News

POST TAGGED AS

ပျက်ကျ

အင်ဒိုနီးရှားလေတပ်ပိုင် ဟာကျူလီလေယာဉ် ပျက်ကျ၊ လေယာဉ်ပေါ်ပါသူအားလုံး သေဆုံး

ဂျကာတာ၊ ဒီဇင်ဘာ ၁၈

အင်ဒိုနီးရှားနိုင်ငံ အရှေ့ဘက် ပါပူအား ပြည်နယ်တွင် အင်ဒိုနီးရှား လေတပ်ကပိုင် ဆိုင်သော ဟာကျူလီ စီ-၁၃ဝ အမျိုးအစား လေယာဉ်ပျက်ကျခဲ့ရာ လေယာဉ်ပေါ်တွင် လိုက်ပါလာသူ ၁၃ ဦးစလုံးသေဆုံးသွားသည်ဟု အာဏာပိုင်များက ပြောကြားကြောင်း BBC သတင်းဌာနက ရေးသား ဖော်ပြသည်။

အင်ဒိုနီးရှား လေတပ်မှ အရာရှိများ၏  အဆိုအရ ယင်းလေယာဉ်ပေါ်တွင် ပိုင်းလော့ (လေယာဉ်မှူး) သုံးဦးနှင့် အခြားစစ်ဘက် အရာထမ်း ၁ဝ ဦး လိုက်ပါခဲ့သည်။

လေယာဉ်ပျက်ကျရသည့် အဓိက အကြောင်းအရင်းမှာ ဆိုးရွားသည့် ရာသီဥတုကြောင့်ဟု ယူဆရကြောင်း အင်ဒိုနီးရှား လေတပ် အကြီးအကဲ အော်ဂတ်စ်ဆူပရီနာတာက Metro TV သို့ ပြောကြားသည်။ 

ဟာကျူလီ စီ-၁၃ဝ လေယာဉ်သည် တီမီကာမြို့မှ ဝါမာနာမြို့သို့ စားနပ်ရိက္ခာများ သယ်ဆောင်သွားစဉ် ပါပူအားပြည်နယ် တောတောင် ထူထပ်သည့်နေရာ၌ တနင်္ဂနွေနေ့ အစောပိုင်းက ပျက်ကျသွားခြင်း ဖြစ်သည်။

လေယာဉ် ပျက်ကျပြီး အစိတ်အပိုင်းများကို ပြန်လည် နေရာချထားပြီး သေဆုံးသူများ၏ ရုပ်အလောင်းများကို ဝါမာနာသို့ သယ်ဆောင်သွားပြီဖြစ်ကြောင်း  အင်ဒိုနီးရှား ကယ်ဆယ်ရေးနှင့် ရှာဖွေရေး အေဂျင်စီမှ ဒါရိုက်တာ အီဗန်အာမက်က ပြောသည်။

အဆိုပါ လေယာဉ်သည် တီမီကာမြို့မှ နံနက် ၅ နာနရီ ၃၅ မိနစ်ခန့်တွင် ထွက်ခွာလာပြီး ဝါမာနာမြို့သို့ ၆ နာရီ ၁၃ မိနစ်တွင် ဆင်းသက်ရန် စီစဉ်ထားသည်။

“ဝါမာနာ လေဆိပ်တာဝါတိုင်က အဲဒီလေယာဉ်ကို တွေ့တယ်၊ ဒါပေမဲ့ လေယာဉ်က ပြေးလမ်းကို သေသေချာချာ တွေ့၊ မတွေ့ဆိုတာ မသိနိုင်ဘူး”ဟု အင်ဒိုနီးရှား လေတပ်မှ ဒုတိယ စစ်ဦးစီး ဟီဒီရန်ဆူမီနာ မာဂျာက ဆိုသည်။

ယခုအခါ လေယာဉ် ပျက်ကျသည့် နေရာတွင် လေတပ် အမှုထမ်းများ ရောက်ရှိနေပြီး စုံစမ်း စစ်ဆေးနေသည်ဟု ၎င်းကဆိုသည်။ အင်ဒိုနီးရှား နိုင်ငံသည် လေကြောင်း လုံခြုံမှုနှင့် ပတ်သက်၍ နာမည်ပျက် မှတ်တမ်း များစွာ ရှိခဲ့သည်။

F-01



FOLLOW US