရွေး လူတန်းစားမရွေး တယ်လီဖုန်းရှိခဲ့ကြပြီးဖြစ်ကာ Facebook လူမှုကွန်ရက်၏ကဏ္ဍမှာ အလွန်ကို အရေးပါလာခဲ့ပါသည်။ ထိုအပေါ်တွင် လှိုင်လှိုင်ကြီးဆဲဆိုဝေဖန်မှုများ၊ ဒီ/ချုပ်အစိုးရကိုလည်းကောင်း၊ တပ်မတော်ကိုလည်းကောင်း၊ ပြည်ခိုင်ဖြိုးပါတီကိုလည်းကောင်း အပြည့်အဝတာဝန်မခံသည့်တိုင် ထိုအဖွဲ့အစည်းများကိုလိုလားသူ (Sympathizers) များက လုပ်ဆောင်နေခြင်းဖြစ်ကြပါသည်။ ထိုပုဂ္ဂိုလ်များ၏ ပြောစကားများ ဝေဖန်ချက်များသည် သက်ဆိုင်ရာပါတီအဖွဲ့အစည်းနှင့် တပ်မတော်တို့ကို တိုက်ရိုက်တာဝန်ခံရမှုမရှိသော်ငြားလည်း ရာဇသတ်ကြီးဥပဒေအရဆိုမူ တားမြစ်နိုင်ခွင့် အခွင့်အာဏာရှိပါလျက်နှင့် သိမြင်ပါလျက်နှင့် အရေးယူဆောင်ရွက်မှုမရှိသော် အလိုတူအလိုပါ ကြံရာပါမြောက်ပေသည်။ ဒေါ်အောင်ဆန်းစုကြည်အား လိုလားထောက်ခံသူများ၊ အမျိုးသားဒီမိုကရေစီအဖွဲ့ချုပ်ထောက်ခံသူများ၊ လက်ရှိအစိုးရကိုလိုလားသည်ဟု သရုပ်လက္ခဏာဖော်ပြသူများက အမုန်းစကားများပြောဆိုမှုကို မဟန့်တားသော် သွယ်ဝိုက်၍ တာဝန်ရှိသည်သာဖြစ်ပါသည်။ အစိုးရအာဏာရပါတီနှင့် အစိုးရဟူသည် သာမန်နိုင်ငံရေးပါတီတစ်ခု၊ တပ်မတော်ကဲ့သို့ ဝန်ထမ်းအဖွဲ့အစည်းတစ်ခုနှင့် ရပ်တည်မှုမတူပေ။ အာဏာရပါတီသည် အစိုးရမှတစ်ဆင့် အုပ်ချုပ်ရေးအာဏာကိုရရှိထားရာ အမိန့်နှင့်ညွှန်ကြားချက်များကို ထုတ်ပြန်ခွင့်ရှိသည်။ လူအများလိုက်နာစေရန် အစိုးရမှတစ်ဆင့် ဖိအားပေးလုပ်ဆောင်နိုင်သည့် အခွင့်အာဏာရှိသည်။ သို့ပါ၍ အမုန်းစကားများမပြန့်ပွားစေရန် လုပ်ဆောင်ရာ၌ အဓိကတာဝန်အရှိဆုံးသူဖြစ်သည်။ ယနေ့ အမေရိကန် အပါအဝင် ဒီမိုကရေစီနိုင်ငံကြီးများ၏ အတိအကျရေးမထားသော နိုင်ငံရေး ခံယူချက်တစ်ခုရှိသည်။ ထိုအချက်မှာ အင်အားကြီးသူတွင် ပိုမို၍ တာဝန်ရှိသည်ဟူသော အယူအဆဖြစ်သည်။ ထိုအချက်သည် အင်္ဂလိပ်-အမေရိကန်တို့၏ ဘိုးဘေးဖြစ်သော ရှေးဟောင်းဂရိတ် ဗြိတိန်နိုင်ငံရှိ ခရစ်ယာန်ဘာသာဝင် အင်ဂလိုဆက်ဆွန်တို့ထံမှ ပေါက်ဖွားလာသောအယူအဆဖြစ်သည်။ 

အထင်ရှားဆုံး နမူနာယူစရာမှာ အမေရိကန်ပြည်ထောင်စုပင်ဖြစ်သည်။ အမေရိကန်ပြည်ထောင်စု လွတ်လပ်ရေးကြေညာစာတမ်းပါ စည်းမျဉ်းများနှင့် လိုက်လျောညီထွေမရှိစွာပင်၊ ကျေးကျွန်စနစ်မှာ လိုအပ်ချက်တစ်ရပ်အဖြစ် ယှဉ်တွဲပါလာခဲ့ပါသည်။ (ရေးမထားသော ၂၀၀၈ ဖွဲ့စည်းပုံအခြေခံဥပဒေဟု ပြောနိုင်သည်။) ထိုကျွန်စနစ်ကို မူတည်၍ အယူဝါဒအုပ်စုကွဲနှစ်ခုအကြား သူသေကိုယ်သေ ပြည်တွင်းစစ်ကြီးဖြစ်ခဲ့ပါသည်။ ၂၀၁၅ ရွေးကောက်ပွဲတွင် ဒီမိုကရေစီအင်အားစုများ အနိုင်ရသကဲ့သို့ အမေရိကန်ပြည်တွင်းစစ်တွင်လည်း ဒီမိုကရေစီဘက်တော်သား သမ္မတကြီးလင်ကွန်း၏ မြောက်ပိုင်းပြည်ထောင်စုက အနိုင်ရရှိခဲ့ပါသည်။ စစ်ရှုံးသော ခွဲထွက်ပြည်နယ်များ၏ လွှတ်တော်များကို ဖျက်သိမ်းခြင်းမပြု၊ သူပုန်ခေါင်းဆောင်များကိုလည်း ခွင့်လွှတ်ခဲ့သည်။ သူပုန်ခေါင်းဆောင်များ၊ စစ်ဗိုလ်ချုပ်ကြီးများအားလုံးအား ဂုဏ်သိက္ခာရှိစွာ နေရာပေးထားသည်။ ထိုပုဂ္ဂိုလ်များ၏ ရုပ်တုများ၊ အလံများကို ယခုအထိ လွှင့်ထူခွင့်ပြုခဲ့ရာ ယခုနှစ်ဆန်းတွင် သက်ဆိုင်ရာ ပြည်နယ်အလိုက် အာဏာပိုင်များက အများပြည်သူပန်းခြံများတွင် မထားရှိရန် ဆုံးဖြတ်ခဲ့သည့်အချိန်အထိပင် ဖြစ်တော့သည်။ လင်ကွန်း၏ အပြန်အလှန်လေးစားမှု၊ အမြော်အမြင်ကြီးမှု၊ ခွင့်လွှတ်မှုတို့သည်ကား နိုင်ငံသုခမိန်ကောင်းတစ်ဦး၏လက္ခဏာဖြစ်ပြီး စည်းလုံး၍ အင်အားကြီးသော ပြည်ထောင်စုကြီး ပြန်လည်ပေါ်ထွက်လာခဲ့ပါသည်။ လင်ကွန်းလုပ်ကြံခံရပြီးနောက် ဆက်ခံသူမှာလည်း လင်ကွန်း၏လမ်းစဉ်အတိုင်း ဆက်လက်အကောင်အထည်ဖော်ခဲ့ပါသည်။ လုပ်ကြံရာတွင်ပါဝင်ခဲ့သူ တစ်ဦးအား ဖမ်းဆီးရမိသည့်အခါ အထွေထွေခွင့်လွှတ်မှုအရ အရေးမယူတော့ပါ။ (Conspirators) ရုပ်ရှင်တွင် ဖော်ပြထားပါသည်။ ယနေ့မြန်မာနိုင်ငံလည်း ထိုနမူနာကို ယူရပါမည်။ အာဏာရှိသူ အာဏာရအစိုးရက စတင်လုပ်ဆောင်ရပါမည်။ သို့ပါ၍ Facebook ပေါ်ရှိ အမုန်းစကားများကို တားဆီးရန်မှာ အာဏာရှိသူ အစိုးရအနေနှင့် အဓိကလုပ်ဆောင်ရမည်ဖြစ်ပြီး ပထမအဆင့် တပ်မတော်နှင့် ရင်ကြားစေ့ရေးအတွက် မဖြစ်မနေ လုပ်ဆောင်ရမည့် တာဝန်ဖြစ်ပေသည်။

ယနေ့မြန်မာနိုင်ငံတွင် အစိုးရနှင့် ပြည်သူများအပေါ် စိန်ခေါ်မှုများမှာ မကြုံစဖူးဖြစ်ပေါ်လျက်ရှိသည်။ ၎င်းတို့မှာ-

(၁) စီးပွားရေးတိုးတက်ဖွံ့ဖြိုးရေး

(၂) အနောက်တံခါးမှ ဘင်္ဂါလီကိစ္စနှင့် နိုင်ငံတကာဆက်ဆံရေး

(၃) ကောင်းမွန်သောလူမှုပတ်ဝန်းကျင်တစ်ရပ် ဖန်တီးရေးတို့ ဖြစ်ပါသည်။

ထိုစိန်ခေါ်မှုများကိုတုံ့ပြန်ရန်အတွက် အမျိုးသားရင်ကြားစေ့ရေးမှာ အရေးကြီးလှပါသည်။ ဦးစားပေးရမည်မှာ တပ်မတော်နှင့်ရင်ကြားစေ့ရေးဖြစ်ပါသည်။ ရင်ကြားမစေ့ပါက ထိုနေရာအကွဲအတွင်းသို့ လူမျိုးရေးနှင့် ဘာသာရေးအစွန်းရောက် သပ်များလျှိုကာ စနစ်ဟောင်းကိုတမ်းတသူများက သပ်ရိုက်သွင်း၍ ဖြိုခွဲပါလိမ့်မည်။ နွားကွဲလျှင် ဘင်္ဂလားကျားများနှင့် ကျားထိန်းများက ဆွဲပါလိမ့်မည်။ တပ်မတော်နှင့် အစိုးရကွဲပါက ဒီမိုကရေစီမှာ မျက်ရည်သုတ်၍ နောက်ကြောင်းပြန်ရတော့မည်။ ယနေ့ အမျိုးသားဒီမိုကရေစီအဖွဲ့ချုပ် ချမှတ်သောမူဝါဒများထဲမှ လောကီမူဝါဒ သက်သက် (Secular Government) နှင့် ရွေးကောက်ခံကိုယ်စားလှယ်များသာ လွှတ်တော်တွင်ရှိရေး စသည်တို့မှာ ကမ္ဘာ့စံနှုန်းနှင့်ယှဉ်လျှင် မှန်ကန်ပါသည်။ မြတ်စွာဘုရားရှင်သည် တရားဟောရာတွင်ကာလခေါ် အချိန်နှင့် ဒေသခေါ်နေရာကိုကြည့်၍ ဟောပြောသည်မှန်သော်လည်း နှစ်ဦးနှစ်ဖက် အကျိုးမရှိလျှင် မပြောပေ။ ထို့ကြောင့် တပ်မတော်နှင့် ရင်ကြားစေ့ရေးတွင် -

(၁) မူဝါဒအရမှန်သော်လည်း အချိန်အရ မဖြစ်သင့်လျှင် အကျိုးမရှိသောစကားများကို ပြောရန်မသင့်။

(၂) မိမိတို့နှင့်တပ်မတော်သားများ လွှတ်တော်တွင် မတူကွဲပြားမှုမှ အခွင့်အလမ်းအဖြစ်ပြောင်းရမည်။

(၃) တပ်မတော်နှင့်ရင်းနှီးသောဆက်ဆံရေး ထူထောင်ရန်။
(ကာ/လုံ အစည်းအဝေးခေါ်ရန်မလိုသေးသော်လည်း ပုံမှန်ခေါ်ယူကာ တွေ့ဆုံခြင်းဖြင့် နားလည်မှုတည်ဆောက်ပါ။ တပ်မတော်၏အခက်အခဲများကို ဖြေရှင်းပေးပါ။)

(၄) တပ်မတော်၏ကဏ္ဍကို မှေးမှိန်စေမည့်အပြုအမူများ ရှောင်ရန်။
ယခုအစိုးရသတင်းစာတွင် ကာကွယ်ရေးဦးစီးချုပ်မှာ နောက်ကျောဖုံးတွင်ပင်မရှိတော့ဘဲ အလယ်သို့ရောက်လျက်ရှိသည်။ မဖြစ်သင့်)

(၅) အရေးကြီးဆုံးမှာ Facebook တွင် နိုင်ငံ၏ကာကွယ်ရေး တာဝန်ယူထားသူ တပ်မတော်အား ရိုင်းပျစွာပြောဆိုသူများကို ဖော်ထုတ်အရေးယူပါ။ တပ်မတော်နှင့် ရင်းနှီးစွာဆက်ဆံရေး၊ ရင်ကြားစေ့ရေးသည် ပါတီ၏ အဓိကဦးစားပေးမူဝါဒဖြစ်ကြောင်း ပါတီဗဟိုကော်မတီမှ ပါတီဝင်များသို့ လူသိရှင်ကြားညွှန်ကြားချက် ထုတ်ပြန်ပါ။

(၆) လိမ်လည်ဖန်တီးသောပုံများ၊ စာသားများဖြင့် အစိုးရအား အပုပ်ချမှုများကိုလည်း တစ်ဆက်တည်း အရေးယူရပါမည်။ သို့သော် ဒီမို ကရေစီ၏အခြေခံစည်းမျဉ်းဖြစ်သော (Freedom of Expression)  လွတ်လပ်စွာ ဆန္ဒထုတ်ဖော်ခွင့်နှင့် မျဉ်းကြောင်းတစ်ကြောင်း (The Thin Red Line) သာခြားသဖြင့် သတိထား၍ကိုင်ကွယ်ပါ။ အစိုးရနှင့် အမျိုးသားဒီမိုကရေစီအဖွဲ့ချုပ်ပါတီအား အမုန်းတရားဖြင့်လုပ်ကြံဖန်တီး၍ Facebook ပေါ်တွင် ပြောဆိုနေသည်ကိုလည်း တွေ့ရှိရပါသည်။ ထင်ရှားသည်မှာ ရန်ကုန်မြို့တော်ဝန်မှ ထိန်ပင်အမှိုက်ပုံပေါ်သို့ သွားရောက်စစ်ဆေးနေရာတွင် ကော်ဇောနီကြီးအား ကွန်ပျူတာဖြင့်ဖန်တီးထားသည်ကို တွေ့ရသည်။ မဟုတ်မမှန်လုပ်ကြံ၍ သွေးကွဲစေရန်ကြံစည်မှုမှာ ငါးပါးသီလတွင် အဆိုးဆုံးဟု စာရေးသူထင်မြင်ယူဆသည်။ (“စေတီယ” မင်းမြေမျိုသည့် ဇာတ်လမ်းမှ မုသာဝါဒ ကံကြီးထိုက်သည့် ဥပမာအတိုင်းဖြစ်သည်။) Facebook ပေါ်တွင် ကုန်းချောစကားကြောင့် သွေးကွဲစေသော မုသာဝါဒကံကြီးကို မကြောက်မရွံ့ ပျော်ပျော်ကြီး ကျူးလွန်နေကြသည်။

ကျွန်တော်တို့လည်း အမုန်းတရားများ ရပ်စဲလိုပါသည်။ အချိန်တည်းဟူသောဆရာကြီး၏ ကုသမှုကိုမစောင့်လိုတော့ လက်ရှိကျွန်တော်တို့ စီနီယာနိုင်ငံသားများ (သက်ကြီးရွယ်ကြီးများ) မသေမီ ရင်ကြားစေ့ရေးကို မြင်လိုပါသည်။ သို့မှသာ အနောက်တံခါး၊ ဘင်္ဂါလီအရေးနှင့်ပတ်သက်၍ မြန်မာနိုင်ငံ၏ ပကတိအရှိတရားပေါ် ရပ်တည်မှုမှ အောင်ပွဲခံနိုင်မည်ဖြစ်ပါသည်။

ဒေါက်တာအောင်မျိုး



FOLLOW US