News

POST TAGGED AS

ဘတ်ဂျက်

အဆောက်အအုံများ ကြန့်ကြာနေသည့် ဝန်ကြီးဌာနများကို အရေးယူရန် လွှတ်တော်တင်
နေပြည်တော်၊ ဩဂုတ် ၉

ပညာရေးဝန်ကြီးဌာန အပါအဝင် နိုင်ငံပိုင် တည်ဆောက်ရေးလုပ်ငန်းများ၌ ကြန့်ကြာအားနည်းနေသော ဝန်ကြီးဌာနများကို ထိရောက်စွာ အရေးယူပေးရန် ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက ယနေ့( ဩဂုတ် ၉ ) ရက်က ကျင်းပသည့် လွှတ်တော်သို့တင်ပြလိုက်သည်။

အခြေခံပညာဦးစီးဌာန၏ ၂၀၁၇-၂၀၁၈ ဘဏ္ဍာရေးနှစ်တည်ဆောက်ရေး လုပ်ငန်းများ အကောင်အထည်ဖော် ဆောင်ရွက်နိုင်မှု အခြေအနေနှင့်စပ်လျဉ်း၍ ပြည်သူ့ငွေစာရင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ( ၆/၂၀၁၈ )ကို ကော်မတီကိုယ်စား ဇလွန်မဲဆန္ဒယ်မှ ဦးအောင်မင်းက တင်ပြရာတွင် အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။

“လက်တွေ့မှာ ဒီစည်းကမ်းချက် လိုက်နာမှု အင်မတန် နည်းနေပါတယ်။ ပြင်းထန်ထိရောက်တဲ့ နည်းလမ်းတွေ၊ စည်းကမ်းချက်တွေကို ပြဋ္ဌာန်းပြီး ထိရောက်စွာ အရေးယူ ဆောင်ရွက်သင့်တယ်လို့ သုံးသပ်ရပါတယ်”ဟု ၎င်းကဆိုသည်။

အခြေခံပညာဦးစီးဌာနသည် ၂၀၁၇-၂၀၁၈ ခုတွင် ဘက်ဂျက်ခွင့်ပြုချက်ပါ လုပ်ငန်းရပ်များ၏ လုပ်ငန်းရပ်ပေါင်း ၂၅၈၀ ခွင့်ပြုချက် ရရှိသည့်အနက် ၅၆ ခုကို အဆောက်အအုံဦးစီးဌာနထံ ပြန်လည် လွှဲပြောင်းပေးအပ်ခဲ့ပြီး ၂၅၂၄ ခုကိုသာ လက်ခံဆောင်ရွက်ခဲ့ခြင်းဖြစ်ကြောင်း၊ ယင်းနောက်ဘဏ္ဍာရေးနှစ်၏နောက်ဆုံး သတ်မှတ်ရက် ၃၁.၃.၂၀၁၈ ရက်နေ့အထိ လုပ်ငန်း ၆၂၂ ခုကိုသာ ရာနှုန်းပြည့်ပြီးစီးသောကြောင့် ခွင့်ပြုချက်ပါ လုပ်ငန်းရပ်များ၏ ၂၅ ရာခိုင်နှုန်းကိုသာ အချိန်မီ ပြီးစီးနိုင်ခဲ့ပြီး ကျန်တဲ့ ၇၅ ရာ ခိုင်နှုန်းသည် ပြီးစီးမှုမရှိကြောင်း ဦးအောင်မင်းက ရှင်းပြသည်။

“ပညာရေးဝန်ကြီးဌာနရဲ့ တည်ဆောက်ရေးလုပ်ငန်းတွေကို နမူနာအဖြစ်သာ ကောက်နှုတ်တင်ပြခြင်းဖြစ်သော်လည်း ဌာနတွေအားလုံးရဲ့ တည်ဆောက်ရေးလုပ်ငန်းတွေမှာ အနည်းနဲ့ အများ ဖြစ်ပေါ်နေပါတယ်။ အရည်အသွေး စံချိန်စံညွှန်း မမှီတာဟာ မတော်တဆ မှားယွင်းမှုတွေ မဟုတ်ပါဘူး။ ကန်ထရိုက်တာတွေရဲ့ မတရား အကျိုးအမြတ်ရရှိအောင် တမင်ရည်ရွယ်ချက်နဲ့ လုပ်ဆောင်ခြင်းဖြစ်တယ်လို့ပဲ ကျွန်တော်တို့ သုံးသပ်ပါတယ်”ဟု ၎င်းကပြောသည်။

ယင်းဘဏ္ဍာရေးနှစ်အတွင်း တည်ဆောက်ရေးလုပ်ငန်းများကို အချိန်မီမပြီးစီးမှု မရှိခြင်းသည် အခြေခံပညာ ဦးစီးဌာနတစ်ခုတည်းမဟုတ်ဘဲ ဗဟိုအဖွဲ့အစည်း ၆ ခု၊ ဝန်ကြီးဌာန ၁၉ ခုနှင့် စည်ပင်သာယာရေး ကော်မတီသုံးရပ်တို့သည် ဘက်ဂျက်ခွင့်ပြုချက်ပါ လုပ်ငန်းများ၏ ပြီးစီးမှု အခြေအနေမှာ ခွင့်ပြုလုပ်ငန်း ၉၁၄၂ ခု အနက် ၅၂၅၈ ခုသာပြီးစီးခဲ့သောကြောင့် ၅၉.၅ ရာခိုင်နှုန်းသာ အမှန်တကယ် ပြီးစီးခဲ့ခြင်းဖြစ်ကြောင်း ကော်မတီအစီရင်ခံစာတွင်ပါရှိသည်။

သတ်မှတ်ကာလအတွင်း အချိန်မီ ပြီးစီးနိုင်မှုမရှိခြင်းသည် ဌာနအများစုတွင် ဖြစ်ပေါ်နေခြင်းကြောင့် လေ့လာသုံးသပ်သွားရမည့် အချက်တစ်ခုဖြစ်နေကြောင်း၊ တင်ဒါလုပ်ငန်းဆောင်ရွက်ရာတွင် နှောင့်နှေးကြန့်ကြာမှုများဖြစ်နေသည့်အပြင် ငွေပေးချေမှုများတွင်လည်းနှောင့်နှေး ကြန့်ကြာမှုများ ဖြစ်ပေါ်နေသည်ကိုတွေ့ရှိရကြောင်း ဦးအောင်မင်းက လွှတ်တော်သို့ တင်ပြပြောကြားသည်။

ပညာရေးဝန်ကြီးဌာနအနေနှင့် ဝန်ထမ်းများကို လစာတိုးပေးခဲ့ရာတွင် လစာတိုးပေးရာတွင် ဖြည့်စွက်ရန်ပုံငွေ တောင်းခံခဲ့ခြင်းမရှိသည့်အပြင် ဆောင်ရွက်ဆဲလုပ်ငန်းများကို ရာခိုင်နှုန်းလျော့ခြင်း၊ ခေတ္တဆိုင်းငံ့ခြင်းများ ပြုလုပ်ထားခဲ့ကြောင်း ဒုတိယဝန်ကြီး ဦးဝင်းမော်ထွန်းကပြောကြားသည်။

“လစာတိုးခြင်းအားဖြင့် ကျနော်တို့မှာဘီလျံ တစ်ရာလောက် လိုငွေရှိပါတယ်”ဟု ၎င်းကဆိုသည်။

၂၀၁၈-၁၉ ဘတ်ဂျက်အတွက် ပညာရေး အသုံးစရိတ်ကို ဝန်ကြီးဌာနများအားလုံးတွင် စတုတ္ထအများဆုံးအဖြစ် ကျပ်သန်းပေါင်း ၂၁၇၆၄၈၅ ဒသမ ၈၇၅ ကို ဇူလိုင် ၂၃ ရက်ကကျင်းပသည့် ပြည်ထောင်စုလွှတ်တော်သို့ တင်ပြ တောင်းခံထားသည်။

လက်ရှိတေင်းခံထားသော ဘတ်ဂျက်မှာ ပြီးခဲ့သည့် ၆ လ ဘက်ဂျက်တွင်ပါရှိသောလုပ်ငန်းများကို ပြီးပြတ်အောင် ဆောင်ရွက်ရမည်ဖြစ်သောကြောင့် ယခုနှစ်တွင် လုပ်ငန်းသစ်များတိုးချဲ့နိုင်ရန် အခြေအနေနည်းပါနေပြီး လုပ်ငန်းသစ်များကို ၂၀၁၉-၂၀ ဘတ်ဂျက်ရောက်မှသာ လျာထားဆောင်ရွက်နိုင်မည်ဖြစ်ကြောင်း ပညာရေးဒုဝန်ကြီးက ထပ်လောင်း ပြောကြားခဲ့သည်။

ယင်းကိစ္စနှင့်ပက်သက်၍ ဆွေးနွေးလိုသည့် လွှတ်တော်ကိုယ်စားလှယ်များအနေဖြင့် အမည်စာရင်းပေးကြရန်နှင့် လွှတ်တော်က ဆွေးနွေးဆုံးဖြတ်မှု ရယူသွားမည်ဖြစ်ကြောင်း ပြည်ထောင်စု လွှတ်တော်နာယက ဦးတီခွန်မြတ်က ကြေညာခဲ့သည်။

S-01



FOLLOW US