News

POST TAGGED AS

စစ်ကိုင်း

ဝက်သားဖြင့်တင်သည့် ဘိုးဘိုးကြီးနတ်ပွဲ


မန္တလေး၊ ဇွန် ၃

စစ်ကိုင်းမြို့နယ် သာဒွန်းကျေးရွာတွင် ဝက်သားဖြင့်နတ်တင်သည့် ဘိုးဘိုးကြီးနတ်ပွဲကို ဇွန်လ ၃ ရက်နေ့တွင် ကျင်းပခဲ့သည်။

ဝက်သားဖြင့်တင်သည့်နတ်ပွဲကို ရှေးဘိုးဘွားများ လက်ထက်ကတည်းက နှစ်စဉ်ကျင်းပခဲ့ခြင်းဖြစ်ကြောင်း သာဒွန်းကျေးရွာ ဆင်ဖြူရှင်ဘိုးဘိုးကြီးနတ်ပွဲ ကျင်းပရေးအဖွဲ့နာယက ဦးအောင်ခင်က ပြောကြားသည်။

“ရှေးကတည်းက ဘကြီးဘထွေး များလက်ထက်ကတည်းက တင်လာတာဖြစ်ပါတယ်။ အဘဦးဆောင်တာအနှစ် ၅၀ ကျော်ရှိပါပြီ။ တစ်ရွာလုံးကို ကောင်းကျိုးပြုနေတယ်ဆိုပြီးတော့ ယုံယုံကြည်ကြည်နဲ့တင်ကြတာ။ ဒီရွာကနေ ပေါက်ဖွားခဲ့ကြတဲ့သူတွေကလည်း ယုံယုံကြည်ကြည်နဲ့ လာပြီးတော့တင်ကြတယ်။ ယုံကြည်စွာနဲ့လုပ်တဲ့အတွက် ကောင်းကျိုးလည်းပေးသလို ဆိုးကျိုးလည်းပေးတတ်တယ်”ဟု ၎င်းက ရှင်းပြသည်။

အဆိုပါနတ်ပွဲတွင် ဝက်သားကို ရွှေဖရုံသီးနှင့် ဆန်ရောနှောကျိုချက်ထားသည့် ဗြုန်စပ်ဟင်းနှင့် ငှက်ပျောသီး၊ ငရုတ်သီး၊ ရွှေဖရုံသီး၊ အုန်းပွဲ၊ ငှက်ပျောပွဲများဖြင့် ကပ်လှူဆုတောင်းခြင်းများပြု လုပ်ခဲ့ကြသည်။

အဆိုပါ ဆင်ဖြူရှင်ဘိုးဘိုးကြီးနတ်ပွဲတွင် ဝက်သားအချိန် ၄၀ ခန့်နှင့်ဆန်သုံးတင်းကုန်ကျခဲ့ကြောင်း နတ်ပွဲကျင်းပရေးအဖွဲ့ထံမှ သိရသည်။

“ကျန်းမာအောင် ချမ်းသာအောင် ဆုတောင်းရတယ်။ စိုက်ရေးပျိုးရေး အဆင်ပြေအောင် ယုံယုံကြည်ကြည်နဲ့ ဆုတောင်းတဲ့နတ်ပွဲ”ဟု သာဒွန်းကျေးရွာ ဒေသခံဒေါ်တင်နုက ပြောကြားသည်။

ယင်းဆင်ဖြူရှင်ဘိုးဘိုးကြီးနတ်ပွဲကို အနီးအနားရှိဒေသခံများသာမက မန္တလေးမြို့ရှိ အောင်ပင်လယ်၊ ထွန်တုန်း၊ ကန်ကောက်၊ တောင်မြို့၊ တမ္ပဝတီရပ်ကွက်တို့မှ ဒေသခံများအပြင် စစ်ကိုင်းမြို့ရှိ ဒေါင်းမ၊ ကြွက်လူရပ်ကွက်တို့မှဒေသခံ စုစုပေါင်း လူ ၂၀၀ ခန့် ပါဝင်ခဲ့ကြောင်း နတ်ပွဲကျင်းပရေအဖွဲ့ထံမှ ထပ်မံသိရသည်။  

M-05



FOLLOW US