News

POST TAGGED AS

ပါတီ

နိုင်ငံရေးသဘောကွဲလွဲမှုကြောင့် ရွေးကောက်ပွဲမတိုင်မီလမ်းဆုံတွင် မတင်မကျဖြစ်နေသော အီတလီ


ရောမ၊ မတ် ၃
 
အီတလီနိုင်ငံတွင် ရွေးကောက်ပွဲနီးကပ်လာသည့်အတွက် နိုင်ငံတစ်လွှား မဲဆွယ်မှုများကို လူထုစည်းဝေးပွဲများဖြင့် အပြီးသတ်လိုက်ကြပြီဟု DW သတင်းတွင် ဖော်ပြထားသည်။

အီတလီတွင် နိုင်ငံရေးအမြင်ကွဲလွဲမှုများ ဖြစ်ပေါ်နေသောကြောင့် နိုင်ငံတွင် အစွန်းရောက်များအာဏာရရှိသွားနိုင်သည်ဟု ဝန်ကြီးချုပ်ဟောင်း မတ်တီယိုရန်ဇီက သတိပေးလိုက်သည်။

အကြမ်းဖက်မှုများကြောင့် အီတလီ၏ ရွေးကောက်ပွဲလုပ်ငန်းစဉ်များ ပြတ်တောင်းပြတ်တောင်း ဖြစ်နေခဲ့သော်လည်း တနင်္ဂနွေနေ့တွင် မဲပေးကြတော့မည်ဖြစ်သည်။ အီတလီဥပဒေအရရွေးကောက်ပွဲမတိုင်မီ တစ်ရက်အလိုတွင် မဲဆွယ်ခွင့်မရှိသောကြောင့် နိုင်ငံရေးခေါင်းဆောင်များက သောကြာနေ့တွင် မိန့်ခွန်းများချွေကာ အဆုံးသတ်ခဲ့ကြသည်။

ဖလောရင့် လူထုစည်းဝေးပွဲတွင် ဒီမိုကရက်တစ်ပါတီမှ ဝန်ကြီးချုပ်ဟောင်း မတ်တီယိုရန်ဇီက လက်ယာစွန်းပါတီများနှင့် လက်ဝဲယိမ်းပါတီများ ထကြွလာခြင်းကို ရည်ညွှန်းပြောဆိုခဲ့ပြီး “မတ်လ ၄ ရက်မှာ အစွန်းရောက်တွေ လက်ထဲကို အာဏာရောက်ရှိသွားနိုင်ပါတယ်။ ကျုပ်ကတော့ အစွန်းရောက်တွေနဲ့ မဟာမိတ်ဖွဲ့ဖို့ထက် သူတို့ကိုဆန့်ကျင်ကန့်ကွက်ဖို့ ပိုပြီး သဘောကျပါတယ်”ဟု ပြောကြားသည်။

မတ်တီယိုရန်ဇီသည် ၂၀၁၆ တွင် မအောင်မြင်သော ဆန္ဒခံယူပွဲကြောင့် ဝန်ကြီးချုပ်ရာထူးကို စွန့်လွှတ်ခဲ့ရပြီးနောက် တစ်ကြော့ပြန်လာနိုင်ရန် မျှော်လင့်လျက်ရှိသည်။

Euromedia Research က နောက်ဆုံးပြုလုပ်သော ထောက်ခံမှုစစ်တမ်းအရ ဝန်ကြီးချုပ်ဟောင်း ဘာလူစကိုနီ၏ ဖော်ဇာအီတာလီယာပါတီ ဦးဆောင်သော လက်ယာယိမ်းညွှန့်ပေါင်းပါတီအုပ်စုက ထောက်ခံမဲ ၃၈ ဒသမ ၆ ရာခိုင်နှုန်းဖြင့် ဦးဆောင်ဖွယ်ရှိသည်ဟု မျှော်လင့်ရသည်။

ဖော်ဇာအီတာလီယာပါတီသည် လက်ယာစွန်းနောသမ်းလိခ်အပါအဝင် အခြားသုံးပါတီနှင့် မဟာမိတ်ဖွဲ့ထားပြီး တရားမဝင် ရွှေ့ပြောင်းနေထိုင်သူ ၆၀၀,၀၀၀ ကို ပြန်ပို့ရေး၊ စီးပွားရေးတွန်းအားပေးရန် အခွန်လျှော့ချရေးတို့ဖြင့် မဲဆွယ်စည်းရုံးလျက်ရှိသည်။

နောသမ်းလိခ်ပါတီခေါင်းဆောင် မတ်တီယိုဆယ်ဗီနီက ပြင်သစ်သမ္မတမက် ခရွန်ကဲ့သို့ပင် စီးပွားရေးအရ ရွှေ့ပြောင်းလာသူများကို နေရပ်ပြန်ပို့ရမည်ဟု ပြောဆိုထားသည်။ ၎င်းပါတီမှ အသက် ၂၈ နှစ်အရွယ် အမတ်လောင်းတစ်ဦးက မက်ဆာရာတာမြို့တွင် အာဖရိကန် ရွှေ့ပြောင်းအခြေစိုက်သူခြောက်ဦး ဒဏ်ရာရရှိသွားသော ပစ်ခတ်မှုတွင် ပါဝင်ခဲ့ပြီးနောက် မဲဆွယ်မှုရေချိန် အမြင့်ဆုံးသို့ ရောက်ရှိသွားခဲ့သည်။

ယခင်လကလည်း မက်ဆာရာတာမြို့တွင် လက်ယာစွန်း နယူးဖို့စ်ပါတီ ထောက်ခံသူများက ချီတက်ပွဲတစ်ခုတွင် ဖက်ဆစ်ပုံစံအလေးပြုခဲ့ပြီးနောက် ရဲများနှင့် အချေအတင်ပြဿနာဖြစ်ခဲ့သည်။

M5S ပါတီကမူ မည်သည့်ပါတီနှင့်မှ လက်မတွဲပဲ တစ်ကိုယ်တော်ယှဉ်ပြိုင်ကာ အောင်ပွဲခံရန် မျှော်လင့်နေသည်။ သို့ရာတွင် မနှစ်က ပြင်ဆင်လိုက်သော ရွေးကောက်ပွဲဥပဒေများတွင် အချိုးကျစနစ်နှင့် မဲအများဆုံးသူအနိုင်စနစ် နှစ်ခုကိုရောမွှေထားသောပုံစံကြောင့် တစ်ပါတီတည်းအစိုးရ ဖွဲ့နိုင်ရေးမျှော်မှန်းမှု မှေးမှိန်သွားခဲ့သည်။

သို့ရာတွင် ထုတ်ပြန်ခြင်းမရှိသော စစ်တမ်းများအရ ၎င်း၏ပါတီသည် အောင်ပွဲခံရန် ခြေတစ်လှမ်းသာလိုတော့သည်ဟု M5S ခေါင်းဆောင် ဒီမေယိုက ပြောကြားသည်။ အီတလီတွင် ရွေးကောက်ပွဲမတိုင်မီ နှစ်ပတ်အလိုထိသာ ထောက်ခံမှုစစ်တမ်းများကို ထုတ်ပြန်ခွင့်ရှိသည်။

ဥရောပ၏ တတိယစီးပွားရေး အင်အားကြီးအီတလီသည် ဘရိတ်ဆစ်အလွန် အီးယူတွင် ဂျာမနီ၊ ပြင်သစ်တို့၏ မဟာဗျူဟာမြောက် လက်တွဲဖော်ဖြစ်လာမည်ဖြစ်သော်လည်း နိုင်ငံတွင်း သဘောထားကွဲလွဲမှုများက ဥရောပပိုမိုစုစည်းခိုင်မာရေးတွင် အတားအဆီးဖြစ်လာနိုင်သည်။

F-04



FOLLOW US