News

POST TAGGED AS

ဘင်္ဂါလီ

28-Sep-2017

ရခိုင် ဘင်္ဂါလီ
သတင်းမီဒီယာတိုင်း အမှန်ကို ပြောသလား
အောက်တိုဘာလ ၂ ရက် နေ့စွဲနှင့် တိုင်းမဂ္ဂဇင်း (Asia edition) မျက်နှာဖုံးမှာ ရခိုင်ပဋိပက္ခနှင့် စပ်လျဉ်းပြီး မျက်နှာဖုံးဆောင်းပါးတစ်ခု ဖော်ပြပါရှိလာသည်။ မြန်မာနိုင်ငံအရေးနှင့် စပ်လျဉ်းပြီး တိုင်းမဂ္ဂဇင်းက ကြုံလျှင်ကြုံသလို Cover Story ဖော်ပြလေ့ရှိရာ ယခုဆောင်းပါးမှာ ယခုနှစ်အတွင်း အနည်းငယ်သော ဖော်ပြမှုထဲက တစ်ခုဖြစ်သည်။ အမေရိကန်နိုင်ငံထုတ် သြဇာရှိ သတင်းမဂ္ဂဇင်းတစ်စောင် ဖြစ်သောကြောင့် တိုင်းမဂ္ဂဇင်း၏ ရေးသားဖော်ပြချက်တွေကို ကမ္ဘာက အလေးထားဖတ်ရှုလေ့ ရှိကြသည်။ ဒီဘက်ခေတ် မီဒီယာတွေ အရှိန်အဟုန်နှင့် အပြောင်းအလဲ ဖြစ်လာတော့ ယခင်က စောင်ရေသန်းချီ ထုတ်ဝေခဲ့ရသော မဂ္ဂဇင်းမှာ ယခုဆိုလျှင် Print Version အနေနှင့် စောင်ရေအနည်းငယ်သာ ကျန်တော့ပြီး အွန်လိုင်းပေါ် အဓိက ဖော်ပြနေရသည့် အခြေအနေ ဆိုက်ရောက်သွားပြီ ဖြစ်သည်။

ဤမဂ္ဂဇင်းကို နှစ်ပေါင်းနှစ်ဆယ်ကျော် အပတ်စဉ်မပျက် ဖတ်ရှုလာခဲ့သော စာရေးသူပင် Print Version ကို မဖတ်ဖြစ်တော့သည်မှာ ဆယ်စုနှစ်တစ်ခုလောက် ရှိရော့မည်။ လွန်ခဲ့သည့် နှစ်နှစ်ဆယ်ကျော် သုံးဆယ်နီးပါး စာရေးသူတို့နိုင်ငံမှာ ဒီမိုကရေစီ ဆိတ်သုဉ်းပြီး လေ့လာဖတ်ရှုစရာ ရှားပါးသောခေတ်မှာတော့ အပတ်စဉ် ထိုမဂ္ဂဇင်းများကို ဖတ်ရှုရသည်မှာ ရင်ခုန်စရာ ကောင်းလှသည်။ ပုံနှိပ်အရည်အသွေး Print Quality ကောင်းခြင်း၊ စာမျက်နှာ ဖွဲ့စည်းပုံနှင့် တင်ဆက်ပုံကောင်းခြင်း၊ သတင်းဆောင်းပါးများ၊ မျက်နှာဖုံးဆောင်းပါးများ ဂျာနယ်လစ်ဇင် အင်္ဂါရပ်များနှင့် ပြည့်စုံသည့်အတွက် သင်ယူစရာရှားပါးသောခေတ်တွင် ထိုမဂ္ဂဇင်းသည် စာရေးသူအတွက် ဂျာနယ်လစ်ဇင် မြင်ဆရာ ဖြစ်ခဲ့သည်။ မျက်နှာဖုံးဆောင်းပါးများက နှိုက်နှိုက်ချွတ်ချွတ် In depth ဖြစ်ပြီး Feature Story တစ်ပုဒ်အဖြစ် စိတ်ဝင်စားဖွယ်ဖြစ်အောင် ရေးသားသလို သတင်းဓာတ်ပုံ ရွေးချယ်ဖော်ပြမှုကလည်း အလွန်အားကောင်းလှသည်။

ယခုမျက်နှာဖုံးအဖြစ် ဖော်ပြထားသည့် ဓာတ်ပုံကိုကြည့်လျှင်ပင် မြင်ရသူ၏ စိတ်နှလုံးကို ဆွဲငင်နိုင်စွမ်းရှိသော Tragedyသတင်းဓာတ်ပုံ။ ဘင်္ဂလားဒေ့ရ်ှဘက်သို့ ထွက်ပြေးသွားကြသည့် ဘင်္ဂါလီတွေထဲက သက်ကြီးရွယ်အိုနှစ်ဦး ကမ်းခြေရေစပ်မှာ တစ်ဦးကိုတစ်ဦး မနိုင့်တစ်နိုင် မှီတွဲနေပုံ။ အားအင်ကုန်ခန်း ပြိုလဲတော့မည့် အမျိုးသမီးကြီးကို ဖေးမနေသည့် ဘင်္ဂါလီ အဘိုးအို။ နောက်ခံမှာတော့ ဘင်္ဂလားလှေတစ်စီး၏ နောက်မြီးပုံကို Crop လုပ်ထားသည်။ မျက်နှာဖုံးခေါင်းစဉ်က MYANMAR 'S SHAME။ ‘ရိုဟင်ဂျာများ အစုအပြုံလိုက် ထွက်ပြေးရခြင်းက အောင်ဆန်းစုကြည်၏ အမည်ကို အိုးမဲသုတ်နေ’ ဟု အဓိပ္ပာယ်ရသော စာသားကိုပါ Sub Heading အနေနှင့် ဖော်ပြထားသည်။

ဘာပဲဖြစ်ဖြစ် သြဇာရှိ မဂ္ဂဇင်းကြီး တစ်စောင်ကတော့ မြန်မာ့အရေးကို သူတို့အာဘော်နှင့်  ကမ္ဘာကို ဖြန့်ချိလိုက်ပြီ ဖြစ်သည်။ တိုင်းမဂ္ဂဇင်းက အပတ်စဉ်ထုတ် ဖြစ်သောကြောင့် ရခိုင်ဖြစ်စဉ်ကို Story တစ်ခုအနှေနှင့် သူတို့ရသမျှ သတင်းရင်းမြစ် Sources များ အခြေခံပြီး အပြည့်စုံဆုံး ဖော်ပြထားသည်။

ပထမဦးစွာ ထိုသတင်းဆောင်းပါးကို အတတ်နိုင်ဆုံး ဓမ္မဓိဋ္ဌာန်ကျကျ အစွဲကင်းကင်းထားပြီး ဖတ်ကြည့်မိသည်။ Online Version မှာတော့ ဗီဒီယိုဖိုင်လည်း တစ်ခုပါဝင်နေတော့ ကြည့်ဖြစ်လိုက်သည်။ ဘင်္ဂလားဒေ့ရ်ှဘက်ခြမ်းသို့ အထုပ်အပိုးတွေရွက်ပြီး ထွက်ပြေးလာနေကြသော ဘင်္ဂါလီ အမျိုးသား၊ အမျိုးသမီးများ၊ သားသည်မိခင်များ၊ ကလေးငယ်များ။ ဗီဒီယိုရိုက်သူက ရွှံ့ဗွက်တောထဲ တရွေ့ရွေ့ လျှောက်လှမ်းနေသော ခြေဗလာတွေကို အနီးကပ် Foreground ထားရိုက်သည်။ လယ်ကွင်းတွေကြား လူတန်းရှည်ကြီး တရွေ့ရွေ့သွားနေပုံကို အပေါ်စီးမှ လှမ်းရိုက်သည်။ ဘင်္ဂလားဒေ့ရ်ှဘက်ခြမ်း ဒုက္ခသည်စခန်းမှာ ရိက္ခာဝေသည်ကို အစုလိုက် အပြုံလိုက် တိုးဝှေ့နေပုံပြသည်။ မျက်နှာညှိုးနွမ်းနေသော ဘင်္ဂါလီ အမျိုးသမီးကြီးများပုံကို ရိုက်ပြသည်။ မီးခိုးတွေ အူထွက်နေသော ရွာများ၏ပုံကို ပြသည်။ မြန်မာတပ်၏ ရဟတ်ယာဉ်များ စုဖွဲ့ပျံသန်းလာပုံကိုပြသည်။ အားလုံးသည် Tragedy. (မြန်မာအစိုးရ ရက်စက်သည်)။ ဒီနေရာမှာ စာရေးသူ တွေးမိသည်က ဘာ့ကြောင့် မောင်တောဒေသမှာ ခုတ်သတ်ခံရသည့် တိုင်းရင်းသားတွေ၊ မောင်တောမြို့ပေါ် ထွက်ပြေးလာရသည့် ရခိုင်တိုင်းရင်းသား ဒုက္ခသည်တွေ၊ ဒုက္ခသည်စခန်းတွေ၊ အကြမ်းဖက်ခံရသည့် ရဲစခန်းတွေ၊ ကြောက်လန့်နေကြသည့် ရခိုင်တိုင်းရင်းသားတွေ၏ပုံများ ဖော်ပြမထားသလဲဆိုတာ ဖြစ်သည်။ မျှတသော သတင်းဆောင်းပါးတစ်ခု ဖော်ပြတော့မည်ဆိုလျှင် နှစ်ဖက်စလုံးက အခြေအနေမှန်များကို အရှိကို အရှိအတိုင်း ဖော်ပြရမည်။ အနောက်မီဒီယာများ အနေနှင့် သူတို့ လက်လှမ်းမီသမျှ သတင်းဓာတ်ပုံတွေ၊ အထောက်အထား ပြောဆိုချက်တွေကိုပဲ ကိုးကားသည်ဟု ဆိုနိုင်သော်လည်း သတင်းဆောင်းပါး ရည်ရွယ်ရင်း Story Angle က ‘မြန်မာအစိုးရ ရက်စက်သည်။ လူသားချင်းစာနာမှုမရှိ။ လူမျိုးတုံး သတ်ဖြတ်နေသည်’ ဘက်ကို ဦးတည်နေသောကြောင့် ဘင်္ဂါလီတွေ ဒုက္ခရောက်ပုံတွေကိုသာ မီးမောင်းထိုး Highlight လုပ်သည်ကို သတိပြုမိသည်။

မျက်နှာဖုံးဆောင်းပါးကို ဤသို့ဖွင့်ထားသည်။ ‘လူ့အခွင့်အရေး သူရဲကောင်းတစ်ဦးအဖြစ် ကာလရှည်ကြာစွာ အသိအမှတ်ပြုခံထားရသော အောင်ဆန်းစုကြည်၏ ပုံရိပ်ကား နိုင်ငံထဲမှ အဓမ္မနှင်ထုတ်ခံရသော သန်းတစ်ဝက်ခန့်ရှိ လူနည်းစု ရိုဟင်ဂျာများကြောင့် ပြောင်းလဲသွားခဲ့ပေပြီ။ သြဂုတ်လ ၂၅ ရက် ဂြိုဟ်တုဓာတ်ပုံများအရ ပထမဦးဆုံး ကျေးရွာများမှ ထွက်ပေါ်လာသော မီးတောက်မီးလျှံများကို မြင်ရသည်။ ထို့နောက် တစ်ရွာ ပြီးတစ်ရွာ၊ မြန်မာနိုင်ငံ အနောက်ပိုင်းရှိ မြို့နယ်တစ်ခုလုံး မီးလောင်နေပုံများ ဆက်တိုက်တွေ့ရသည်။ ထိုဖြစ်ရပ်မှာ မွတ်ဆလင် စစ်သွေးကြွများက မြန်မာစစ်တပ်စခန်းများကို တိုက်ခိုက်အပြီး ပေါ်ထွက်လာခြင်း ဖြစ်သည်။’

တစ်ဆက်တည်းမှာပင် မြန်မာစစ်တပ်၏ လက်တုံ့ပြန် တိုက်ခိုက်မှုကြောင့် ထောင်ပေါင်းများစွာသော မွတ်ဆလင် ဒုက္ခသည်များ အိမ်နီးချင်း ဘင်္ဂလားဒေ့ရ်ှနိုင်ငံထဲသို့ ဖြတ်ကျော်ထွက်ပြေးလာရပုံ၊ ရက်သတ္တပတ် သုံးပတ်အတွင်း ဒုက္ခသည် ၄၂၀,၀၀၀ ရှိလာပုံ၊ ထိုအထဲတွင် သုံးပုံနှစ်ပုံက ကလေးသူငယ်များဖြစ်ပုံ၊ ယူနီဆက်နှင့် နယ်စည်းမခြား ဆေးကုသရေးအဖွဲ့များကို ဝင်ခွင့်မပြုပုံ၊ ကုလလူ့အခွင့်အရေး အကြီးအကဲတစ်ဦးက ‘လူမျိုးစု သန့်စင်ရေး ကျောင်းသုံးနမူနာ’ a textbook example of ethnic cleansing အဖြစ် ဝေဖန်ပုံများကို ရေးသားထားသည်။ ထိုအချက်အလက်များ အားလုံးသည် ပြီးခဲ့သည့်ရက်များအတွင်း ပြင်ပမီဒီယာတွေက သူတို့ရသလောက် သတင်းရင်းမြစ်ကို အခြေခံ ပုံကြီးချဲ့ထားတာတွေပဲ ဖြစ်သည်။ ဆောင်းပါးရှင်သည် မြန်မာနိုင်ငံ၏ ပကတိ သမိုင်းဖြစ်စဉ်ကို မသိရှိဘဲ ရသမျှ အကိုးအကားနှင့် ဇာတ်လမ်းဆင်နေခြင်း ဖြစ်သည်။

ဆက်လက်၍ ‘ယခုဖြစ်စဉ်တွင် အသံတိတ်နေသူတစ်ဦးမှာ နိုဘယ်လ်ဆုရှင် အောင်ဆန်းစုကြည် ဖြစ်သည် ဟု ရေးသားထားပြီး အခြား နိုဘယ်လ်ဆုရှင် ပါကစ္စတန်နိုင်ငံသူ မာလာလာကပင်လျှင် အောင်ဆန်းစုကြည်ကို စာရေးပြီး ‘ကမ္ဘာကြီးက စောင့်မျှော်နေသည်’ ဟုတစ်မျိုး၊ ဘုန်းတော်ကြီး ဒက်စမွန်တူးတူးက အောင်ဆန်းစုကြည် သတ္တိပြပါဟု တစ်ဖုံ တိုက်တွန်းသည့်အကြောင်း ရေးသားထားသည်။ ဒေါ်အောင်ဆန်းစုကြည်ဘက်ကမူ ယခုဖြစ်ရပ်သည် အစီအစဉ်တကျ သတင်းမှား ထုတ်လွှင့်မှု a misinformation campaign ဟုငြင်းဆန်ခဲ့ကြောင်း၊ ပထမဦးဆုံး ကျေးရွာမီးလောင်ခံရပြီး ၂၅ ရက်အကြာမှာတော့ ဒေါ်အောင်ဆန်းစုကြည်က သံတမန်များ ရှေ့မှောက်တွင် ကမ္ဘာသိ မိန့်ခွန်းတစ်ရပ်ပြောကြောင်း၊ ထိုမိန့်ခွန်းကလည်း စစ်တပ်၏လုပ်ရပ်အပေါ် ဝေဖန်မှု မပြုခဲ့သလို ရိုဟင်ဂျာများဘက်က ပြောဆိုပေးတာ မရှိခဲ့ကြောင်း၊ ထိုအစား နိုင်ငံတကာက ထိုကိစ္စအပေါ် ဝေဖန်ပြစ်တင်နေကြခြင်းကိုသာ ပြစ်တင်သွားခဲ့ကြောင်း၊ နိုင်ငံတကာ အသိုင်းအဝိုင်း အနေနှင့် ထိုဒေသတွင် ပြဿနာဖြစ်အောင် ပြောနေခြင်းထက် ငြိမ်းချမ်းအောင် ဘယ်လိုလုပ်သင့်သည်ကို ပိုအာရုံစိုက်သင့်ကြောင်း၊ ထိုဒေသတွင် ထွက်မပြေးဘဲနေသော မွတ်ဆလင်တွေ အများကြီး ရှိကြောင်းကို မိန့်ခွန်းမှာ ပြောသွားကြောင်း၊ ဒေါ်အောင်ဆန်းစုကြည်၏ မိန့်ခွန်းမှာ လူမျိုးစုသန့်စင်ရေး ကိစ္စအား သကာဖုံးထားသော မိန့်ခွန်းသာဖြစ်ကြောင်း ‘Her speech try to sugarcoat ethnic cleansing’ ဆိုပြီး လူ့အခွင့်အရေး စောင်ကြည့်လေ့လာရေးမှ ဒါရိုက်တာ တစ်ဦး၏ ပြောဆိုချက်ကို ကိုးကားရေးသားထားသည်ကိုလည်း တွေ့ရသည်။

တိုင်းမဂ္ဂဇင်း၏ မျက်နှာဖုံးဆောင်းပါး တစ်ခုလုံးကို ဘာသာပြန်နေလျှင် ဆောင်းပါး အတော်ရှည်သွားနိုင်ပါသည်။ အနှစ်ချုပ်ဆိုရလျှင် ယခုအခါ ဒေါ်အောင်ဆန်းစုကြည်၏ နာမည်ကောင်းများ မှေးမှိန်လာနေပြီဖြစ်ကြောင်း၊ နိုဘယ်လ်ဆု လက်ခံရယူစဉ်က သူမသည် အကြမ်းမဖက်ဘဲ ဒီမိုကရေစီ တိုက်ပွဲဝင်ခဲ့သူ၊ လူ့အခွင့်အရေး သူရဲကောင်းအဖြစ် ကမ္ဘာက ချီးကျူးခဲ့သလို အမေရိကန်အစိုးရကလည်း ချီးမြှောက်ခဲ့ကြောင်း၊ ယခုတော့ အတော်ပင် ပြောင်းလဲသွားပြီ ဖြစ်ကြောင်း ဖော်ပြရင်း ၂၀၁၅ ရွေးကောက်ပွဲမတိုင်မီ အခြေအနေများ၊ ၂၀၁၂ ခုနှစ်က အခြေအနေများ၊ အမေရိကန်နှင့် သူမ၏ဆက်ဆံရေး နောက်ခံအကြောင်းများ... စသည်ဖြင့် မျက်နှာဖုံးဆောင်းပါးတစ်ခု၏ အင်္ဂါရပ်နှင့်အညီ နောက်ခံအချက်အလက် အကိုးအကား စုံစုံလင်လင်နှင့် ရေးသားဖော်ပြထားသည်။

နိဂုံးပိုင်းကို ဖော်ပြရလျှင် ‘မည်သို့ပင်ဖြစ်စေ ရိုဟင်ဂျာများ ခံစားနေရသည်။ ဒေါ်အောင်ဆန်းစုကြည်က စက်တင်ဘာ ၅ ရက်နေ့ကတည်းက စစ်ဆင်ရေးများ မရှိတော့ဟု ဆိုသော်လည်း လူ့အခွင့်အရေး အုပ်စုများကမူ စစ်ဆင်ရေးများ ဆက်ရှိနေဆဲဟု ဆိုသည်။ ဘင်္ဂလားဒေ့ရ်ှအစိုးရသည် ပြီးခဲ့သည့်လအတွင်း ရောက်ရှိလာသော သန်းတစ်ဝက်နီးပါးရှိ ဒုက္ခသည်များအတွက် အဆောက်အအုံ ၁၄၀၀၀ ဆောက်လုပ်ရန် စီစဉ်နေသည်။ ဘင်္ဂလားဒေ့ရ်ှရှိ ကုလသမဂ္ဂ ဌာနေညှိနှိုင်းရေးမှူး ရောဘတ်ဝပ်ကင်က နတ်မြစ်ကို ကျော်ဖြတ်ရန် မြန်မာဘက်အခြမ်းတွင် တန်းစီနေသည့် လူပေါင်းအနည်းဆုံး တစ်သိန်းခန့် ရှိမည်ဟု ယုံကြည်နေသည်။ ‘ရောက်လာတဲ့ ဒုက္ခသည်တွေဆီက တူညီတဲ့ ဇာတ်လမ်းတွေပဲ ကြားရတယ်။ သူတို့ရွာတွေ မီးရှို့ခံရတယ်၊ အဓမ္မပြုကျင့်ခံရသူတွေ ရှိတယ်၊ မိသားစုဝင်တွေ အသတ်ခံရတယ်၊ ဝမ်းနည်စရာ ကောင်းတာကတော့ အတိဒုက္ခ မရောက်တဲ့ မိသားစု မရှိသလောက်ပဲ’ ဆိုသော ရောဘတ်ဝပ်ကင်၏ မှတ်ချက်ဖြင့် ဆောင်းပါး ကို နိဂုံးချုပ်ထားသည်။ ဆောင်းပါးရှင်မှာ အယ်လစ်ဇဘက် ဒိုင်ယာ့စ်ဖြစ်သည်။

ဟိုယခင်တုန်းက တိုင်းမဂ္ဂဇင်း၏ မျက်နှာဖုံးဆောင်းပါးတွေကို ဖတ်ကောင်းကောင်းနှင့် ဖတ်ခဲ့သည်။ ကိုယ့်နိုင်ငံနှင့် ခပ်ဝေးဝေးက နိုင်ငံ တကာရေးရာတွေဆိုတော့ ရေးသမျှကိုလည်း ရာခိုင်နှုန်းပြည့်နီးပါး ယုံကြည်ခဲ့သည်။ ထိုမှတစ်ဆင့် မိမိ၏ ဆင်ခြင်တုံတရားဖြင့် ပြန်လည်သုံးသပ်ခဲ့သည်။ လွတ်လပ်ပြီး အစွဲအလမ်းကင်းသည့် ဂုဏ်သိက္ခာရှိသော သတင်းမီဒီယာတစ်ခုအဖြစ် မှတ်ယူခဲ့သည်။ အိုဘားမား မကောင်းလျှင် အိုဘားမား၏အပြစ်၊ ဒေါ်နယ်ထရမ့် မကောင်းလျှင် ဒေါ်နယ်ထရမ့်အပြစ်ကို အသေအချာ ဝေဖန်မည်၊ ရေးမည်။ အမေရိကန် မီဒီယာတွေက အမှန်တရားအတွက် ဆိုလျှင် ဘယ်သူ့မျက်နှာမှမထောက်။ သမ္မတနစ်ဆင်နှင့် ဝါးတားဂိတ် ပြဿနာမျိုးဆိုလျှင် ယခုချိန်ထိ သတင်းမီဒီယာ၏ သြဇာကြီးမားမှု သင်္ကေတတစ်ခုအဖြစ် ကျန်ရှိနေသေးသည်။

ထိုသို့သော သတင်းမီဒီယာတစ်ခုက မပြည့်စုံသော သတင်းရင်းမြစ်များနှင့် တစ်ဖက်သတ်ဆန်သော အစွဲအလမ်း Prejudice ကို အခြေခံကာ မြန်မာနိုင်ငံအကြောင်း မျက်နှာဖုံးဆောင်းပါး ရေးသားဖော်ပြလာသောအခါ...။

ချစ်ဝင်းမောင်



FOLLOW US