News

POST TAGGED AS

မိတ္ထီလာ

သံသယဆိုတဲ့ ငြောင့်ကလေး
လူမှုဆက်ဆံရေးနယ်ပယ်ကို ကောင်းသထက်ကောင်းအောင်၊ လှသထက်လှအောင် ဖန်တီးပေးနိုင်တဲ့ဟာတွေက အပြန်အလှန် နားလည်ယုံကြည်မှုတွေ၊ အပြန်အလှန် လေးစားချစ်ခင်မှုတွေပါ။ ဆက်ဆံရေးကို အရုပ်ဆိုးအကျည်းတန်စေတဲ့အချက်တွေထဲက အဓိက အကျဆုံးအရာတစ်ခုကတော့ သံသယပါ။ 

ဆက်ဆံရေးနယ်ပယ်တစ်ခုရဲ့အကြားမှာ သံသယဆိုတဲ့အရာလေးတစ်ခု အမြစ်တွယ်ခိုဝင်သွားပြီဆိုရင် ဒီအမြစ်က တဖြည်းဖြည်းကြီးထွားလာပြီးတော့ မူလတည်ရှိနေတဲ့၊ ကောင်းမွန်တဲ့ ဆက်ဆံရေးလေးကို တစ်စတစ်စ ထိုးခွဲတိုက်စားပြီးတော့ နောက်ဆုံးမှာ ဆက်ဆံရေးနယ်ပယ်ကြီးတစ်ခုလုံး ပြိုကွဲပျက်စီးသွားတဲ့အထိတောင်မှ ဆိုးရွားသွားနိုင်ပါတယ်။ သံသယနဲ့ ယုံကြည်မှုဟာ ပြောင်းပြန်အချိုးကျနေတယ်။ သံသယတွေပွားလေလေ၊ ယုံကြည်မှုက ပါးလေလေ။ သံသယတွေ ခိုင်လေလေ၊ ယုံကြည်မှုက ယိုင်လေလေ။ ဆက်ဆံရေးနယ်ပယ်နဲ့ သံသယကို ဥပမာတစ်ခုနှင့် တင်စားနှိုင်းယှဉ်ပြရမယ်ဆိုရင်တော့ ဘုရားစေတီတွေတို့၊ အဆောက်အအုံတို့မှာ ပေါက်လာတဲ့ ညောင်ပင်ပေါက်သေးသေးလေးတွေနဲ့ နှိုင်းယှဉ်ပြချင်ပါတယ်။ 

ဘုရားတွေ၊ ကျောင်းတွေ၊ အထူးသဖြင့် အုတ်နဲ့လုပ်ထားတဲ့ အဆောက်အအုံကြီးတွေပေါ်မှာ ညောင်သီးစားထားတဲ့ငှက်တွေ မစင်စွန့်ချရာကတစ်ဆင့် ညောင်ပင်လေးတွေ ပေါက်ပေါက်လာတတ်ပါတယ်။ ဒီညောင်ပင်လေးတွေကိုကြည့်လိုက်ရင် အစပိုင်းမှာတော့ သိပ်ပြဿနာမဟုတ်ဘူးလို့ထင်ရတယ်။ စေတီကြီးက အကြီးကြီး၊ ညောင်ပင်လေးက သေးသေးလေး။ ဒီညောင်ပင်လေးဟာ စေတီကြီးရဲ့ထိပ်ပိုင်းမှာဖြစ်ဖြစ်၊ အလယ်ပိုင်းမှာပဲဖြစ်ဖြစ်၊ အခြေပိုင်းမှာပဲဖြစ်ဖြစ် တစ်နေရာရာမှာ ကပ်ပါးကပ်မြှောင်ပုံစံကလေးနဲ့ အညွန့်သေးသေးအရွယ်ကလေးကနေစလို့ ပေါက်လာလေထဲမှာ တလွင့်လွင့်နဲ့၊ လေအသွေးမှာ ငိုက်တိုက်ငိုက်တိုက်နဲ့ တကယ့်ညောင်ပင်ပေါက်စလေး။ 

အဲ့ဒီညောင်ပင်သေးသေးလေးက တဖြည်းဖြည်းနဲ့ ကြီးထွားလာပြီးတော့ လက်ကောက်ဝတ်လောက်၊ လက်မောင်းလောက်ဖြစ်လာ၊ ဒူးလောက်၊ ပေါင်လောက်အရွယ်အထိ ဖြစ်လာတယ်။ နောက်ဆုံး သူအရမ်းကြီး ထွားလာတဲ့အချိန်မှာတော့ သူ့အမြစ်တွေက ထိုးခွဲလိုက်လို့ မူလသူအမှီပြုအားထားခဲ့ရတဲ့ စေတီတော်ကြီးတောင် ကွဲအက်ပြိုကျရရှာတယ်။ ညောင်မြစ်ထိုးလို့ ပြိုကျပျက်စီးသွားရတဲ့ အုတ်အဆောက်အအုံတွေ ဘယ်လောက်များ ရှိခဲ့ပြီလဲဆိုတာကတော့ သုတေသနတစ်ခုလုပ်ကြည့်မှသာ တိတိကျကျသိရလိမ့်မယ်။ ကိုယ်လက်လှမ်းမီသမျှ နေရာလေးတွေမှာကိုပဲ ညောင်မြစ်ကြောင့် ပြိုကျသွားတဲ့ဘုရားတွေ၊ တိုက်အိုတိုက်ဟောင်းကြီးတွေ မနည်းလှတော့ဘူး။ တကယ့်ကို နှမြောစရာပါ။ 

စည်ပင်သာယာရေးကော်မတီတို့၊ မြို့ပြနှင့်အိမ်ရာဖွံ့ဖြိုးရေးဌာနတို့ကတော့ ဒီလိုအပင်တွေကို တွယ်ကပ်သစ်ပင်လို့ခေါ်ကြတယ်။ တွယ်ကပ်သစ်ပင် ရှင်းလင်းရေးလုပ်ငန်းကိုလည်း တာဝန်တစ်ရပ်အနေနဲ့ သတ်မှတ်ပြီးတော့ လုပ်ကိုင်ဆောင်ရွက်ကြတာကို တွေ့ရတယ်။ အချိန်မီရှင်းလင်းနိုင်ရင်တော့ အဆောက်အအုံကြံ့ခိုင်မှုအတွက် မထိခိုက်ဘူးပေါ့။ သက်ဆိုင်ရာဌာနတွေ လက်လှမ်းမမီတဲ့ ကျေးလက်တောနယ်တွေမှာတော့ ညောင်မြစ်ထိုးလို့ ပြိုကွဲရတဲ့စေတီဟောင်းတွေက သိပ်မနည်းလှပါဘူး။

ဒီလိုပါပဲ။ လူမှုဆက်ဆံရေးနယ်ပယ်မှာ သံသယဆိုတဲ့အရာက ညောင်ပင်ပေါက်ကလေးလိုပဲ။ ဘာသံသယမှ ပွားစရာမရှိတဲ့ ဆက်ဆံရေးတစ်ခုကတော့ သူ့ဟာနဲ့သူ ချောနေတာပဲ။ တစ်ယောက်နဲ့တစ်ယောက် ထာဝရအဆင်ပြေလာကြတဲ့ မိတ်ဆွေနှစ်ဦးရဲ့အကြားမှာ သံသယဆိုတာလေးများ ဝင်လာလိုက်လို့ကတော့ အဖုအထစ်ကလေးတွေက ရှိလာတော့တာပါ။ သူကတော့ ဒီလိုပြောနေပြီ၊ ဒီစကားလုံးဟာ ရိုးရိုးသားသားပြောနေတာမှ ဟုတ်ရဲ့လား။ နောက်ကွယ်မှာ ဘာရည်ရွယ်ချက်များ ရှိနေပါလိမ့်မလဲ။ သူပြောတဲ့အတိုင်း အားလုံး ယုံကြည်လိုက်လို့ ဖြစ်မှဖြစ်ပါ့မလားဆိုတဲ့အတွေးတွေက ဖွင့်ထုတ်ပြီး ပြောမပြပေမယ့် စိတ်ထဲမှာ တနုံ့နုံ့နဲ့ ဖြစ်နေတယ်။

သံသယဟာ ငြောင့်ကလေးတစ်ချောင်းနဲ့လည်း တူပါတယ်။ အခန့်မသင့်လို့ လက်မှာဖြစ်ဖြစ်၊ ခြေထောက်မှာဖြစ်ဖြစ် ငြောင့်အစူးခံရတယ်ဆိုရင် အခံရခက်သလို ပြန်နုတ်ရတာကလည်း တော်တော်ခက်ပါတယ်။ ဆူးစူးတာနဲ့ မတူဘူး။ ဆူးက ဆွဲနုတ်ပစ်လိုက်ရုံပဲ။ ဆူးစူးတာက ငြောင့်အစူးခံရတာထက်တော့ ပိုနာတယ်။ ဒါပေမဲ့ သူက အနုတ်ရလွယ်တယ်။ အစကနဦးမှာ ငြောင့်စူးတာထက် ဆူးစူးခံရတာက ပိုနာပေမယ့် နုတ်ရတာ လွယ်တဲ့အတွက် သူက သိပ်အကြာကြီးမနာဘူးလို့ ပြောရမယ်။ ငြောင့်ကတော့ ဒီလိုမဟုတ်ဘူး။ စပြီး ဆူးဝင်သွားတုန်းကတော့ သိချင်မှတောင် သိလိုက်မယ်။ နောက်တော့မှ တစ်ဆစ်ဆစ်နဲ့ကိုက်လာတယ်။ ဘာပါလိမ့်မလဲလို့ သေချာစမ်းကြည့်လိုက်တော့မှ၊ ဪသြော်... ကိုယ့်မှာ ငြောင့်စူးသွားတာပါလားရယ်လို့ သိရတာ။ သိရတဲ့အချိန်ကစပြီး နေမထိထိုင်မသာတွေ ဖြစ်တော့တာပဲ။ သူ့ကိုအမြန်ဖယ်ထုတ်ဖို့ အပ်ကလေးတစ်ခုနဲ့ ထိုးမွှေပြီး ဟိုဆွ၊ ဒီဆွနဲ့ ကြိုးစားရတယ်။ ငြောင့်ရှိနေတုန်းက တစ်ဆစ်ဆစ်နဲ့ ကိုက်တဲ့ဝေဒနာခံစားရသလို ငြောင့်ထွင်တဲ့အချိန်ကျပြန်တော့ ပိုပြီးနာကျင်ခံ ခက်ကြီးဖြစ်ရပြန်တယ်။ သူက ဆူးလို ထင်ထင်ရှားရှား မြင်တွေ့နေရတာ မဟုတ်တော့ ရုတ်တရက် ချက်ချင်းဆွဲနုတ်လိုက်ဖို့က မလွယ်ဘူးလေ။ အပ်ကလေးနဲ့ ဟိုစမ်း၊ ဒီစမ်း။ အမယ်လေး၊ နာလှချည်ရဲ့ပေါ့လေ။ နာလို့ဆိုပြီး ဒီငြောင့်ကိုမထွင်ဘဲထားပစ်လိုက်လို့ကလည်း မရပြန်ဘူးမို့လား။ 

ငြောင့်က အပေါ်ယံလောက်ပဲ ဆူးဝင်တာဆိုရင်တော့ ဆူးခံရတာလည်း သိပ်မနာသလို ပြန်နုတ်တော့လည်း အရမ်းကြီးတော့မနာဘူးပေါ့။ အတွင်းအထိများ နစ်ဝင်သွားလို့ကတော့ မထွင်ခင်နာသလို ထွင်ပြန်တော့လည်း အပ်ဖျားကလေးနဲ့ ထိုးခံဆွခံ၊ ကလော်ခံရတဲ့ဝေဒနာက တကယ်ကို အခံရခက်လှပါတယ်။ 

ဆူးကိုတော့ ဒေါသနဲ့ တင်စားလိုပြီး ငြောင့်ကိုတော့ သံသယနဲ့ တင်စားချင်ပါတယ်။ လူတစ်ယောက် ဒေါသဖြစ်လာပြီဆိုရင် ဘေးလူတွေက ရိပ်မိတယ်။ သိသာတယ်။ တချို့ အရမ်းသွေးဆူတတ်တဲ့သူတွေဆိုရင် ဒေါသထွက်လာတဲ့အခါ မျက်စိမျက်နှာတွေက ပျက်လာတယ်။ နီရဲလာတယ်။ အသားတွေပါတောင်တုန်လာတယ်။ ဒေါသအခံဓာတ် အတိမ်အနက်အပေါ် မူတည်ပြီးတော့ တစ်ယောက်နဲ့တစ်ယောက်တော့ ကွာတာပေါ့လေ။ တချို့လူတွေရဲ့ဒေါသက ရေမှာအရုပ်ရေးလိုက်သလိုပဲတဲ့။ ရေမျက်နှာပြင်ကို တုတ်နဲ့ခြစ်ပြီး အရုပ်ရေးလိုက်ရင် ဘာကြာမလဲ။ ခြစ်လိုက်တဲ့အရုပ်က ဖြစ်ပြီးတာနဲ့ ချက်ချင်းပြန်ပျက်သွားတယ်။ တချို့ကတော့ သဲပြင်မှာ စာရေးသလိုပဲတဲ့။ အချိန်ကာလ အခိုက်အတန့်တစ်ခုအထိတော့ ခံနေသေးတယ်။ ပြီးမှ ပြန်ပျက်သွားတာ။ တချို့ကျပြန်တော့ ကျောက်ထက်အက္ခရာတင်ထားသလိုပဲတဲ့။ ဒီဒေါသက ပြေပျောက်ဖို့ တော်တော်ကြီးကိုခဲယဉ်းတဲ့ သဘောရှိနေတယ်။ ဒါထားပါတော့။ အတိမ်အနက်ကတော့ ပင်ကိုစရိုက်အပေါ်မူတည်ပြီးတော့ ကွာကြမှာပါပဲ။

ဘာပဲဖြစ်ဖြစ် ဒေါသသမားက သိသာတယ်လို့ပဲ ပြောရမယ်။ သူ ဒေါသထွက်လာပြီဆိုရင် ဘေးပတ်ဝန်းကျင်က နည်းနည်းပဲဖြစ်ဖြစ် ရိပ်မိကြတာများတယ်။ အဲ့ဒီတော့ ဘာ့ကြောင့်ဒေါသထွက်ရတာလဲ၊ ဘယ်လိုဖြစ်ရတာလဲ စသည်အားဖြင့် မေးမြန်းပြီးတော့ အဖြေတစ်ခုကိုကူရှာရင်းနဲ့ ဝိုင်းဝန်းဖျောင်းဖျလို့ရနိုင်တယ်။ ဒါ့ကြောင့် ဒေါသပြဿနာက ဖြေရှင်းရတာ သိပ်မခက်ဘူးလို့ပဲပြောရမယ်။ သံသယသမားကျတော့ ဒီလိုမဟုတ်ဘူး။ တစ်စုံတစ်ယောက်နဲ့ပတ်သက်ပြီးတော့ သံသယဝင်လာပြီဟေ့ဆိုရင် ဒီလူကိုတော့ ငါမယုံဘူးရယ်လို့ထုတ်ဖော်ပြီး ပြောကြတာမျိုးလည်းမဟုတ်ဘူး။ တွေ့ရင်တော့ ခပ်ပြုံးပြုံးနဲ့၊ မျက်နှာချိုလေးနဲ့ဆက်ဆံတာပဲ။ ဒါပေမဲ့ သူ့စိတ်ထဲမှာ သံသယဆိုတဲ့ငြောင့်ကဝင်နေပြီ။ တစ်ဖက်ကပြောသမျှကို သူသိပ်မယုံချင်တော့ဘူး။ ဟုတ်မှဟုတ်ပါ့မလားဆိုတဲ့အတွေးက နောက်ကနေ အမြဲကပ်ပါလာတယ်။ မျက်မှန်စိမ်းတပ်ထားသူဟာ အရာရာကို အစိမ်းချည်းပဲထင်နေသလို သံသယစိတ်ဝင်နေသူတစ်ယောက်ဟာလည်း တစ်ဖက်လူ ပြောဆိုလုပ်ကိုင်သမျှတွေရဲ့အပေါ်မှာ မဟုတ်ဘူး၊ မမှန်ဘူးလို့ချည်းပဲ မြင်နေတတ်တယ်။ ဒါပေမဲ့ သူဒီလို သံသယဖြစ်နေတယ်ဆိုတာကို တစ်ဖက်က သိဖို့ခဲယဉ်းနေတယ်။ မသိနိုင်တဲ့အတွက် တစ်ဖက်ကလည်း သူလုပ်စရာရှိတာကို ပုံမှန်အတိုင်းပဲ လုပ်နေမှာပဲ။ ဒီလိုလုပ်နေတာကိုပဲ ဟိုတစ်ဖက်ကလည်း သံသယတွေဝင်ပြီးရင်း ဝင်ရင်းနဲ့ မျိုသိပ်မထားနိုင်တော့တဲ့ တစ်နေ့ကျမှ ပွင့်အံပေါက်ကွဲထွက်လာပြီးတော့ အားလုံးပြဿနာတွေ ရှုပ်ကုန်တော့တာပါပဲ။ 

ဒါ့ကြောင့် သံသယဆိုတဲ့ဟာကို ကိုယ့်မှာဖြစ်လာရင်လည်း မြန်မြန်ပယ်ဖျောက်ဖို့အတွက် တစ်ဖက်လူကို မေးသင့်မေးထိုက်တာကို ပွင့်ပွင့်လင်းလင်းမေးမြန်းစုံစမ်းပြီးတော့ တိုက်ရိုက်ဆွေးနွေးအဖြေရှာသင့်တယ်လို့ ပြောချင်ပါတယ်။ သံသယနည်းနည်းလေးဝင်လာပြီဆိုတာနဲ့ မြန်မြန်ရှင်းထုတ်လိုက်တာ အကောင်းဆုံးပါ။ သံသယစိတ်ကလေး နည်းနည်းဝင်လာတာကို မြန်မြန်မရှင်းထုတ်နိုင်ရင် ဒီသံသယက တဖြည်းဖြည်းကြီးထွားလာရာကတစ်ဆင့် တစ်ဖက်လူ၊ တစ်ဖက်အဖွဲ့အစည်းရဲ့အပေါ်မှာ လုံးလုံးကို အထင်မှား၊ မမြင်မှားတွေဖြစ်ပြီး မဖုံးနိုင်မဖိနိုင်တော့တဲ့တစ်နေ့၊ မျိုသိပ်မထားနိုင်တော့တဲ့တစ်နေ့မှာ ပြဿနာတွေက အတိုးရောအရင်းပါ စုပြုံဝင်လာပြီးတော့ ဘယ်လိုမှ ပြန်လည်ဖြေရှင်းလို့ မရနိုင်တော့တဲ့အဆင့်အထိ ဆိုးဆိုးရွားရွားဖြစ်သွားတတ်ပါတယ်။

သံသယရဲ့အကျိုးဆက်ကို သိပ်ပြီးလျှော့မတွက်သင့်ပါဘူး။ အဇာတသတ်မင်းရဲ့ဇာတ်ကြောင်းမှာ သိသိသာသာတွေ့ရပါလိမ့်မယ်။ ရာဇဂြိုဟ်ပြည့်ရှင် ဘုရင် အဇာတသတ်က အလွန်အင်အားကြီးတဲ့ စစ်တပ်ကို ပိုင်ဆိုင်ထားတဲ့သူ။ ဒါပေမဲ့ သူ့ထက် စစ်အင်အားနည်းတဲ့ ဝေသာလီပြည်က လိစ္ဆဝီမင်းတွေကို ဘယ်လိုမှတိုက်ခိုက်လို့ မအောင်မြင်နိုင်ဘူးဖြစ်နေတယ်။ ဘယ်နိုင်ပါ့မလဲ။ ဝေသာလီပြည်က အပရိဟာနိယတရား ထွန်းကားတဲ့ ဒေသဖြစ်နေတယ်။ ချုပ်ပြောရရင်တော့ စည်းလုံးညီညွတ်ရေး အင်မတန်ခိုင်မာအားကောင်းတဲ့နေရာပေါ့။ ဒီမိုကရေစီဆန်ဆန် အလှည့်ကျအုပ်ချုပ် ရေးစနစ်လည်းရှိတယ်။ လိစ္ဆဝီတွေက မင်းသားချည်းငါးရာရှိတာဆိုတော့ ဘယ်သူက ရှင်ဘုရင်၊ ဘယ်သူက အိမ်ရှေ့မင်း၊ ဘယ်သူက စစ်သူကြီးရယ်လို့ ပုံသေသတ်မှတ်မထားဘူးတဲ့။ အားလုံးအလှည့်ကျပဲ။ ဒီတစ်ပတ်မှာ ဒီမင်းသားက ရှင်ဘုရင်ဆိုရင် နောက်တစ်ပတ်မှာ စစ်သူကြီးဖြစ်ချင်ဖြစ်သွားတယ်။ ဘယ်တာဝန်ပဲထမ်းရထမ်းရ အလှည့်ကျစနစ်မို့ ကျရာတာဝန်ကို ကျေကျေနပ်နပ်ကြီး ထမ်းဆောင်ကြတယ်။ 

ဝေသာလီတွေက အားလုံးအမျိုးတွေချည်းပဲ။ အမြွှာပူး ဆယ့်ခြောက်ခုက အချင်းချင်းလက်ထပ်ထိမ်းမြားပြီးတော့ ဆယ့်ခြောက်မြွှာ၊ ဆယ့်ခြောက်မြွှာ ဆင့်ပွားဆင့်ပွား ပွားလာကြတာတဲ့။ ဝေသာလိယာတီသု ပါကာရန္တရေသုတဲ့။ မြို့ကို တံတိုင်းကာလိုက်တယ်။ တော်တော်ကြာတော့ လူဦးရေက တိုးလာပြီး မြို့မဆံ့တော့ တံတိုင်းတစ်ဆင့်ထပ်ပြီးကာရတယ်။ ဒါလည်း သိပ်မဟန်သေးဘူး။ နောက်ထပ်လူဦးရေက အရမ်းတိုးလာပြန်တော့ နောက်တစ်ဆင့်ထပ်ပြီးတော့ တံတိုင်းကာရပြန်တယ်။ အဲ့သလို တံတိုင်းသုံးထပ်ရှိလို့ပဲ ဝေသာလီလို့ခေါ်တာဆိုပဲ။ အားလုံးကလည်း အမျိုးတွေမို့ စည်းလုံးညီညွတ်ရေးက အရမ်းကောင်းနေတယ်။ အဇာတသတ်မင်း ဘယ်လိုကြိုးစားပြီးတိုက်ခိုက်ပေမယ့် ဝေသာလီကို မသိမ်းနိုင်ဘူး။

နောက်တော့ လူယုံတော်ဖြစ်တဲ့ ဝဿကာရအမတ်ကြီးရဲ့ ဉာဏ်နီဉာဏ်နက်ကိုသုံးပြီးတော့မှ ဝေသာလီကို သိမ်းနိုင်သွားတယ်။ ဝဿကာရ အမတ်ကြီးလုပ်ပုံက ဒီလို။ သူ့ကို အဇာတသတ်က ပြည်နှင်ဒဏ်ပေးလိုက်လေဟန်နဲ့၊ သူ့ကိုယ်မှာ ဒဏ်ရာပရဗွနဲ့ ဝေသာလီကို ထွက်ပြေးဝင်ရောက်လာတာ။ နိုင်ငံရေးခိုလှုံခွင့်တောင်းတာပေါ့လေ။ ကိုယ်မှာလည်း ဒဏ်ရာဒဏ်ချက်တွေ အများကြီးပါလာတာဆိုတော့ လိစ္ဆဝီတွေက ယုံတာပေါ့လေ။

ဒီယုံကြည်မှုကနေတစ်ဆင့် သူ့ရဲ့အရေးတော်ပုံကို စပြီး အကောင်အထည်ဖော်တယ်။ သူလုပ်တာက သိပ်တော့ အကြီးကြီးတွေမဟုတ်ဘူး။ လယ်ထွန်နေတဲ့မင်းသားနားသွားပြီးတော့ “အရှင်မင်းသား လယ်ထွန်နေတာလား”လို့ တိုးတိုးလေးသွားမေးတယ်။ တကယ့်ကို တိုးတိုးလေးမေးတာ။ မေးတာကလည်း ဘေးက မင်းသားတစ်ပါး မြင်နိုင်လောက်တဲ့ အချိန်၊ ဖြတ်သွားဖြတ်လာရှိတဲ့အချိန်မျိုးမှာမှ တမင်တကာကို မေးတာ။ နှစ်ကိုယ်ကြား တီးတိုးလေးပဲမေးတာ။ ဒီတော့ ဟိုဘက်ကလည်း “အေး၊ ဟုတ်တယ်”ပေါ့လေ။ ဒါပဲ။ ဘာမှတော့ မဟုတ်ဘူး။ နောက်တစ်ခါ တံတိုင်းအထက်မှာ ကင်းစောင့်နေတဲ့သူကိုလည်း ကင်းစောင့်နေတာလားလို့ တိုးတိုးလေး ကပ်မေးတယ်။ အမှန်အတိုင်းပဲဖြေတာပေါ့။ တခြားမင်းသားတွေကိုလည်း ဒီအတိုင်းပဲ လျှောက်လျှောက်မေးနေတယ်။ ဖြေကြတယ်။ တီးတိုးတီးတိုးနဲ့။

ဝဿကာရအမတ်ကြီးနှင့် မင်းသားတွေ တီးတိုးတီးတိုးလုပ်နေတာကို မြင်သွားတဲ့ တခြားမင်းသားတွေက အမတ်ကြီးကိုတော့ ဘာမှဖွင့်မပြောဘူး။ ကိုယ့်အချင်းချင်းပဲမေးတယ်။ “ခုနက အမတ်ကြီးက နောင်ကြီးကို ဘာတွေများပြောသွားတာလဲ”၊ “ဘာမှမဟုတ်ပါဘူး၊ လယ်ထွန်နေတာလားလို့မေးတာပါ”။ ကင်းစောင့်နေတဲ့မင်းသားကို သွားမေးပြန်တော့လည်း “ဘာမှမဟုတ်ပါဘူး၊ ကင်းစောင့်နေတာလားလို့ မေးသွားတာပါ”။ ဖြေတဲ့ သူကတော့ အမှန်အတိုင်းဖြေတာပဲ။ ဒါပေမဲ့ သူတွေးပြီလေ။ မဖြစ်နိုင်ဘူး။ ဒီလောက်တောင် တီးတိုးတီးတိုးလေးပြောနေတဲ့ဟာကြီးကို လယ်ထွန်တာလား၊ ကင်းစောင့်တာလားဆိုတာ မဖြစ်နိုင်တာပဲ။ အင်း၊ ဧကန္တ မဟုတ်မှလွဲရော။ သူတို့ကြားမှာ လျှို့ဝှက်ရမယ့်ကိစ္စတစ်ခုခုတော့ ရှိနေကြပြီ။ တိတ်တဆိတ် တိုင်ပင်နေကြပုံထောက်တော့ ဒီအရေးတော်ပုံကြီးဟာဖြင့် နှယ်နှယ်ရရတော့ ဟုတ်ပုံမရဘူး။ ထီးရေးနန်းရေးတွေနဲ့များ ပတ်သက်နေလေမလား။

ဒီလိုပဲပေါ့လေ။ တဖြည်းဖြည်းနဲ့ လိစ္ဆဝီမင်းသားတွေအကြားမှာ အချင်းချင်းသံသယတွေဝင်လာပြီးတော့ အရင်လို ယုံယုံကြည်ကြည် မပြောဖြစ်မဆိုဖြစ်ကြတော့ဘူး။ စကားကိုထိန်းသွားကြပြီ။ ပြောရမယ့်ဟာမှန်သမျှ အကုန်လုံးတော့ မပြောဖြစ်၊ မတိုင်ပင်ဖြစ်ကြတော့ဘူး။ ဘယ်သူ့ရဲ့လှည့်ကွက်က ဘာဖြစ်မလဲဆိုတာမျိုးနဲ့ပဲ တစ်ယောက်ကိုတစ်ယောက် စောင့်ကြည့်အကဲခတ်ကြတော့တဲ့ အနေအထားတွေအထိ ရောက်လာတယ်။ နောက်ဆုံးတော့ ဂိုဏ်းဂဏတွေပါ ကွဲကုန်ကြတယ်ဆိုပါတော့။ 

သူတို့ရဲ့အကွဲအပြဲဇာတ်လမ်း စပြီဆိုတာနဲ့ ဝေသာလီအခက်၊ ရာဇဂြိုဟ်အချက်ဆိုတဲ့ကိန်း ဆိုက်နေပါပြီဘုရား၊ ဒီအချိန်မှာ ထိုးစစ်ဆင်ရင်နိုင်ကို နိုင်ပါလိမ့်မယ်ဆိုပြီ ဝဿကာရအမတ်ကြီးက ဘုရင်အဇာတသတ်ဆီ သူလျှိုကတစ်ဆင့် လှမ်းပြီးလျှောက်တင်လိုက်တယ်။ ဝေသာလီကိုဝင်တိုက်တယ်။ အောင်တယ်။ သိမ်းပိုက်နိုင်သွားတယ်။ ဇာတ်လမ်းက ဒါပါပဲ။

ဒီအဖြစ်အပျက်မှာ ဝေသာလီရဲ့ကျရှုံးခန်းဟာ သံသယဆိုတဲ့အရာလေးတစ်ခုကြောင့်လို့ပဲ ပြောရမှာပါ။ ဘာမှမဟုတ်တဲ့အရာကလေးတွေက စတယ်လို့ပြောရမှာပါ။ ဒါက အမှိုက်ကစ ပြာသာဒ်မီးလောင်တာတောင် မဟုတ်ဘူး။ ပြာသာဒ်ထက် အဆပေါင်းများစွာ တန်ဖိုးရှိတဲ့ တိုင်းပြည်ကြီးတစ်ခုလုံးပါသွားတာ။

လူမှုဆက်ဆံရေးအားလုံးမှာလည်း ဒီလိုပါပဲ။ သံသယဆိုတဲ့ဂြိုဟ်ဆိုးဝင်လာပြီဆိုရင် ငါးပါးမက သံဃာစင်ပါမှောက်တဲ့ကိန်းဆိုက်တော့တာပါ။ အချစ်ရေးမှာ ကြည့်မလား၊ သံသယဝင်လာပြီဆိုရင် ရှေ့ဆက်လက်တွဲကြဖို့က ခဲယဉ်းသွားတယ်။ ငါ သူနဲ့လက်တွဲလိုက်ရင် ဘဝတစ်လျှောက်လုံး ငါ့အပေါ် သစ္စာရှိနိုင်ပါ့မလားဆိုတဲ့အတွေးက လမ်းခွဲဖို့ကို ဦးတည်သွားတယ်။ အိမ်ထောင်ရေးကိုကြည့်မလား၊ သံသယဝင်လာရင် အဆင်မပြေပြန်တော့ဘူး။ တစ်ဖက်က လုပ်ကိုင်ပြောဆိုသမျှတွေဟာ သစ္စာမဲ့တဲ့ကိစ္စတွေချည်းပဲလို့ မြင်လာတယ်။ စီးပွားရေးကို ကြည့်မလား၊ သံသယရှိတဲ့သူနဲ့၊ သိပ်မယုံရတဲ့သူနဲ့ ဘယ်သူမှတွဲပြီး အလုပ်မလုပ်ချင်ဘူး။ စာချုပ်စာတမ်းတွေ တစ်ထပ်ကြီး ချုပ်ထားတာတောင်မှ စိတ်ကမချနိုင်သေးဘူး။ နိုင်ငံရေးကို ကြည့်မလား၊ သံသယစိတ်တွေမွေးနေသရွေ့တော့ ရေရှည်တည်တံ့ခိုင်မြဲတဲ့ ပြန်လည်ရင်ကြားစေ့ရေးဆိုတာက ဝေးနေကြလိမ့်ဦးမယ်ထင်တယ်။ 

ဟောဒီ သံသယဆိုတဲ့အရာကြီးကတော့ ဘယ်နယ်ပယ်မှာပဲဖြစ်ဖြစ် စနေဂြိုဟ်လိုပဲ ဝင်ဝင်မွှေနေဦးမှာပဲ။ သူ့ကိုလက်မခံမှ။ အစကလက်ခံခဲ့မိရင်လည်း မြန်မြန်မောင်းထုတ်လိုက်နိုင်မှကို ဖြစ်မှာပါ။ 

မောင်းတဲ့နည်းက ခက်သလားဆိုတော့ သိပ်တော့မခက်ပါဘူး။ သံသယဝင်လာရင် သိုဝှက်မထားသင့်ပါဘူး။ ကိုယ်သံသယဝင်တဲ့တစ်ဖက်လူကိုပဲဖြစ်ဖြစ်၊ ဒါမှမဟုတ် ကိုယ်လေးစားယုံကြည်တဲ့ပုဂ္ဂိုလ်တစ်ယောက်ယောက်ဆီမှာပဲဖြစ်ဖြစ် ပွင့်ပွင့်လင်းလင်း ချပြဆွေးနွေးပြီးတော့ အဖြေရှာသင့်ပါတယ်။ ဒီသံသယကို အမြန်ဆုံးပယ်ဖျောက်သင့်ပါတယ်။ ကိုယ်က သူ့ကိုသံသယဖြစ်ပါတယ်ဆိုမှတော့ သူ့ကို ပွင့်ပွင့်လင်းလင်းချပြဖို့က ဘယ်မှာဖြစ်နိုင်ပါ့မလဲလို့ ပြောချင်ပြောပါလိမ့်မယ်။ သူနဲ့တိုက်ရိုက်မပြောချင်ဘူးဆိုရင်လည်း တစ်ယောက်ယောက်နဲ့တော့ တိုင်ပင်ဆွေးနွေးအဖြေရှာသင့်ပါတယ်။ အကြံပေးတဲ့သူက မှန်ကန်ဖို့တော့လိုမှာပေါ့လေ။ 

နှစ်ကိုယ်ကြားဆက်ဆံရေးမှာဆိုရင်လည်း ကိုယ့်မှာဖြစ်ပေါ်လာတဲ့ သံသယကို တစ်ဖက်လူနဲ့ ပွင့်ပွင့်လင်းလင်း ဆွေးနွေးသင့်တယ်။ ဒီသံသယနှင့်ပတ်သက်ပြီးတော့ တစ်ဖက်လူကို ထုချေရှင်းလင်းခွင့် ပေးသင့်တယ်။ ပြန်ဆွေးနွေးပါစေ။ ဒါမှသာ ကိုယ်ထင်နေတဲ့အတိုင်း ဟုတ်မဟုတ် သိပြီးတော့ အမှား အမှန်ကို ခွဲခြားနိုင်မှာပါ။ အဖွဲ့လိုက်ဆက်ဆံရေးမျိုးဆိုရင်လည်း တစ်ဖက်နဲ့တစ်ဖက် ပွင့်ပွင့်လင်းလင်း ပြောဆိုဆွေးနွေးသင့်ပါတယ်။ ခင်ဗျားတို့ဘက်က ဆွေးနွေးတာကတော့ ဒီလို။ ဒါပေမဲ့ ကျွန်တော်တို့ဘက်ကတော့ ဒီကိစ္စအပေါ်မှာ နည်းနည်းလေး သံသယဝင်မိတယ်။ နောင်တစ်ချိန်မှာ ဒီကတိကဝတ်တွေကို အစဉ်ထာဝရ ထိန်းသိမ်းထားနိုင်ကြပါ့မလား။ နောက်တော့မှ ကတိပျက်မှာကို စိုးရိမ်မိတယ် စသည်အားဖြင့် ပွင့်ပွင့်လင်းလင်း ဆွေးနွေးသင့်ပါတယ်။ အားလုံက ရိုးသားပွင့်လင်းစွာပြောဆိုဆက်ဆံလာကြပြီဆိုရင်တော့ သံသယတွေက ပါးနိုင်သမျှ ပါးလျားသွားမှာပါ။

ဘယ်သူနှင့်ပတ်သက်ပြီးတော့ပဲဖြစ်ဖြစ်၊ ကိုယ့်မှာသံသယဝင်နေပြီဆိုရင် ဒီသံသယကို စောနိုင်သမျှစောစော ပယ်ဖျောက်ဖို့အတွက် ကြိုးစားသင့်ပါတယ်။ ဒီလိုမဟုတ်ဘဲ ကိုယ့်စိတ်ထဲမှာ မွေးထားပြီးတော့ တနုံ့နုံ့ခံစားနေမယ်ဆိုရင်တော့ ဒီသံသယက ကြာလေလေ ခိုင်မာအားကောင်းလာလေလေဖြစ်လာပြီးတော့ နဂိုရှိရင်းစွဲဆက်ဆံရေး အခြေအနေလေးတွေ လုံးဝပျက်စီးသွားနိုင်ပါတယ်။ သံသယစိတ်ဝင်နေသူတစ်ယောက်ဟာ ပြုံးတယ်ဆိုဦးတော့ လှိုက်လှိုက်လှဲလှဲ ဟက်ဟက်ပက်ပက် မပြုံးနိုင်တော့ဘူး။ ပြောတယ်ဆိုဦးတော့ ရင်ထဲရှိတာမှန်သမျှကို ရှိရင်းစွဲအတိုင်း ဖွင့်ချမပြနိုင်တော့ဘူး။ ပြောဆိုလုပ်ကိုင်သမျှတွေက အင်ပြည့်အားပြည့် မဖြစ်နိုင်တော့ဘူး။ အရာရာကို ချီတုံချတုံနဲ့ ခပ်ထင့်ထင့်ပဲ လုပ်ကိုင်ဆောင်ရွက်ဖြစ်နေတော့တယ်။ ဒါ့ကြောင့် သံသယမှန်သမျှကို အမြန်ဆုံးပယ်ဖျောက်သင့်တယ်လို့ ပြောလိုပါတယ်။ ဒီလိုပြောလို့ အရာအားလုံးကို မျက်စိစုံမှိတ်ပြီး တစ်ဖက်သတ်ကြီး စွတ်ယုံနေရမယ်လို့ မဆိုလိုပါ။ ဘယ်ဟာအမှား၊ ဘယ်ဟာမှန်ကြောင်း ဘယ်လို၊ အကျိုးဘယ်လို ဆိုတာကို သေသေချာချာလေ့လာသုံးသပ်ပြီးတော့မှ ဆက်လက်ဆောင်ရွက်သင့်တယ်လို့ တင်ပြလိုရင်းပါ။

ဘယ်လိုဆက်ဆံရေးမျိုးပဲဖြစ်ဖြစ် သံသယလုံးဝဝင်မလာခဲ့ရင်တော့ အကောင်းဆုံးပေါ့။ ဝင်လာခဲ့ရင်လည်း အမြန်ဆုံးပယ်ဖျောက်နိုင်အောင် ကြိုးစားသင့်ပါတယ်။ ပြတ်သွားတဲ့ကြိုးလေးတစ်ချောင်းဟာ နဂိုလောက် မကောင်းနိုင်တော့ဘူးဆိုပေမယ့် အထုံးကလေးတစ်ခုနဲ့ ပြန်ဆက်လိုက်ရင်တော့ ကြိုးတစ်ချောင်းရဲ့ လုပ်ငန်းဆောင်တာတွေကို ဆက်လက်ဆောင်ရွက်နိုင်နေဦးမှာပါ။ အမြန်ပြန်ထုံးလိုက်တာအကောင်းဆုံးပါ။

စေတီပေါ်မှာ၊ တိုက်တာအဆောက်အအုံတွေပေါ်မှာ ညောင်ပင်ကလေးပေါက်နေပြီလား။ ဒါဆို အမြန်ဆုံး နုတ်ပစ်လိုက်ပါ။ အချိန်မီမနုတ်နိုင်ရင် စေတီတစ်ဆူလုံး၊ အဆောက်အအုံတစ်ခုလုံးကို ညောင်မြစ်က ထိုးခွဲဖျက်ဆီးသွားနိုင်ပါတယ်။

ငြောင့်ကလေးတစ်ချောင်း အစူးခံလိုက်ရပြီလား။ ဒါဆိုရင်တော့ မြန်မြန်သာထွင်ပစ်လိုက်ပါ။ ဒီလိုမှမဟုတ်ဘဲ အသားထဲကငြောင့်ကလေးကို ဒီအတိုင်းထားရင်တော့ အတွင်းမှာလှိုက်စားသွားပြီး အပ်နဲ့ထွင်းရမယ့်ဟာလေးက ပုဆိန်နဲ့ထွင်းရမယ့်အနေအထားအထိ ရောက်သွားနိုင်ပါတယ်။

ဒါ့ကြောင့် သံသယဆိုတဲ့ငြောင့်မှန်သမျှကို အမြန်ဆုံးနုတ်ပယ်လိုက်ကြပါစို့လို့ တိုက်တွန်းလိုက်ပါရစေ ခင်ဗျာ။ 

သိုက်စိုးထွန်း (နတ်ရွာ)



FOLLOW US