News

POST TAGGED AS

မူးယစ်ဆေးဝါး

08-Aug-2018

မူးယစ်ဆေးဝါး
ကုလားတန် မြစ်ဝှမ်းဒေသဖွံ့ဖြိုးရေး ကုမ္ပဏီပိုင်ရှင်ကို မူးယစ်မှုဖြင့် စွဲချက်တင်

ရန်ကုန်၊ သြဂုတ် ၈

မင်္ဂလာဒုံ စက်မှုဇုန်ဝင်းအတွင်း လွန်ခဲ့သည့်သုံးနှစ်ကျော်က ကွန်တိန်နာယာဉ်တစ်စီးပေါ်မှ ကျပ်ဘီလီယံ ၁၄၀ နီးပါးရှိသော စိတ်ကြွဆေးပြားများ စံချိန်တင် ဖမ်းဆီးရမိမှုနှင့်ပတ်သက်၍ ကုလားတန်မြစ်ဝှမ်းဒေသ ဖွံ့ဖြိုးရေးကုမ္ပဏီပိုင်ရှင် မင်းဦးခိုင် အပါအဝင် ၁၀ ဦးကို မြောက်ပိုင်းခရိုင်တရားရုံးက ယနေ့ မွန်းလွဲပိုင်းတွင် မူး/စိတ် ပုဒ်မ ၂၀ (က)/ ၂၁ ဖြင့် စွဲချက်တင် အမိန့်ချမှတ်လိုက်သည်။

ကုလားတန် မြစ်ဝှမ်းဒေသ ဖွံ့ဖြိုးရေးကုမ္ပဏီပိုင်ရှင် မင်းဦးခိုင် အပါအဝင် ၁၀ ဦးကို မြောက်ပိုင်းခရိုင် တရားရုံးတွင် ၂၀၁၅ ခုနှစ် ဒီဇင်ဘာလက စတင်တရားစွဲဆိုစစ်ဆေးခဲ့သော်လည်း အမှုမှ တရားခံပြေးများကို စစ်ဆေးချိန်နှင့် တရားစွဲဆိုခံရသူများဘက်မှ ရန်ကုန်တိုင်းဒေသကြီး တရားလွှတ်တော်ထံ ရုံးပြောင်းလျှောက်ထားမှုတို့ကြောင့် ၂ နှစ်ခွဲကျော်အကြာမှ ယင်းအမှုကို မူး/စိတ် ပုဒ်မ ၂၀(က)/ ၂၁ ဖြင့် စွဲချက်တင် စစ်ဆေးရန် အမိန့်ချမှတ်နိုင်ခဲ့ခြင်းဖြစ်ကြောင်း ဒုခရိုင် တရားသူကြီး ဦးမောင်မောင်အေးထံမှ သိရသည်။

အဆိုပါအမှုမှ အဓိက တရားခံဟုဆိုသူ မင်းဦးခိုင်ကို အမြင့်ဆုံးပြစ်ဒဏ် သေဒဏ်အထိ ချမှတ်နိုင်သော မူး/စိတ် ပုဒ်မ ၂၀ (က) ဖြင့် စွဲချက်တင် စစ်ဆေးရန် အမိန့်ချမှတ်၍ ကျန် ၉ ဦးကို မူး/စိတ်ပုဒ်မ ၂၀(က)/ ၂၁ ဖြင့် စွဲချက်တင် စစ်ဆေးရန် အမိန့်ချမှတ်ခဲ့ခြင်းဖြစ်သည်။ အဓိက တရားခံဟုဆိုသူ မင်းဦးခိုင်နှင့် အမှုတွဲတွင်ပါဝင်သူ မချိုချိုဝင်း (ခ) ရန်ယုံချင်းတို့မှာ အချုပ်သားအဖြစ် အမှုရင်ဆိုင်လျက်ရှိပြီး ကျန်အမျိုးသား ခုနှစ်ဦးနှင့် အမျိုးသမီးတစ်ဦးတို့မှာ အရှေ့ပိုင်းခရိုင်တရားရုံးမှ မူး/စိတ် ပုဒ်မများဖြင့် ထောင်ဒဏ် ၄၈ နှစ် ကျခံစေရန် အမိန့်ချမှတ်ထားပြီးဖြစ်သည်။

ပြစ်ဒဏ်ကျခံနေရသူများက ယနေ့ ရုံးချိန်းတွင် ၎င်းတို့မှာ အဆိုပါစံချိန်တင် စိတ်ကြွဆေးပြား ဖမ်းဆီးရမိမှုနှင့် လုံးဝ ပတ်သက်ဆက်နွယ်နေမှု မရှိခဲ့ကြောင်း မီဒီယာများထံ ပြောကြားခဲ့သည်။

S-03



FOLLOW US