News

POST TAGGED AS

တရားခံ

ဓားရှည်များကိုင်ကာ ရမ်းကားသူများကို ရဲတပ်ဖွဲ့က ပစ်ခတ်နှိမ်နင်း၊ တစ်ဦးသေ
မန္တလေး၊ ဇွန် ၁

အမရပူရမြို့နယ် စွယ်တော်ကားကွင်းအနီးတွင် မေလ ၃၁ ရက်နေ့ ည ၁၀ နာရီခွဲခန့်အချိန်က လူငယ် ၂၀ ဦးခန့်သည် လှည့်ကင်းတာဝန်ထမ်းဆောင်နေသည့် ရဲတပ်ဖွဲ့ကို ဓားရှည်များဖြင့် ခုခံသည့်အတွက် သေနတ်ဖြင့် ပစ်ခတ်နှိမ်နင်းခဲ့ရာ လူတစ်ဦးသေဆုံးခဲ့ပြီး တစ်ဦးဒဏ်ရာရရှိခဲ့ကြောင်း ခရိုင်ရဲတပ်ဖွဲ့မှူး ဒုတိယရဲမှူးကြီး မျိုးအောင်က အတည်ပြုပြောကြားသည်။

"လူ ၂၀ လောက်က လှည့်ကင်းလှည့်နေတဲ့အဖွဲ့ကို ဓားရှည်တွေကိုင်ပြီး ရန်ရှာတာ။ အဲ့ဒါကြောင့် ရဲတပ်ဖွဲ့က ခြောက်လှန့်ပစ်ခတ်တာပါ။ တစ်ယောက် သေသွားတယ်။ တစ်ယောက်ကဒဏ်ရာရသွားတယ်" ဟု ၎င်းက ရှင်းပြသည်။

ခရိုင်မှုခင်းနှိမ်နင်းရေးတပ်ဖွဲ့နှင့် အောင်မြေသာစံမြို့ နယ်ရဲတပ်ဖွဲ့သည် ဓားပြမှုတစ်ခုမှ တရားခံပြေးတစ်ဦး နှင့် ခိုးမှုတရားခံပြေးတစ်ဦးတို့ကို မေလ ၃၁ ရက်နေ့ ည ၉ နာရီခန့်အချိန်က စွယ်တော်ကားကွင်းအနီးရှိ ထမင်းဆိုင်တစ်ခုအတွင်း ဝင်ရောက်ဖမ်းဆီးခဲ့ပြီး နာရီပိုင်းအကြာတွင် လူ၂၀ ဦးခန့်က ယင်းကားကွင်း အနီး ကင်းလှည့်သည့် ရဲတပ်ဖွဲ့ကို ရန်ရှာခဲ့ခြင်းဖြစ် ကြောင်း ခရိုင်ရဲတပ်ဖွဲ့မှူးက ဆက်လက်ပြောဆို သည်။

ဓားကိုင်ရမ်းကားသူများက ရဲတပ်ဖွဲ့ကို ခုခံခဲ့သောကြောင့် ရဲတပ်ဖွဲ့က MA 13 အမျိုးအစား သေနတ်နှစ်လက်ဖြင့် လေးချက်ပစ်ဖောက်ခဲ့ရာ အသက် ၂၄ နှစ်အရွယ် ငဆတ် ခေါ်သိန်းမင်းထက်၏ လည်ပင်းနှင့် ကျောကုန်း ကျည်ထိမှန် သေဆုံးသွားခဲ့ကာ အသက် ၂၁ နှစ်အရွယ်ရှိ ဆန်းထူးအောင် ပါးပေါက်ဒဏ်ရာ ရရှိခဲ့သည်ဟု ရဲတပ်ဖွဲ့၏ မှတ်တမ်းများအရ သိရသည်။

တာဝန်ထမ်းဆောင်နေသည့် ရဲတပ်ဖွဲ့ကို ဓားများ ကိုင်ဆောင်ရမ်းကားခဲ့သူများကို အရေးယူမည်ဖြစ်ရာ လက်ရှိတွင် ဒဏ်ရာရရှိခဲ့သူကို ဖမ်းဆီးထားနိုင်ပြီး မန္တလေးပြည်သူ့ဆေးရုံကြီး၌ ဆေးကုသပေးထား ကြောင်း ကျန်လူများကိုလည်း ရှာဖွေဖော်ထုတ်နိုင်ရန် ဆောင်ရွက်နေကြောင်း ဒုရဲမှူးကြီး မျိုးအောင်က ထပ်မံပြောဆိုသည်။

M-04



FOLLOW US