News

POST TAGGED AS

ဆိုလာပြားးး

မွန်ပြည်နယ်အစိုးရ မျိုးစပါး ကျပ်သိန်းတစ်ထောင်ဖိုး ဝယ်ယူမည်
မော်လမြိုင်၊ ဩဂုတ် ၉

မွန်ပြည်နယ်တွင် ရေကြီးမှုကြောင့် ပျက်စီးသွားသည့် လယ်ယာမြေများအတွက် လိုအပ်သည့် မျိုးစပါးများ ထောက်ပံ့ပေးနိုင်ရန် ပြည်နယ်အစိုးရက မျိုးစပါးကျပ် သိန်းတစ်တောင်ဖိုးဝယ်ယူရန် ညွှန်ကြားထားကြောင်း မွန်ပြည်နယ်အစိုးရအဖွဲ့ထံမှ သိရသည်။

“ရေနစ်မြုပ်သွားပြီး လုံးဝပျက်စီးသွားတဲ့လယ်တွေ ပြန်စိုက်ဖို့အတွက် ပြည်နယ်အစိုးရကနေ မျိုးစပါးတွေ ထောက်ပံ့ပေးသွားမယ်။ တစ်ဧကကို တစ်တင်းနှုန်းနဲ့ ထောက်ပံ့ပေးသွားမယ်”ဟု စိုက်ပျိုးရေး၊ မွေးမြူရေးနှင့် ပို့ဆောင်ဆက်သွယ်ရေးဝန်ကြီး ဦးထွန်းဌေးက ပြောဆိုသည်။

ပြည်နယ်အစိုးရက ဝယ်ယူမည့် သိန်းတစ်ထောင်ဖိုးမျိုးစပါးမှာ ရက် ၉၀ မျိုး စပါးမျိုးဖြစ်ကြောင်း၊ အဆိုပါမျိုးစပါးများကို တစ်တင်းလျှင် ကျပ် ၈၆၅၀ ကျပ်ပေးရကြောင်း၊ ကျပ်သိန်းတစ်ထောင်လျှင် မျိုးစပါးတင်းပေါင်း ၁၁,၅၀၀ ကျော်ရရှိကာ လက်ရှိတွင်လည်း ဘီးလင်းမြို့နယ်တွင် မျိုးစပါးတင်းပေါင်း ၁၅,၀၀၀ ရှိကြောင်း၊ စိုက်ပျိုးရေးဦးစီးဌာနရုံးချုပ်မှ မျိုးစပါး တင်းတစ်ထောင်နှင့် မြန်မာနိုင်ငံ ဆန်စပါးအသင်းချုပ်မှလည်း တင်းတစ်ထောင်လှူဒါန်းထားကြောင်း ၎င်းက ရှင်းပြသည်။

မွန်ပြည်နယ်တွင် ရေကြီးရေလျှံမှု ကြောင့် မြို့နယ် ၇ မြို့နယ်မှ မိုးစပါး လယ်ယာမြေ ဧကပေါင်း ၆၅,၀၀၀ ဧကကျော် ရေနစ်မြုပ်ခဲ့ရာ၊ ယင်းအနက်မှ ထိခိုက်သည့် လယ်ယာမြေဧကမှာ ၃၁,၁၀၀ ဧကကျော်နှင့် လုံးဝပျက်စီးသွားသည့် လယ်ယာမြေ ဧကမှာ ၁၇,၀၀၀ ဧကခန့်ပျက်စီးခဲ့ကြောင်း မွန်ပြည်နယ် စိုက်ပျိုးရေးဦးစီးဌာန၏စာရင်းများအရ သိရသည်။

“ပျက်စီးတဲ့အထဲမှာဆိုရင် ထိခိုက်မှုအများဆုံးက သထုံနဲ့ဘီးလင်းပဲ။ ကျိုက်မရောကတော့ နစ်မြုပ်များတယ်။ ဒါပေမဲ့ မစိုက်ရသေးတဲ့ လယ်မြေတွေဖြစ်နေတယ်။ သူတို့ရေနောက်စပါးတွေ စိုက်တာများတော့ တချို့လယ်တွေက မစိုက်ရသေးတာတွေများတယ်”ဟု ဝန်ကြီးဦးထွန်းဌေးက ပြောဆိုသည်။

ပျက်စီးသွားသည့် လယ်ယာမြေများမှာ ဘီးလင်းမြို့နယ်တွင် ဧကပေါင်း ၁၁၂၀၀ ကျော်၊ သထုံမြို့နယ်တွင် ဧကပေါင်း ၄၆၀၀ ကျော်နှင့် ကျိုက်ထိုမြို့နယ်တွင် တစ်ထောင်ကျော် ပျက်စီးခဲ့ကြောင်း စိုက်ပျိုးရေးဦးစီးဌာနထံမှ သိရသည်။ 

မွန်ပြည်နယ်တွင် ရေကြီးရေလျှံမှုကြောင့် နှစ်စဉ်မိုးစပါးစိုက်ပျိုးသည့် လယ်ယာမြေများ ရေနစ်မြုပ်မှု ဖြစ်ပေါ်ခဲ့သော်လည်း ယခု ၂၀၁၈ ခုနှစ်တွင် ပျက်စီးမှုအများဆုံးဖြစ်ပေါ်ခဲ့ကြောင်း၊၂၀၁၇ ခုနှစ်တွင် လယ်ယာမြေပျက်စီးမှုမှာ ဧက ၄၀၀၀ ကျော်သာ ပျက်စီးခဲ့ကြောင်း ယင်းဌာနထံမှသိရသည်။

R-21




FOLLOW US