News

POST TAGGED AS

စပိန်

လွတ်လပ်ရေးစည်းရုံးလှုပ်ရှားမှု ပြန်မစရန် ကတ်တလန်ခေါင်းဆောင်များကို စပိန်ဝန်ကြီးချုပ် သတိပေး

မက်ဒရစ်၊ ဒီဇင်ဘာ ၂၆

ကတ်တလိုးနီးယားဒေသန္တရ လွှတ်တော်ရွေးကောက်ပွဲများတွင် ခွဲထွက်ရေး လိုလားသောပါတီများ အောင်ပွဲခံခဲ့ပြီးနောက် ခွဲထွက်ရေးလှုပ်ရှားမှုကို ပြန်မစရန် စပိန်ဝန်ကြီးချုပ်က သတိပေးလိုက်သည်ဟု Finantial Times သတင်းတွင် ဖော်ပြထားသည်။

ယခုရွေးကောက်ပွဲရလဒ်များကြောင့် ကတ်တလိုးနီးယားဒေသအပေါ် မက်ဒရက်အစိုးရ၏ သဘောထားအမြင် ပြောင်းလဲသွားမည်မဟုတ်ဟု ဝန်ကြီးချုပ်ရာဟွိုင်း ကပြောကြားသည်။

ပြည်ပသို့ ထွက်ပြေးတိမ်းရှောင်နေသော ကတ်တလန်အစိုးရခေါင်းဆောင်ဟောင်း ကားလ်စ်ပူဒီမောင့်နှင့် တွေ့ဆုံဆွေးနွေးရန် တောင်းဆိုမှုများကိုလည်း ဝန်ကြီးချုပ်က ပယ်ချလိုက်သည်။

“စပိန်အခြေခံဥပဒေရဲ့ အထက်မှာ သူတို့ကိုယ်သူတို့ ထားနေသူမှန်သမျှကို ကျူပ်တို့ လက်မခံပါဘူး။ နိုင်ငံစည်းလုံးရေးပျက်ပြားအောင် ကြိုးစားမှုမှန်သမျှကို ဆက်လက်ဆန့်ကျင်သွားမှာပါ” ဟု စပိန်ဝန်ကြီးချုပ် ရာဟွိုင်းက ပြောကြားသွားသည်။

၁၃၅ နေရာ ကတ်တလန်လွှတ်တော်တွင် ခွဲထွက်ရေးပါတီများက အမတ်နေရာ ၇၀ အနိုင်ရရှိမှုသည် အောက်တိုဘာလက တရားမဝင်ဆန္ဒခံယူပွဲကျင်းပကာ လွတ်လပ်ရေးကြေညာခဲ့သည့် ကတ်တလန်ပြဿနာအပေါ် ဝန်ကြီးချုပ်ရာဟွိုင်းအစိုးရ၏ ကိုင်တွယ်မှုကို အာခံလိုက်ခြင်းပင်ဖြစ်သည်။ ကတ်တလန်လွတ်လပ်ရေး ကြေညာမှုကြောင့် စပိန်အစိုးရက ဒေသန္တရအစိုးရကို ဖျက်သိမ်းကာ ရွေးကောက်ပွဲများ ကျင်းပပေးခဲ့ခြင်းဖြစ်သည်။

ရွေးကောက်ပွဲတွင် စံချိန်တင်ရလဒ် ထွက်ပေါ်လာမှုသည် မက်ဒရစ်နှင့် ကတ်တလိုးနီးယားအကြား တင်းမာမှုအပေါ် ရင်းနှီးမြှုပ်နှံသူများ၏ စိုးရိမ်သောကကို ဖြစ်ပေါ်စေခဲ့သည်။ သောကြာနေ့က ကိုင်ဇာဘဏ်နှင့် ဘန်ကိုဆာဘာဒယ်ဘဏ်ကဲ့သို့သော ကတ်တလန်ဘဏ်များ၏ စတော့ရှယ်ယာတန်ဘိုးများ ၃ ရာခိုင်နှုန်း ကျဆင်းခဲ့သည်။ 

အဆိုပါဘဏ်နှစ်ခုစလုံးသည် နိုင်ငံရေးပြဿနာတွင် မြေစာပင်မဖြစ်အောင် ကာကွယ်သည့်အနေနှင့် အောက်တိုဘာလအတွင်းက ၎င်းတို့၏ အခြေစိုက်ရုံးများကို ကတ်တလန်မှ ရွှေ့ပြောင်းခဲ့ကြသည်။

စပိန်တရားရေး အာဏာပိုင်များ၏ ဖမ်းဆီးမှုကို ရှောင်တိမ်းကာ ဘရပ်ဆယ်သို့ ထွက်ပြေးခဲ့သူ ခွဲထွက်ရေးခေါင်းဆောင် ပူဒီမောင့်၏ ဂျန့်စ်ပါကတ်တလန်ယာပါတီသည် ခွဲထွက်ရေးအစုတွင် အကြီးဆုံးဖြစ်ပြီး ကတ်တလန်လွှတ်တော်တွင် ဒုတိယ အင်အားအကြီးဆုံးပါတီ ဖြစ်လာသည်။

သောကြာနေ့က ဘရပ်ဆယ်တွင် မှတ်ချက်စကား ပြောဆိုခဲ့သော ပူဒီမောင့်က စပိန်အပြင်ဘက် အီးယူနိုင်ငံတစ်ခုတွင် ဝန်ကြီးချုပ်ရာဟွိုင်းနှင့် တွေ့ဆုံဆွေးနွေးရန် အဆိုပြုထားသည်။

ဝန်ကြီးချုပ်ရာဟွိုင်းကမူ ယင်းသို့ တွေ့ဆုံရန် မလိုအပ်ဟု ရှင်းလင်းစွာ အသိပေးထားသည်။ 

ကတ်တလန်လွှတ်တော်တွင် အများစုအနိုင်ရသူသည် ပူဒီမောင့်မဟုတ်ဘဲ ဒေသတွင်း အင်အားအကြီးဆုံး ဆိုင်ဒါဒါနော့စ်ပါတီ၏ ခေါင်းဆောင် မစ္စအင်းနက်စ် အာရီမာဒတ်စ်ဖြစ်သည်ဟု ဝန်ကြီးချုပ် ရာဟွိုင်းက ပြောကြားသည်။

သူမ၏ပါတီသည် အခြားပါတီများထက် အမတ်နေရာများစွာ အသာရထားသော်လည်း ကတ်တလန်အစိုးရသစ်တွင် ခေါင်းဆောင်ဖြစ်လာရန်အတွက် အခြားပါတီများ၏ ထောက်ခံမှုကို စည်းရုံးရန်လို အပ်သည်ဟု အချို့က ယူဆကြသည်။

ကတ်တလန်ပြဿနာအပေါ် ဝန်ကြီးချုပ်ရာဟွိုင်း၏ ကိုင်တွယ်ပုံကို အမျက်ထွက်နေကြသော ကတ်တလန်ပြည်သူများက ကြာသပတေးနေ့က ရွေးကောက်ပွဲတွင် ဝန်ကြီးချုပ်ရာဟွိုင်း၏ ပေါ်ပြူလာပါတီကိုမူ မဲမပေးခဲ့သောကြောင့် ၎င်း၏ အာဏာရပါတီမှာ အဆင့် ၇ သို့ ရောက်ရှိသွားခဲ့သည်ဟု သိရှိရသည်။

စပိန်နိုင်ငံ၏ အချို့ဒေသများတွင်လည်း ဤပုံစံအတိုင်း အာဏာရပါတီ ရှုံးနိမ့်မှု ဖြစ်နိုင်ခြေရှိသည်ဟု အချို့က မှတ်ချက်ပေးသည်။

မက်ဒရစ်ကားလို့စ်တက္ကသိုလ်မှ နိုင်ငံရေးသိပ္ပံပါမောက္ခ ပါဘလိုဆိုင်မွန်ကမူ “ပေါ်ပြူလာပါတီ ရှုံးနိမ့်မှုဟာ ကတ်တလန်ဒေသအပေါ် အလျှော့ပေးတဲ့ သဘောထားမျိုး ထွက်ပေါ်လာစေဖို့ အကြောင်းမရှိပါဘူး” ဟု မှတ်ချက်ပေးသည်။

F-04



FOLLOW US