News

POST TAGGED AS

စက်သုံးဆီ

စက်သုံးဆီဈေးထပ်တက်


ရန်ကုန်၊ ဇန်နဝါရီ ၂

ဆက်တိုက်မြင့်တက်နေသော စက်သုံးဆီ လက်လီ၊ လက်ကားဈေးနှုန်းများသည် ယခုအခါ ထပ်မံမြင့်တက်ကြောင်း အဆိုပါဈေးကွက်အတွင်းမှ သိရသည်။

အဆိုပါ စက်သုံးဆီဈေးသည် ပြည်ပဈေးမြင့်၍ မြင့်တက်ပြီး ပြည်ပဈေးသည် တစ်စည်လျှင် အမေရိကန်ဒေါ်လာ ၂ မှ ၄ ဒေါ်လာခန့်အထိ မြင့်တက်ကာ ပြည်တွင်းလက်လီဈေးမှာ တစ်လီတာလျှင် ၁၀ မှ ၁၅ ကျပ်အထိနှင့် လက်ကားဈေးမှာ တစ်လီတာလျှင် ၁၀ မှ ၃၀ ကျပ်အထိ မြင့်တက်ကြောင်း ယင်းဈေးကွက်အတွင်းမှ သိရသည်။

ပြည်ပစက်သုံးဆီဈေးနှုန်းသည် ကမ္ဘာ့ရေနံဈေးနှုန်း မြင့်တက်ခြင်းကြောင့် လိုက်ပါမြင့်တက်ခြင်းဖြစ်ပြီး လက်ရှိ ကမ္ဘာ့ရေနံဈေးနှုန်းသည် တစ်စည်လျှင် အမေရိကန်ဒေါ်လာ ၆၀ ကျော်သို့ မြင့်တက်ကြောင်း ယင်းဈေးကွက်အတွင်းမှ သိရသည်။

စက်သုံးဆီလက်လီဈေးသည် ယခင်လအတွင်းက ဒီဇယ်တစ်လီတာလျှင် ၇၈၅ ကျပ်မှ ယခုအခါ ၈၀၀ ကျပ်သို့လည်းကောင်း၊ အဆင့်မြင့် ဒီဇယ်တစ်လီတာလျှင် ယခင်က ၈၀၅ ကျပ်မှ ယခုအခါ ၈၂၀ ကျပ်သို့လည်းကောင်း၊ အောက်တိန်း ၉၂ တစ်လီတာလျှင် ကျပ် ၇၉၀ မှ ယခုအခါ ၈၀၀ ကျပ်သို့လည်းကောင်း၊ အောက်တိန်း ၉၅ တစ်လီတာလျှင် ယခင်က ၈၃၀ ကျပ်မှ ယခုအခါ ၈၄၅ ကျပ်သို့လည်းကောင်း၊ လက်ကားဈေးတွင် ဒီဇယ်တစ်လီတာလျှင် ၇၅၀ ကျပ်မှ ယခုအခါ ၇၈၀ ကျပ်သို့လည်းကောင်း၊ အဆင့်မြင့် ဒီဇယ်တစ်လီတာလျှင် ၇၇၅ ကျပ်မှ ယခုအခါ ၇၉၀ ကျပ်သို့လည်းကောင်း၊ အောက်တိန်း ၉၂ တစ်လီတာလျှင် ၇၄၀ ကျပ် မှ ၇၅၅ ကျပ်သို့လည်းကောင်း၊ အောက်တိန်း ၉၅ တစ်လီတာလျှင် ၇၇၅ ကျပ်မှ ၇၈၅ ကျပ်ဈေးသို့လည်းကောင်း မြင့်တက်ကြောင်း ယင်းဈေးကွက်အတွင်းမှ သိရသည်။

ပြည်ပဈေးသည် ယခင်လကထက် အောက်တိန်း ၉၂ တစ်စည်လျှင် အမေရိကန်ဒေါ်လာ ၇၂ ကျော်မှ ယခုအခါ ၇၄ ဒေါ်လာကျော်သို့လည်းကောင်း၊ အောက်တိန်း ၉၅ တစ်စည်လျှင် ယခင်က ၇၄ ဒေါ်လာကျော်မှ ယခုအခါ ၇၆ ဒေါ်လာကျော်သို့ လည်းကောင်း၊ ဒီဇယ်တစ်စည်လျှင် ယခင်က ၇၄ ဒေါ်လာကျော်မှ ယခုအခါ ၇၈ ဒေါ်လာကျော်သို့ လည်းကောင်း၊ အဆင့်မြင့် ဒီဇယ်တစ်စည်လျှင် ယခင်က ၇၄ ဒေါ်လာကျော်မှ ယခုအခါ ၇၈ ဒေါ်လာကျော်ဈေးသို့လည်းကောင်း မြင့်တက်ကြောင်း ယင်းဈေးကွက်အတွင်းမှ သိရသည်။

S-04



FOLLOW US