News

POST TYPE

SPORTS

အိုဆာဆူနာနှင့် လာလီဂါပွဲစဉ်ကို ဘာစီလိုနာတိုက်စစ်မှူးမက်ဆီ ထပ်မံလွဲချော်ဖွယ်ရှိ
29-Aug-2019


ဘာစီလိုနာ၊ သြဂုတ် ၂၉

အာဂျင်တီးနားနှင့်အတူ ကိုပါအမေရိကပြိုင်ပွဲသွားရောက်ကစားခဲ့ပြီးနောက် ခြေသလုံးဒဏ်ရာရရှိခဲ့သည့် မက်ဆီမှာ ယခုတစ်ပတ်ကစားမည့်အိုဆာဆူနာနှင့် လာလီဂါပွဲစဉ်-၃ ကိုပါထပ်မံလွဲချော်ဖွယ်ရှိနေဟု Daily mail က ဖော်ပြခဲ့သည်။ 

အသက် ၃၂ နှစ် အရွယ်မက်ဆီသည် ဘက်တစ်နှင့်ပွဲစဉ်မတိုင်မီတွင် တစ်ဦးတည်းလေ့ကျင်းခန်းများ ပြန်လည်ပြုလုပ်နေခဲ့သော်လည်း အဆိုပါပွဲစဉ်ကို ပါဝင်ကစားနိုင်ခဲ့ခြင်းမရှိပေ။ ဘာစီလိုနာအသင်းဆေးအဖွဲ့ဝင်များက ပွဲကစားရန်အတွက် အဆင်သင့်အနေအထားရှိနေပြီဟု အကြောင်းပြန်ထားသော်လည်း ပုံမှန်အတိုင်းကြံ့ခိုင်မှုပြန်ကောင်းရန်အတွက်ကိုမူ အချိန်အနည်းငယ်ယူရလိမ့်ဦးမည်ဟ ုသတင်းထွက်လာခြင်းဖြစ်သည်။ 

နည်းပြဗယ်လ်ဗာဒီကိုင်တိုင်က မက်ဆီအမြန်ဆုံးပြန်လာနိုင်ရန် ဆန္ဒရှိသော်လည်း အသင်းနှင့်အတူအလျင်အမြန် ပွဲထုတ်ရန် မစဉ်းစားသေးပေ။ ဗယ်လ်ဗာဒီသည် ဘက်တစ်နှင့်ပွဲစဉ်အပြီး မီဒီယာများနှင့်တွေ့ဆုံမှုတွင် မက်ဆီနှင့်ပတ်သတ်၍ အပေါင်းလက္ခဏာမဆောင်သည့်ပုံစံမျိုး ထုတ်ဖော်ပြောကြားသွားခဲ့သည်။ ဘာစီလိုနာနည်းပြ ဗယ်လ်ဗာဒီက “ကျွန်တော်တို့အမြဲတမ်းပြောလေ့ရှိပါတယ်။ ဒဏ်ရာဟောင်းအကင်းမသေချိန်မှာ ဘယ်ကစားသမားကိုမှ အတင်းအကြပ်ဖိအားပေးပွဲထုတ်မှာမဟုတ်ပါဘူး”ဟု ဆိုခဲ့ခြင်းကြောင့် မက်ဆီကို အိုဆာဆူနာနှင့်ပွဲစဉ်တွင် မြင်တွေ့ရရန်အခြေအနေနည်းပါးနေသည်။ မက်ဆီအပြင်အခြားသော တိုက်စစ်မှူးတစ်ဦးဖြစ်သည့် ဆွာရက်ဇ်မှာလည်းဒဏ်ရာကြုံနေခြင်းကြောင့် အိုဆာဆူနာနှင့်ပွဲစဉ်တွင် ဘာစီလိုနာအသင်းတိုက်စစ်ကို ဂရေ့ဇ်မန်းတစ်ဦးတည်းကသာ ဦးဆောင်ရဖွယ်ရှိနေသည်။

ငြိမ်းပြည့်



  • VIA