News

POST TAGGED AS

မန္တလေး

တောင်နှင့် မြောက်ကိုရီးယားအကြား မီးရထားချိတ်ဆက်ပြေးဆွဲပြီး ဥရောပဒေသထိ ကုန်သွယ်ရေးချဲ့ထွင်ရန် တောင်ကိုရီးယားစတင်ကြိုးပမ်း


ဆိုးလ်၊ ဇွန် ၂၆

တောင်နှင့် မြောက်ကိုရီးယားနှစ်နိုင်ငံ နယ်စပ်ဒေသကို ဖြတ်ကျော်ပြီး မီးရထားများ ချိတ်ဆက်ပြေးဆွဲနိုင်ရေးအတွက် နှစ်နိုင်ငံ အဆင့်မြင့်အရာရှိကြီးများ အင်္ဂါနေ့က တွေ့ဆုံဆွေးနွေးခဲ့ကြောင်း CNA သတင်းဌာနက ရေးသားဖော်ပြသည်။ 

ရထားချိတ်ဆက်ပြေးဆွဲရေးဆိုင်ရာ ဆွေးနွေးပွဲသည် နှစ်ပေါင်း ၁၀ နှစ်အတွင်း ပထမဆုံးအကြိမ်ဖြစ်ပြီး စစ်မက်မဖြစ်ပွား ရေးဇုန်တွင်းရှိ ပန်မူဂျွန်အမည်ရ အပစ်အခတ်ရပ်စဲရေး မြို့ငယ်တွင် ပြုလုပ်ခဲ့ခြင်းဖြစ်သည်။ 

တောင်ကိုရီးယားနိုင်ငံ၏ မြို့တော် ဆိုးလ်မှ မြောက်ကိုရီးယားနိုင်ငံပြုံယမ်းအထိသာမက တရုတ်နိုင်ငံဘက် ရှင်နူဂျူ နယ်စပ်မြို့အထိ ဆက်သွယ်ထားသော မီးရထားလမ်းမှာ ယခင်ကတည်းက ရှိထားပြီးဖြစ်သည်။ ယင်းရထားလမ်းကို ကိုရီးယားစစ်ပွဲမဖြစ်ပွားမီ နှစ်ကာလများစွာကတည်းက ဂျပန်နိုင်ငံက ဖောက်လုပ်ပေးခဲ့ခြင်း ဖြစ်သည်။ 

မြောက်ကိုရီးယားနိုင်ငံ၏ ခေတ်နောက်ကျနေသော မီးရထားဆိုင်ရာ အခြေခံအဆောက်အဦများကို ခေတ်မီအောင်ပြုလုပ်ကာ တောင်နှင့်မြောက် ရထားစနစ်နှစ်ရပ်ကို ချိတ်ဆက်ပေးလိုက်မည်ဆိုပါက တောင်ကိုရီးယားအနေနှင့် တရုတ်၊ ရုရှားနှင့် ဥရောပဒေသတို့နှင့် ကုန်းလမ်းမှဆက်သွယ်ကာ ကုန်သွယ်ရေးအတွက် ဈေးကွက်သစ်များရှာဖွေနိုင်မည်လည်း ဖြစ်သည်။ 

သို့သော် ယင်းသို့ အပြည့်အဝချိတ်ဆက်နိုင်ရေးအတွက် ကိုရီးယားကျွန်းဆွယ်တွင် အခြေခံကျသောအပြောင်းအလဲများ ဖြစ်ထွန်းရန် လိုအပ်သည်။ လက်ရှိအနေအထားတွင် ကိုရီးယားနှစ်နိုင်ငံအကြား အရပ်ဘက်ဆိုင်ရာ ဆက်သွယ်မှုမျိုးမရှိသေးပေ။ အမေရိကန်သမ္မတထရမ့်နှင့် မြောက်ကိုရီးယားခေါင်းဆောင် ကင်ဂျုံအန်းတို့၏ သမိုင်းဝင် ထိပ်သီးဆွေးနွေးပွဲကြောင့် သံတမန်ဆက်ဆံရေးနွေးထွေးလာပြီဟု ဆိုနိုင်သော်လည်း တစ်ဖက်တွင် မြောက်ကိုရီးယားမှာ ပြင်းထန်သည့် ဒဏ်ခတ်အရေးယူမှုကြီးများနှင့် ရင်ဆိုင်နေရဆဲ ဖြစ်သည်။ 

သို့အတွက်ကြောင့် ဒဏ်ခတ်အရေးယူမှုများ ဖြေလျှော့ပေးပြီးမှသာ စိတ်ကူးထားသည်များကို လက်တွေ့ကျကျ အကောင်အထည်ဖော်နိုင်လိမ့်မည်ဟု တောင်ကိုရီးယားဘက်မှ ကိုယ်စားလှယ်ကင်ဂျောင်ရိုးက ပြောကြားသည်။ ၎င်းသည် မီးရထားချိတ်ဆက်ပြေးဆွဲရေးအတွက် ဆွေးနွေးပွဲပြုလုပ်ရန် စီစဉ်ခဲ့သူလည်း ဖြစ်သည်။ 

“ဒဏ်ခတ်အရေးယူမှုတွေ ဖယ်ရှားလိုက်ပြီဆိုရင် ကျွန်တော်တို့အနေနဲ့ အသေအချာ သုတေသနလုပ်ပြီး စီမံကိန်းကြီးတွေစတင်ဖို့ လေ့လာကြရပါမယ်” ဟု ၎င်းက မှတ်ချက်ပေးပြောကြားသည်။ 

တောင်နှင့်မြောက် ဆက်ဆံရေး အတော်အတန် တိုးတက်ကောင်းမွန်ခဲ့သည့် အချိန်ကာလက တောင်ကိုရီးယားနိုင်ငံသည် စစ်မက်မဖြစ်ပွားရေးဇုန်၏ တောင်ဘက် ဒိုရာဆန်မြို့တွင် ဘူတာရုံတစ်ခု တည်ဆောက်ခဲ့သည်။ ယင်းဘူတာရုံ ပလက်ဖောင်းများတွင် မြောက်ကိုရီးယားနိုင်ငံ ပြုံယမ်းမြို့သို့ ပြေးဆွဲပေးမည့် ရထားခရီးစဉ်မရှိသေးကြောင်း အမှတ်အသားများ ပြုလုပ်ထားခဲ့သည်။ 

ကိုရီးယားကျွန်းဆွယ်၏ အရှေ့ဘက်ကို ကြည့်မည်ဆိုလျှင် တောင်ကိုရီးယား၏ ဘူဆန်ဆိပ်ကမ်းမြို့နှင့် ဥရောပဒေသတို့ကို မြောက်ကိုရီးယားမှတစ်ဆင့် မီးရထားဖြင့်ဆက်သွယ်ပေးနိုင်သည့်အခြေအနေ ရှိသည်။ 

ပြီးခဲ့သည့် ဧပြီလကုန်ပိုင်းက နယ်စပ်ဒေသတွင် သမ္မတမွန်ဂျေအင်းနှင့် မြောက်ကိုရီးယားခေါင်းဆောင် ကင်ဂျုံအန်းတို့ ပထမဆုံးတွေ့ဆုံရာ၌ နှစ်နိုင်ငံချိတ်ဆက်ရေးအတွက် လက်တွေ့ကျသည့် လုပ်ဆောင်ချက်များကို ပြုလုပ်ရန် သဘောတူညီခဲ့ကြသည်။ 

ကိုရီးယားနှစ်နိုင်ငံအကြား ရထားချိတ်ဆက်ပြေးဆွဲပြီး ဥရောပသို့ ဆက်သွယ်မည်ဆိုပါက နှစ်နိုင်ငံစလုံးသာမက ရုရှားနိုင်ငံအထိပါ စီးပွားရေး အကျိုးအမြတ်များ ဖြစ်ထွန်းလိမ့်မည်ဟူသောအချက်ကို ယင်းတွေ့ဆုံပွဲတွင် မွန်ဂျေအင်းက ကင်ဂျုံအန်းကို အသိပေးပြောဆိုခဲ့သည်။ 

သို့သော် လွတ်လပ်စွာကုန်သွယ်မှုများ၊ ချိတ်ဆက်မှုများ ပေါ်ပေါက်လာမည်ဆိုပါက မြောက်ကိုရီးယားပြည်သူများအနေနှင့် ပြုံယမ်းကွန်မြူနစ်အစိုးရ၏ အာဏာချုပ်ကိုင်မှုကို အန္တရာယ်ပြုလာနိုင်သည်။ မြောက်ကိုရီးယား၏ တစ်ခုတည်းသောအာဏာရအလုပ်သမားပါတီသည် ပြည်သူများအပေါ် တင်းကျပ်စွာ ထိန်းချုပ်ထားသောကြောင့်ဖြစ်သည်။

F-01



FOLLOW US