News

POST TAGGED AS

တိုင်းရင်းသား

တိုင်းရင်းသားများတိုးတက်ရန်နှင့် ငြိမ်းချမ်းရေးရရှိရန် ဂျပန်အစိုးရက ကန်ဒေါ်လာသန်း ၄၀၀ ကူညီမည်
ရန်ကုန်၊ နိုဝင်ဘာ ၁၉

ဆယ်စုနှစ်များစွာ ကြန့်ကြာနေသော ငြိမ်းချမ်းရေးရရှိစေရန်နှင့် တိုင်းရင်းသားလူမျိုးများဖွံ့ဖြိုးတိုးတက်စေရေးအတွက် ဂျပန်နိုင်ငံအစိုးရက အမေရိကန်ဒေါ်လာ သန်း ၄၀၀ ကို ၂၀၁၆ မှ ၂၀၂၁ ခုနှစ်ထိ ငါးနှစ်အတွင်းအကူအညီပေးသွားမည်ဖြစ်ကြောင်း ယင်းအစိုးရအဖွဲ့ထံမှ သိရသည်။

အဆိုပါအကူအညီကို ထောက်ပံ့ငွေနှင့် အတိုးနှုန်းသက်သာသည့် ချေးငွေနှစ်မျိုးအဖြစ် အကူအညီပေးခြင်းဖြစ် ကြောင်း ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေးဂျင်စီ(JICA)ထံမှ သိရသည်။

“ ငြိမ်းချမ်းရေးလုပ်ငန်းစဉ်တွေကို အကူအညီပေးတာတွေက အခုကစနေပါပြီ ” ဟု ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေးဂျင်စီ မြန်မာနိုင်ငံ အကြီးအကဲ Mr.Keiichiro Nakazawa က ပြောဆိုသည်။

အဆိုပါသဘောတူညီချက်သည် မြန်မာနိုင်ငံ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုဝင်ဘာလအတွင်း က ဂျပန်ခရီးစဉ်အတွင်း ဂျပန်ဝန်ကြီးချုပ် ရှင်ဇိုအာဘေးနှင့် သဘောတူညီမှု ရရှိခဲ့ခြင်းဖြစ်ကြောင်း JICA ထံမှ သိရသည်။



FOLLOW US