News

POST TAGGED AS

ပုဂံ

ပုဂံတွင် ရှုခင်းကြည့်တောင်ကုန်းများ ဆက်မလုပ်ရန် ရှေးဟောင်းသုတေသနပညာရှင်များ တောင်းဆို


မန္တလေး၊ မတ် ၂၀

ပုဂံရှေးဟောင်း ယဉ်ကျေးမှုနယ်မြေအတွင်း ရှုခင်းကြည့်တောင်ကုန်းများ ထပ်မလုပ်ရန်နှင့် လက်ရှိလုပ်ဆောင်နေမှုများကို အမြန်ဆုံးရပ်တန့်ပေးရန် ရှေးဟောင်းသုတေသနနှင့် အမျိုးသားပြတိုက် ဦးစီးဌာနမှ အငြိမ်းစားအရာရှိကြီးများဖြင့် ဖွဲ့စည်းထားသော မြန်မာရှေးဟောင်း သုတေသနပညာအသင်းက တောင်းဆိုလိုက်သည်။

အစိုးရက ဖော်ဆောင်နေသော ရှုခင်းကြည့်တောင်ကုန်းများသည် ပုဂံမြို့ပြမြင်ကွင်းကို ပျက်စီးစေခြင်း၊ ရှေးဟောင်းသုတေသနဆိုင်ရာ မြေလွှာဖွဲ့စည်းမှုကို ထိခိုက်ခြင်း၊ အဆိုပါတောင်ကုန်းများ တည်ဆောက်ရာတွင် စက်ယန္တရားများ အသုံးပြုနေခြင်းတို့ကြောင့် နှစ်ပေါင်းထောင်ချီသော ရှေးဟောင်းအဆောက်အအုံများ ရေရှည်တည်တံ့ရေးအတွက် စိန်ခေါ်မှုတစ်ခု ဖြစ်လာခြင်းတို့ကြောင့် အဆိုပါတောင်ကုန်းများ ဖော်ဆောင်ခြင်းလုပ်ငန်းများကို အမြန်ဆုံးရပ်တန့်ရန် မတ်လ ၁၉ ရက်နေ့က ကြေညာချက်ထုတ် တောင်းဆိုလိုက်ခြင်းဖြစ်သည်။ 

“လူလုပ်ကုန်း (ရှုခင်းကြည့်တောင်ကုန်း) ဆောက်တာက ရှေးဟောင်းသုတေသန အမွေအနှစ် ထိန်းသိမ်းရေး ကိစ္စတွေမှာ ဘယ်လိုမှအကျိုးမရှိဘူး။ ကောင်းကျိုးထက် ဆိုးကျိုးက ပိုများတယ်။ ပုဂံက ကမ္ဘာ့အမွေအနှစ်တင်ပြီးပြီ။ နိုင်ငံတကာအဖွဲ့အစည်းတွေ လာစစ်တော့မှာ။ ယဉ်ကျေးမှုဇုန်ထဲမှာ ဒီလိုကြီးကြီးမားမား ဆောက်နေတဲ့ကိစ္စတွေကို ယူနက်စကိုက လုံးဝခွင့်မပြုဘူး။ ကမ္ဘာ့အမွေအနှစ်ဝင်ဖို့ အဟန့်အတားဖြစ်စေနိုင်တယ်။ ဒါကြောင့် ရပ်တန့်ပေးဖို့ တောင်းဆိုတာ။ ဒီလိုအနေအထားမှာမှ မရပ်ဘူးဆိုရင် တည်ဆဲဥပဒေ၊ နိုင်ငံတကာဥပဒေတွေနဲ့ တရားစွဲဆိုတဲ့ အဆင့်ထိသွားမှာ”ဟု မြန်မာ ရှေးဟောင်းသုတေသနပညာအသင်း အတွင်းရေးမှူး ဦးသူရအောင်က ပြောကြားသည်။

နိုင်ငံသားအားလုံးနှင့် သက်ဆိုင်သည့် ယဉ်ကျေးမှုအမွေအနှစ်ဖြစ်သည့် ပုဂံဒေသအမွေအနှစ်များ ပျက်စီးစေရန် ရည်ရွယ်၍သော်လည်းကောင်း မရည်ရွယ်ဘဲသော်လည်းကောင်း၊ လုပ်ဆောင်သည့် မည်သည့်လူပုဂ္ဂိုလ်၊ အဖွဲ့အစည်း၊ ဌာနကိုမဆို မြန်မာရှေးဟောင်း သုတေသနပညာအသင်းက ပြင်းထန်စွာရှုတ်ချကြောင်း၊ ဆက်လက်လုပ်ဆောင်ပါက မြန်မာနိုင်ငံ ဖွဲ့စည်းပုံအခြေခံဥပဒေပါ ပြဋ္ဌာန်းချက်များအရသော်လည်းကောင်း၊ ယဉ်ကျေးမှုအမွေအနှစ် ထိန်းသိမ်းရေးဆိုင်ရာ တည်ဆဲဥပဒေများနှင့်အညီ တရားစွဲဆိုသွားမည်ဖြစ်ကြောင်း မြန်မာရှေးဟောင်း သုတေသနပညာအသင်း၏ ထုတ်ပြန်ချက်တွင်ဖော်ပြထားသည်။

ပုဂံရှေးဟောင်း ယဉ်ကျေးမှုနယ်မြေအတွင်း ရှုခင်းကြည့်နေရာအသစ်များ ဖော်ထုတ်နိုင်ရန် ခုနစ်နေရာ ရွေးချယ်ခဲ့ပြီး အရှေ့အိုးထိန်းကုန်း၊ အနောက်အိုးထိန်းကုန်း၊ ကိုမောက်ကန် ရှုခင်းကြည့်တောင်ကုန်း၊ ညောင်လက်ဖက်ကန် ရှုခင်းကြည့်တောင်ကုန်းနှင့် စူဠာမဏိကန်ရှုခင်းကြည့် တောင်ကုန်းများ ပြုလုပ်ထားပြီးဖြစ်ကာ မင်းနန်သူကျေးရွာအနီးရှိ လေးထောင့်ကန်ထိပ်တွင် ရှုခင်းကြည့်တောင်ကုန်း ပြုလုပ်ရန် တည်ဆောက်ရေးလုပ်ငန်းများ ဆောင်ရွက်နေကြောင်း ရှေးဟောင်းသုတေသနနှင့် အမျိုးသားပြတိုက် ဦးစီးဌာန (ပုဂံဌာနခွဲ) ထံမှ သိရသည်။

“တောင်ကုန်းတွေလုပ်တဲ့အတွက် မြင်ကွင်းထိခိုက်တာမျိုး အနည်းအကျင်းတော့ရှိတယ်။ ဘုရားတွေပေါ် လူတွေတက်လို့ ထိခိုက်တာနဲ့ တောင်ကုန်းတွေ လုပ်လိုက်လို့ မြင်ကွင်းထိခိုက်တာ ရွေးရမယ်ဆိုရင် ဘာကိုရွေးမလဲ။ ဒီကုန်းတွေကို အလွယ်တကူ ဖယ်ရှားလို့ရတယ်။ ဒီလိုဖယ်လိုက်ရင် မူလအခြေအနေတွေလည်း မပျက်မစီးရှိနေမှာပါ”ဟု ရှေးဟောင်း သုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ) ညွှန်ကြားရေးမှူး ဦးအောင်အောင်ကျော်က ပြောဆိုသည်။

၂၀၁၆ ခုနှစ် ဩဂုတ်လအတွင်းက လှုပ်ခတ်ခဲ့သည့် ငလျင်ကြောင့် ပုဂံဒေသရှိ ဘုရား၊ စေတီ ၄၀၀ ခန့် ထိခိုက်ပျက်စီးခဲ့ရာ နေဝင်နေထွက်ချိန် ကြည့်နိုင်သည့် ဘုရားများပေါ်တက်ခွင့် ပိတ်လိုက်ပြီးနောက် ရှုခင်းကြည့်တောင်ကုန်းများ ဆောက်လုပ်နေခြင်းဖြစ်သည်။

“ယူနက်စကိုတင်ထားတဲ့အပေါ် အများကြီးထိခိုက်နိုင်တယ်။ အရမ်းမှားနေတဲ့ကိစ္စပဲ။ ဒီလိုလုပ်လို့မှ မရတာ။ ဥပမာ- မင်းနန်သူကန်ဆိုရင် ရှေးဟောင်းကန်၊ ဒီကန်ထဲကိုဝင်တဲ့ရေက မြကန်ပေါ်ကနေ အဆင့်ဆင့် ဘယ်လိုလာတယ်ဆိုတာကို ကျွန်မတို့မသိဘူး။ ၁၈ ရာစုက သုံးခဲ့တဲ့ ရေအသုံးချစီမံကိန်း၊ ဒါကိုနားမလည်သေးဘူး၊ ဒါတွေကို သုတေသနမလုပ်ရသေးဘဲနဲ့ ရှေးဟောင်းအထောက်အထားတွေကို ဖျက်ဆီးလို့မရဘူး”ဟု အမည်မဖော်လိုသည့် ရှေးဟောင်းပညာရှင်တစ်ဦးက ပြောကြားသည်။

M-05




FOLLOW US