News

POST TAGGED AS

ပိုးသတ်ဆေး

မြန်မာကုမ္ပဏီများ အွန်လိုင်းမှ စတင်မှတ်ပုံတင်ခွင့်ပြုသည့်နေ့ ဝက်ဘ်ဆိုက်ချို့ယွင်းမှု ဖြစ်
ရန်ကုန်၊ ဩဂုတ် ၁

မြန်မာနိုင်ငံ ကုမ္ပဏီများ အက်ဥပဒေ အသစ်အရ ဩဂုတ်လ ၁ ရက်နေ့မှစ၍ ပြည်တွင်း ပြည်ပ ကုမ္ပဏီအားလုံး အွန်လိုင်းစနစ်ဖြင့်ပြန်လည်၍ ကုမ္ပဏီမှတ်ပုံတင်ရမည်ဖြစ်ရာ ပထမဦးဆုံးနေ့မှာပင် ကုမ္ပဏီပေါင်း တစ်သောင်းခန့် မှတ်ပုံတင်လုပ်ငန်းများ ဆောင်ရွက်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာထံမှ သိရသည်။

ထိုကဲ့သို့ အွန်လိုင်းဖြင့် ကုမ္ပဏီ မှတ်ပုံတင်ခြင်းလုပ်ငန်း လုပ်ဆောင်သော ကုမ္ပဏီများ အများအပြားရှိခြင်းကြောင့် ကုမ္ပဏီမှတ်ပုံတင်ရမည့် ဝက်ဘ်ဆိုက် www. myco.dica.gov.mm သည် ဩဂုတ်လ ၁ ရက်နေ့ မွန်းလွဲ ၁ နာရီခန့်မှစတင်၍ စနစ်ချို့ယွင်းကာ ဝက်ဘ်ဆိုက် (Server Down) ကျဆင်းသွားသည့်အတွက် ပြန်လည်ပြင်ဆင်ခဲ့ရကြောင်း ယင်းဌာနမှ ညွှန်ကြားရေးမှူးတစ်ဦးက ပြောကြားသည်။

“တစ်သောင်းဝန်းကျင်လောက်တော့ ရှိတယ်။ (မှတ်ပုံတင်သည့်ကုမ္ပဏီ) အရမ်းများတော့ System က မနိုင်ဘဲ ဝက်ဘ်ဆိုက်က ကျသွားတာ”ဟု ၎င်းကဆိုသည်။

ယင်းကဲ့သို့ ဝက်ဘ်ဆိုက် ကျသွားသည့်ကိစ္စနှင့် ပတ်သက်၍ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန၏ ညွန်ကြားရေးမှူးချုပ် ဦးအောင်နိုင်ဦးကလည်း အခက်အခဲဖြစ်ခဲ့သူ အားလုံးကိုတောင်းပန်ကြောင်း ၎င်း၏ ဖေ့စ်ဘွတ်ခ် လူမှုကွန်ရက်စာမျက်နှာတွင် ရေးသားခဲ့သည်။

ဥပဒေအသစ်အရ ပြည်တွင်း ပြည်ပ ကုမ္ပဏီများအားလုံး အွန်လိုင်းစနစ်ဖြင့် ပြန်လည် မှတ်ပုံတင်ခြင်းအတွက် ဩဂုတ်လ ၁ ရက်နေ့မှစ၍ ခြောက်လအကြာ အချိန်သတ်မှတ်ပေးထားကြောင်း ယင်းဌာနထံမှ သိရသည်။

ယခု အွန်လိုင်းစနစ်ဖြင့် ကုမ္ပဏီ မှတ်ပုံတင်ခြင်းများ မလုပ်ဆောင်မီ လက်ရှိအချိန်၌ ရင်းနှီးမြှုပ်နှံမှုနှင့် ကုမ္ပဏီများ ညွန်ကြားမှု ဦးစီးဌာနတွင် ပြည်တွင်း ကုမ္ပဏီပေါင်း လေးသောင်းကျော်နှင့် နိုင်ငံခြားကုမ္ပဏီ လေးထောင်ကျော်က ကုမ္ပဏီ မှတ်ပုံတင်ထားကြောင်း အဆိုပါဌာနထံမှ သိရသည်။

J-01



FOLLOW US