POST TAGGED AS

တရားမဝင်

ကချင်ရှိ မြို့နယ်သုံးခု၌ ရှစ်လအတွင်း လူကုန်ကူးခံရမှု ၁၀မှုရှိဟုဆို
မြစ်ကြီးနား၊ စက်တင်ဘာ ၁၄

ကချင်ပြည်နယ်အတွင်းရှိ မြို့နယ်သုံးခု၌ လူကုန်ကူးမှုအဖြစ်အများဆုံးဖြစ်ပြီး ယခုနှစ်ရှစ်လတာကာလအတွင်း လူကုန်ကူးမှု ၁၀မှုရှိခဲ့ကြောင်း လူကုန်ကူးမှုတားဆီးနှိမ်နှင်းရေးရဲတပ်ဖွဲ့မှ ဒုရဲမှူးစိုးမင်းက ပြောသည်။

ကချင်ပြည်နယ်အတွင်း မြစ်ကြီးနားမြို့နယ်၊ ဝိုင်းမော်မြို့နယ်နှင့် ဗန်းမော်မြို့နယ်တို့တွင် လူကုန်ကူးခံရမှုအများဆုံးဖြစ်ပွားလျက်ရှိပြီး ဖားကန့်မြို့နယ်အတွင်း၌ အနည်းအကျဉ်းသာရှိကြောင်း စက်​တင်​ဘာ ၁၃ရက်က မြစ်ကြီးနားမြို့ အမှတ်(၁) အခြေခံပညာ အထက်တန်းကျောင်း၌ ကျင်းပသည့် မြန်​မာ နိုင်ငံ လူကုန်ကူးမှုတိုက်ဖျက်ရေးနေ့ အခမ်းအနားတွင် ၎င်းက ပြောကြားသည်။

"ကချင်ပြည်နယ်က မြန်မာနိုင်ငံမှာဆို ငါးနေရာမှာရှိပြီးတော့ သုံးမြို့နယ်အဓိကဖြစ်နေတယ်။ အများဆုံးကတော့ အမျိုးသမီးနဲ့ ကလေးတွေ ပိုအဖြစ်များတယ်"ဟု ၎င်းက ပြောကြားသည်။

ကချင်ပြည်နယ်မှ တရုတ်နိုင်ငံသို့ တင်ပို့ခံရသူအများစုသည် ယင်းမြို့နယ်သုံးခုမှ သွေးဆောင်ဖြားယောင်းကာ တရုတ်အမျိုးသားများနှင့် အဓမ္မထိမ်းမြားလက်​ထပ်​စေခြင်းဖြင့် ရောင်းချခံရခြင်းဖြစ်ကြောင်း လူကုန်ကူးမှုတားဆီးနှိမ်နင်းရေးရဲတပ်ဖွဲ့ထံမှ သိရသည်။

"ကျတော်တို့ ကချင်ပြည်နယ်မှာ ၂၀၁၁ကနေ ၂၀၁၆ သြဂုတ်လအထိ လူကုန်​ကူးမIပေါင်း ၆၄ခု အရေးယူဖေါ်ထုတ်နိုင်ခဲ့ပြီး တရားခံပေါင်း ၁၃၁ဦးကို အရေးယူနိုင်ခဲ့တယ်။ ပြီးတော့ လူကုန်​ကူးခံရသူ ၈၆ ဦးကိုလည်း ကယ်တင်နိုင်ခဲ့တယ်"ဟု ကချင်ပြည်နယ် လူကုန်ကူးမှုတားဆီးကာကွယ်ရေးမှ ဥက္ကဋ္ဌ ဦးမြင့်လွင်က ပြောကြားသည်။

ကချင်ပြည်နယ်၌ လူကုန်ကူးမှု ၂၀၁၃ခုနှစ်တွင် ခုနစ်မှု၊ ၂၀၁၄တွင် ၁၀မှု၊ ၂၀၁၅ခုနှစ် ၁၅ မှု၊ ၂၀၁၆ ခုနှစ် ယခုလအထိ ၁၀မှု ဖြစ်ပွားခဲ့ကြောင်း၊ လှုကုန်ကူးခံရသောလမ်းကြောင်း ခုနစ်ကြောင်းရှိသည့်အနက် အဓိက နှစ်ကြောင်းမှာ မြစ်ကြီးနား-ဝိုင်းမော်-ချီဖွေ-ပန်ဝါ-ဒိန်းထန်မြို့(တရုတ်နိုင်ငံ)လမ်းနှင့် ဗန်းမော်-မိုးမောက်-လိုင်ဇာ-ရင်ကျန်း(တရုတ်နိုင်ငံ)လမ်းကို အသုံးပြုနေကြောင်း လူကုန်ကူးမှု တားဆီးနှိမ်နှင်းရေး ရဲတပ်ဖွဲ့မှ ဒုရဲမှူးစိုးမင်းက ပြောသည်။



FOLLOW US