News

POST TAGGED AS

တရုတ်နိုင်ငံသား

နျူပိုကာဝိုင်းမှာ “တစ်” ဖဲ ထုတ်ပြလိုက်တဲ့ ကင်ဂျုံအန်း


မြောက်ကိုရီးယားခေါင်းဆောင် ကင်ဂျုံအန်းသည် အမေရိကန်သမ္မတ ဒေါ်နယ်ထရမ့်၊ တောင်ကိုရီးယားသမ္မတ မွန်ဂျေအင်းတို့နှင့် ထိပ်သီးဆွေးနွေးပွဲများ ကျင်းပရန်စီစဉ်နေချိန်တွင် သူ့နိုင်ငံသည် နျူကလီးယားနှင့် ဒုံးကျည်စမ်းသပ်မှုများ ရပ်ဆိုင်းလိုက်ပြီဟု ရုတ်တရက်ကြေညာလိုက်သည်။

မြောက်ကိုရီးယားက နျူကလီးယားဗုံးစမ်းလိုက်ပြန်ပြီ၊ ဒုံးကျည်လွှတ်လိုက်ပြန်ပြီ” ဆိုသော စိတ်ဝင်စားစရာ၊ စိုးရိမ်ဖွယ်ရာသတင်းများ၏ အဆုံးသတ်ဟု မျှော်လင့်စရာရှိသော်လည်း သမိုင်းနောက်ခံကို ပြန်ကြည့်လျှင်တော့ အများကြီး မျှော်လင့်ထား၍ မရသေးသည်ကို တွေ့နိုင်မည်ဖြစ်သည်။

ပထမအချက်၊ မြောက်ကိုရီးယားခေါင်းဆောင် ကင်ဂျုံအန်းက စမ်းသပ်မှုများရပ်ဆိုင်းလိုက်ပြီး ပွန်ဂျီရီနျူစမ်းသပ်စခန်းကို ပိတ်ရန် ကြေညာလိုက်ခြင်း၏အကြောင်းပြချက်မှာ သူ့နိုင်ငံအနေနှင့် နျူကလီးယားလက်နက်ကို ကျွမ်းကျင်သွားပြီဖြစ်သောကြောင့် စမ်းသပ်ရန်မလိုတော့ဟု ခံစားမိ၍ဖြစ်နိုင်သည်။ အတည်ပြုရန်ခက်ခဲသော်လည်း နျူလက်နက်ပိုင်နိုင်စွာ ထုတ်လုပ်နိုင်ပြီဆိုသော မြောက်ကိုရီးယား၏ အစောပိုင်းကြေညာချက်များမှာ ဝါကြွားမှုမဟုတ်သည်ကတော့ သေချာသည်။

၁၉၉၈ ခုနှစ်က အိန္ဒိယနှင့် ပါကစ္စတန်တို့ ဆောင်ရွက်ချက်များကို ပြန်ကြည့်နိုင်သည်။ ထိုနှစ်နိုင်ငံသည် နိုင်ငံတကာက ကန့်ကွက်နေသည့်ကြားမှ နျူကလီးယားစမ်းသပ်မှုခြောက်ကြိမ်စီ လုပ်ဆောင်ခဲ့ကြသည်။ အောင်မြင်သွားပြီးနောက်ပိုင်းတွင်တော့ နောက်ထပ်မစမ်းသပ်ကြတော့ဘဲ နျူလက်နက်နိုင်ငံများ အသင်းဝင်အဖြစ် ခပ်တည်တည်နေနိုင်သွားကြသည်။

မြောက်ကိုရီးယားသည်လည်း ခြောက်ကြိမ်လောက် စမ်းသပ်အပြီးမှာ နျူလက်နက်ဒီဇိုင်းနှင့်ပတ်သက်၍ ဆက်လက်လေ့လာရဖွယ်ရှိသော်လည်း ထပ်စမ်းစရာလိုတော့မည်မဟုတ်ပေ။

မြို့ဖျက်ဗုံး ရပြီ

ပေါက်ကွဲထိမှန်နိုင်သော အကျယ်အဝန်းအရပြောလျှင် ၂၀၁၆ နှင့် ၂၀၁၇ မြောက်ကိုရီးယား၏ ပဉ္စမနှင့် ဆဋ္ဌမမြောက် နျူကလီးယားစမ်းသပ်မှုများသည် အရေးပါသော မှတ်ကျောက်များဖြစ်သည်။ ၂၀၁၆ စက်တင်ဘာစမ်းသပ်မှုတွင် တာတို၊ တာလတ်၊ တာဝေးမှသည် တိုက်ချင်းပစ်ဒုံးကျည်အထိ ဒုံးကျည်အမျိုးမျိုးတွင် တပ်ဆင်နိုင်သည့် စံမီကျစ်လျစ်သော နျူကလီးယားထိပ်ဖူး စမ်းသပ်မှုပါဝင်ခဲ့သည်။

အဆိုပါလက်နက်များ၏ ပေါက်ကွဲဖျက်ဆီးနိုင်စွမ်းသည် ဒုတိယကမ္ဘာစစ် နောက်ဆုံးရက်ပိုင်းအတွင်း နာဂါဆာကီတွင် အမေရိကန်ကြဲချခဲ့သော နျူကလီးယားဗုံး၏ သုံးပုံနှစ်ပုံမျှသာရှိသည်။ သို့သော်လည်း မြောက်ကိုရီးယား၏ ရည်ရွယ်ချက်အတွက်တော့ လုံလောက်သည့် အရွယ်အစားဟု ဆိုနိုင်သည်။

မြောက်ကိုရီးယား၏ နောက်ဆုံးစမ်းသပ်မှုမှာ ပိုမိုအားကောင်းကျယ်ပြန့်စွာ ပေါက်ကွဲနိုင်သည့် နျူကလီးယားဗုံးများ ထုတ်လုပ်နိုင်စွမ်းရှိကြောင်း သရုပ်ပြခြင်းဖြစ်ပြီး ပိုအရေးကြီးသည့် စွမ်းရည်ဖြစ်သည်။

မြောက်ကိုရီးယားသည် ၎င်းတို့ကြေညာသလို သာမိုနျူကလီးယားဗုံးတစ်လုံး ထုတ်နိုင်သည်အထိ အစွမ်းရှိ၊ မရှိကို ပညာရှင်များ၊ ထောက်လှမ်းရေးများအကြား အငြင်းပွားနေကြသော်လည်း မြောက်ကိုရီးယားသည် မြို့တစ်မြို့စာ ပျံ့နှံ့ပေါက်ကွဲနိုင်သည့် ဗုံးမျိုးထုတ်နိုင်ပြီဆိုသောအချက်ကိုတော့ တစ်ကမ္ဘာလုံး လက်ခံထားကြသည်။

မကြာသေးမီက ကင်ဂျုံအန်း၏ တရုတ်ပြည်ခရီးစဉ်သည် အင်အားပြမှုဟု ဆိုနိုင်သည်။ ပြည်တွင်းတွင် အာဏာခိုင်ခိုင်မာမာ ထိန်းချုပ်ထားနိုင်ပြီဖြစ်သောကြောင့် ပြည်ပနိုင်ငံများသို့ နောက်ဆံမတင်းဘဲ ခရီးထွက်နိုင်ပြီဆိုသည့်အချက်ကို သက်သေပြခြင်းဖြစ်သလို နျူကလီးယားမစမ်းသပ်တော့ဟု ပြောခြင်းသည်လည်း စမ်းစရာမလိုတော့ ဆိုသော ယုံကြည်မှုကို ပြသခြင်းဖြစ်သည်။

ဗုံးထက် ဒုံးက ပြဿနာ

ဒုံးကျည်နှင့်ပတ်သက်လာလျှင်တော့ ကင်ဂျုံအန်းက တိုက်ချင်းပစ်ဒုံးကျည် (ICBM) များ ထပ်မစမ်းတော့ဟု ကြေညာလိုက်သည်။ ယင်းရွှေ့ကွက်ကတော့ အံ့ဩစရာပိုကောင်းသည်။

မြောက်ကိုရီးယားသည် အမေရိကန်ကုန်းမကြီးအထိ နျူကလီးယားထိပ်ဖူးတပ်ပစ်လွှတ်နိုင်သော ဒုံးကျည်မျိုး သုံးခါသာ စမ်းသပ်ခဲ့သည်။ ယင်းစမ်းသပ်မှုတစ်ခုတွင်မျှ နျူကလီးယားတိုက်ခိုက်မှုအတွက် လိုအပ်သော ဒုံးကျည်သွားလမ်းအတိုင်း ဒုံးကျည်တစ်စင်းကို ပစ်ပြခြင်းမျိုးမပါဝင်ခဲ့။ မြောက်ကိုရီးယားသာ အမှန်တကယ် အမေရိကန်ကုန်းမကြီးကို ဒုံးကျည်ဖြင့် ပစ်လိုပါက နောက်ထပ် တိုက်ချင်းပစ်ဒုံးကျည်စမ်းသပ်မှုများ လိုအပ်နေသည်က အမှန်ပင်ဖြစ်သည်။

သို့သော်လည်း မြောက်ကိုရီးယားတွင် အခြားအစီအစဉ်များ ရှိပုံရသည်။ ဥပမာအားဖြင့် သူတို့ထံတွင် အမေရိကန်ကို သဘောတရားအရ ခြိမ်းခြောက်ရန် လိုအပ်သည့်အရာအားလုံး ကျွမ်းကျင်သွားသည့်တိုင် သူ့ဒုံးကျည်တပ်ဖွဲ့အတွက် ဒုံးလွှတ်စင် (missile launcher) အနည်းငယ်သာရှိသည်။ 

လက်ရှိတွင် မြောက်ကိုရီးယား၌ အလွန်ဆုံးတိုက်ချင်းပစ် ဒုံးကျည်လွှတ်စင်ခြောက်ခုထက် မပို။

၂၀၁၈ နှစ်သစ်ကူး မိန့်ခွန်းတွင် ကင်ဂျုံအန်းက သူ၏ နျူကလီးယားတပ်မဟာ ပြည့်စုံပြီဟု ကြေညာခဲ့သော်လည်း တိုက်ချင်းပစ်ဒုံးကျည်များ ထပ်တိုးထုတ်လုပ်ရန်နှင့် နျူကလီးယားကွပ်ကဲထိန်းချုပ်ရေးစနစ်များ အဆင့်မြှင့်ရန် လိုအပ်နေဆဲဖြစ်သည်ဟု အများလက်ခံထားသည်။ သို့ဖြစ်ရာ နျူကလီးယား ထပ်မစမ်းရခြင်းသည် အကြောင်းမဟုတ်တော့လည်း တိုက်ချင်းပစ်ဒုံးကျည်ထပ်မစမ်းတော့ဟု ကြေညာလိုက်ခြင်းမှာမူ အံ့ဩစရာကိစ္စဖြစ်လာသည်။

နျူကလီးယားမစမ်းတော့ဆိုသည့်ကိစ္စသည် ပွန်ဂျီရီနျူကလီးယား စမ်းသပ်စခန်းမှ လုပ်ရပ်များဖြင့် သက်သေပြ၍ရသည်။ ဥပမာအားဖြင့် မြောက်ကိုရီးယားသည် စမ်းသပ်ဥမင်များကို ဖြိုဖျက်ပြနိုင်သည်။ ဧပြီလ ၂၂ ရက်နေ့ ထုတ်ပြန်ချက်တွင်တော့ စခန်းရှိ ပစ္စည်းကိရိယာများ ဖြုတ်သိမ်းသည်ဟုသာ ပါရှိသည်။ 

သို့သော်လည်း တိုက်ချင်းပစ်ဒုံးကျည်စမ်းသပ်မှု မလုပ်တော့ဆိုသည့်ကိစ္စကျတော့ ချိုးဖောက်ရလွယ်ကူသည်။ မြောက်ကိုရီးယားလက်ထဲမှာ ဒီဒုံးကျည်တွေ ရှိနေသမျှ အလွယ်တကူ စမ်းသပ်၍ရသည်။ ၁၉၉၉ တွင် မြောက်ကိုရီးယားက ဒုံးကျည်မစမ်းတော့ပါဟု ကတိပြုခဲ့သော်လည်း ၂၀၀၆ မှာ ပြန်လည်ချိုးဖောက်ခဲ့သည့် သာဓကရှိသည်။

ယခုကဲ့သို့ စမ်းသပ်မှုများ ရပ်ဆိုင်းသည့် ကြေညာချက်အပြင် ကင်ဂျုံအန်းသည် သူ၏နိုင်ငံလုံးဆိုင်ရာ မဟာဗျူဟာစီမံကိန်းအကြောင်းကိုပါ ကြေညာသွားခဲ့သည်။ ဗြွန်ဂျင်းလမ်းစဉ်ဟုခေါ်သော စီမံကိန်းမှာ ပိုမိုသာယာဝပြောသော စီးပွားရေးနှင့် နိုင်ငံတော်နျူကလီးယားအင်အားစုကို တစ်ပြိုင်နက်ဖွံ့ဖြိုးရေးဟု အကျဉ်းရုံးပြောနိုင်သည်။

နျူကလီးယားစမ်းသပ်မှုများ ရပ်ဆိုင်းလိုက်ပြီးနောက် အားကောင်းသော ဆိုရှယ်လစ်စီးပွားရေး တည်ဆောက်ရန်နှင့် ပြည်သူများ၏ လူနေမှုဘဝမြှင့်တင်ရေးကိုသာ အာရုံစိုက်သွားတော့မည်ဟုလည်း ကင်ဂျုံအန်းက ကြေညာခဲ့သည်။ ယင်းအချက်၏ ဆိုလိုရင်းမှာ ယခုကဲ့သို့ နျူစမ်းသပ်မှုရပ်ဆိုင်းခြင်းဖြင့် နိုင်ငံတကာ၏ အရေးယူပိတ်ဆို့မှုများ ဖြေလျှော့၊ ဖယ်ရှားပေးရန် တောင်းဆိုတော့မည့်သဘောဖြစ်သည်။

ဆွေးနွေးပွဲသည် ဆုလာဘ်

အမေရိကန်သမ္မတ ဒေါ်နယ်ထရမ့်နှင့်တွေ့မှသာ နျူကလီးယားနှင့် တိုက်ချင်းပစ်ဒုံးကျည် စမ်းသပ်မှုများ ရပ်ဆိုင်းခြင်းဆိုသော ဖဲချပ်ကို ချမပြဘဲ အဘယ့်ကြောင့်ကြိုပြီး ချပြခဲ့ပါသနည်း။ အဖြေက ရှင်းပါသည်။ အမေရိကန်သမ္မတတစ်ဦးနှင့် ထိပ်သီးဆွေးနွေးပွဲ ကျင်းပခွင့်ရသည်ဆိုခြင်းကိုက ဆုလာဘ်တစ်ခု ဖြစ်နေသည်။ သူ့အဘိုး၊ သူ့အဖေ မလုပ်နိုင်ခဲ့သော သံတမန်ရေး ရှိုးပွဲကြီးတစ်ခုကို သူ ကျင်းပခွင့်ရခဲ့ခြင်းကသည်ပင် အောင်မြင်မှုကြီးဖြစ်သည်။

နျူကလီးယားစမ်းသပ်စခန်းကြီးကို ဖြိုဖျက်ပြရဦး၊ တိုက်ချင်းပစ် ဒုံးကျည်စမ်းသပ်မှုများ ရပ်တန့်လိုက်ရစေဦးတော့၊ အမေရိကန်သမ္မတနှင့် တစ်စားပွဲတည်းထိုင်ပြီး နျူလက်နက်နိုင်ငံ့ခေါင်းဆောင်တစ်ဦးအဖြစ် အသိအမှတ်အပြုခံရလျှင် ထိုက်တန်သော ရင်းနှီးမှုဟု ဆိုရမည်ဖြစ်သည်။ ၂၂ ရက်နေ့ ကြေညာချက်ကို သေချာဖတ်လျှင် နျူဖျက်သိမ်းရေးဆိုသော စာသားတစ်လုံးတစ်ပါဒမှ မပါဝင်သည်ကို တွေ့နိုင်သည်။

အရှင်းဆုံးပြောရလျှင် မြောက်ကိုရီးယားခေါင်းဆောင်သည် သူ့အစိုးရ ရှင်ကျန်ရေးအတွက် အာမခံချက်ဖြစ်သော နျူကလီးယားလက်နက်များကို စွန့်လွှတ်ရန် ဆန္ဒလုံးဝမရှိဘဲ နှစ်ဦးမိန့်ခွန်းတွင် ပြောခဲ့သလို တာဝန်ယူတတ်သော နျူလက်နက်နိုင်ငံတစ်ခုအဖြစ် အသိအမှတ်ပြုခံရရေး ကြိုးပမ်းမှုသာဖြစ်သည်။

အမေရိကန်နှင့် အနောက်ကမ္ဘာက မြောက်ကိုရီးယားကို နျူလက်နက်နိုင်ငံအဖြစ် အသာတကြည် လက်ခံပေးပါမည်လား။ ဒီမေးခွန်းကတော့ အနောက်ခေါင်းဆောင်များ ဖြေဆိုရမည့်ကိစ္စဖြစ်သည်။ 

ကင်ဂျုံအန်းဘက်ကတော့ တစ်ဖဲကိုချခင်းပြလိုက်သည်။ ဉာဏ်နီ ဉာဏ်နက်မျိုးစုံဖြင့် ကိုယ်ကျိုးစီးပွားကို အဓိကထားကစားကြသော နျူကလီးယားပိုကာဝိုင်းသည် မထင်မှတ်ဘဲ ပွဲကောင်းလာပြီဟု ဆိုရမည်ဖြစ်ပေသည်။

F-03

Ref : BBC, Why has Kim Jung-Un Halt North Korea tests now?



FOLLOW US